Skip to main content

“காமராஜர் வழியில் எம்.ஜி.ஆர், ஜெயலலிதா, எடப்பாடி!”- கல்வித் திருவிழாவில் அமைச்சர்கள் பெருமிதம்!

Published on 15/07/2019 | Edited on 15/07/2019


பெருந்தலைவர் காமராஜரின் 117-வது பிறந்த நாளை  முன்னிட்டு அவர் பிறந்த விருது நகரிலும் அம்மாவட்டத்திலுள்ள  பல ஊர்களிலும் விழாக்கள் களை கட்டி வருகின்றன. விருதுநகரில் நடைபெற்ற கல்வித் திருவிழாவில் கலந்துக்கொண்டு பேசிய பள்ளிக்கல்வித்துறை அமைச்சர் செங்கோட்டையன் “காமராஜர் வழியில் எம்.ஜி.ஆரும் ஜெயலலிதாவும் பல்வேறு திட்டங்களை அறிவித்து செயல்படுத்தினார்கள். அதே வழியில் முதல்வர் எடப்பாடி பழனிச்சாமியும் கல்விக்காக பல்வேறு திட்டங்களை அறிவித்து செயல்படுத்தி வருகின்றார்கள். ஒருவர் எப்படி வாழ்ந்து மறைய வேண்டும் என்பதற்கு பெருந்தலைவர் காமராஜர் ஒரு உதாரணமாகத் திகழ்கிறார்.

 

 MGR, Jayalalithaa, Edappadi on the way to Kamarajar MINISTERS SAID KAMARAJAR BIRTHDAY CEREMONY

 

 

கல்வித்துறையில் இந்தப் பகுதியில் உள்ள பள்ளி கல்லூரிகளின்  கோரிக்கைகளை 24 மணி நேரத்தில் நிறைவேற்றிக் கொடுக்க வேண்டிய பொறுப்பு எனக்கு உள்ளது. அதைச் செய்து கொடுப்பேன். நமது மாநில மாணவர்கள் பிற மாநிலங்களுக்குச் செல்லும் போது ஆங்கிலத்தில் எழுதப் படிக்க சிரமம் அடைகின்றனர் என்பதை கருத்தில் கொண்டு எளிதாக ஆங்கிலம் பேசும் வகையில் 2000 வார்த்தைகள் அடங்கிய சாப்ட்வேர் ஒன்றை உருவாக்கி பள்ளி மாணவ மாணவிகளுக்கு அனுப்பிவைக்க நடவடிக்கை எடுக்கப்பட்டுள்ளது. இதன் மூலம் பள்ளி மாணவ மாணவர்கள் எளிதாக ஆங்கிலத்தில் பேச முடியும். விஞ்ஞானத்தை நோக்கி தமிழக கல்வித்துறை சென்று கொண்டிருக்கிறது.” என்றார். 

 

 

 MGR, Jayalalithaa, Edappadi on the way to Kamarajar MINISTERS SAID KAMARAJAR BIRTHDAY CEREMONY

 

 

தமிழக பால்வளத்துறை அமைச்சர் கே.டி. ராஜேந்திரபாலாஜி, “பெருந்தலைவர் காமராஜர்  வழியில் நாடார் சமூகத்தினர் பல்வேறு கல்விக் கூடங்களைத் திறந்து ஏழை எளிய மக்களுக்கு கல்விச் சேவையாற்றி வருகின்றனர். கடந்த ஆண்டு விருதுநகரில் நடைபெற்ற கல்வித் திருவிழாவில் தமிழக முதல்வர் எடப்பாடி பழனிச்சாமி அவர்கள் கலந்து கொண்டு சிறப்பு சேர்த்தார். கல்வித் திருவிழாவில் கலந்து கொண்ட முதலமைச்சர் என்ற பெருமையையும், எடப்பாடி பழனிச்சாமி பெற்றார்.” என்று, வழக்கம் போல் முதல்வரைத் பாராட்டி பேசினார். விருதுநகரில் நடைபெற்ற கல்வித் திருவிழாவில் பல்வேறு போட்டிகளில் வெற்றி பெற்ற மாணவ, மாணவிகளுக்கு இரு அமைச்சர்களும் பரிசுத்தொகை வழங்கினர்.  

 

 

சார்ந்த செய்திகள்

 

Next Story

காமராஜர் பிறந்த மாவட்டத்திலும் காலை உணவுத் திட்ட தொடக்க விழா! அமைச்சர்கள், எம்.பி., எம்.எல்.ஏ.க்கள் பங்கேற்பு!

