Skip to main content

ரேஷன் அரிசியைப் பாலீஷ் செய்து பணம் பார்க்கும் நவீன டெக்னிக்... தப்பிய கும்பல்... சிக்கிய 8 டன் பாலீஷ் அரிசி!

Published on 06/11/2020 | Edited on 06/11/2020

 

The modern technique of polishing ration rice and looking for money ... escaped gang .. trapped 8 tons of polished rice !!

 

அண்டை மாநிலமான ஆந்திரா, கர்நாடகா, கேரளா போன்ற மாநிலங்களுக்கு தமிழக ரேசன் அரிசி மூட்டைகள் கடத்தப்படுவது வாடிக்கையான ஒரு நிகழ்வு தான். ஆனால் அதனையே பாலீஷ் செய்து மாடர்ன் ரைஸ் என்ற கெத்தோடு அதிகாரிகளின் சோதனையிலும் தப்பிக்கிற சம்பவம் வெளிச்சத்திற்கு வந்திருக்கிறது.

தென்காசி மாவட்டத்தின் புளியங்குடிப் பகுதியில் ரேஷன் அரிசி கடத்தப்படுவதாகத் கிடைத்த தகவலால் அந்த காவல் நிலைய எஸ்.ஐ.யோபு சம்பத்ராஜன் தலைமையிலான போலீஸார் தென்பகுதி ஓரத்திலுள்ள கோவிந்தப்பேரி கண்மாயை ரவுண்டப் செய்ததில், அங்கே 50 கிலோ வீதம் சுமார் 150க்கு மேற்பட்ட சாக்குப் பைகளில் அடைக்கப்பட்ட ரேஷன் அரிசி மூட்டைகள் பதுக்கிவைத்திருந்ததைக் கைப்பற்றினர். இவர்கள் வருவதையறிந்த கடத்தல் கும்பல் தப்பியோடினர். போலீசார் விசாரணையில் அது பாலீஷ் செய்யப்பட்ட ரேஷன் அரிசி என்றும் கடத்துவதற்கு வசதியாக 50 கிலோ பையில் பேக் செய்யப்பட்டதும் தெரிய வந்திருக்கிறது.

 

The modern technique of polishing ration rice and looking for money ... escaped gang .. trapped 8 tons of polished rice !!


பொதுவாக ரேஷன் அரிசியைக் கடத்தினால் அதன் நிறமே காட்டிக் கொடுத்துவிடும். விலையும் குறைவு அதனால் எளிதில் மாட்டிக்கொள்வார்கள். ஆனால், அதனையே மார்க்கெட்டில் விற்கப்படுகிற அரிசியைப் போன்று அனுப்பினால் தப்பிவிடலாம் என்ற லாப நோக்கில் புதிய டெக்னிக்காக, ரேஷன் அரிசியை நெல் அறவைமில்களின் தனி மெஷின் மூலம் பாலீஷ் செய்வதால் அரிசியின் எடையும் குறைவதுடன் வழக்கமாகச் சந்தையில் கிடக்கும் அரிசியைப் போன்று பளீர் வெள்ளை நிறமாகவும் மாறிவிடும்.

 

cnc

 

அதே சமயம், வெளிச் சந்தைகளில் விற்கப்படுகிற அரிசியின் விலையொட்டியே கிடைப்பதால் கணிசமான லாபமும் கிடைக்கும். இந்தக் கணக்கில் சல்லீசான விலையில் வாங்கப்படுகிற ரேஷன் அரிசியைப் பாலீஷ் செய்து மார்க்கெட் ரேட்டிற்குச் சற்று குறைந்த விலையான, கிலோ 25 ரூபாய்க்கு நவீன தயாரிப்பு பைகளில் 50 கிலோ வீதம் பேக் செய்து வாடிக்கையான தனியார் கம்பெனி ரகம் என்று கேரளாவுக்குக் கடத்தி விடுவதால் கொளுத்த லாபம் கிடைப்பதோடு பிடிபடாமல் தப்பியும் விடுகின்றனர். ஆனால் கடுமையான சோதனை இதனைக் காட்டிக் கொடுத்து விடும் அந்த அளவுக்கு அதிகாரிகள் மேற்கொள்ளாதது தான் வாய்ப்பாகப் பயன்படுத்திக் கொள்கின்றனர் என்பது போலீஸ் விசாரணையில் தெரிய வந்திருக்கிறது.

இதையடுத்துப் பிடிபட்ட பாலீஷ் ரேஷன் அரிசி மூட்டைகளைக் குடிமைப் பொருள் கடத்தல் தடுப்பு எஸ்.ஐ காசிப்பாடிண்யன் மூலம் நெல்லையிலுள்ள குடோனுக்கு அனுப்பிவைக்கப்பட்டது. இது குறித்து புளியங்குடி போலீசார் வழக்குப் பதிவு செய்து தப்பியவர்களைத் தேடி வருகின்றனர்.

