Skip to main content

“திமுக அரசை 10 ஆண்டுக்கால அதிமுக அரசுடன் ஒப்பிட முடியாது” - அமைச்சர் ஐ. பெரியசாமி

Published on 29/12/2022 | Edited on 29/12/2022

 

Minister i Periyasamy said DMK government cannot be compared with AIADMK government10 years

 

தமிழகம் முழுவதும் உள்ள மகளிர் சுய உதவிக் குழுக்களுக்கு கடன் மற்றும் சுழற்சி கடன் திட்டத்தினை திருச்சியில் இன்று தமிழக முதல்வர் ஸ்டாலின் துவக்கி வைத்தார். இதில் இளைஞர் நலன் மற்றும் விளையாட்டுத் துறை அமைச்சர் உதயநிதி ஸ்டாலின், ஊரக நகர்ப்புற அமைச்சர் நேரு, கல்வித்துறை அமைச்சர் அன்பின் மகேஷ் பொய்யாமொழி ஆகியோர் கலந்து கொண்டனர்.

 

தொடர்ச்சியாக திண்டுக்கல் மாவட்டத்தில் உள்ள 992 மகளிர் சுய உதவிக் குழுக்களுக்கு ரூ.73.78 கோடி மதிப்பிலான கடனுதவிகளை வழங்கும் நிகழ்ச்சி திண்டுக்கல்லில் நடைபெற்றது. இந்நிகழ்வில், தமிழக ஊரக வளர்ச்சித் துறை அமைச்சர் ஐ.பெரியசாமி மற்றும் தமிழக உணவுத்துறை அமைச்சர் சக்கரபாணி, பழனி சட்டமன்ற உறுப்பினர் ஐ.பி. செந்தில்குமார், நாடாளுமன்ற உறுப்பினர் வேலுச்சாமி,  மாவட்ட ஆட்சியர் விசாகன், மாநகர மேயர் இளமதி, துணை மேயர் ராஜப்பா ஆகியோர் கலந்து கொண்டனர். மகளிர் சுய உதவிக் குழுக்களுக்கு கடன்கள் வழங்கப்பட்டது.

 

இதையடுத்து செய்தியாளர்களிடம் பேசிய அமைச்சர் ஐ.பெரியசாமி, “மகளிர் சுய உதவிக் குழுக்களுக்கு முதல்வர் கடன் வழங்கியதைத் தொடர்ந்து திண்டுக்கல் மாவட்டத்தில் ரூ.77 கோடிக்கு கடன் வழங்கியிருக்கிறோம். தற்பொழுது பதவியேற்றுள்ள திமுக அரசு உள்ளாட்சித் துறையில் பல்வேறு திட்டங்களை சிறப்பாக செயல்படுத்தி வருகிறது. எந்த திட்டத்தில் என்ன குறை உள்ளது எனச் சுட்டிக் காட்டினால், அதனை விசாரித்து சரிப்படுத்தி சிறப்பாக செயல்படுத்துவோம். திமுக அரசு மக்கள் நலனில் அக்கறை கொண்ட மக்கள் அரசு. எந்தத் திட்டமாக இருந்தாலும் அதனை மக்களிடத்தில் கொண்டு போய் சேர்ப்பதில் அமைச்சர்கள் உறுதியாக உள்ளோம். அதுபோல் இத்துறைக்கு பொறுப்பேற்றுள்ள அமைச்சர் உதயநிதி ஸ்டாலின் இந்தத் துறையை தலைசிறந்த துறையாகக் கொண்டு வருவார். சுயநலத்துக்காக இந்த அரசு உருவாக்கப்படவில்லை. இந்த அரசை கடந்த 10 ஆண்டுக்கால அதிமுக அரசு உடன் ஒப்பிட முடியாது” என்று கூறினார்.

 

 

சார்ந்த செய்திகள்

 

Next Story

அதிமுக நிர்வாகி ஆலோசனைக் கூட்டம்; திமுக அரசைக் கண்டித்து தீர்மானம்

Published on 22/06/2024 | Edited on 22/06/2024
Resolution condemning DMK government in AIADMK executive meeting

திருச்சி மாநகர் மாவட்ட அதிமுக நிர்வாகிகள் ஆலோசனைக் கூட்டம் மாவட்டச் அலுவலகத்தில் மாவட்ட செயலாளர் ஜெ.சீனிவாசன் தலைமையில் நடந்தது. இக்கூட்டத்திற்கு அமைப்பு செயலாளர் ரத்தினவேல் முன்னிலை வகித்தார். 

