'கேலோ இந்தியா' குழுவில் இடம் பிடித்த அண்ணாமலை பல்கலைக்கழக பேராசிரியர்!

இந்திய பல்கலைக்கழக விளையாட்டு போட்டிகளுக்கான தொழில்நுட்பக் குழு உறுப்பினராக அண்ணாமலை பல்கலைக்கழக உடற்கல்வி துறை இயக்குனர் செல்வம் நியமனம்.

ஒடிஷா மாநில தலைநகர் புவனேஸ்வரில் 2020- ஆம் ஆண்டுக்கான 'கேலோ இந்தியா' பல்கலைக்கழக விளையாட்டு போட்டிகள் 15 பிரிவுகளில் நடைபெற உள்ளது. இந்திய விளையாட்டு ஆணையம் சார்பில் நடத்தப்படும் இந்த போட்டிகளை நடத்துவதற்கான குழு நியமிக்கப்பட்டுள்ளது. இந்தக் குழுவில் தொழில்நுட்ப குழு உறுப்பினராக தமிழகத்தைச் சேர்ந்த அண்ணாமலை பல்கலைக்கழக உடற்கல்வி துறை தலைவர் மற்றும் இயக்குநர் பேராசிரியர் செல்வம் நியமிக்கப்பட்டுள்ளார்.

இதற்கான பட்டியலை இந்திய விளையாட்டு ஆணையம் வெளியிட்டுள்ளது. இதில் தேர்வு செய்யப்பட்டுள்ள உடற்கல்வி துறை தலைவர் செல்வத்திற்கு பல்கலைக்கழக துணைவேந்தர் முருகேசன் மற்றும் பதிவாளர்(பொ) கிருஷ்ணமோகன் ஆகியோர் பாராட்டி வாழ்த்து தெரிவித்தனர்.