6.5 ஏக்கர் பரப்பளவு உள்ள ஏரியை மீட்டுத்தரக் கோரி விவசாயிகள் போராட்டம்

மேலும் காடு வளர்ப்பு என்ற பெயரிலும் தனியார் சிமெண்ட் ஆலை நிறுவனம் வீராணி ஏரியை ஆக்கிரமித்து விவசாயிகளை ஏமாற்றி வருகிறது என குற்றஞ்சாட்டுகின்றனர். இவர்கள் காடு வளர்க்க வேண்டிய இடத்தில் வளர்க்கட்டும். ஏரியை எங்களுக்கு திருப்பித்தரட்டும். நடவடிக்கை எடுக்கவில்லையெனில் போராட்டம் தீவிரமடையும் என்று விவசாயிகள் எச்சரித்தனர்.

ஏரி குளங்களை ஆக்கிரமித்துள்ளவர்கள் யாராக இருந்தாலும் கடுமையான நடவடிக்கை எடுக்க வேண்டும் என உயர்நீதிமன்றம் உத்தரவிட்டும் நடவடிக்கை எடுக்கத் தயங்கும் மர்மம் தான் என்ன என்று விவசாயிகள் கேள்வி எழுப்புகின்றனர். 6.5 ஏக்கர் பரப்பளவில் உள்ள ஏரியையும் நீரோடையையும் மீட்டுத்தர மாவட்ட நிர்வாகம் உயர்நீதிமன்ற ஆணையை கருத்தில் கொண்டு நடவடிக்கை எடுக்க முன் வர வேண்டும் என விவசாயிகள் கோரிக்கை வைத்துள்ளனர்.