Skip to main content

உள்ளாட்சி தேர்தல்: டாஸ்மாக் கடைகள் மூடல்! 30 சதவீத மதுபானங்கள் கூடுதல் விற்பனை!!

Published on 26/12/2019 | Edited on 26/12/2019

உள்ளாட்சித் தேர்தலையொட்டி டாஸ்மாக் மதுபானக்கடைகள் மூடப்பட்டதால், மது பிரியர்கள், அரசியல் கட்சியினர் இரு நாள்களுக்கு முன்பே வழக்கத்தைவிட கூடுதலாக மதுபானங்களை வாங்கி இருப்பு வைத்துக் கொண்டனர். இதனால் டாஸ்மாக்கில் 30 சதவீதம் வரை மதுபான விற்பனை அதிகரித்துள்ளது.

தமிழகத்தில் ஊரக உள்ளாட்சி அமைப்புகளுக்கு டிசம்பர் 27 (வெள்ளிக்கிழமை) மற்றும் 30ம் தேதிகளில் இரண்டு கட்டங்களாக தேர்தல் நடக்கிறது. முதல்கட்ட வாக்குப்பதிவு நடைபெறும் உள்ளாட்சி அமைப்பு பகுதிகளில் புதன்கிழமை மாலையில் பரப்புரை முடிந்தது.

 

Local elections: Closing of tasmac Shop! 30% Breweries Extra Sales !!


தேர்தலையொட்டி சேலம் மாவட்டம் முழுவதும் 3000க்கும் மேற்பட்ட காவல்துறையினர் பாதுகாப்புப் பணியில் ஈடுபடுத்தப்பட்டு உள்ளனர். முன்னெச்சரிக்கை நடவடிக்கையாக நேற்று (டிச. 25) மாலை 5 மணி முதல், வாக்குப்பதிவு நடைபெறும் 27ம் தேதி மாலை 5 மணி வரை மாவட்டம் முழுவதும் உள்ள அனைத்து டாஸ்மாக் மதுபானக் கடைகள், பார்களையும் மூட உத்தரவிடப்பட்டு உள்ளது.

அதேபோல், இரண்டாம்கட்ட தேர்தலையொட்டி, டிச. 28ம் தேதி மாலை 5 மணி முதல் 30ம் தேதி மாலை 5 மணி வரை டாஸ்மாக் கடைகள் மூடப்படுகின்றன. மேலும், வாக்கு எண்ணிக்கை நடைபெற உள்ள ஜனவரி 2ம் தேதியன்றும் அனைத்து மதுபானக்கடைகள், மதுக்கூடங்கள் மூடப்படுவதாக மாவட்ட ஆட்சியர் ராமன் உத்தரவிட்டுள்ளார்.

சேலம் மாவட்டத்தில் 220 டாஸ்மாக் மதுக்கடைகள், 50க்கும் மேற்பட்ட மதுக்கூடங்கள் உள்ளன. ஊரக உள்ளாட்சித் தேர்தலையொட்டி இவை அனைத்தும் ஏற்கனவே அறிவிக்கப்பட்டுள்ளபடி, மூடப்படுகின்றன. தனியார் தங்கும் மதுக்கூடங்கள், நட்சத்திர விடுதிகளில் செயல்பட்டு வரும் மதுக்கூடங்களும் மூடப்படுகின்ற.

அடுத்தடுத்து மதுபானக் கடைகள் மூடப்படுவதால், மது பிரியர்கள் கடந்த இரு நாள்களுக்கு முன்பே மதுபிரியர்கள், அரசியல்கட்சியினர் கூடுதலாக மதுபானங்களை வாங்கி இருப்பு வைத்துக்கொண்டனர். இதனால் கடந்த இரு நாள்களில் வழக்கத்தை விட 30 சதவீதம் வரை கூடுதலாக டாஸ்மாக் மதுபான விற்பனை நடந்துள்ளதாக அதிகாரிகள் கூறினர்.

