Skip to main content

பன்னிரெண்டு மணி நேரத்தில் அம்பேத்கரின் புதிய சிலை!

Published on 26/08/2019 | Edited on 26/08/2019

வேதாரண்யத்தில் இரு தரப்பு பிரிவினரிடையே ஏற்பட்ட மோதலில் உடைக்கப்பட்ட சட்ட மேதை அம்பேத்கரின் சிலை இருந்த இடத்தில் 12 மணி நேரத்திற்குள் புதிய சிலை அமைக்கப்பட்டிருப்பது சமூக ஆர்வலர்கள், பொதுமக்கள் மத்தியில் வரவேற்பை பெற்றிருக்கிறது.
 

நாகை மாவட்டம் வேதாரண்யம் அருகே உள்ள ராஜகாளி காட்டை சேர்ந்தவர் பாண்டியன். முக்குலத்து புலிகள் அமைப்பை சேர்ந்தவரான இவருக்கும், ராமகிருஷ்ணா புரத்தைச் சேர்ந்த தேவேந்திர குல சமூகத்தை சேர்ந்த சிலருக்கும் கடந்த சில மாதங்களாகவே மோதல் நீடித்து வந்தது. அதன் வெளிப்பாடாக நேற்று 25 ம் தேதி பாண்டியன் தனது பொலிரோ காரில் வேதாரண்யம் பகுதியில் சென்று கொண்டிருந்தார். அப்போது எதிரே வந்த தேவேந்திர குல சமூகத்தைச் சேர்ந்த ராமச்சந்திரன் மீது கார் மோதியது. காயமடைந்த ராமச்சந்திரனை மீட்டு அவரது உறவினர்கள் மருத்துவமனையில் அனுமதித்தனர். 

 

 nagai vedharanyam New statue of Ambedkar in twelve hours


இந்த தகவலை அறிந்த அவரது உறவினர்களும், சமூகத்தினரும் திரண்டு வந்து காவல் நிலையத்தின் முன்பு நிறுத்தப்பட்டிருந்த பாண்டியனின் காரை அடித்து நொறுக்கி தீ வைத்து கொளுத்தினர். இதனைக் கண்டு ஆத்திரமடைந்த முக்குலத்து புலிகள் அமைப்பினர் பலரும் ஒன்று திரண்டு பேருந்து நிலையத்தின் வாசலில் இருந்த அம்பேத்கர் சிலையை பட்டப்பகலில் அடித்து உடைத்தனர். இந்த கொடுமையான சம்பவத்தை கண்ட பலரும் கோபம் அடைந்தனர். இந்த சம்பவம் தமிழகத்தில் பெரும் பரபரப்பை ஏற்படுத்தியது.
 

இந்த நிலையில் வேதாரண்யம் தொகுதி எம்எல்ஏவும் அமைச்சருமான ஓ எஸ் மணியன் பிரச்சினையை கட்டுக்குள் கொண்டு வர அனைத்து தரப்பு தலைவர்களையும் அழைத்து கேட்டுக்கொண்டார். பிறகு காவல்துறையினரிடம் பிரச்சினையை கட்டுக்குள் கொண்டு வருவதற்கான வழிகளை கேட்டறிந்த அமைச்சர், இது குறித்து முதல்வர் பழனிச்சாமிக்கு நிலைமையை எடுத்துச்சொன்னார். அதோடு அங்கிருந்து சென்னைக்கு புறப்பட்டு சென்றார்.

 

 nagai vedharanyam New statue of Ambedkar in twelve hours



 

பிரச்சனையின் வீரியத்தை உணர்ந்த தமிழக முதலமைச்சர் பழனிசாமி உடனடியாக சேலம் மாவட்டம் ஆத்தூரிலிருந்து ஆறடி உயரம் கொண்ட அம்பேத்கர் சிலையை வேதாரண்யத்திற்கு அனுப்பி வைக்க உத்தரவிட்டார். இந்த சிலையை அம்பேத்கர் சிலை இருந்த அதே இடத்திலேயே கிரேன் மூலம் பதித்து பிரச்சினையை கட்டுக்குள் கொண்டு வந்திருக்கின்றன.
 

