Skip to main content

''கலைஞர் நூலகம் அதிமுகவிற்கு கசக்கிறது''-அமைச்சர் எ.வ.வேலு காட்டம்!

Published on 01/08/2021 | Edited on 03/08/2021

 

minister ev velu

 

பென்னிகுவிக் நினைவு இல்லத்தை அகற்றிவிட்டு அங்கு கலைஞர் நூலகம் அமைத்தால் போராட்டம் நடத்தப்படும் என அதிமுக தெரிவித்துள்ளது. இதுகுறித்து அதிமுகவின் ஒருங்கிணைப்பாளர்கள் ஓ.பன்னீர்செல்வம், எடப்பாடி பழனிசாமி கூட்டறிக்கை ஒன்றை வெளியிட்டிருந்தனர். முல்லைபெரியாறு அணை அமைய காரணமாக இருந்த கர்னல் பென்னிகுவிக் நினைவு இல்லத்தை இடித்துவிட்டு கலைஞர் நூலகம் அமைய உள்ளதாக பத்திரிகைகளில் செய்திகள் வெளியாகியிருக்கிறது. ஆனால் நூலகம் அமையும் இடத்தில்  பென்னிகுவிக் வாழ்ந்ததற்கான சாத்தியக்கூறுகள் இல்லை என ஆட்சியர் மறுத்திருந்தாலும் அங்கு பென்னிகுவிக் வாழ்ந்ததை தென் பகுதி விவசாயிகள் உறுதிப்படுத்தி உள்ளனர். இந்த சூழ்நிலையில் ஒரு வரலாற்றை அழித்து விட்டு மற்றொரு வரலாற்றை உருவாக்க நினைக்கும் தமிழ்நாடு அரசின் செயலை கண்டிப்பதாக அறிக்கையில் அவர்கள் தெரிவித்திருந்தனர்.

 

minister ev velu

 

அப்படி நடந்தால் விவசாயிகளின் ஆதரவுடன் அதிமுக போராட்டத்தில் ஈடுபடும் என அந்த அறிக்கையில் கூறியிருந்தனர். இந்நிலையில் இதற்கு பதிலளித்துள்ள பொதுப்பணித்துறை அமைச்சர் எ.வ.வேலு, ''சங்கம் வளர்த்த மதுரையில் கலைஞர் அரங்கம் அமைப்பது அதிமுகவிற்கு கசக்கிறது. கலைஞர் நூலகம் அமைப்பதற்காக பென்னிகுவிக் நினைவு இல்லத்தை இடிப்பதாக அதிமுக வெளியிட்டுள்ள அறியாமைகளின் தொகுப்பு இது. கலைஞர் நூலகத்திற்காக 7 இடங்கள் பார்வையிடப்பட்டு இறுதியாக மதுரை நத்தம் சாலையில் நூலகம் அமைய உள்ளது. இந்த இடம் பென்னிகுவிக் வாழ்ந்ததாக அதிமுக திடீரென புரளியை கிளப்பி உள்ளனர், மதுரைக்கு வரும் நூலகத்தை எப்படியாவது தடுக்கும் நோக்கில் அதிமுக மலிவு அரசியல் நடத்துவது அப்பட்டமாக வெளியே தெரிகிறது'' என தெரிவித்துள்ளார்.

 

 

சார்ந்த செய்திகள்

Next Story

'கலைஞர் எனும் உலகத்தால் நாம் சுற்றுகிறோம்'- வீடியோ வெளியிட்ட தமிழக முதல்வர்

Published on 27/02/2024 | Edited on 27/02/2024

 

The Chief Minister of Tamil Nadu released the video 'We are surrounded by the world of artist

சென்னை கடற்கரை காமராஜர் சாலையில் சென்னைப் பல்கலைக் கழகத்தின் எதிரில், தமிழகத்தின் முன்னாள் முதல்வரான பேரறிஞர் அண்ணா 1969 பிப்ரவரி 3 ஆம் நாள் மறைந்த பின் அவருக்கு நினைவிடம் அமைக்கப்பட்டது. மேலும் தமிழகத்தின் முன்னாள் முதல்வரும், திமுக முன்னாள் தலைவருமான கலைஞர் தனது 95 வது வயதில் கடந்த 2018 ஆம் ஆண்டு ஆகஸ்ட் மாதம் 7 ஆம் நாள் மறைந்த பின்னர் அண்ணா நினைவிடம் அருகிலேயே நல்லடக்கம் செய்யப்பட்டு நினைவிடம் கட்டும் பணிகள் நடைபெற்று வந்தன. அதே சமயம் அண்ணா நினைவிடம் புதுப்பிக்கும் பணிகளும் நடைபெற்றன.

