Skip to main content

லண்டனில் இருந்து தேனி திரும்பிய இளைஞருக்கு கரோனா!

Published on 27/12/2020 | Edited on 27/12/2020

 

London youth arrived theni district  test for covid in positive

லண்டனில் இருந்து தேனி வந்த இன்ஜினியருக்கு கரோனா பாதிப்பு உறுதிச் செய்யப்பட்டது. இங்கிலாந்தில் உருமாறிய கரோனா வைரஸ் மற்ற நாடுகளுக்கு பரவி வருகிறது. இதனால் இந்தியாவில் மத்திய மற்றும் மாநில அரசுகள் முன்னெச்சரிக்கை நடவடிக்கைகளை முடுக்கிவிட்டுள்ளனர். அதன் ஒரு பகுதியாக இங்கிலாந்தில் இருந்து இந்தியாவிற்கு திரும்பியவர்கள் கண்டறியப்பட்டு, அவர்களுக்கு கரோனா பரிசோதனை நடத்தப்பட்டு வருகிறது. 

 

அந்த வகையில் இங்கிலாந்தில் இருந்து கடந்த இரண்டு வாரங்களில் தேனி மாவட்டத்திற்கு திரும்பி வந்த 17 பேர் அவரவர் வீடுகளில் தனிமைப்படுத்தப்பட்டனர். மேலும் அவர்களுக்கு கரோனா பரிசோதனை நடத்தப்பட்டு வருகிறது. இந்த நிலையில் தேனி அருகே உள்ள ஒரு கிராமத்தைச் சேர்ந்த 36 வயது இன்ஜினியர் ஒருவர் லண்டனில் உள்ள தனியார் நிறுவனத்தில் வேலை பார்த்து வந்தார். 

 

அவர் கடந்த வாரம் சொந்த ஊருக்கு திரும்பினார். இதையடுத்து அவருக்கு கடந்த டிசம்பர் 24- ஆம் தேதி அன்று கரோனா பரிசோதனை செய்ததில் வைரஸ் பாதிப்பு இருப்பது உறுதி செய்யப்பட்டது. இதையடுத்து அவர் சிகிச்சைக்காக தேனி அரசு மருத்துவக் கல்லூரி மருத்துவ மனையில் அனுமதிக்கப்பட்டார். அதைத் தொடர்ந்து அவரிடம் சளி மாதிரி எடுக்கப்பட்டு புனேவில் உள்ள மத்திய அரசின் ஆய்வகத்திற்கு அனுப்பப்பட்டது. அதேபோல், அந்த இளைஞருடன் தொடர்பில் இருந்த மற்றவர்களுக்கும் கரோனா பரிசோதனை செய்யப்பட்டுள்ளது.

 

மேலும் ஆண்டிப்பட்டி அருகே ஒரு கிராமத்தைச் சேர்ந்த 5 வயது சிறுவன் தனது பெற்றோருடன் துபாயில் இருந்து தேனிக்கு வந்தான். இதையடுத்து அந்த சிறுவனுக்கும், பெற்றோருக்கும் கரோனா பரிசோதனை செய்யப்பட்டது. 

 

அதில் அந்த சிறுவனுக்கு கரோனா பாதிப்பு இருப்பது உறுதியானது. அதையடுத்து சிறுவன் சிகிச்சைக்காக தேனி அரசு மருத்துவக் கல்லூரி மருத்துவமனையில் அனுமதிக்கப்பட்டுள்ளார். 

 

 

சார்ந்த செய்திகள்

 

Next Story

முதல்வரின் நம்பிக்கைக்குரியவரானார் அமைச்சர் ஐ.பெரியசாமி!

Published on 08/06/2024 | Edited on 08/06/2024
Minister I. Periyasamy became the cm stalin confidant

திண்டுக்கல், தேனி தொகுதிகளில் போட்டியிடும் இரண்டு வேட்பாளர்களையும் அண்ணன் ஐ.பெரியசாமி வெற்றி பெற வைத்துவிடுவார்என்ற நம்பிக்கை எனக்கு இருக்கு என்று தேனி மாவட்டத்தில் உள்ள பெரியகுளம் லட்சுமிபுரத்தில் நடந்த தேர்தல் பிரச்சார கூட்டத்தில் திமுக தலைவரும், முதல்வருமான மு.க.ஸ்டாலின் பேசியிருந்தார். அதுபோல் திண்டுக்கல் பாராளுமன்ற தொகுதியின் தி.மு.க. கூட்டணி சிபிஎம் வேட்பாளராக சச்சிதானந்தத்தை அறிவித்த உடனே மாநிலத் தலைவரான பாலகிருஷ்ணன் திண்டுக்கலில் உள்ள அமைச்சர் ஐ.பெரியசாமியைச் சந்தித்தார். அப்போது அதிக ஓட்டு வித்தியாசத்தில் சச்சிதானந்தத்தை வெற்றி பெற வைப்பேன் எனக் கூறியிருந்தார்.