 

 

 

சார்ந்த செய்திகள்

Next Story

பட்டப்பகலில் பெண் படுகொலை; போலீசார் விசாரணை

Published on 28/03/2024 | Edited on 28/03/2024
nn

திருவள்ளூர் மாவட்டம் பொன்னேரியில் வீட்டில் தனியாக இருந்த பெண் ஒருவர் சரமாரியாக வெட்டிக் கொலை செய்யப்பட்ட சம்பவம் பரபரப்பை ஏற்படுத்தி இருக்கிறது.

திருவள்ளூர் மாவட்டம் பொன்னேரி பகுதியைச் சேர்ந்தவர் குமார். ஓய்வு பெற்ற மின்வாரிய ஊழியரான இவர் நேற்று வெளியே சென்றுவிட்டு வீடு திரும்பியுள்ளார். அப்போது வீட்டின் ஹாலில் அவருடைய மனைவி சரஸ்வதி வெட்டுக் காயங்களுடன் ரத்த வெள்ளத்தில் கிடந்தார். இதனைக் கண்டு அதிர்ச்சியடைந்த குமார் கூச்சலிட்டுள்ளார். அக்கம் பக்கத்தில் இருந்தவர்கள் ஓடி வந்து பார்த்து போலீசாருக்கு தகவல் கொடுத்தனர்.

தகவலறிந்து உடனடியாக சம்பவம் நடந்த இடத்திற்கு வந்த போலீசார், ரத்த வெள்ளத்தில் உயிரிழந்து கிடந்த சரஸ்வதியின் உடலைப் பிரேதப் பரிசோதனைக்காக அனுப்பி வைத்தனர். மர்ம நபர்கள் சரஸ்வதியை வெட்டிப் படுகொலை செய்துவிட்டு அவர் கழுத்தில் இருந்த தங்க நகையைப் பறித்துச் சென்றது விசாரணையில் தெரியவந்தது. இருப்பினும் இந்த கொலை, நகைக்காக நடந்ததா அல்லது வேறு ஏதேனும் முன் விரோதப் பிரச்சனை காரணமாக நிகழ்ந்ததா என்பது தொடர்பாக விசாரணை நடத்தி வருகின்றனர். பட்டப்பகலில் பெண் படுகொலை செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தியுள்ளது

Next Story

நீரோடையில் மிதந்த சடலம்; போலீசார் விசாரணையில் அதிர்ச்சி

Published on 27/03/2024 | Edited on 27/03/2024
A body lying in a stream; Police investigation shocked

தந்தையைக் கொலை செய்தவரைப் பழிக்குப் பழி கொலை செய்து நீரோடையில் வீசிய சம்பவம் நெல்லையில் பரபரப்பை ஏற்படுத்தி இருக்கிறது.

நெல்லை மாவட்டம் தெற்கு ஏறாந்தை கிராமத்தில் வசித்து வருபவர் தேவபாலன். லாரி ஓட்டி வந்த தேவபாலன் திடீரென காணாமல் போன நிலையில், உறவினர்கள் அவரைத் தேடி வந்தனர். இறுதியில் ஊருக்கு ஒதுக்குப்புறமாக உள்ள நீரோடை ஒன்றில் சடலம் ஒன்று மிதப்பதாகத் தகவல் பரவியது. இந்த தகவலையடுத்து சம்பவ இடத்திற்கு வந்த திசையன்விளை போலீசார் ஆய்வு செய்ததில், வெட்டுக் காயங்களுடன் ஒருவர் கொலை செய்யப்பட்டு நீரோடையில் வீசப்பட்டது தெரிய வந்தது.

உடலைக் கைப்பற்றி விசாரணை நடத்தியதில், அது காணாமல் போன தேவபாலன் என்பது தெரியவந்தது. இது குறித்து வழக்குப்பதிவு செய்த காவல்துறையினர் சம்பவம் தொடர்பாக விசாரணை நடத்தி வந்தனர். இந்த நிலையில், தேவபாலன் கொலை வழக்கு தொடர்பாக சாத்தூர் நீதிமன்றத்தில் உத்திரகுமார், சுரேஷ்குமார், சேர்மதுரை உள்ளிட்ட மூன்று பேர் சரணடைந்தனர். மூவரும் சகோதரர்கள். அவர்களிடம் நடத்தப்பட்ட விசாரணையில், பழிக்குப் பழியாக லாரி டிரைவரை கொலை செய்தது தெரியவந்தது.

2017 ஆம் ஆண்டு துரைபாண்டியன் என்பவர் கொலை செய்யப்பட்ட சம்பவத்தில் தேவபாலனுக்கு தொடர்பு இருந்ததாகத் தெரிகிறது. ஆனால் நீதிமன்றத்தில் குற்றம் நிரூபணம் ஆகாததால் அவர் விடுவிக்கப்பட்டிருந்தார். இந்நிலையில், துரைபாண்டியனின் மகன்களான சுரேஷ்குமார், உத்திர குமார், சேர்மதுரை ஆகிய மூன்று பேரும் பல வருடங்கள் கழித்து தேவபாலனை வெட்டிக் கொலை செய்தது விசாரணையில் தெரிய வந்தது.