இந்நிலையில், அண்ணாவின் புதுப்பிக்கப்பட்ட நினைவிடத்தையும், கலைஞரின் புதிய நினைவிடத்தையும் தமிழ்நாடு முதலமைச்சர் மு.க. ஸ்டாலின் நேற்று  (26.11.2024) மாலை 7 மணி அளவில் திறந்து வைத்தார். பின்னர் அண்ணா மற்றும் கலைஞர் சிலைகள் மற்றும் நினைவிடங்களில் மலர் தூவி மரியாதை செலுத்தினார்.

இந்நிகழ்வில், திராவிடர் கழகத் தலைவர் கி. வீரமணி, விடுதலைச் சிறுத்தைகள் கட்சித் தலைவர் தொல். திருமாவளவன், கம்யூனிஸ்ட் கட்சிகளின் சார்பாக முத்தரசன், கே. பாலகிருஷ்ணன், மதிமுக பொதுச்சயலாளர் வைகோ உள்ளிட்ட அரசியல் கட்சித் தலைவர்கள், அமைச்சர்கள், சட்டமன்ற மற்றும் நாடாளுமன்ற உறுப்பினர்கள், நடிகர் ரஜினிகாந்த், கவிஞர் வைரமுத்து எனப் பலரும் கலந்து கொண்டனர்.

இந்நிலையில் கலைஞர் நினைவிடம் குறித்த வீடீயோவை எக்ஸ் சமூகவலைத்தளத்தில் பதிவிட்டுள்ள முதல்வர் மு.க.ஸ்டாலின், 'கலைஞர் எனும் உலகத்தால் நாம் சுற்றுகிறோம்! தமிழ்நாடு சுற்றுகிறது! கலைஞர் உலகு ஆள்வார்! உலகம் கலைஞர் பெயரை உச்சரித்துக் கொண்டே இருக்கும்! என்றென்றும்_கலைஞர்' என பதிவிட்டுள்ளார்.

Next Story

''அதை விழாவாகக் கொண்டாட நாங்கள் விரும்பவில்லை'' - பேரவையில் முதல்வர் பேச்சு

Published on 22/02/2024 | Edited on 22/02/2024
"We don't want to celebrate it as a festival" - Chief Minister's speech in the meeting

மறைந்த முன்னாள் முதல்வர் கலைஞருக்கு சென்னை மெரினாவில் அண்ணா நினைவிட வளாகத்தில் நினைவிடம் அமைக்கப்படும் என்று தமிழக முதல்வர் மு.க.ஸ்டாலின் ஏற்கெனவே சட்டமன்றத்தில் அறிவித்திருந்தார்.

பட்ஜெட் கூட்டத்தொடர் தொடங்கி நடைபெற்று வரும் நிலையில் இன்று கூட்டத் தொடருக்கான கடைசி நாள் கூட்டம் நடைபெற்று வரும் நிலையில், சட்டப்பேரவையில் கலைஞர் நினைவிடம் திறப்பு குறித்து தமிழக முதல்வர் மு.க.ஸ்டாலின் உரையாற்றினார்.

அவரது உரையில், ''நின்ற தொகுதிகளில் எல்லாம் வென்ற தலைவன். நவீன தமிழ்நாட்டை உருவாக்கிய கலைஞரின் நினைவகம் முழுமை அடைந்திருக்கிறது. அது மட்டுமல்ல கலைஞரின் நினைவிடம் மட்டுமல்லாது அவரை உருவாக்கிய நம் தாய் தமிழ்நாட்டின் பேரறிஞர் அண்ணாவின் நினைவிடமும் புதுப்பிக்கப்பட்டு புனரமைக்கப்பட்டிருக்கிறது.

அண்ணாவின் நினைவகமும், கலைஞரின் நினைவகமும் புதுப்பிக்கப்பட்டு வருகிற பிப்.26 ஆம் தேதி மாலை 7 மணிக்கு திறந்து வைக்கப்பட இருக்கிறது என்பதை தெரிவித்துக் கொள்கிறேன். எதற்காக நான் இதை குறிப்பிட்டு சொல்லி இருக்கிறேன் என்று சொன்னால், இந்த நிகழ்ச்சிக்கு அழைப்பிதழ் எல்லாம் அடிக்கவில்லை.அதை விழாவாகக் கொண்டாட நாங்கள் விரும்பவில்லை. ஆகவே இதை நிகழ்ச்சியாகவே நடத்த விரும்புகிறோம். அப்படிப்பட்ட நிகழ்ச்சிக்கு இந்த அவையில் இருக்கக்கூடிய ஆளுங்கட்சி, எதிர்க்கட்சி, கூட்டணிக் கட்சி, தோழமைக் கட்சி என எல்லா கட்சிகளுடைய உறுப்பினர்களும் பங்கேற்க வேண்டும் என்று சபாநாயகர் மூலமாக நான் கேட்டுக்கொள்கிறேன். தமிழ்நாட்டு மக்களுக்கு உங்கள் மூலமாக அழைப்பு விடுத்து இதை நான் தெரிவித்துக் கொள்கிறேன்'' என்றார்.