Skip to main content

“சபாநாயகர் செய்வது அதர்மம்...” - மாஃபா பாண்டியராஜன்

Published on 12/04/2023 | Edited on 12/04/2023

 

ma foi pandiarajan addressed press

 

ஆன்லைன் சூதாட்ட தடை மசோதா இரண்டாம் முறையாக சட்டப் பேரவையில் நிறைவேற்றப்பட்டு ஆளுநருக்கு அனுப்பப்பட்ட நிலையில், கடந்த 10 ஆம் தேதி ஆளுநருக்கு எதிராக சட்டமன்றத்தில் தீர்மானம் கொண்டு வந்து சில மணி நேரத்தில் அந்தச் சட்டத்திற்கு ஆளுநர் ஒப்புதல் அளித்தார். அதனைத் தொடர்ந்து நேற்று (11 ஆம் தேதி) ஆன்லைன் சூதாட்ட தடைச் சட்டம் அரசிதழில் வெளியிடப்பட்டது. 

 

இதுகுறித்து செய்தியாளர்கள் சந்திப்பில் பேசிய முன்னாள் அமைச்சர் மா.ஃபா பாண்டியராஜன், “ஆளுநரின் விவகாரங்களை விமர்சிப்பது முறையான விஷயம் கிடையாது. அவர் சட்ட ரீதியாக என்ன செய்ய வேண்டுமோ அதனை செய்திருக்கிறார். ஒரு மசோதாவை திருப்பி அனுப்புவது அவர் கொண்ட உரிமை. அதனையே இரண்டாம் முறை அனுப்பும்போது அதனை அவர் ஏற்றுக்கொண்டே ஆக வேண்டும். அது சட்ட ரீதியானது. இதனை இன்னும் கொஞ்சம் வேகமாக செய்திருக்க வேண்டும் என்பது என்னுடைய கருத்து. இத்தனை நாட்கள் வைத்து, இத்தனை இறப்புகளுக்கு அவரை குற்றம் சாட்டக்கூடிய நிலைக்கு வந்திருக்க வேண்டாம் என்பது என் கருத்து. நல்ல சட்டங்களுக்கு ஒப்புதல் தரலாம். தற்போது கூட்டுறவு சங்கத் தேர்தலை நிறுத்தி வைத்திருக்கிறார். அது நியாயம்; தர்மம். ஆன்லைன் ரம்மி தடைச் சட்டத்தை முதலில் கொண்டு வந்ததே நாங்கள் தான். அதற்கு தற்போதும் நாங்கள் ஆதரவு கொடுத்திருக்கிறோம்” என்றார். 

 

அரசிதழில் வெளியான ஆன்லைன் சூதாட்ட தடைச் சட்டம்
 

தொடர்ந்து செய்தியாளர்கள், எதிர்க்கட்சித் துணைத் தலைவர் விவகாரத்தில் சபாநாயகர் அப்பாவு எப்படி செயல்படுகிறார்? என்று கேள்வி எழுப்பினர். அதற்கு பதில் அளித்த மாஃபா பாண்டியராஜன், “இது அதர்மமான போக்கு; இதில் சட்ட ரீதியான நடவடிக்கையை அவர் எடுக்கவில்லை. உச்சநீதிமன்றமே அங்கீகரித்த அதிமுக பொதுச்செயலாளர் ஒரு முடிவை எடுத்திருக்கும்போது, அதற்கு மாறுதலாக சட்டமன்றத்தில் ஒரு முடிவை எடுப்பது தவறான காரியம். எதிர்க்கட்சித் துணைத் தலைவராக ஆர்.பி.உதயகுமார் வெகு விரைவில் அமர்ந்தே ஆக வேண்டும்” என்று தெரிவித்தார். 

 

 

சார்ந்த செய்திகள்

Next Story

குடைச்சல் தரும் ஓ.பி.எஸ் அணி; எரிச்சலில் இ.பி.எஸ் அணி - ஜெயலலிதா பிறந்தநாள் கலேபரம்! 

Published on 26/02/2024 | Edited on 26/02/2024
Bitterness between supporters of eps  and supporters of ops  in Vathalagundu

வத்தலகுண்டில் ஜெயலலிதா பிறந்த நாளை இ.பி.எஸ் அணியினர் கேசரி, கொடுத்தும் லட்டு கொடுத்தும் கொண்டாடினர். ஆனால், ஓபிஎஸ் அணியினர் முட்டை பிரியாணி போட்டு இ.பி.எஸ் அணியை எரிச்சல் ஏற்படுத்தினர். பழைய வத்தலகுண்டில் ஓ.பி.எஸ் ஆதரவாளர் முனியாண்டி விலாஸ் ரத்தினம் ஏற்பாட்டில் ஓ.பி.எஸ் ஆதரவு ஊராட்சி செயலாளர் முத்தையா என்பவர் அதிமுக கொடி, இரட்டை இலை தோரணம் மற்றும் அப்பகுதியில் உள்ள ஓ.பி.எஸ் ஆதரவாளர்கள் அனைவரின் படங்களைப் போட்டு பேனர் வைத்து  ரேடியோ கட்டி ஜெயலலிதா பிறந்தநாளைக் கொண்டாடினர். 