சிலை உடைக்கப்பட்ட 12 மணி நேரத்தில் புதிய சிலை அமைக்க நடவடிக்கை எடுத்த தமிழக அரசுக்கு சமூக ஆர்வலர்கள், பொதுமக்கள் என அனைவரும் பாராட்டுக்களை தெரிவித்து வருகின்றனர்.



 

சார்ந்த செய்திகள்

Next Story

பிரான்ஸ் வீரர்களுக்கு தற்காப்புக்கலைகளை கற்றுக்கொடுக்கும் தமிழக வீரர்கள்

Published on 23/04/2024 | Edited on 23/04/2024
Tamil Nadu players teaching martial arts to French players

மாமல்லபுரத்தை தலைமையிடமாகக் கொண்டு இயங்கும் சர்வதேச மஞ்சூரியா குங்ஃபூ தற்காப்புக் கலையின் சார்பில் இந்தோ பிரான்ஸ் தற்காப்புக் கலை சிறப்பு பயிற்சி முகாம் பிரான்ஸில் நடைபெற்று வருகிறது.

பிரான்ஸ் நாட்டின் ஃபெவ்ரி நகரில் மாஸ்டர் ஷி ஷிஃபூ மேத்யூ  தலைமையில் ஏப்ரல் 22 துவங்கி 28 வரை 7 நாட்கள் நடைபெற்று வரும் இந்தச் சிறப்பு பயிற்சி முகாமில் கல்பாக்கம் அணுபுரத்தைச் சேர்ந்த மாஸ்டர் சந்தோஷ், திண்டுக்கல் மாவட்டம் பழனி நாகூரைச் சேர்ந்த யோகா மாஸ்டர் பிரகாஷ் ஆகிய இருவரும், பிரான்ஸ் நாட்டு வீரர்களுக்கு  குங்ஃபூ தற்காப்புக் கலை, தெக்கன் களரி சிலம்பக்கலை, பதஞ்சலி ஹத யோகா, ஆகியவற்றை கற்பித்து வருகின்றார்கள். நேற்று யோகா குறித்து விளக்கம் அளித்து அதை செய்தும் காண்பித்துள்ளார்கள்.

Next Story

வாக்கு சதவீதத்தில் முரண்; அறிவிப்பை வெளியிட்ட தேர்தல் ஆணையம்

Published on 20/04/2024 | Edited on 20/04/2024
Discrepancy in vote percentage; Finally the Election Commission issued the notification

உலகின் மிகப்பெரிய ஜனநாயகத் திருவிழாவான இந்திய நாட்டின் 18-ஆவது நாடாளுமன்றத் தேர்தல் நாடு முழுவதும் களைகட்டி வருகிறது. அதன்படி முதற்கட்டமாக நேற்று (19-04-24) தொடங்கி ஜூன் 1 ஆம் தேதி வரை 7 கட்டமாக வாக்குப்பதிவு நடைபெற உள்ளது.

இந்நிலையில், தமிழகத்தில் உள்ள 39 நாடாளுமன்றத் தொகுதிகளுக்கும், புதுச்சேரியில் உள்ள ஒரு நாடாளுமன்றத் தொகுதிக்கும் நேற்று (19-04-24) ஒரே கட்டமாக வாக்குப்பதிவு நடைபெற்றது.

இதனையடுத்து, தமிழகத்தில் பதிவான வாக்கு சதவீதங்கள் குறித்த தகவல் நேற்று மாலை 7 மணிக்கு வெளியாகியிருந்த நிலையில் அதனைத் தொடர்ந்து இரவு 12 மணிக்கு வேறொரு வாக்கு சதவீத தகவல் வெளியாகி இருந்தது. தற்பொழுது வரை இறுதி வாக்குப்பதிவு சதவீதம் குறித்த தகவல் உறுதியாக தெரிவிக்கப்படவில்லை.

