Skip to main content

மயானத்துக்குப் பாதை இல்லாமல் வயல்களில் உடலைச் சுமந்து செல்லும் அவலம்

Published on 08/02/2023 | Edited on 08/02/2023

 

nagapattinam thirukuvalai muthurasapuram incident

 

நாகப்பட்டினம் மாவட்டம் திருக்குவளை அடுத்துள்ள முத்தரசபுரத்தில் சுமார் 300 குடும்பங்கள் வசித்து வருகின்றனர். அந்த ஊரைச் சேர்ந்த  விஜயகுமார் என்பவர் உடல்நலக்குறைவால் உயிரிழந்தார். அவரது உடலை அடக்கம் செய்வதற்கு சாலை இல்லாமல் சுமார் 2 கிலோமீட்டர் தூரம் சேரும் சகதியுமான நெற்பயிரை நடவு செய்த வயல்களுக்கு நடுவே தூக்கி சென்றனர்.

 

அப்பகுதி மக்கள் இதுகுறித்து கூறுகையில், "பல வருடங்களாக இந்த துயரத்தை சந்தித்து வருகிறோம். எங்கள் கிராமத்தில் யாராவது உயிரிழந்தால் ஒவ்வொரு முறையும் வயலில் தூக்கிச் செல்லும் போது பாடுபட்டு வளர்த்த நெற்பயிர்கள் நாசமாகிறது. மழை காலங்களில் இடுப்பளவு தண்ணீரில் தான் சடலத்தை தூக்கிச் செல்லும் நிலை ஏற்படும். சுடுகாட்டில் நிரந்தர எரியூட்டும் கட்டிடம் கூட இல்லாமலும் கீற்று கொட்டகைகள் அவ்வப்போது அமைத்தும் சடலங்களை எரி ஊட்டுகிறோம். பல நேரங்களில் மழையினால் நனைந்து சடலங்கள் பாதியிலேயே எரிந்து நின்று விடும், அதை நாய்,நரிகள் இழுத்துச் சென்றுவிடும், அதை கண்டுபிடித்து மறு சடங்குகள் செய்யும் துர்பாக்கிய நிலை பலநேரம் நடந்துள்ளது.

 

பல ஆண்டுகளாக புகார் கொடுத்தும் நாகை மாவட்ட நிர்வாகம் இதுவரை எந்த நடவடிக்கையும் எடுக்கவில்லை. எங்களின் நிலை அறிந்து சுடுகாட்டிற்கு சாலை அமைத்து தர வேண்டும்" என வேதனையுடன் கூறுகிறார்கள். 

 

 

சார்ந்த செய்திகள்

 

Next Story

'மக்களை பட்டினிப் போட்டு கொல்கிறீர்களா?'-கிராம சபை கூட்டத்தில் கடும் வாக்குவாதம்

Published on 03/07/2024 | Edited on 03/07/2024
'Are you starving the people?'- a heated argument in the village council meeting

திருப்பத்தூர் மாவட்டம் ஆலங்காயம் ஒன்றியத்துக்குட்பட்ட வெள்ளகுட்டை, நிம்மியம்பட்டு, ஜாப்ராபாத் உள்ளிட்ட அனைத்து ஊராட்சி மன்ற அலுவலகங்களில் இன்று கலைஞர் கனவு இல்லத்தின் திட்டம் குறித்து சிறப்பு கிராம சபை கூட்டங்கள் நடைபெற்றது. வெள்ளகுட்டை கிராமத்தில் ஊராட்சி மன்ற தலைவர் கவிதா தலைமையில் நடைபெற்றது.இதில் மண்டல துணை   வட்டார வளர்ச்சி அலுவலர் பிரேம்குமார் கலந்து கொண்டு கலைஞர் கனவு இல்லத்தின்  திட்டங்கள்  குறித்து கிராம மக்கள் மத்தியில் விளக்கமளித்தனர்.

பின்னர் அங்கு கூட்டத்திற்கு வந்திருந்த அதே கிராமத்தைச் சேர்ந்த சசிகுமார் என்பவர் பேசிய போது, இந்த கிராமத்தில் தலைவர் வார்டு உறுப்பினர் என அனைவரும் இருந்தும் இந்த கிராமத்தில் வளர்ச்சி இல்லை, கிராம சபா கூட்டத்திற்கு  கிராம மக்களுக்கு அழைப்பு விடுக்கும் துண்டு பிரசுரங்கள் கொடுப்பதில்லை , பெயரளவுக்கு 4 துண்டு பிரசுரங்கள் மட்டும்  அச்சடிக்கப்பட்டு வருகிறது என்று கேள்வி எழுப்பி வாக்குவாதத்தில்  ஈடுபட்டார். மேலும்  சாராயம் குடித்து இறந்தவர்களுக்கு ரூ 10 லட்சம் கொடுக்கிறீர்கள் அவர்கள் குடும்ப நலனை மட்டும் பார்க்கும் நீங்கள் வசதி இல்லாத ஏழை எளிய மக்களுக்கும்  கிராம மக்களுக்கு நியாய விலைக் கடைகளில் பருப்பு பாமாயில் ஆகியவை சரியாக வழங்கப்படுவதில்லை. கிராம மக்களுக்கு எந்த  உதவிகள் செய்யாமல் கலைஞர் நூற்றாண்டு விழா மற்றும் விடியல் ஆட்சி என்று கூறி மக்களை பட்டினி போட்டு சாவடிக்கிறீர்களா? என்று பல்வேறு கேள்விகளை முன் வைத்து ஊராட்சி நிர்வாகத்திடம் கடுமையாக வாக்குவாதத்தில் ஈடுபட்டார்.

