Skip to main content

கரோனா மீம்ஸ் வீடியோக்களில் இது தனி ரகம்! - இணையத்தில் உலவும் மன்சூர் அலிகான் பாடல்

Published on 30/03/2020 | Edited on 30/03/2020

கரோனா வைரஸின் தாக்கம் உலகையே முடக்கிப்போட்டுள்ளது. சைனா, இஸ்ரேல், அமெரிக்கா, இங்கிலாந்து என இதன் பரவல் எல்லைகள் தாண்டி உயிர்களைப் பறித்து வருகிறது. ஸ்பெயின் இளவரசி, இங்கிலாந்து பிரதமர், கனடா பிரதமரின் மனைவி என எந்தப் பாரபட்சமும் பார்க்காமல் தாக்கியுள்ளது கரோனா. 'அதெல்லாம் ஏதோ வெளிநாட்டுல, குளிர்பிரதேசத்துல  வர்ற வியாதி' என்றுதான் முன்பெல்லாம் நாம் பல நோய்கள் குறித்து எண்ணினோம். ஆனால், அந்த எண்ணத்தையும் உடைத்து இந்தியாவிலும் பரவிக்கொண்டிருக்கிறது கரோனா. தேசம் முழுவதும் ஊரடங்கு அமல்படுத்தப்பட்டு, மக்கள் வெளியே நடமாடக்கூடாது என்று ஆணையிடப்பட்டு முடிந்தவரை கரோனா பரவலைத் தடுக்கும் நடவடிக்கைகள் எடுக்கப்பட்டு வருகின்றன.

 

deivakulandhai song



பெரும்பாலான நிறுவனங்கள் வீட்டிலிருந்தே பணியை மேற்கொள்ள சொல்ல, அப்படி வீட்டிலிருந்து மேற்கொள்ளும் வகையில் இல்லாத பணிகளை செய்பவர்கள் விடுமுறையில் இருக்கின்றனர். சேவை பணிகளில் இருப்பவர்களும் அத்தியாவசிய பணிகளை மேற்கொள்பவர்களும்தான் முழுவீச்சில் செயல்பட்டு வருகின்றனர். நாடு இப்படியிருக்க, சோசியல் மீடியா எப்போதும் போல சுறுசுறுப்பாக இயங்கி வருகிறது. எந்தப் பிரச்னை வந்தாலும் மீம்ஸ் போட்டு கொண்டாடும் கூட்டம் கரோனாவிலும் கைவைத்திருக்கிறது. சொல்லப்போனால் தனிமையின் அழுத்தத்தை குறைப்பதில் இந்த மீம்ஸ்களுக்கும் வீடியோக்களுக்கும் நல்ல பங்கு இருக்கிறது.

பிரபலங்கள், தாங்களே வீடியோக்களில் பேசி வெளியிட்டு மக்களுக்கு விழிப்புணர்வை ஏற்படுத்திவருகின்றனர். அதுபோக மக்களே, பழைய பாடல்கள், வசனங்களைக் கரோனாவுக்கு ஏற்றபடி கட் செய்து ஷேர் செய்கின்றனர். அந்த வகையில் எப்பொழுதும் போல வடிவேலு மீம்ஸ்கள் பல வளம் வரும் வேளையில் மன்சூர் அலிகான் - சில்க் ஸ்மிதா ஆடும் பாடல் ஒன்றும் வாட்ஸ்-அப்பிலும் ஃபேஸ்புக்கிலும் வளம் வருகிறது. 'தெய்வக்குழந்தை' என்ற படத்தில் சில்க்குடன் மன்சூர் அலிகான் குதூகலமாக ஆட்டம் போடும் அந்தப் பாடலை போட்டு, 'வீட்டிலேயே இருந்தாலும் தனித்து இருக்கவேண்டும், இதுபோல ஆட்டம் போட்டால் வேறு விளைவுகள் வரும்' என்று அர்த்தம் சொல்லும் வசனத்துடன் இருக்கிறது அந்த வீடியோ. மன்சூர் அலிகான், தானே பேட்டிகளின் மூலமும்  வீடியோக்கள் மூலமும் மக்களிடம் பேசுகிறார் என்பது குறிப்பிடத்தக்கது.       

 

 

சார்ந்த செய்திகள்

 

Next Story

மன்சூர் அலிகானுக்கு தீவிர சிகிச்சை

Published on 17/04/2024 | Edited on 17/04/2024
nn

நாடாளுமன்ற மக்களவைத் தேர்தல் ஏழு கட்டங்களாக நடைபெற உள்ளது. அதன்படி, முதற்கட்டமாக ஏப்ரல் 19 ஆம் தேதி தமிழகத்தில் வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. தேர்தல் தேதி அறிவிக்கப்பட்டதிலிருந்து தேர்தல் களம் அனல் பறக்க ஆரம்பித்தது. தமிழகத்தில் அரசியல் கட்சிகள் வேட்பாளர்களை அறிவித்து பிரச்சாரங்கள் சூடு பறக்க நடத்தினர்.

