Skip to main content

'மோடி கடவுளிடமே போய் செட்டில் ஆகிவிடலாம்'- ஆர்.எஸ்.பாரதி பேட்டி

Published on 23/05/2024 | Edited on 23/05/2024
'Modi can go to God and settle down' - RS Bharti interview

தேர்தலில் தோற்கப் போவதை உறுதியாக தெரிந்துகொண்டு போகும் ஒவ்வொரு ஊர்களிலும் மோடி ஒவ்வொரு பொய் சொல்கிறார் எனத் திமுகவின் அமைப்புச் செயலாளர் ஆர்.எஸ்.பாரதி தெரிவித்துள்ளார்.

சென்னையில் செய்தியாளர்களைச் சந்தித்த திமுகவின் அமைப்புச் செயலாளர் ஆர்.எஸ்.பாரதி பேசுகையில், ''மோடி இப்பொழுது ஒரு கேலிக்கூத்தான மனிதராக ஆகிவிட்டார். பயாலாஜிக்கலாக நான் பிறக்க வில்லை என்று சொல்வதே ஏமாற்றுத்தனம். சயின்டிஃபிக் வளர்ந்த காலத்தில் 22 ஆம் நூற்றாண்டில் போய் இப்படி ஒரு பதிலை ஒரு பிரதமர் சொல்கிறார் என்றால் அவரை எப்படித் தான் விமர்சிப்பது என்று தெரியவில்லை. தேர்தலில் ஜெயிக்க வேண்டும் என்பதற்காக எதையும் சொல்வது என்பது எவ்வளவு பெரிய அயோக்கியத்தனம், பித்தலாட்டம் என்பதை அரசியல் உணர்ந்தவர்கள் நன்றாக அறிந்து கொள்வார்கள்.

இந்தத் தேர்தலில் தோற்கப் போவதை உறுதியாக தெரிந்து கொண்டு அவர் போகும் ஒவ்வொரு ஊர்களிலும் ஒவ்வொரு பொய் சொல்கிறார். இந்திய ஒருமைப்பாட்டில் அக்கறை இருக்க வேண்டிய ஒரு பிரதமர் ஒடிசாவில் போய் தமிழர்களை இழிவுபடுத்தும் வகையில் பேசுகிறார். அங்கு பாண்டியன் என்ற ஒரு ஆபீசர் சிறப்பாக பணியாற்றி தமிழ்நாட்டுக்கு பெயர் தேடி கொடுத்திருக்கிறார். அவரை பார்த்து 'இங்கு ஒரு ஆம்பளை கூட இல்லையா?' என அமித்ஷா பேசுவது தமிழர்களை இழிவு படுத்துவது இல்லையா? அப்படி பார்த்தால் தமிழகத்தில் எத்தனையோ ஜீப் செகரிடீஸ் உள்ளிட்ட பல அதிகாரிகள் தமிழகத்தில் இருக்கிறார்கள்.

தமிழகத்தில் இருக்கின்ற யாராவது அப்படி பேசி இருப்போமா? நாங்கள் தான் ஒருமைப்பாட்டுக்கு வித்திட்டவர்கள். அது மட்டுமல்ல பூரி ஜெகநாத் சாமி கோவில் சாவியை கொண்டு போய் தமிழ்நாட்டுக்காரர்கள் வைத்துக் கொண்டார்கள் என்பதால் எங்களை திருடன் என்று சொல்வீர்களா? மோடிக்கு சொல்கிறேன் வெள்ளைக்காரன் நாட்டை விட்டுப் போகும் பொழுது தமிழ்நாட்டைச் சேர்ந்த ராஜாஜியிடம் தான் கஜானா சாவியை கொடுத்துவிட்டு போனார்கள். இந்தியாவிற்கு தந்திரத்தை கொடுத்துவிட்டு பின்னரும் கூட தமிழ்நாட்டுக்காரனை நம்பி தான் வெள்ளைக்காரன் இந்த நாட்டை விட்டுப் போனான். அப்படிப்பட்ட தமிழர்களை இழிவுபடுத்தும் வகையில் மோடி பேசுகிறார். கடவுளுடைய அவதாரம் நான் என்று முதலில் சொன்னார். இப்பொழுது கடவுள்  என்னை அனுப்பினார் என்று சொல்கிறார். அப்படி என்றால் கடவுள் கிட்டயே மோடி போய் செட்டில் ஆகிவிடலாம். இந்திய நாட்டு மக்கள் விடை கொடுக்கப் போகிறார்கள். கடவுளுடன் அவர் ஐக்கியமாகி கடவுள் பணியைத் தீவிரமாக அவர் செய்யட்டும்'' என்றார்.

சார்ந்த செய்திகள்

 

Next Story

ஆம்ஸ்ட்ராங் கொலை வழக்கு; பாஜக நிர்வாகி அஞ்சலை கைது

Published on 19/07/2024 | Edited on 19/07/2024
nn

தமிழக பகுஜன் சமாஜ் கட்சியின் மாநில தலைவர் ஆம்ஸ்ட்ராங் கடந்த 5 ஆம் தேதி (05.07.2024) இரவு பெரம்பூரில் உள்ள அவரது வீட்டின் அருகே 6 பேர் கொண்ட மர்ம கும்பலால் வெட்டி படுகொலை செய்யப்பட்டார். இது தொடர்பாக சரணடைந்த ஆற்காடு சுரேஷின் தம்பி பொன்னை பாலு, ராமு, திருவேங்கடம், திருமலை, செல்வராஜ், மணிவண்ணன், சந்தோஷ், அருள், கோகுல், விஜேஷ், சிவசக்தி ஆகிய 11 நபர்களும் போலீசார் கஸ்டடியில் எடுக்கப்பட்டு விசாரணை நடைபெற்றது. இத்தகைய சூழலில் இந்த வழக்கில் தொடர்புடைய முக்கிய குற்றவாளியான பிரபல ரவுடி திருவேங்கடம் 14.07.2024 அன்று அதிகாலை என்கவுன்டர் செய்யப்பட்டது பரபரப்பை ஏற்படுத்தியது.

