Skip to main content

மலேசியாவில் உயிருக்கு போராடும் இளைஞரை மீட்க போராடும் உறவுகள்...

Published on 07/09/2020 | Edited on 07/09/2020

 

 

Malaysia  issue

 

 

கடலூர் மாவட்டம், திட்டக்குடி தாலுகா, தொழுதூர் அடுத்துள்ளது சித்தூர் கிராமம். இந்த ஊரைச் சேர்ந்த விஜயகுமார், சுப்பிரமணி எனும் சகோதரர்கள் இருவர் பிழைப்பு தேடி கடந்த இரு வருடங்களுக்கு முன்பு மலேசியா நாட்டிற்கு சென்றனர். நல்ல வேலை கை நிறைய சம்பளம் என கொடுக்கப்பட்ட வாக்குறுதிகளை நம்பி மலேசியா சென்ற அவர்களுக்கு அங்கு அதிர்ச்சி காத்திருந்தது.

 

மலேசியாவில் உள்ள பிரபல SHOPEE EXPRESS ஷாப்பிங் காம்ப்ளக்ஸில் வேலை. அவர்கள் அருகே இருந்த f3/13 jalan subang mas opposite, Geno hotel -40300. Malaysia எனும் முகவரியில் தங்கியிருந்தார்கள். இரு வருடங்கள் கடந்துள்ளது.

 

குழந்தை பிறந்தது சில மாதங்களில் தனது கணவர் விஜயகுமாரை வெளிநாட்டிற்கு அனுப்பி அவரது உறவினர்கள் அனுப்பிவைக்க நம்பிக்கையோடு கைக்குழந்தையோடு காத்திருந்தார் ராஜலட்சுமி.

 

வயதான அப்பா, அம்மாவுக்கு நடந்த எதையும் சொல்ல வேண்டாம் என உடன் இருந்த அண்ணனுடன் சேர்ந்து அங்கேயே வேலை செய்து வந்தார் விஜயகுமார். இந்நிலையில் அதிர்ச்சி அவர்களுக்கு காத்திருந்தது. கடந்த சில தினங்களுக்கு முன்பு விஜயகுமார், திடீரென உடல்நலம் பாதிக்கப்பட்டார். அடுத்த சில மணி நேரங்களில் மருத்துவமனையில் அனுமதிக்கப்பட்டாலும், அவரது உடல்நிலை மிக மோசமான நிலைக்கு சென்றது.

 

அதிலிருந்து இன்று வரை  மீண்டு வருவதற்கு மிக நீண்ட மருத்துவ போராட்டம் தொடர்கிறது. மருத்துவர்களின் கடின முயற்சியால்  உடல் நலிவுற்ற விஜயகுமாரின் உடல்நிலையில் தற்போது முன்னேற்றம் இருப்பதாக மருத்துவர்கள் கூறுகிறார்கள்.

 

இந்நிலையில், மலேசியாவில் உயிருக்கு போராடும் இளைஞரான விஜயகுமாரை எப்படியாவது உயிரோடு தமிழகம் கொண்டு வந்துவிட வேண்டும் என அவரது குடும்பம் மற்றும் மனைவி ஆகியோர் 2வயது கைக்குழந்தையுடன் அதிகாரிகளை சந்தித்து மனு கொடுத்து வருகிறார்கள்.

 

 

சார்ந்த செய்திகள்

Next Story

மலேசிய பிரதமருடன் ரஜினி சந்திப்பு

Published on 11/09/2023 | Edited on 11/09/2023

 

rajini meets malaysia pm

 

ஜெயிலர் வெற்றியைத் தொடர்ந்து அடுத்ததாக லைகா தயாரிப்பில் த.செ. ஞானவேல் இயக்கத்தில் நடிக்கவுள்ளார் ரஜினி. இதையடுத்து லோகேஷ் கனகராஜ் இயக்கும் புதிய படத்தில் சன் பிக்சர்ஸ் தயாரிப்பில் நடிக்க ஒப்பந்தமாகியுள்ளார். இரண்டு படத்திற்கும் அனிருத் இசையமைக்கிறார். இதனிடையே ஐஸ்வர்யா ரஜினிகாந்த் இயக்கும் 'லால் சலாம்' படத்தில் சிறப்பு தோற்றத்தில் நடித்துள்ளார். 