இன்று தேர்தல் பிரச்சாரத்திற்கான கடைசி நாள் என்பதால் அனைத்துக் கட்சிகளும் இறுதிக்கட்ட பிரச்சாரத்தில் இறங்கிய நிலையில் இன்று மாலை 6 மணியோடு தமிழகம் மற்றும் புதுச்சேரியில் 2024 மக்களவை தேர்தலுக்கான அனல் பறந்த பிரச்சாரம் ஓய்ந்தது. நாளை மறுநாள் தமிழகம் மற்றும் புதுச்சேரியில் வாக்குப்பதிவு நடைபெற உள்ளது.

இந்தத் தேர்தலில் வேலூர் தொகுதியில் சுயேட்சை வேட்பாளராக போட்டியிடுகிறார் மன்சூர் அலிகான். பலாப்பழ சின்னத்தில் போட்டியிடும் அவர், தொடர்ச்சியாகக் காய்கறி மார்க்கெட், மீன் மார்க்கெட் என வேலூர் தொகுதிக்குட்பட்ட பல்வேறு இடங்களில் அவரது வழக்கமான நக்கல் கலந்த பாணியில் பிரச்சாரம் மேற்கொண்டார்.

இதையடுத்து பிரச்சாரத்தின் கடைசி நாளான இன்று வேலூர் குடியாத்தம் பகுதியில் தீவிர பரப்புரையில் ஈடுபட்ட மன்சூர் அலி கானுக்கு திடீரென உடல்நலக்குறைவு ஏற்பட்டது. உடனடியாக அருகிலிருந்த மருத்துவமனையில் அவருக்கு முதலுதவி சிகிச்சை அளிக்கப்பட்டது. இதனைத் தொடர்ந்து சென்னை கே.கே.நகரில் உள்ள மருத்துவமனையில் தற்போது மன்சூர் அலிகான் சேர்க்கப்பட்டுள்ள நிலையில், அவருக்குத் தீவிர சிகிச்சை அளிக்கப்பட்டு வருவதாகத் தகவல்கள் வெளியாகி உள்ளது.

Next Story

சில தொகுதிகளில் சில வேட்பாளர்கள்! சிகரம்தொட சிறகடிக்கிறார்கள்!

Published on 10/04/2024 | Edited on 10/04/2024
nalysis of candidates Mansoor Ali Khan, CS Karnan, Prema

நடைபெறவிருக்கும்  நாடாளுமன்றத் தேர்தலில்  திமுக, அதிமுக, காங்கிரஸ், பாஜக  உள்ளிட்ட பல்வேறு கட்சிகள் களமிறங்கினாலும். ஒபிஎஸ் உள்ளிட்ட சிலர் தங்களது பலம் என்னவென்பதை நிரூபிப்பதற்காகப் போட்டியிடுகின்றனர். முன்பு பிரபலமாக இருந்த  சிலர்,  இப்போது சத்தமே இல்லாமல், கவனத்தை ஈர்க்கும் வகையில் தேர்தலில் போட்டியிடுகின்றனர். அத்தகையவர்களில் மூவரைப் பார்ப்போம்.

சி.எஸ்.கர்ணன்

முன்னாள் நீதிபதி இவர். பட்டியல் இனத்தைச் சேர்ந்த இவர், தன்னுடன் பணியாற்றும் நீதிபதிகள், தாம் தாழ்த்தப்பட்ட வகுப்பைச் சேர்ந்தவர் என்பதால் தன்னைத் துன்புறுத்துவதாகவும்,  தான் பழிவாங்கப்படுவதாகவும்  கடந்த 2011ஆம் ஆண்டு தேசிய தாழ்த்தப்பட்டோர் நல ஆணையத்தில் புகார் அளித்தார். இது அப்போது சர்ச்சையை ஏற்படுத்தியது. கடந்த 2016ஆம் ஆண்டு மார்ச் மாதம், கர்ணனை சென்னையில் இருந்து கொல்கத்தா நீதிமன்றத்திற்கு மாற்றி,  உச்சநீதிமன்றம் உத்தரவிட்டது.

இதை ஏற்க மறுத்த கர்ணன், கொல்கத்தா உயர் நீதிமன்றத்துக்கு இடமாற்றம் செய்யப்பட்ட உச்சநீதிமன்ற உத்தரவுக்கு, அவரே  தடை விதித்தார்.  இது பெரிய பிரச்சனையாக மாறியது. இதனைத் தொடர்ந்து,  அவர் உடனடியாக கொல்கத்தா உயர்நீதிமன்றத்துக்கு மாற்றப்பட்டார். கடந்த 2017ஆம் ஆண்டு ஜனவரி மாதம், உச்சநீதிமன்றம் மற்றும் உயர்நீதிமன்றங்களில் பணியாற்றும் 20 நீதிபதிகள் மற்றும் ஓய்வுபெற்ற நீதிபதிகள் ஊழலில் ஈடுபட்டுள்ளதாக, அவர்களின் பெயர்கள் அடங்கிய கடிதத்தை பிரதமர் நரேந்திரமோடிக்கு அனுப்பி வைத்தார்.