மீதமுள்ள 10 பேர் பூவிருந்தவல்லி தனி கிளைச் சிறையில் அடைக்கப்பட்டுள்ளனர். தொடர்ச்சியாக இந்த கொலை சம்பவம் தொடர்பாக அரசியல் கட்சியில் தொடர்புடையவர்கள் கைது செய்யப்பட்டு வருகின்றனர்.  இதில் வழக்கறிஞர் ஹரிஹரன் என்பவரும், தாதாவின் மனைவி மலர்க்கொடி என்பவரும் கைது செய்யப்பட்டதாக தகவல்கள் வெளியாகி இருந்தது. இந்த கொலை தொடர்பாக பாஜகவினுடைய வட சென்னை மேற்கு மாவட்ட துணைத் தலைவர் பதவியிலிருந்த அஞ்சலை என்பவரை போலீசார் தேடிவந்தனர். 

nn

தொடர்ந்து பாஜகவின் வட சென்னை மேற்கு மாவட்ட துணைத் தலைவர் பதவியில் இருந்து அஞ்சலை நீக்கப்படுவதாக கட்சியின் மாநில துணைத் தலைவர் கரு நாகராஜன் பாரதிய ஜனதா கட்சி சார்பில் அறிக்கை ஒன்றை வெளியிட்டிருந்தார். இந்நிலையில் ஆம்ஸ்ட்ராங் வழக்கு தொடர்பாக தேடப்பட்டு வந்த முன்னாள் பாஜக நிர்வாகி அஞ்சலை கைது செய்யப்பட்டுள்ளதாக தகவல்கள் வெளியாகியுள்ளது. அதேநேரம் ஐஸ் ஹவுஸ் பகுதியைச் சேர்ந்த எல்லப்பன் என்ற ரவுடியையும் பிடித்து போலீசார் விசாரணை மேற்கொண்டு வருவதாகவும் தகவல்கள் வெளியாகி உள்ளது.

Next Story

“இஸ்லாமியர்களின் மக்கள் தொகை பெருக்கத்தை கட்டுப்படுத்த நடவடிக்கை” - அசாம் முதல்வரின் சர்ச்சை பேச்சு

Published on 19/07/2024 | Edited on 19/07/2024
Controversial speech of Assam Chief Minister about islam people

அசாம் மாநிலத்தில், முதல்வர் ஹிமந்தா பிஸ்வா சர்மா தலைமையிலான பா.ஜ.க ஆட்சி நடைபெற்று வருகிறது. இவர் அவ்வப்போது, இஸ்லாமியர்கள் அவதூறாகவும், கடுமையாக விமர்சனம் செய்து வருகிறார். இந்த நிலையில், அசாம் மாநிலத்தில் அதிக பெரும்பான்மை மக்களாக இஸ்லாமிய மக்கள் இருக்கிறார்கள் என்று கூறியது சர்ச்சையாக மாறியுள்ளது. 

இது தொடர்பாக அவர் செய்தியாளர்களைச் சந்தித்து பேசியதாவது, “2041-க்குள் அசாம், இஸ்லாமியர்கள் பெரும்பான்மையாக வாழும் மாநிலமாக மாறும். இது நிஜம், யாராலும் தடுக்க முடியாது. மாநிலத்தில் ஒவ்வொரு 10 வருடங்களுக்கும் இஸ்லாமிய மக்கள் தொகை சுமார் 30 சதவீதம் அதிகரித்து வருகிறது. புள்ளிவிவர மாதிரியின்படி அசாமின் மக்கள் தொகையில் இஸ்லாமியர்கள் இப்போது 40 சதவீதமாகிவிட்டனர். எனது அரசாங்கம் இஸ்லாமியர்கள் மத்தியில் மக்கள் தொகை பெருக்கத்தை குறைக்க நடவடிக்கை எடுத்து வருகிறது.

ஆனால், ஒவ்வொரு 10 வருடங்களுக்கும் இந்து சமூகத்தின் மக்கள்தொகை சுமார் 16 சதவீதம் அதிகரித்து வருகிறது. இஸ்லாமியர்களின் மக்கள் தொகை பெருக்கத்தைக் கட்டுப்படுத்துவதில் காங்கிரஸுக்கு மிக முக்கியப் பங்கு உண்டு. ராகுல் காந்தி மக்கள் தொகைக் கட்டுப்பாட்டின் பிராண்ட் அம்பாசிடராக மாறினால், அவர் சொல்வதை மட்டுமே கேட்கும் சமூகத்தினரை அது கட்டுப்படுத்தும். மாநிலத்தின் மக்கள்தொகையில் ஏற்பட்ட மாற்றம் ஒரு பெரிய பிரச்சினை. நாம் பல மாவட்டங்களை இழந்துள்ளோம். இது எனக்கு அரசியல் பிரச்சினை அல்ல. இது எனக்கு வாழ்வா? சாவா? பிரச்சனை” எனப் பேசினார். இஸ்லாமியர்களின் மக்கள் தொகை குறித்து பா.ஜ.க முதல்வர் பேசியிருப்பது தற்போது சர்ச்சையாக மாறியுள்ளது.