அதைத் தொடர்ந்துதான் கட்சிபொறுப்பாளர்களை உசுப்பிவிட்டு தேர்தல் பணியில் அமைச்சர் ஐ.பி. ஆர்வம்காட்டி வந்தார். அதுபோல் தேனி மாவட்ட பொறுப்பு அமைச்சராக அமைச்சர் ஐ.பெரியசாமி இருந்து வருவதால் தேனி பாராளுமன்ற தொகுதியில் போட்டியிட்ட திமுக வேட்பாளராக தங்க தமிழ்ச்செல்வனையும் வெற்றி பெறவைக்க வேண்டும் என்ற நோக்கத்தில் ஒவ்வொரு பகுதியிலும் உள்ள கட்சிப் பொறுப்பில் இருக்கும் உடன் பிறப்புக்களிடம் கருத்து வேறுபாடுகளை எல்லாம் மறந்து இந்தத் தேர்தலில் பணியாற்றுவதின் மூலம் தங்கத்தமிழ்ச்செல்வனை அதிக ஓட்டு வித்தியாசத்தில் வெற்றி பெற வைக்க வேண்டும் என்றும் வலியுறுத்தி வந்தார்.

Minister I. Periyasamy became the cm stalin confidant

இந்த நிலையில்தான் தேனி பிரச்சாரத்திற்கு வந்த அமைச்சர் உதயநிதி ஸ்டாலினும் இத்தொகுதியில் போட்டி போடும் தங்கத்தமிழச்செல்வனை மூன்று லட்சம் ஓட்டு வித்தியாசத்தில் வெற்றி பெற வைத்தீர்கள் என்றால் தேனி தொகுதியில் தங்கி மக்களின் குறைகளையும், கோரிக்கைளையும் நிறைவேற்றி கொடுப்பேன் என்று கூறியிருந்தார். அதைத்தொடர்ந்து தேர்தல் பிரச்சாரத்திற்கு வந்த முதல்வர்தான் இரண்டு வேட்பாளர்களையும் அமைச்சர் ஐ.பெரியசாமி வெற்றி பெற வைப்பார் என்ற நம்பிக்கை இருக்கிறது என்று மேடையிலேயே இருந்த அமைச்சர்களான ஐ.பெரியசாமி மற்றும் சக்கரபாணி முன்னிலையில் கூறினார்.

அதைத் தொடர்ந்து தீவிரமாக தேர்தல் களத்தில் ஆர்வம் காட்டிய அமைச்சர் ஐ.பெரியசாமி திண்டுக்கல் தொகுதியில் சிபிஎம் வேட்பாளரின் சின்னமான அரிவாள், சுத்தியல், நட்சத்திரம் சின்னம் தொகுதி மக்கள் மத்தியில் அறிமுகம் இல்லாததால் அதை வாக்காள மக்களின் மனதில் பதிய வேண்டும் என்பதற்காக உணவு மற்றும் உணவுப்பொருள் வழங்கல்துறை அமைச்சர் சக்கரபாணி மற்றும் பழனி சட்டமன்ற உறுப்பினர் ஐ.பி.செந்தில்குமார் ஆகியோருடன் ஆலோசனை செய்த அமைச்சர் ஐ.பெரியசாமி உடனே தொகுதியில் உள்ள கட்சிப் பொறுப்பாளர்களை உசுப்பிவிட்டு நகரம் முதல் பட்டி தொட்டி வரை அரிவாள் சுத்தியல் நட்சத்திரம் சின்னத்தை மக்களிடம் பதிய வைக்க வேண்டும் என்பதற்காக சின்னத்தை பிட் நோட்டீஸ் மூலமாகவும், விசிறிகளாகவும் தயார் செய்து வீடு வீடாக கொடுத்து பிரச்சாரம் செய்து மக்கள் மனதில் பதிய வைத்தனர்.