 

சினிமாவைத் தாண்டி அவ்வப்போது பல்வேறு ஆளுமைகளை சந்திக்கும் ரஜினி, சமீபத்தில் இமயமலை பயணம் மேற்கொண்ட பிறகு தொடர்ந்து பல அரசியல் தலைவர்களை சந்தித்தார். அது தொடர்பான புகைப்படங்கள் சமூக வலைத்தளங்களில் வெளியாகி வைரலாகி வந்தன. 

 

அந்த வகையில் தற்போது மலேசியா சென்றுள்ள ரஜினி, அந்நாட்டு பிரதமர் அன்வர் இப்ராஹிமை சந்தித்தார். இது தொடர்பான புகைப்படங்களை எக்ஸ் தள பக்கத்தில் பதிவிட்ட அந்நாட்டு பிரதமர், "ஆசிய மற்றும் சர்வதேச கலை உலக அரங்கில் பரிச்சயமான பெயர் கொண்ட இந்தியத் திரைப்பட நட்சத்திரமான ரஜினிகாந்தை சந்தித்தேன். எனது போராட்டத்திற்கு குறிப்பாக மக்களின் துயரம் மற்றும் துன்பம் தொடர்பாக அவர் அளித்த மரியாதையை நான் பாராட்டுகிறேன். ரஜினிகாந்த் தொடர்ந்து திரையுலகில் சிறந்து விளங்க பிரார்த்திக்கிறேன்" என ரஜினியைப் பற்றிக் குறிப்பிட்டுள்ளார். 

 

 


 

Next Story

மலேசியாவில் அஜித் ரசிகர்கள் சாதனை

Published on 12/01/2023 | Edited on 12/01/2023

 

Ajith fans record in Malaysia

 

தமிழ்த் திரையுலகினர் மற்றும் ரசிகர்களால் பெரிதும் எதிர்பார்க்கப்பட்ட அஜித்தின் 'துணிவு' மற்றும் விஜய்யின் 'வாரிசு' படங்கள் கோலாகலமாக திரையரங்குகளில் வெளியாகி வெற்றி நடைபோடுகின்றன. இரு படங்களையும் பார்ப்பதற்கு மக்கள் கூட்டம் கூட்டமாகத் திரையரங்கில் கூடுகிறார்கள். இதனால் திரையரங்குகள் திருவிழாக்கோலம் பூண்டுள்ளன.

 

முதல் நாள் திரையரங்குகளில் ரசிகர்களின் கொண்டாட்டம், அடாவடி, திரையரங்கு சேதம், பேனர் கிழிப்பு எனப் பல சம்பவங்கள் அரங்கேறின. இதனிடையே, மலேசியாவில் துணிவு பட வெளியீட்டை முன்னிட்டு அஜித்திற்கு 9.144 மீட்டர் உயரம் கோண்ட கட்அவுட் வைத்து அஜித் ரசிகர்கள் சாதனை படைத்துள்ளார். மலேசியாவில் எந்த நடிகருக்கும் இவ்வளவு உயரம் கொண்ட கட்அவுட் யாரும் வைத்ததில்லை என்றும், அஜித்திற்கு தான் முதல் முறை என்றும் மலேசிய அஜித் ரசிகர்கள் சொல்கின்றனர். 

 

மேலும், ஒரு நடிகருக்கு அதிக உயரம் கொண்ட கட்அவுட் வைத்துள்ளதால் மலேசிய சாதனை புத்தகத்தில் இது இடம்பெற்றுள்ளது. இதற்கான அங்கீகார சான்றிதழ் துணிவு பட மலேசிய உரிமத்தை வாங்கிய மாலிக் ஸ்ட்ரீம்ஸ் கார்ப்பரேஷன் நிறுவனத்திற்கு வழங்கப்பட்டுள்ளது. இதையடுத்து சமூக வலைதளங்களில் அந்த கட்அவுட் புகைப்படத்தையும் சாதனை சான்றிதழையும் அஜித் ரசிகர்கள் அதிகம் பகிர்ந்து வருகின்றனர்.