கூட்டத்தில் மாநில ஜெயலலிதா பேரவை துணைச் செயலாளர் ஜோதிவாணன், முன்னாள் மாவட்டச் செயலாளர் கே.சி பரமசிவம், மாவட்ட இணை செயலாளர் ஜாக்குலின், மாவட்ட துணை செயலாளர்கள் வனிதா, பத்மநாதன், அணி நிர்வாகிகள் பாலாஜி, ஞானசேகர், கலிலுல் ரகுமான், ஜோசப் ஜெரால்டு, வக்கீல் ராஜேந்திரன்,வெங்கட் பிரபு,ஜான் எட்வர்ட்,சகாபுதீன், பகுதி செயலாளர்கள் அன்பழகன், என்.எஸ். பூபதி, சுரேஷ் குப்தா, ரோஜர், ராஜேந்திரன், ஏர்போர்ட் விஜி , எம்.ஆர்.ஆர்.முஸ்தபா உள்ளிட்ட பல நிர்வாகிகள் கலந்து கொண்டனர். 

கூட்டத்தில் கள்ளக்குறிச்சி மாவட்டத்தில் விஷச்சாராயம் குடித்து 52க்கும் மேற்பட்டோர் பலியான சம்பவத்தைக் கண்டித்தும், சட்டம் ஒழுங்கை பாதுகாக்கத் தவறிய திமுக அரசைக் கண்டித்தும் 24ஆம் தேதி கலெக்டர் அலுவலகம் முன்பு நடக்கும் கண்டன ஆர்ப்பாட்டத்தில் திருச்சி மாநகர் மாவட்ட அதிமுக சார்பில் திரளானோர் பங்கேற்பது எனத் தீர்மானிக்கப்பட்டது.

Next Story

விஷச் சாராயம் குறித்து எதிர்க்கட்சிகளின் புகாருக்கு தி.மு.க எம்.எல்.ஏக்கள் மறுப்பு (படங்கள்)

Published on 22/06/2024 | Edited on 22/06/2024

 

தமிழ்நாடு சட்டசபை பேரவைக் கூட்டத் தொடரின் மூன்றாவது நாளான இன்று (22-06-24) கள்ளக்குறிச்சி உயிரிழப்பு விவகாரம் தொடர்பாக விவாதம் நடத்த வேண்டும் என்று அ.தி.மு.க அமளியில் ஈடுபட்டு வெளிநடப்பு செய்தனர். அதன் பின்னர் செய்தியாளர்களைச் சந்தித்து பேசிய எடப்பாடி பழனிசாமி, இந்த விவகாரம் தொடர்பாக சி.பி.ஐ விசாரணை வேண்டும் என்றும் இந்த சம்பவத்திற்கு  தி.மு.க எம்.எல்.ஏக்களுக்கு தொடர்பு இருக்கிறது என்றும் குற்றச்சாட்டை முன்வைத்திருந்தார். 

அதே போல், முன்னதாக இந்த விவகாரம் தொடர்பாக பேசிய பா.ம.க தலைவர்கள் ராமதாஸ் மற்றும் அன்புமணி ராமதாஸ் ஆகியோர் ரிஷிவந்தியம் எம்.எல்.ஏ மற்றும் சங்கராபுரம் எம்.எல்.ஏவுக்கு தொடர்பு இருப்பதாக குற்றச்சாட்டை முன்வைத்திருந்தனர். இந்த நிலையில், சம்பந்தப்பட்ட இரண்டு எம்.எல்.ஏக்களான ரிஷிவந்தியம் எம்.எல்.ஏ வசந்தம் கார்த்திகேயன், சங்கராபுரம் எம்.எல்.ஏ உதயசூரியன் செய்தியாளர்களைச் சந்தித்து எதிர்கட்சிகளின் குற்றச்சாட்டிற்கு மறுப்பு தெரிவித்து பேசினர்.