Published on 15/07/2024 | Edited on 15/07/2024

 

உலகிற்கே முன்னோடி திட்டமாக அமைந்துள்ளதாகக் கூறப்படும்  முதலமைச்சரின் காலை உணவுத் திட்டத்தை,  பெருந்தலைவர் காமராஜர் பிறந்தநாளில், திருவள்ளூர் மாவட்டம், கடம்பத்தூர் ஒன்றியம், கீழச்சேரி கிராமத்திலுள்ள புனித அன்னாள் அரசு உதவிபெறும் தொடக்கப்பள்ளியில் தமிழ்நாடு முதலமைச்சர் மு.க.ஸ்டாலின் தொடங்கிவைத்தார். இதனைத் தொடர்ந்து, இத்திட்டத்தினை விருதுநகர் மாவட்டம், திருச்சுழி ஊராட்சி ஒன்றியம், கல்லூரணி எஸ்.பி.கே. தொடக்கப்பள்ளியில் அமைச்சர் தங்கம் தென்னரசு துவங்கி வைத்து மாணவர்களுடன் உணவருந்தினார்.

பெருந்தலைவர் காமராஜரின் 122வது பிறந்ததினத்தை முன்னிட்டு, விருதுநகர் மதுரை சாலையிலுள்ள காமராஜர் நூற்றாண்டு நினைவு மணிமண்டபத்தில், அன்னாரது திருவுருவச் சிலைக்கு அமைச்சர்கள் கே.கே.எஸ்.எஸ்.ஆர்.ராமச்சந்திரனும், தக்கம் தென்னரசுவும் மாலை அணிவித்து மரியாதை செலுத்தினார்கள். இந்நிகழ்வில் விருதுநகர் மாவட்ட ஆட்சியர் முனைவர் வீ.ப.ஜெயசீலன் இ.ஆ.ப.,   விருதுநகர் எம்.எல்.ஏ. ஏ.ஆர்.ஆர்.சீனிவாசன், சிவகாசி மேயர் சங்கீதா இன்பம், விருதுநகர் நகர்மன்றத் தலைவர் மாதவன் உள்ளிட்டோர் கலந்துகொண்டனர்.

ராஜபாளையம் தொகுதியிலும் தளவாய்புரம் ஊராட்சி பு.மூ.மா.அம்மையப்ப நாடார் ஆரம்பப் பள்ளி மற்றும் கிருஷ்ணாபுரம் பெருந்தலைவர் காமராஜர் இந்து நாடார் தொடக்கப்பள்ளி போன்ற பள்ளிகளில், ராஜபாளையம் எம்.எல்.ஏ. தங்கப்பாண்டியன் தொடங்கிவைத்து, குழந்தைகளுடன் அமர்ந்து காலை உணவைச் சாப்பிட்டார். ராஜபாளையம் பழைய பேருந்து நிலையம் அருகிலுள்ள காமராஜர் திருவுருவச் சிலைக்கு தென்காசி பாராளுமன்ற உறுப்பினர் டாகர் ராணி ஸ்ரீகுமார் மற்றும் எம்.எல்.ஏ. தங்கப்பாண்டியன் ஆகியோர் மாலை அணிவித்து மரியாதை செலுத்தினர்.

பெருந்தலைவர் காமராஜர் பிறந்த விருதுநகர் மாவட்டத்திலும் அவருடைய பிறந்தநாள் விழா மற்றும் காலை உணவுத்திட்டத்தின் தொடக்க விழாவை சிறப்புடன் நடத்திய அமைச்சர்கள் மற்றும் எம்.எல்.ஏ. போன்ற மக்கள் பிரதிநிதிகள் கர்மவீரருக்கு புகழ் சேர்த்துள்ளனர். 

Next Story

மாணவிகளுக்கு மஞ்சப்பையில் மரக்கன்றுகள் வழங்கிய பசுமைப் பள்ளி ஆசிரியர்கள்!

Published on 15/07/2024 | Edited on 15/07/2024

 

தமிழ்நாடு அரசு ஏழைக் குழந்தைகளின் கல்விக் கண் திறந்த கர்மவீரர் காமராஜரின் பிறந்த நாளான ஜூலை 15 ஆம் தேதியை கல்வி நாளாக கொண்டாடி வருகிறது. இந்த நாளில் தமிழ்நாடு முழுவதும் உள்ள அரசு மற்றும் தனியார் பள்ளி, கல்லூரிகளில் இனிப்புகள், சர்க்கரைப் பொங்கல் வழங்கியும் பேச்சு, கட்டுரை, கவிதைப் போட்டிகள் நடத்தியும் பரிசுகள் வழங்கி கொண்டாடி வருகின்றனர்.

ஆனால், புதுக்கோட்டை மாவட்டத்தில் மட்டுமின்றி 7.5% உள் இடஒதுக்கீட்டில் 4 ஆண்டுகளில் 19 மாணவிகளை மருத்துவர்களாகவும் அதற்கு முன்பு பல மருத்துவர்களையும், பலநூறு பொறியாளர்கள், ஆசிரியர்கள், வழக்கறிஞர்கள், அரசு ஊழியர்களையும் உருவாக்கிய, பிளாஸ்டிக் ஒழித்து சில்வர் தண்ணீர் குடுவை, மண்பானையில் தண்ணீர், பசுமையைப் போற்றி தமிழ்நாட்டிற்கே முன்னோடிப் பள்ளியாக விளங்கும்  கீரமங்கலம் அரசு மகளிர் மேல்நிலைப் பள்ளியில் காமராஜர் பிறந்த நாளை பசுமைப் புரட்சி செய்யும் விதமாக கொண்டாடியுள்ளனர்.

