Skip to main content

விஜய் சேதுபதியின் தைரியம்... மேடையில் பாராட்டிய அமைச்சர் பி.டி.ஆர். !

Published on 04/04/2022 | Edited on 04/04/2022

 

Minister PTR about Actor vijay sethupathy

 

தமிழ்நாட்டின் நிதி அமைச்சர் பழனிவேல் தியாகராஜன், சமீபத்தில் ஒரு தனியார் கல்லூரி நடத்திய கூடைப்பந்து விளையாட்டு தொடர்பான நிகழ்ச்சியில் கலந்துகொண்டார். இதில், நடிகர் விஜய் சேதுபதி உட்பட பலர் கலந்துகொண்டனர்.

 

இதில் பேசிய அமைச்சர் பழனிவேல் தியாகராஜன், “விஜய் சேதுபதியுடன் இந்த மேடையில் இருப்பது மகிழ்ச்சி அளிக்கிறது. ஒவ்வொருவருக்கும் பொழுதுபோக்கும் நேரமும், வகையும் மாறும். எனக்கு அவ்வளவு நேரமும் இல்லை. படம் அதிகம் பார்த்த அனுபவம் இல்லை. இருந்தாலும், நான் விஜய் சேதுபதியின் தீவிர ரசிகன். 

 

ஒரு பொது தொழிலில் இருந்து கொண்டு அரசாங்கம் எதுவாக இருந்தாலும் தைரியமாகவும், தெளிவாகவும் கருத்து சொல்பவர் விஜய் சேதுபதி. அரசியல் தனித்துவம் பெற்றதற்கு நான் மகிழ்ச்சி அடைகிறேன். அதேசமயம், பல கோடி மக்கள் போல், நானும் அவரின் ரசிகன் என்பதில் மகிழ்ச்சி அடைகிறேன்” என்று பேசினார்.  

 

 

சார்ந்த செய்திகள்

Next Story

‘காதலே காதலே...’ - ‘96’ பட ரசிகர்களுக்கு குட் நியூஸ்

Published on 10/02/2024 | Edited on 10/02/2024
vijay sethupathi trisha 96 movie re released

விஜய் சேதுபதி, த்ரிஷா நடிப்பில் பிரேம் குமார் இயக்கத்தில் கடந்த 2018 ஆம் ஆண்டு வெளியான படம் 96. மெட்ராஸ் எண்டர்பிரைசஸ் தயாரித்திருந்த இப்படத்திற்கு கோவிந்த் வசந்தா இசையமைத்திருந்தார். படத்தின் பாடல்கள் அனைத்தும் நல்ல வரவேற்பைப் பெற்றது. படமும் காதலர்கள் மற்றும் இளைஞர்கள் மத்தியில் பெரிதும் கொண்டாடப்பட்டது. மேலும் விமர்சன ரீதியாகவும் பாராட்டைப் பெற்றது. 

இதையடுத்து இப்படத்தின் இரண்டாம் பாகம் உருவாகவுள்ளதாகவும் ஒரு தகவல் வெளியானது. அதன் பிறகு தற்போது வரை எந்த அப்டேட்டும் வரவில்லை. இந்த நிலையில் இப்படம் தற்போது ரீ ரிலீஸாகவுள்ளது. காதலர் தினமான பிப்ரவரி 14 ஆம் தேதி தமிழக அளவில் இப்படம் ரீ ரிலீஸாகவுள்ளதாக படக்குழு தெரிவித்துள்ளது. இதனால் இப்பட ரசிகர்கள் மகிழ்ச்சியில் உள்ளனர்.  

Next Story

“மொழி உணர்வில் தமிழ்நாடு சிறந்து விளங்குகிறது” - அமைச்சர் பழனிவேல் தியாகராஜன்

Published on 08/02/2024 | Edited on 08/02/2024
Minister Palanivel Thiagarajan says Tamil Nadu excels in language awareness

தமிழக அரசின் சார்பில் தமிழ் இணையக் கல்விக் கழகம் மூலம் ‘பன்னாட்டு கணித்தமிழ் 24’ மாநாடு இன்று (08-02-24) சென்னை நந்தம்பாக்கக்கத்தில் நடைபெற்றது. இந்த மாநாடு, நாளை (09-02-24), நாளை மறுநாள் (10-02-24) ஆகிய தேதிகளில் நடைபெறவிருக்கிறது.

இன்று நடைபெற்ற ‘பன்னாட்டு கணித்தமிழ் 24’ மாநாட்டில் தமிழக தகவல் தொழில்நுட்பம் மற்றும் டிஜிட்டல் சேவை துறை அமைச்சர் பழனிவேல் தியாகராஜன் கலந்துகொண்டு பேசினார். அப்போது அவர், “மொழி உணர்வில் எப்போதுமே தமிழ்நாடு சிறந்து விளங்கும் மாநிலமாக உள்ளது. செயற்கை நுண்ணறிவு தொழில்நுட்பத்தில் மொழியின் பங்கு முக்கியமானதாக இருக்கும். கணித்தமிழ் வளர்ச்சியில் கலைஞர் ஒரு பெரும் முன்னெடுப்பைச் செய்தவர். 

கணித்தமிழுக்கு தேவையான தொழில்நுட்பங்களை வளர்த்தெடுப்பதில் கலைஞர் தனி அக்கறை காட்டினார். செயற்கை நுண்ணறிவு ஒரு மாபெரும் புரட்சிக்கும், பெரும் பாய்ச்சலுக்கும் தன்னை தயார்படுத்தி வருகிறது. எதிர்காலத்துக்கு தேவையான பெரும் தமிழ் தரவுகளைத் திரட்டுவது குறித்து நாம் விவாதித்து முடிவெடுக்க வேண்டும். வரும் காலம் தரவுகளின் காலம் என்பதால் எவ்வளவு தரவுகள் உள்ளதோ அந்த அளவுக்கு மொழி முன்வரிசைக்கு செல்லும்” என்று தெரிவித்துள்ளார்.