Minister I. Periyasamy became the cm stalin confidant

அதன் அடிப்படையில்தான் இரண்டு அமைச்சர்களின் தொகுதியில் தலா ஒரு லட்சம் ஓட்டுகளுக்குமேல் வாங்கி கொடுத்ததின் பேரில்தான் 4லட்சத்து 43 ஆயிரத்து 821 ஓட்டுக்கள் கூடுதலாக பெற்று தமிழகத்திலேயே மூன்றாம் இடத்தை பிடித்ததுடன் மட்டுமல்லாமல் தன்னை எதிர்த்து போட்டியிட்ட அதிமுக கூட்டணியின் எஸ்.டி.பி.ஐ. கட்சியின் வேட்பாளர் முகமது முபாரக் தவிர, பா.ம.க. வேட்பாளர் திலகபாமா, நாம் தமிழர் கட்சி உட்பட அனைவருமே டெபாசிட் இழந்தும் இருக்கிறார்கள். அதுபோல் தேனி பாராளுமன்ற தொகுதியில் திமுக சார்பில் களமிறங்கி உள்ள தங்கத் தமிழ்ச்செல்வனையும் அதிக ஓட்டுக்களில் வெற்றிபெற வைக்க வேண்டும் என்ற நோக்கத்தில் தொகுதியில் இருக்கும் இரண்டு மாவட்டங்களிலிருக்கும் எம்.எல்.ஏ.க்களான சரவணக்குமார், கம்பம் ராமகிருஷ்ணன், மகாராஜன் மற்றும் உசிலம்பட்டி, சமயநல்லூர் தொகுதிகளில் உள்ள கட்சிப் பொறுப்பாளர்களிடம் ஆலோசனை செய்து தேர்தல் களத்தில் இறக்கி தீவிரமாக மக்கள் மத்தியில் ஆளும் கட்சியின் சலுகைகளையும், சாதனைகளையும் சொல்லி வாக்காள மக்களிடம் ஓட்டு கேட்டு வைத்ததின் பேரில்தான் 2லட்சத்து 78 ஆயிரத்து 825 ஓட்டுக்கள் வித்தியாசத்தில் தங்கத்தமிழ்ச்செல்வன் வெற்றி பெற்று இருக்கிறார்.

Minister I. Periyasamy became the cm stalin confidant

இதில் எதிர்த்து போட்டியிட்ட டிடிவி தினகரனைத் தவிர அதிமுக வேட்பாளர் நாராயணசாமி மற்றும் நாம் தமிழர் கட்சி வேட்பாளர் மதன் உட்பட பத்துக்கும் மேற்பட்ட சுயேட்சைகளும் டெபாசிட் இழந்து இருக்கிறார்கள். அந்த அளவுக்கு தேனி, திண்டுக்கல் தொகுதிகளில் போட்டியிட்ட தங்கத்தமிழ்ச்செல்வனையும், சச்சிதானந்தத்தையும் முதல்வர் சொன்ன ஒரு வார்த்தைக்காக அதிக ஓட்டு வித்தியாசத்தில் வெற்றி பெற வைத்திருக்கிறார். அந்த அளவுக்கு முதல்வரின் நம்பிக்கைக்கு உரியவராக அமைச்சர் ஐ.பெரியசாமி இருந்து வருகிறார் என்று கட்சியினரே பேசி வருகின்றனர்.

Next Story

தேனியில் வாக்கு எண்ணிக்கை மந்தம்; போலீசுக்கும் பத்திரிகையாளர்களுக்கும் வாக்குவாதம்!

Published on 04/06/2024 | Edited on 04/06/2024
Voting in Theni is sluggish

தேனி பாராளுமன்ற தொகுதிக்கான வாக்கு எண்ணிக்கையானது தேனி அருகே உள்ள கம்பவர் பொறியியல் கல்லூரியில் நடைபெற்று வருகிறது. இதில் முதல் ரவுண்டில் திமுக வேட்பாளர் தங்கத்தமிழ்ச்செல்வன் பத்தாயிரம் ஓட்டுவித்தியாசத்தில் முன்னிலையில் இருந்து வந்தார். ஆனால் அதிகாரப்பூர்வமாக தேர்தல் அதிகாரி அறிவிக்காமல் காலதாமதப்படுத்தி வந்தார். அதுபோல் தேனி பாராளுமன்ற தொகுதிக்கு உட்பட்ட உசிலம்பட்டி, சோழவந்தான், ஆண்டிப்பட்டி,பெரியகுளம், கம்பம், போடி ஆகிய ஆறு சட்டமன்ற தொகுதியில் வாக்கு எண்ணிக்கையில் கல்லூரியில் ஒவ்வொரு பகுதியிலும் எண்ணப்பட்டு வந்தது. இப்படி எண்ணப்பட்டு வருவதில் ஆளுங்கட்சியான தங்கத்தமிழ்ச்செல்வன் ஒவ்வொரு சுற்றிலும் தங்கத்தமிழ்ச்செல்வனும் டிடிவியும் மூன்று இலக்கிலேயே வாக்குகள் வாங்கி வந்தனர்.

