Skip to main content

மகனின் இறுதிச்சடங்கை நேரலையில் கண்ட தாய்; புதுக்கோட்டை துயரம்

Published on 17/01/2023 | Edited on 17/01/2023

 

Mother witnesses son's funeral live; Tragedy in Pudukottai

 

சீனாவில் இறந்த தங்களது மகனின் இறுதிச்சடங்கை பெற்றோர் நேரலையில் கண்ட துயரம் புதுக்கோட்டையில் நிகழ்ந்துள்ளது.

 

புதுக்கோட்டை மாவட்டம் போஸ் நகரை சேர்ந்த சையது அபுல்ஹசன் மகன் ஷேக் அப்துல்லா. 22 வயதான இவர் 2017 - 2018 ஆம் ஆண்டில் சீனாவின் மருத்துவம் பயிலச் சென்றார். கடந்த ஆண்டு டிசம்பர் மாதம் 11 ஆம் தேதி மருத்துவப் படிப்பு முடிந்த நிலையில், மருத்துவப் பயிற்சிக்காக சீனாவில் தங்கி இருந்தார்.

 

இந்நிலையில், அவருக்கு திடீரென உடல்நலக்குறைவு ஏற்பட்டது. மருத்துவமனையில் சிகிச்சைக்கு அனுமதிக்கப்பட்ட ஷேக் அப்துல்லாவிற்கு கல்லீரல் பாதிப்பு இருப்பது தெரியவந்தது. 10 நாட்களுக்கும் மேலாக சிகிச்சையில் இருந்த அவர் சிகிச்சை பலனின்றி உயிர் இழந்தார். அவரது சடலத்தை சொந்த ஊருக்கு கொண்டு வர மத்திய மாநில அரசுகளை உறவினர்கள் தொடர்ச்சியாக வலியுறுத்தி வந்தனர். அவ்வாறு முடியாவிட்டால் அங்கேயே இஸ்லாமிய முறைப்படி அடக்கம் செய்ய வேண்டும் என்றும் கோரிக்கை விடுத்திருந்தனர்.

 

இந்நிலையில், மாணவர் இறந்து 16 நாட்களுக்குப் பிறகு சீனாவில் மாணவர் உடலுக்கு இஸ்லாமிய முறைப்படி இறுதிச்சடங்குகள் செய்யப்பட்டு உடல் நல்லடக்கம் செய்யப்பட்டது. இதன் காட்சிகள் புதுக்கோட்டையில் இருக்கும் அவரது உறவினர்களுக்கு நேரலையில் காட்டப்பட்டது. மகனை இழந்த தாய், தந்தை மற்றும் உறவினர்கள் கண்ணீர் மல்க இறுதிச்சடங்கை பார்த்தனர்.

 

 

சார்ந்த செய்திகள்

 

Next Story

தைவான் அதிபரின் வாழ்த்துக்குப் பதிலளித்த மோடி; எதிர்க்கும் சீனா!

Published on 06/06/2024 | Edited on 06/06/2024
Opposing China for Modi responded to Taiwan President's greeting

ஏழு கட்டங்களாக நடைபெற்ற மக்களவைத் தேர்தல் முடிவுகள் கடந்த 4ஆம் தேதி வெளியானது. அதில் 543 மக்களவைத் தொகுதிகளில் தேசிய ஜனநாயகக் கூட்டணி 292 இடங்களிலும், இந்தியா கூட்டணி 234 இடங்களிலும் வென்றுள்ளது. இதில் தேசிய ஜனநாயகக் கூட்டணியில் உள்ள பா.ஜ.க தனித்து 240 தொகுதிகளை மட்டுமே கைப்பற்றியிருந்தது.

ஆட்சி அமைக்க தனிப்பெம்ருபான்மை இல்லாத பா.ஜ.கவுக்கு, தேசிய ஜனநாயகக் கூட்டணியில் உள்ள தெலுங்கு தேசம் கட்சியைச் சேர்ந்த சந்திரபாபு நாயுடுவும், ஐக்கிய ஜனதா தளம் கட்சியைச் சேர்ந்த நிதிஷ்குமாரும் ஆதரவு தருவதாக உறுதி அளித்தனர். இதனையடுத்து தேசிய ஜனநாயகக் கூட்டணி தலைமையில் பிரதமர் மோடி மூன்றாவது முறையாக ஆட்சி அமைக்கவுள்ளார். 

மூன்றாவது முறையாகப் பிரதமராக பொறுப்பேற்கும் நரேந்திர மோடிக்கு 75க்கும் மேற்பட்ட உலக தலைவர்கள் வாழ்த்து தெரிவித்துள்ளனர். அந்த வகையில், தைவான் அதிபர் லாய் சிங்-டே தனது எக்ஸ் பக்கத்தில் தெரிவித்துள்ளதாவது, ‘தேர்தல் வெற்றி பெற்ற பிரதமர் நரேந்திர மோடிக்கு எனது மனமார்ந்த வாழ்த்துக்கள். வேகமாக வளர்ந்து வரும் தைவான்- இந்தியா கூட்டாண்மையை மேம்படுத்தவும், இந்தோ-பசிபிக் பகுதியில் அமைதி மற்றும் செழிப்பு, வர்த்தகம், தொழில்நுட்பம் மற்றும் பிற துறைகளில் எங்களது ஒத்துழைப்பை விரிவுபடுத்தவும் நாங்கள் எதிர்நோக்குகிறோம்’ என்று பதிவிட்டிருந்தார். 

