Skip to main content

அமைச்சர் பெயரில் ஓட்டல்! ஆளும் கட்சியினருக்கு சாப்பாடு! -‘அடடே’ வேலூர்!

Published on 30/07/2019 | Edited on 30/07/2019

 


வேலூர் மக்களவைத் தேர்தலில் ‘டூ மச்’ என்று சொல்லும் அளவுக்கு ஆளும் கட்சியினர் களப்பணியாற்றி வருகின்றனர், அவர்களின் மெனக்கெடல்களில் ஒன்றுதான்,  அமைச்சர் பெயரில் தொடங்கப்பட்டிருக்கும் கே.டி.ஆர். உணவகம்.  

 

kt

 

பொதுவாக, தேர்தல் பணியாற்றும் கட்சியினருக்கு டீ-யிலிருந்து சாப்பாடு வரையிலும் சகலமும் கிடைக்கும். இரவு நேரத்தில் உற்சாகக் கவனிப்பும் நடக்கும். இதற்கான செலவுகளை, அந்தந்த ஏரியாவில் ‘இன்சார்ஜ்’ ஆக உள்ள அமைச்சரோ, எம்.எல்.ஏ.வோ,  மாவட்டச் செயலாளரோ, வேறு முக்கிய நிர்வாகிகளோ பார்த்துக்கொள்வார்கள். எல்லா கட்சிகளுக்கும் இது பொருந்தும். 

 

h

 

வேலூர் மக்களவைத் தொகுதியில்,  கே.வி.குப்பம் பகுதியில் தமிழக பால்வளத்துறை அமைச்சர் கே.டி.ராஜேந்திரபாலாஜி தலைமையில் தொடர்ந்து தேர்தல் பிரச்சாரம் செய்து வருகிறார்கள் ஆளும் கட்சியினர். இவர்களுக்காக, அந்த ஏரியாவில் அமைச்சர் பெயரில் ஒரு ஹோட்டலே ஆரம்பித்து மூன்று வேளையும் இலவசமாக சைவ, அசைவ உணவு பரிமாறுகின்றனர்.   

 

k

 

அந்த  ஓட்டலின் உரிமையாளர் என படத்தோடு சாத்தூர் எம்.எல்.ஏ. ராஜவர்மனின் பெயரை போட்டிருந்ததால், அவரிடம் பேசினோம். 

 

“கண்ட கடையிலும் சாப்பிட்டு கட்சித் தொண்டர்கள் உடம்பைக் கெடுத்துக்கக் கூடாதுன்னுதான், நண்பர் ஒருவரின் ஓட்டலைப் பிடித்து அங்கே சாப்பாடு போடறோம்.   இதற்காக, சாத்தூரிலிருந்தே சமையல் ஆட்களைக் கூட்டி வந்திருக்கோம்.” என்றார். 

 

வயிற்றுக்குச் சோறு போட்டு வேலை வாங்குவதென்பது இதுதானோ?    
 

சார்ந்த செய்திகள்

 

Next Story

ராஜேந்திர பாலாஜி மீதான மோசடி புகார்; இறுதிக்கட்டத்தில் போலீஸ் விசாரணை!

Published on 11/04/2024 | Edited on 11/04/2024
complaint against Rajendra Balaji Police investigation in the final stage

அதிமுகவைச் சேர்ந்த முன்னாள் அமைச்சர் ராஜேந்திர பாலாஜி கடந்த அதிமுக ஆட்சியில் பால்வளத்துறை அமைச்சராக இருந்தபோது ஆவின் மற்றும் அரசுத் துறைகளில் வேலை வாங்கித் தருவதாக கூறி பல்வேறு நபர்களிடம் மூன்று கோடி ரூபாய் வரை மோசடி செய்ததாக புகார் எழுந்தது. இது தொடர்பாக விருதுநகர் மாவட்ட குற்றப்பிரிவு போலீசார் வழக்கு பதிவு செய்தனர். இத்தகைய சூழலில் அவர் தலைமறைவானார். அதன்பின்னர் போலீசார் அவரை அதிரடியாக கைது செய்தனர்.

இதனைத் தொடர்ந்து ராஜேந்திர பாலாஜி உச்ச நீதிமன்றத்தில் ஜாமீன் பெற்று தற்போது ஜாமீனில் உள்ளார். அதே சமயம் நல்லதம்பி என்பவர் ராஜேந்திர பாலாஜி மீதான மோசடி புகார் தொடர்பான இந்த வழக்கின் விசாரணை மிகவும் மந்தமாக நடப்பதாகவும், அதனால் இதனை வேறு விசாரணை அமைப்புக்கு மாற்ற வேண்டும் எனவும் கோரிக்கை வைத்து சென்னை உயர் நீதிமன்றத்தில் மனுத்தாக்கல் செய்திருந்தார்.

இந்நிலையில் இந்த மனு மீதான விசாரணை இன்று (11.04.2024) நீதிபதி ஜெயச்சந்திரன் அமர்வு முன்பு நடைபெற்றது. அப்போது காவல்துறை தரப்பில் வழக்கறிஞர் முகிலன், “இந்த வழக்கின் புலன்விசாரணை இறுதிக் கட்டத்தில் உள்ளது. விரைவில் இந்த வழக்கில் சம்பந்தப்பட்ட நீதிமன்றத்தில் குற்றப்பத்திரிகை தாக்கல் செய்யப்படும். எனவே இந்த வழக்கை தள்ளுபடி செய்ய வேண்டும்” என வாதிட்டார். இதனைப் பதிவு செய்துகொண்ட நீதிபதி நல்லதம்பியின் மனுவை தள்ளுபடி செய்து உத்தரவிட்டார்.

Next Story

விருதுநகர் குற்றப்பிரிவு காவல் நிலையத்தில் ராஜேந்திர பாலாஜி மீண்டும் ஆஜர்

Published on 15/02/2022 | Edited on 15/02/2022

 

kt rajendra balaji

 

அதிமுக ஆட்சியில் பால்வளத்துறை அமைச்சராக இருந்த ராஜேந்திர பாலாஜி, அரசு வேலை வாங்கித்தருவதாகக் கூறி ரூ.3 கோடி வரை மோசடி செய்ததாகப் புகார் அளிக்கப்பட்டது. இதுதொடர்பாக வழக்குப் பதிவு செய்த விருதுநகர் மாவட்ட குற்றப்பிரிவு காவல்துறையினர், கடந்த ஜனவரி 5ஆம் தேதி ராஜேந்திர பாலாஜியை கைது செய்தனர். அதன்பிறகு, உச்சநீதிமன்ற உத்தரவின் பேரில் நிபந்தனை ஜாமீனில் விடுவிக்கப்பட்ட ராஜேந்திர பாலாஜி, கடந்த சனிக்கிழமை விருதுநகர் குற்றப்பிரிவு காவல் நிலையத்தில் விசாரணைக்காக ஆஜரானார். அப்போது அவரிடம் 11 மணி நேரம் தொடர் விசாரணை நடைபெற்றது.

 

இந்நிலையில், இன்றும் விசாரணைக்காக ராஜேந்திர பாலாஜி அழைக்கப்பட்டிருந்த நிலையில், தற்போது விருதுநகர் குற்றப்பிரிவு காவல் நிலையத்தில் அவர் ஆஜராகியுள்ளார். அவரிடம் விருதுநகர் குற்றப்பிரிவு போலீசார் விசாரணை நடத்திவருகின்றனர்.