ஆனால் அதிமுக வேட்பாளருக்கு ஒரு சில தொகுதிகளில் எண்ணக்கூடிய எண்ணிக்கை மையங்களில் மூன்று இலக்குகள் வாங்கினார்களே தவிர மற்ற தொகுதிகளில் எண்ணக் கூடிய மையங்களில் இரண்டு இலக்கில் தான் ஓட்டுக்கள் வாங்கி வருகிறார். இதனால் முதல் இடத்தை ஆளுங்கட்சி வேட்பாளரான தங்கத்தமிழ்ச்செல்வன் பிடித்து வருகிறார். இரண்டாவது இடத்தை டிடிவி தினகரன் தக்க வைத்து வருகிறார். மூன்றாவது இடத்தில் அதிமுக வேட்பாளர் நாராயணசாமி பிடித்து வருகிறார். இதைக்கண்டு மனம் நொந்துபோன பூத் எண்ணிக்கைக்கு வந்த அதிமுகவினர் பாதியிலேயே வாக்கு எண்ணிக்கை மையத்தை விட்டு வெளியேறினார்கள். ஆனால் இப்படி ஓட்டு எண்ணிக்கை நடந்து வருகிறது. இந்த தகவல்களை முழுமையாக பத்திரிகையாளர்களுக்கு தெரிவிக்காமல் காலதாமதப்படுத்தி வந்தனர். 

Voting in Theni is sluggish

ஆனால் தமிழகம் முழுவதும் ஒவ்வொரு மாவட்டத்திலும்  வாக்கு எண்ணிக்கை நடைபெற்று யார் எந்த கட்சி வேட்பாளர் முன்னிலையில்  இருக்கிறார் என்பதையும் அறிவித்து வருகிறார்கள். ஆனால் தேனி  பாராளுமன்ற தொகுதியில் வாக்கு எண்ணிக்கை காலையில் இருந்தே மந்தமாக  இருந்தது. அப்படியிருந்தும் 10 மணிக்கு மேலாகியும் கூட பல மாவட்டங்களில்  இரண்டாவது சுற்று, மூன்றாவது சுற்று விபங்கள் பத்திரிக்கை மீடியாக்களுக்கு  தெரியப்படுத்தியும் வருகிறார்கள். ஆனால் இங்கு முதல் சுற்றில் எந்த  வேட்பாளர் முன்னிலையில் இருக்கிறார் என்பது கூட தேர்தல் அதிகாரிதெரிவிக்கவில்லை. இதனால் கோபமடைந்த 50க்கும் மேற்பட்டபத்திரிக்கையாளர்கள் தேர்தல் அதிகாரியிடம் கேட்க சென்றனர்.

அப்போது பாதுகாப்பு பணியில் இருந்த போலீசார் அதிகாரிகள், பத்திரிகையாளர்களை ரூமைவிட்டு நீங்க வெளியே போக கூடாது என்றும் விதிமுறைகளை மீறிசெயல்படுகிறீர்கள் என்று தடுத்தனர். அதற்கு பத்திரிக்கையாளர்கள் நாங்கள் தேர்தல் அதிகாரியிடம் விபரம் கேட்கத்தான் செல்கிறோம் என்று கூறிவிட்டுசென்றனர். அப்படியிருந்தும் பத்திரிகையாளர்களை போலீஸ் அதிகாரிகள் தடுத்ததில் வாக்குவாதம் ஏற்பட்டதால் உடனிருந்த செய்தி மக்கள் தொடர்பு அதிகாரிகள் மற்றும் சிலர் அவர்களை சமாதானப்படுத்தினார்கள்.

Voting in Theni is sluggish

அப்போது அங்கு வந்த தேர்தல் அதிகாரியான மாவட்ட கலெக்டரிடம் பத்திரிக்கையாளர்கள் முறையிட்டனர். அதன் அடிப்படையில் இனிமேல் உடனுக்குடன் ஓட்டு எண்ணிக்கை விபரங்கள் கொடுக்கப்படும் என்று கூறினார்.அதைத் தொடர்ந்து பத்திரிக்கையாளர்கள் வாக்கு எண்ணிக்கை மையத்தில் உள்ள தங்களுக்காக ஒதுக்கப்பட்ட ரூமிற்கு சென்றனர். இதனால் வாக்கு எண்ணிக்கையில் பெரும் பரபரப்பு ஏற்பட்டது.