அதற்குப் பதிலளித்த பிரதமர் மோடி, ‘உங்கள் அன்பான வாழ்த்து செய்திக்கு நன்றி. பரஸ்பர நன்மை பயக்கும் பொருளாதார மற்றும் தொழில்நுட்பக் கூட்டாண்மையை நோக்கி நாம் பணியாற்றும்போது, நெருக்கமான உறவுகளை எதிர்பார்க்கிறேன்.’ என்று பதிவிட்டிருந்தார். இந்த நிலையில் பிரதமர் மோடியின் பதிலுக்கு சீனா எதிர்ப்பு தெரிவித்துள்ளது. இது குறித்து சீன வெளியுறவுத்துறை அமைச்சர் மாவோ நிங் செய்தியாளர்களைச் சந்தித்து பேசினார்.

அப்போது அவர், “தைவான் பிராந்திய அதிகாரிகள் மற்றும் சீனாவுடன் இராஜதந்திர உறவுகளைக் கொண்ட நாடுகளுக்கு இடையேயான தொடர்புகளை சீனா எப்போதும் உறுதியாக எதிர்க்கிறது. உலகில் ஒரே ஒரு சீனா மட்டுமே உள்ளது. ‘ஒரே சீனா கொள்கை’ தொடர்பாக, இந்தியா தீவிர அரசியல் அர்ப்பணிப்புகளை செய்துள்ளது. தைவான் அதிகாரிகளின் அரசியல் திட்டங்களுக்கு எதிராக இந்தியா விழிப்புடன் இருக்க வேண்டும். ஒரு சீனா கொள்கையை மீறும் செயல்களில் இருந்து விலகி இருக்க வேண்டும்” எனத் தெரிவித்தார். 

Next Story

இந்தியா - சீனா போர்; மீண்டும் சர்ச்சையில் சிக்கிய காங்கிரஸ் மூத்த தலைவர்!

Published on 29/05/2024 | Edited on 29/05/2024
Mani Shankar Aiyar is in controversy again for speech about china

ஒவ்வொரு கட்டங்களாக மக்களவைத் தேர்தல் நடைபெற்று வருகிறது. இதில், ஆறு கட்டத் தேர்தல் முடிந்த நிலையில், ஜூன் 1ஆம் தேதி ஏழாம் கட்டமாக தேர்தல் நடைபெறவுள்ளது. இறுதிக்கட்ட தேர்தலை எதிர்கொண்டு அரசியல் கட்சியினர் தீவிர தேர்தல் பிரச்சாரத்தில் ஈடுபட்டு வருகின்றனர். இந்த நிலையில், முன்னாள் அமைச்சரும், காங்கிரஸ் மூத்த தலைவருமான மணிசங்கர் அய்யர் சில தினங்களுக்கு முன்பு பாகிஸ்தான் குறித்து பேசிய கருத்து சர்ச்சையாகியிருந்த நிலையில், தற்போது சீனா குறித்த கருத்து மீண்டும் சர்ச்சையாகியுள்ளது. 

டெல்லியில் உள்ள வெளிநாட்டு நிருபர்கள் கிளப்பில் புத்தக வெளியீட்டு விழா நடைபெற்றது. அந்த விழாவில் மணிசங்கர் அய்யர் கலந்து கொண்டு பேசினார். அப்போது அவர், ‘1962ஆம் ஆண்டு நடந்த இந்தியா-சீனா மோதலை சீனா படையெடுப்பு’ என்று குறிப்பிட்டார். மணிசங்கர் அய்யரின் கருத்து பெரும் சர்ச்சையை ஏற்படுத்தி வருகிறது. மேலும், இந்தியாவின் வரலாற்றை மணிசங்கர் அய்யர் திரித்துக் கூறுவதாக பா.ஜ.க கடும் கண்டனம் தெரிவித்து வருகின்றனர். மேலும் மணிசங்கர் அய்யர் கருத்தில் இருந்து காங்கிரஸ் விலகிக் கொள்வதாக அக்கட்சி அறிவித்துள்ளது. 

அந்த வகையில், காங்கிரஸ் பொதுச் செயலாளர் ஜெய்ராம் ரமேஷ் தனது எக்ஸ் பக்கத்தில் கூறுகையில், “மணிசங்கர் அய்யர், ‘குற்றம் சாட்டப்பட்ட படையெடுப்பு’ என்ற சொல்லை தவறாகப் பயன்படுத்தியதற்காக நிபந்தனையின்றி மன்னிப்புக் கேட்டார். அவரது வயதுக்கு ஏற்ப சலுகைகள் வழங்கப்பட வேண்டும். காங்கிரஸ், அவரின் கருத்தில் இருந்து விலகி கொள்கிறது” என்று கூறி கடந்த 2020ஆம் ஆண்டு இந்தியாவுக்குள் சீனா ஊடுருவியது தொடர்பாக பிரதமர் மோடி மீது ஜெய்ராம் ரமேஷ் விமர்சனம் செய்தார்.