இது தொடர்பாக மதியம் 12 மணிக்கு தலைமை தேர்தல் அதிகாரி செய்தியாளர்களைச் சந்திப்பார் என அறிவிக்கப்பட்டது. ஆனால் திடீரென அந்தச் சந்திப்பு ரத்து செய்யப்பட்டுள்ளது. அதனைத் தொடர்ந்து மாலை 3 மணி,  5 மணி எனத் தள்ளிப் போடப்பட்ட செய்தியாளர்கள் சந்திப்பு தற்போது வரை நடக்காததால் பல்வேறு சந்தேகங்கள் எழுந்தது.

வாக்குப் பதிவுகள் முடிந்து 24 மணி நேரம் ஆன பிறகும் ஒட்டு மொத்த தேர்தல் வாக்குப்பதிவு சதவீதம் இன்னும் வெளியாகாதது சந்தேகத்தைக் கிளப்பிய நிலையில், தற்போது தமிழகத்தில் 69.46 சதவிகித வாக்குகள் பதிவாகியுள்ளதாக இந்திய தேர்தல் ஆணையம் அதிகாரபூர்வமாக வெளியிட்டுள்ளது. 

அறிவிப்பின்படி அதிகபட்சமாக தர்மபுரியில் 81.48 சதவீத வாக்குகள் பதிவாகி உள்ளது. கள்ளக்குறிச்சி 79-25 சதவிகிதம்,  நாமக்கல் 78.16 சதவீதம், சேலம்-78.13 சதவீதம், திருவள்ளூர்-68.31 சதவீதம், வடசென்னை-60.13 சதவீதம், தென் சென்னை- 54.27  சதவீதம், மத்திய சென்னை-53.91 சதவீதம், ஸ்ரீபெரும்புதூர்-60.21 சதவீதம், காஞ்சிபுரம் -71.55 சதவீதம், அரக்கோணம்-74.08 சதவீதம், வேலூர்-73.42 சதவீதம், கிருஷ்ணகிரி-71.31 சதவீதம், திருவண்ணாமலை-73.88 சதவீதம், ஆரணி-75.65 சதவீதம், விழுப்புரம்-76 47 சதவீதம், ஈரோடு-70.54 சதவீதம், திருப்பூர்-70.58 சதவீதம், நீலகிரி-70.93 சதவீதம், கோவை-64.81 சதவீதம், பொள்ளாச்சி-70.70 சதவீதம், திண்டுக்கல்-70.99 சதவீதம், கரூர்- 78.61 சதவீதம், திருச்சி-67.45 சதவீதம், பெரம்பலூர்-77.37 சதவீதம், கடலூர்-72.28 சதவீதம், சிதம்பரம்-75.32 சதவீதம், மயிலாடுதுறை-70.06 சதவீதம், நாகை-71.55 சதவீதம், தஞ்சை-68.18 சதவீதம், மதுரை-61.92 சதவீதம், சிவகங்கை-63.94 சதவீதம், தேனி-69.87 சதவீதம், விருதுநகர்-70.17 சதவீதம், ராமநாதபுரம்-68.18 சதவீதம், தூத்துக்குடி-59.96 சதவீதம், தென்காசி-67.55 சதவீதம், திருநெல்வேலி-64.10 சதவீதம், கன்னியாகுமரி-65.46 சதவீதம் வாக்குகள் பதிவாகியுள்ளது என தேர்தல் ஆணையம் தெரிவித்துள்ளது.

 

அதேபோல் எந்தத் தொகுதியிலும் மறு வாக்குப் பதிவு இல்லை எனவும், தனிப்பட்ட தரவுகள் வர இருப்பதால் இது  இறுதியானது இல்லை என்றும் தெரிவிக்கப்பட்டுள்ளது.