ஓ.பி.எஸ் ஆதரவு அணி மாநில மகளிர் அணி  இணைச் செயலாளர் இமாக்குலின் சர்மிளா, முன்னாள் எம்.எல்.ஏ சுப்புரத்தினம், மாவட்டச் செயலாளர் வைகை பாலன் உள்ளிட்டோர் பங்கேற்று பொது மக்களுக்கு முட்டை பிரியாணி வழங்கினர். தேர்தல் கூட்டணி, தேர்தல் வியூகம் என அதிமுகவினர் தனிப்பட்ட முறையில் செயல்பட்டு வரும் நிலையில் ஓ.பி.எஸ் ஆதரவாளர்கள் தங்கள் தான் அதிமுக என்பது போல் அடையாளம் காட்டி பொதுமக்களிடையே பிம்பத்தை ஏற்படுத்தி வருவது இ.பி.எஸ் ஆதரவாளர்களிடையே எரிச்சலையும் கொந்தளிப்பையும் ஏற்படுத்தியுள்ளது என்கின்றனர் பலர்.

ஓ.பி.எஸ் அதிமுக கொடி மற்றும் சின்னத்தைப் பயன்படுத்தத் தடை வாங்கியது போல், அவரது ஆதரவாளர்களும் கொடி சின்னங்களைப் பயன்படுத்தத் தடை வாங்க வேண்டும் என இ.பி.எஸ் ஆதரவாளர்கள் போர்க்கொடி உயர்த்தி உள்ளனர்.

Next Story

'ஒரே ஒரு தயக்கம்'- இறுதிக் கட்டத்தை எட்டிய அதிமுக,பாமக கூட்டணி

Published on 26/02/2024 | Edited on 26/02/2024
 'One Reluctance' - AIADMK-PMK alliance reaches final stage

நாடாளுமன்ற மக்களவைப் பொதுத் தேர்தல் விரைவில் நடைபெற உள்ளது. இதனை முன்னிட்டு அரசியல் கட்சிகள் சார்பில் தேர்தல் பணிகளை மேற்கொள்வதற்காக பல்வேறு குழுக்கள் அமைக்கப்பட்டு தீவிர ஆலோசனைகள் நடத்தப்பட்டு வருகின்றன. மேலும் நாடாளுமன்றத் தேர்தலுக்கான பணிகளை அரசியல் கட்சிகள் தற்போதே தீவிரப்படுத்தி வருகின்றன. இத்தகைய சூழலில் இந்தியத் தேர்தல் ஆணையமும் மக்களவைத் தேர்தல் முன்னேற்பாடுகள் குறித்து தொடர்ந்து ஆய்வு நடத்தி வருகிறது.

2024 மக்களவைத் தேர்தலில் பா.ஜ.க. கூட்டணியை பா.ம.க., தே.மு.தி.க. ஆகிய கட்சிகள் புறக்கணிப்பதாக தகவல் வெளியாகி உள்ளது. அதே சமயம் பா.ம.க., தே.மு.தி.க. அ.தி.மு.க கூட்டணியில் இணைய வாய்ப்பு உள்ளதாகவும் தகவல்கள் வெளியாகி இருந்தன. இந்நிலையில் அ.தி.மு.க கூட்டணியில் பா.ம.க இணைவதற்கான பேச்சுவார்த்தை இறுதிக் கட்டத்தை எட்டியுள்ளதாக தகவல்கள் வெளியாகியுள்ளது. அ.தி.மு.க கூட்டணியில் தருமபுரி, ஸ்ரீபெரும்புதூர், கடலூர், விழுப்புரம், கள்ளக்குறிச்சி, அரக்கோணம், ஆரணி ஆகிய 7 மக்களவை, ஒரு மாநிலங்களவை தொகுதியை பாமக கேட்பதாகவும், ஆனால் மாநிலங்களவை உறுப்பினர் பதவியை ஒதுக்க அ.தி.மு.க தயக்கம் காட்டுவதாகவும் கூறப்படுகிறது.

அதேபோல் தென் மாவட்டங்களில் ஒரு தொகுதியில் ஏதேனும் ஒரு தொகுதியில் பா.ம.க போட்டியிட வேண்டும் என்ற கோரிக்கையை பா.ம.க ஏற்க தயங்குவதாகவும் தகவல்கள் வெளியாகி உள்ளது.