அதற்கு அதற்குப் பதிலளித்த ஊராட்சி நிர்வாகத்தினர் அடுத்த முறை அதிகமாக துண்டு பிரசுரங்கள் அச்சடித்து வழங்குகிறோம் என்று கூறினார். அதற்கு அவர் உங்கள் ஆட்சியே முடியும் என்று நக்கலாக பதில் அளித்தார். பின்னர் அவசர அவசரமாக கிராம மக்களிடம் கோரிக்கை மனுக்களைப் பெற்றுக்கொண்டு கிராம சபை கூட்டம் முடிக்கப்பட்டது. நான் கேட்ட கேள்விக்கு எந்த பதிலும் வழங்காமல் ஏன் அவசர அவசரமாக கூட்டத்தை முடிக்கிறீர்களா என்று கூறி மேலும் வாக்குவாதத்தில் ஈடுபட்டதால் அங்கு சிறிது நேரம் பரபரப்பான சூழல் ஏற்பட்டது.

Next Story

தமிழக மீனவர்கள் 10 பேர் கைது!

Published on 25/06/2024 | Edited on 25/06/2024
10 Tamil Nadu fishermen arrested

தமிழகம் மற்றும் புதுவைச் சேர்ந்த மீனவர்கள் எல்லை தாண்டி மீன் பிடித்ததாகக் கூறி இலங்கை கடற்படையால் கைது செய்யப்படும் சம்பவம் தொடர்ந்து நிகழ்ந்து வருகிறது. அதோடு மீனவர்களின் படகுகளைப் பறிமுதல் செய்து அரசுடைமையாக்குவது போன்ற நடவடிக்கைகளையும் இலங்கை அரசு மேற்கொண்டு வருகிறது. இதனால் மீனவர்களின் வாழ்வாதாரம் வெகுவாக பாதிக்கப்படும் சூழலும் நிலவி வருகிறது. இத்தகைய சூழலில் வழக்கம் போல் நாகப்பட்டினத்தைச் சேர்ந்த மீனவர்கள் மீன்பிடிக்கக் கடலுக்குச் சென்றனர். அதன்படி நெடுந்தீவு அருகே மீனவர்கள் மீன்பிடித்துக் கொண்டிருந்தனர்.

அப்போது அங்கு ரோந்து வந்த இலங்கை கடற்படையினர் நாகப்பட்டினத்தைச் சேர்ந்த மீனவர்கள் 10 பேரைக் கைது செய்தனர். நெடுந்தீவு அருகே மீன்பிடித்துக் கொண்டிருந்த போது எல்லை தாண்டி மீன் பிடித்ததாகக் கூறி மீனவர்கள் கைது செய்யப்பட்டனர். அதனைத் தொடர்ந்து கைதான 10 மீனவர்களையும் காங்கேசன் துறைமுகத்திற்கு அழைத்துச் செல்லப்பட்டதாகத் தகவல் வெளியாகியுள்ளது. மீனவர்களின் விசைப்படகுகளையும் இலங்கைக் கடற்படையினர் சிறை பிடித்து பறிமுதல் செய்துள்ளனர். எல்லை தாண்டி மீன் பிடித்ததாகக் கூறி தமிழக மீனவர்கள் 10 பேர் கைது செய்யப்பட்ட சம்பவம் மீனவர்கள் மத்தியில் பெரும் அதிர்ச்சியை ஏற்படுத்தியுள்ளது.

முன்னதாக எல்லை தாண்டி மீன் பிடித்ததாகக் கூறி இலங்கை கடற்படையால் ராமேஸ்வரம் மீனவர்கள் 22 பேரைக் கைது செய்யப்பட்டனர். இதனையொட்டி கைது செய்யப்பட்ட 22 மீனவர்களையும், 3 விசைப்படகுகளையும் விடுவிக்க கோரி ராமேஸ்வரம் மீனவர்கள் நேற்று (24.06.2024) ஒரு நாள அடையாள வேலைநிறுத்த போராட்டத்தில் ஈடுபட்டனர். அதே சமயம் இலங்கை கடற்படையினரால் கைது செய்யப்பட்டுள்ள அனைத்து மீனவர்களையும், அவர்களது மீன்பிடிப் படகுகளையும் விடுவிக்க இலங்கை அரசை வலியுறுத்திடக் கோரி மத்திய வெளியுறவுத்துறை அமைச்சர் ஜெய்சங்கருக்கு தமிழக முதலமைச்சர் மு.க. ஸ்டாலின் நேற்று கடிதம் எழுதி இருந்தது குறிப்பிடத்தக்கது.