 


 

சார்ந்த செய்திகள்

Next Story

தொடங்கியது வேட்புமனு பரிசீலனை

Published on 28/03/2024 | Edited on 28/03/2024
Scrutiny of nominations has begun

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

நேற்று வேட்புமனு தாக்கல் முடிந்த நிலையில், இன்று வேட்புமனு பரிசீலனை நடைபெற்று வருகிறது. சேலத்தில் திமுக வேட்பாளராக அறிவிக்கப்பட்ட செல்வ கணபதியின் வேட்புமனு நிறுத்தி வைக்கப்பட்டுள்ளது. இரட்டை வாக்குரிமை சர்ச்சை காரணமாக அவருடைய வேட்புமனு நிறுத்தி வைக்கப்பட்டுள்ளது. திருச்சியில் மதிமுக சார்பில் போட்டியிடும் துரை வைகோவின் மனு ஏற்கப்பட்டுள்ளது. திருச்சியில் அமமுக சார்பில் போட்டியிடும் செந்தில்நாதன் வேட்புமனு ஏற்கப்பட்டுள்ளது.

மதுரை தொகுதியில் அதிமுக, பாஜக, நாம் தமிழர் வேட்பாளர்களின் மனுக்கள் ஏற்கப்பட்டுள்ளன. நாமக்கல் தொகுதியில் திமுக, அதிமுக, பாஜக, நாம் தமிழர் கட்சிகளின் வேட்பு மனுக்கள் ஏற்கப்பட்டுள்ளது. மத்திய சென்னையில் போட்டியிடும் திமுக வேட்பாளர் தயாநிதி மாறன் மனு ஏற்கப்பட்டுள்ளது. தென் சென்னையில் போட்டியிடும் திமுக வேட்பாளர் தமிழச்சி தங்கபாண்டியன் மனு ஏற்கப்பட்டுள்ளது. பாஜக வேட்பாளர் வினோத் பி. செல்வம் மனுவை ஏற்றுக்கொள்ளக்கூடாது என திமுக தரப்பு எதிர்ப்பு தெரிவித்துள்ளது. மனுவை முழுமையாகப் பூர்த்தி செய்து தராததால் திமுக எதிர்ப்பு தெரிவித்துள்ளது. வினோத் பி. செல்வத்தின் மனுவை மறு ஆய்வு செய்ய வேண்டும் என திமுக தரப்பு கோரிக்கை வைத்துள்ளதால் பரபரப்பு ஏற்பட்டுள்ளது.

Next Story

'100 நாள் வேலை ஊதியம்' - மத்திய அரசு வெளியிட்ட திடீர் அரசாணை

Published on 28/03/2024 | Edited on 28/03/2024
'100 days of work wages'- Sudden decree issued by the central government

100 நாள் வேலை ஊதியத்தை உயர்த்தி மத்திய அரசு அரசாணை வெளியிட்டுள்ளது.

தமிழகம் மற்றும் புதுச்சேரியில் 100 நாள் வேலைவாய்ப்பு திட்டத்தின் ஊதியத்தை 319 ரூபாயாக உயர்த்தி ஒன்றிய அரசு அரசாணை பிறப்பித்துள்ளது.

தற்பொழுது தேர்தல் நடத்தை விதிகள் அமலில் இருப்பதால் தேர்தல் ஆணையத்தின் அனுமதியைப் பெற்று இந்த அரசாணை வெளியிடப்பட்டுள்ளதாக ஒன்றிய அரசு சார்பில் தெரிவிக்கப்பட்டுள்ளது. மாநிலம் வாரியாக 100 நாள் வேலைத் திட்டத்திற்கான ஊதியத்தை ஏற்கனவே அதிகரித்து மத்திய அரசு அறிவித்து வெளியிட்டிருந்த நிலையில் இதற்கான அரசாணை தற்போது வெளியிட்டுள்ளது.

அண்மையில் மகளிர் தினத்தின் போது சமையல் சிலிண்டர் விலை குறைப்பு நடவடிக்கையில் ஒன்றிய அரசு  ஈடுபட்ட நிலையில், தேர்தல் நேரத்தில் பாஜக அரசு வாக்குகளைப் பெற இதுபோன்ற சலுகைகளை அறிவிப்பதாக எதிர்க்கட்சிகள் குற்றம்சாட்டி வந்தன. இந்நிலையில் தற்போது தேர்தல் தேதி அறிவிக்கப்பட்ட பின்னர் 100 நாள் வேலையின் ஊதியத்தை உயர்த்தி மத்திய அரசு வழங்கியுள்ளதையும் எதிர்க்கட்சிகள் விமர்சித்து வருகின்றன.