Skip to main content

தந்தையை கொன்ற மகன்; சடலத்தை எரிக்க உதவிய தாய்...

Published on 14/06/2020 | Edited on 14/06/2020
tree




நாகை மாவட்டம் திருமருகல் அடுத்துள்ள காட்டுமூலை கிராமத்தில் காட்டாமணி மண்டிய குட்டகன்னி குளத்தில், பாதி எரிந்த நிலையில் ஒரு ஆண் சடலம் கிடந்தது. அந்த சடலத்தை அந்தப் பகுதியில் வேலை செய்தவர்கள் பார்த்ததையடுத்து திட்டச்சேரி காவல் நிலையத்திற்கு தகவல் கொடுத்தனர்.
 

தகவலை கேட்ட நாகப்பட்டிணம் துணை கண்காணிபாளர் முருகவேல் தலைமையிலான போலிஸார் சம்பவ இடத்திற்கு சென்று ஆய்வு மேற்கொண்டனர். விசாரணையில் எரிந்து கிடந்த சடலம் திருப்புகலூர் மேல்பகுதி கிராமத்தைச் சேர்ந்த தமிழ்வாணன் என்பது தெரியவந்தது. 
 

அதன்பிறகு விசாரணையை குடும்பத்தினரிடம் இருந்து துவங்கிய போலிஸாருக்கு அதிர்ச்சியான தகவலே கிடைத்தது. தமிழ்வாணனை மகனே வெட்டி கொலை செய்ததும், கொலைக்கான தடையங்களை மறைக்க காட்டில் வைத்து எரித்ததும் விசாரணையில் தெரியவந்துள்ளது. உயிரிழந்த தமிழ்வாணனுக்கு 48 வயதான ஜெயசுதா என்கிற மனைவியும், தமிழ்ச்செல்வன், சந்தியா, தவசீலன், தனுஷ் ஆகிய நான்கு பிள்ளைகளும் உள்ளனர்.
 

இது குறித்து காவல்துறையினரிடம் விசாரித்தோம். "தமிழ்வாணன் தினமும் காலையும் இரவு குடித்துவிட்டு மனைவி ஜெயசுதாவிடம் தகராறு செய்வதை வழக்கமாக கொண்டிருக்கிறார். பல ஆண்டுகளாக வெளியூரில் வேலை பார்த்து வந்த மூத்த மகன் தமிழ்ச்செல்வன், கரோனா காரணமாக கடந்த சில மாதங்களாக வீட்டில் தங்கி இருக்க தந்தை தினமும் குடித்து விட்டு அம்மா ஜெயசுதாவிடம் தகராறு செய்துவந்ததை தமிழ்ச்செல்வன் இரண்டு மூன்று முறை கண்டித்துள்ளார். ஆனால் அதனை பொருட்படுத்தாமல் தமிழ்வாணன் தினமும் குடித்துவிட்டு வீட்டில் ரகளை செய்வதை நிறுத்தவில்லை.
 

இந்நிலையில் கடந்த 8ம் தேதி இரவு தமிழ்வாணன் வழக்கம்போல குடித்துவிட்டு அரிவாளை எடுத்து மனைவி ஜெயசுதாவை வெட்ட முற்பட்டபோது, தமிழ்செல்வன் அரிவாளை, தமிழ்வாணனிடமிருந்து பிடுங்கி தந்தை தமிழ்வாணனை ஆத்திரத்தில் வெட்டியுள்ளார். இரத்த வெள்ளத்தில் சரிந்து விழுந்த தமிழ்வாணன் அந்த இடத்திலேயே உயிரிழந்தார். அதிர்ச்சி அடைந்த தமிழ்செல்வனும் அவரது தாய் ஜெயசுதாவும் தமிழ்வாணனின் உடலை ஒரு பாயில் சுருட்டி அரசூர் ரோட்டில் உள்ள தண்ணீர் இல்லாத குட்டகன்னி குளத்தில் வைத்து பெட்ரோல் ஊற்றி எரித்துவிட்டு, பாதி எரியாத நிலையில் உள்ள தமிழ்வாணனின் உடலை காட்டாமணக்கு காட்டில் மறைத்து வைத்து போட்டுவிட்டு எதுவும் நடக்காததுபோல சகஜமாக இருந்துள்ளனர். அந்த பகுதியில் வேலை பார்த்தவர்களுக்கு துர்நாற்றம் வீசவே போலீசாருக்கு தகவல் கொடுத்துள்ளனர். இதையடுத்துதான் போலீசார் விசாரணை மேற்கொண்டனர். தொடர்ந்து ஜெயசுதா, தமிழ்செல்வன், தவசீலன் ஆகிய 3 மூவரையும் திட்டச்சேரி காவல் நிலைய போலீசார் விசாரணை நடத்தி வருகின்றனர்.