அதாவது, ஒவ்வொரு ஆண்டும் ஆசிரியர்கள் தினத்தில் மாணவிகளுக்கு வாழை இலையில் பிரியாணி விருந்து கொடுத்து உபசரிப்பது போல கல்விக் கண் திறந்த காமராஜர் பிறந்தநாளை ஒவ்வொரு நாளும் நினைத்துப் பார்க்கும் விதமாக செய்ய வேண்டும் என முடிவெடுத்த பள்ளி ஆசிரியர்கள் தங்கள் சொந்த செலவில் 1100 மாணவிகளுக்கும் இனிப்புகள் வழங்குவதுடன் மஞ்சப்பையில் வைத்து மரக்கன்றுகள் வழங்க முடிவெடுத்தனர்.

அதன்படி நேற்று மாலை பள்ளி தலைமை ஆசிரியர் வள்ளிநாயகி தலைமையில் பள்ளி வளாகத்தில் நடந்த நிகழ்ச்சியில் காமராஜரை போற்றும் பாடல்களை மாணவிகள் பாடினர். வெவ்வேறு போட்டிகளில் வெற்றி பெற்ற மாணவிகளுக்கு பரிசுகள் வழங்கியதுடன் பேரூராட்சித் தலைவர் சிவக்குமார், துணைத் தலைவர் முத்தமிழ்செல்வி மற்றும் எஸ்எம்சி, பெற்றோர் ஆசிரியர் கழக நிர்வாகிகள் பசுமையைப் போற்றும் மஞ்சப்பையில் மரக்கன்றுகளை மாணவிகளுக்கு வழங்கி கடலை மிட்டாய்களும் வழங்கினர். மாணவிகளும் உற்சாகமாக மரக்கன்றுகளை வாங்கிச் சென்றனர்.

இது குறித்து ஆசிரியர்கள் கூறும் போது, கீரமங்கலம் மகளிர் மேல்நிலைப்பள்ளி உருவானதில் இருந்து தொடர்ந்து சாதிக்கும் பள்ளியாகத் தான் உள்ளது. நீட் வருவதற்கு முன்பு ஒவ்வொரு ஆண்டும் ஒன்று, இரண்டு மாணவிகள் மருத்துவம் படிக்கவும், ஏராளமான மாணவிகள் பொறியியல், பட்டம், வழக்கறிஞர், ஆசிரியர் பயிற்சி படிக்கவும் சென்றனர். ஆனால் நீட் வந்த சில ஆண்டுகள் எங்கள் மாணவிகள் தடுமாறினார்கள். ஆனாலும் சோர்ந்து போகாமல் முயற்சி செய்தனர். அப்போது தான் தமிழ்நாடு அரசு அரசுப பள்ளி மாணவர்களுக்கான 7.5% உள் இடஒதுக்கீடு அறிவித்தனர். அந்த ஆண்டில் தொடங்கி தொடர்ந்து 19 மாணவிகளை மருத்துவம் படிக்க அனுப்பி உள்ளோம். அதே போல பல்வேறு படிப்புகளிலும் சாதிக்கின்றனர். தேர்ச்சியிலும் சாதித்தோம்.

மேலும், சுற்றுச்சூழலை பாதிக்கும் பிளாஸ்டிக்கை ஒழிக்கும் விதமாக மண்பானையில் தண்ணீர், சில்வர் குடுவையின் பயன்பாட்டை கொண்டு வந்தோம். பள்ளி வளாகம் பசுமை இப்படி பல்வேறு முன்னோடி திட்டங்களை கொண்டு வந்தோம் இதன் பயனாக பல்வேறு விருதுகள் கிடைத்தது இப்போது தமிழ்நாடு அரசின் பசுமைப் பள்ளியாக தேர்வாகி உள்ளது.

அதேபோல காமராஜரின் பிறந்த நாளான ஜூலை 15 ஐ கல்வி நாள் என்பதை மாணவிகள் மறந்துவிடக் கூடாது என்பதால் எப்போது அவர்கள் பார்வையில் இருக்க வேண்டும் என்பதற்காக மஞ்சப்பையில் மரக்கன்றுகளை ஆசிரியர்கள் சொந்த செலவில் வழங்கி இருக்கிறோம். இந்த கன்றுகளை நடும் மாணவிகள் ஒவ்வொரு நாளும் அதனைப் பார்த்துவிட்டு தான் பள்ளிக்கு வருவார்கள் இதனால் 1100 மரங்களையும் வளர்க்கிறோம் என்று பெருமையாக உள்ளது என்றனர்.

இந்தப் பள்ளியின் இந்தத் தொடர் சாதனைக்காக கல்வித்துறை அமைச்சர் விரைவில் வரலாம் என்றும் கூறப்படுகிறது.

The website encountered an unexpected error. Please try again later.