உச்சநீதிமன்றம், தாமாக முன்வந்து நீதிபதிகளுக்கு எதிராகக் கருத்து தெரிவித்த கர்ணனுக்கு, பிப்ரவரி 13ஆம் தேதிக்குள் நேரில் ஆஜராகி விளக்கம் அளிக்க சம்மன் அனுப்பியது. எனினும் அவர் உச்சநீதிமன்றத்தில் ஆஜராகவும் இல்லை; விளக்கம் அளிக்கவும் இல்லை. அடுத்து  கர்ணன் மீது  அவதூறு வழக்கு பதிவு செய்தது உச்சநீதிமன்றம். இவ்வழக்கு பதிவானதும் கர்ணன் தலைமறைவானார். நீதிபதியாக இருந்த கர்ணன், தலைமறைவான நிலையிலேயே ஓய்வும் பெற்றார். இந்த வழக்கில் இவருக்கு ஆறுமாதம் சிறை தண்டனை விதிக்கப்பட்டது.

கோவை அருகே பதுங்கியிருந்த சி.எஸ்.கர்ணனை காவல்துறையினர் கண்டுபிடித்து, 2017 ஜூன் 20ஆம் தேதி கைது செய்து, கொல்கத்தா பிரசிடென்சி சிறையில் அடைத்தனர். இடையில் இவர் பலமுறை பிணை கேட்டும் நீதிமன்றம், கர்ணனுக்கு ஜாமீன் வழங்கவில்லை. இதனால்,  6 மாதம் சிறைவாசம் முடிந்த பிறகே, கர்ணன் சிறையிலிருந்து வெளியே வந்தார். நீதிபதியாகப் பணியாற்றி ஓய்வுபெற்ற சி.எஸ்.கர்ணன், ஊழல் ஒழிப்பு செயலாக்க கட்சியின் சார்பில், மத்திய சென்னையில் போட்டியிடுகிறார். அவருக்கு பலாப்பழம் சின்னம் ஒதுக்கப்பட்டுள்ளது. கர்ணனின் இயற்பெயர் கருணாநிதி. ஆனால், 1991இல் தனது பெயரைக் கர்ணன் என மாற்றிக் கொண்டார் என்பது குறிப்பிடத்தக்கது.

ச.பிரேமா

nalysis of candidates Mansoor Ali Khan, CS Karnan, Prema

முன்னாள் முதல்வர் ஜெயலலிதா மறைவுக்குப் பிறகு, திடீரென ஒருநாள் மெரினா கடற்கரையில் உள்ள ஜெயலலிதா சமாதிக்கு வந்த பெண்மணி,  நான் ஜெயலலிதாவின் மகள் என்று மீடியாக்களிடம் கூறி பரபரப்பை ஏற்படுத்தினார். தனது பூர்வீகம் மைசூரு என்றும், தற்போது பல்லாவரத்தில் தங்கியிருப்பதாகவும் கூறிய அவர், ஜெயலலிதாதான் தனது தாயார் என்று சத்தியம் செய்தார். அப்போது செய்தியாளர்கள் எழுப்பிய கேள்விக்கு பதிலளிக்க பிரேமா என்ற ஜெயலட்சுமி மறுத்துவிட்டார். இந்த பிரேமா, தற்போது  தேனி தொகுதியில் சுயேட்சையாக களம் இறங்கியிருக்கிறார்.

நடிகர்  மன்சூர்  அலிகான்

nalysis of candidates Mansoor Ali Khan, CS Karnan, Prema

பிரபல வில்லன் நடிகரான மன்சூர் அலிகான், இந்த முறை வேலூர் தொகுதியில் போட்டியிடுகிறார். ஆரம்பத்தில் பாமக ஆதரவாளராக இருந்த மன்சூர் அலிகான், பின்னர் புதிய தமிழகம் கட்சியில் சேர்ந்தார். 1999 நாடாளுமன்றத் தேர்தலில் பெரியகுளம் தொகுதியில் போட்டியிட்ட மன்சூர் அலிகான், மாட்டுவண்டியில் ஊர் ஊராகச் சென்று பிரச்சாரம் செய்தார்.  அந்தத் தேர்தலில் 87,429 (13.28%) வாக்குகளைப் பெற்று மூன்றாவது இடத்தைப் பிடித்து ஆச்சரியப்படுத்தினார்.

அதன்பிறகு, நாம் தமிழர் கட்சியில் சேர்ந்த மன்சூர் அலிகான், 2019  திண்டுக்கல் தொகுதியில் போட்டியிட்டு 54957 (4.73 %)வாக்குகளைப் பெற்றார். அண்மையில் இந்திய ஜனநாயகப் புலிகள் எனும் பெயரிலான கட்சியை தேர்தல் ஆணையத்தில் பதிவு செய்திருக்கும் மன்சூர் அலிகான்,  இந்த முறை வேலூர் தொகுதியில் போட்டியிடுகிறார். இவருக்கு ஒதுக்கப்பட்ட சின்னம் பலாப்பழம். பெரிதினும் பெரிது கேள் என்ற உத்வேக வார்த்தையைக் கெட்டியாகப் பிடித்துக்கொண்டு, தேர்தல் களத்தில் டஃப் கொடுக்கிறார்கள் இவர்கள்!