 

 


 

சார்ந்த செய்திகள்

 

Next Story

இரக்கமின்றி பெண்ணை தடியால் அடித்த கும்பல்; வைரல் வீடியோவால் பரபரப்பு!

Published on 22/06/2024 | Edited on 22/06/2024
The gang beat the woman mercilessly in madhya pradesh

பொதுவெளியில் பெண் ஒருவரை, அடையாளம் தெரியாத நபர் தடியால் கடுமையாக தாக்கும் வீடியோ சமூக வலைத்தளங்களில் வெளியாகி பெரும் பரபரப்பை ஏற்படுத்தியுள்ளது.

மத்தியப் பிரதேச மாநிலம், தார் மாவட்டத்தில், இந்தக் கொடூரச் சம்பவம் நடந்துள்ளது. இது தொடர்பான வீடியோவில், நான்கு பேர் கொண்ட கும்பல், ஒரு பெண்ணை வலுக்கட்டாயமாகப் பிடித்துக் கொண்டிருக்கின்றனர். மற்றொரு ஆண், ஒரு தடியால் தொடர்ந்து அந்தப் பெண்ணை கடுமையாகத் தாக்குகிறார். இந்தச் சம்பவத்தை அங்குள்ள மற்ற சிலர் தங்கள் செல்போனில் வீடியோவாக எடுக்கின்றனர். இந்த வீடியோ மாநிலம் முழுவதும் பெரும் அதிர்வலையை ஏற்படுத்தியுள்ளது. 

வீடியோ வைரலானதைத் தொடர்ந்து, இந்தச் சம்பவம் குறித்து வழக்குப்பதிவு செய்து போலீசார் விசாரணை நடத்தி வருகின்றனர். இது தொடர்பாக போலீசார் தெரிவிக்கையில், ‘தெரியாத ஆண் ஒரு பெண்ணை அடிப்பதைக் காட்டும் வீடியோ சமூக ஊடகங்களில் பரவி வருகிறது. வீடியோ வைரலானவுடன், எனது குழுவினர் இந்த விஷயத்தை அறிந்து விசாரணை நடத்தினர். சம்பவம் நடந்த பகுதியை நாங்கள் கண்டுபிடித்தோம். முக்கிய குற்றவாளி கோக்ரி நிர்சிங் கைது செய்யப்பட்டுள்ளார். மேலும், வீடியோவில் காணப்படும் மற்ற நபர்களைக் கண்டுபிடித்து கைது செய்வதற்கான முயற்சிகள் நடந்து வருகின்றன. 

Next Story

நிர்வாணமாக இளம்பெண்ணின் சடலம்; அதிர்ச்சி சம்பவத்தால் பரபரப்பு!

Published on 22/06/2024 | Edited on 22/06/2024
the shocking incident on corpse of a young woman in andhra pradesh

ஆந்திரப் பிரதேச மாநிலம், பாபட்லா மாவட்டத்தைச் சேர்ந்தவர் 21 வயது இளம்பெண். இவர் இன்று அதிகாலை வீட்டை விட்டு வெளியே சென்று வெகு நேரமாகியும் வீடு திரும்பவில்லை. இதனால், அவரது குடும்பத்தினர் அவரை பல்வேறு இடங்களில் தேடி வந்தனர். அப்போது, அப்பகுதியில் உள்ள பள்ளி அருகே முட்புதரில் நிர்வாண நிலையில் அப்பெண்ணின் உடல் இருப்பதைக் கண்டு அதிர்ச்சியடைந்தனர். 

இதனையடுத்து, இந்தச் சம்பவம் குறித்து போலீசாருக்கு தகவல் கொடுக்கப்பட்டது. தகவல் அறிந்து சம்பவ இடத்திற்கு விரைந்து வந்த போலீசார், உயிரிழந்த அப்பெண்ணின் சடலத்தை மீட்டு பிரேதப் பரிசோதனைக்காக மருத்துவமனைக்கு அனுப்பி வைத்தனர். மேலும், இந்தச் சம்பவம் தொடர்பாக போலீசார் வழக்குப்பதிவு செய்து விசாரணை நடத்தி வருகின்றனர். 

அந்தப் பெண் பாலியல் வன்கொடுமைக்கு ஆளாக்கப்பட்டு கொலை செய்யப்பட்டிருக்கலாம் என்று சந்தேகத்தின் பேரில் போலீசார் தொடர்ந்து விசாரணை மேற்கொண்டு வருகின்றனர். வீட்டை விட்டு வெளியே சென்ற இளம்பெண் உயிரிழந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.