சினிமாவில் பிரபல நாயகியாக இருந்த வந்த நடிகை குஷ்பு கடந்த 2010ம் ஆண்டு தன்னை திமுகவில் இணைத்துக்கொண்டார். அடுத்த ஆண்டு நடைபெற்ற தேர்தலில் தனக்கு சீட் வழங்கப்படும் என்று எதிர்பார்த்த அவருக்கு திமுக அப்படியான வாய்ப்பை வழங்கவில்லை.
இதனால் மன வருத்தத்தில் இருந்து வந்த அவர், சில ஆண்டுகள் இடைவெளியில் காங்கிரஸ் கட்சியில் சேர்ந்தார். அங்கு செய்திதொடர்பாளர் என்ற முக்கிய பொறுப்பை பெற்று பணியாற்றி வந்த அவர் கடந்த நாடாளுமன்ற தேர்தலில் சீட் கொடுக்கப்படும் என்று எதிர்பார்த்தார். ஆனாலும் அவருக்கு சீட் வழங்கப்படவில்லை. இதனால் அவர் வருத்தத்தில் இருந்ததாக கூறப்படுகிறது. இந்நிலையில், அவர் பாஜகவில் சேரப்போவதாக அடிக்கடி தகவல் வெளியாகி வந்தது. இந்நிலையில் அவர் சில தினங்களுக்கு முன்பு அவர் தன்னை பாஜகவில் இணைத்துக்கொண்டார். இதனால் காங்கிரஸ் தலைவர்கள் அவரை கடுமையாக விமர்சனம் செய்தனர். இந்நிலையில் குஷ்பு புடவை மாற்றுவதை போல் கட்சியை மாற்றுகிறார் என்று தமிழக மகளிர் காங்கிரஸ் தலைவர் சுதா குற்றம் சாட்டியுள்ளார்.