Skip to main content

கீரமங்கலம் சிவராத்திரி திருவிழா... ஆயிரக்கணக்காண பக்தர்கள் குவிந்துள்ளனர்...

Published on 04/03/2019 | Edited on 05/03/2019


 

sivaratri


 

புதுக்கோட்டை மாவட்டம், கீரமங்கலத்தில் 900 ஆண்டுகள் பழமையான ஒப்பிலாமணி அம்பிகை உடனுறை மெய்நின்றநாதர் (சிவன்) கோவில் உள்ளது. இந்த கோயிலில் உள்ள சிவனிடம் நக்கீரன் மதுரையில் நடந்த தர்க்கம் பற்றிய கேள்விகளுக்கு விடை பெற்றுச் சென்ற இடமாக கருதப்படுகிறது. அதனால் இங்கு உண்மையின் பக்கம் நின்ற மெய்நின்றநாதருக்கு 2016 ம் ஆண்டு (சிவனுக்கு) 81 அடி உயரத்தில் தென்னிந்தியாவில் உயரமான பிரமாண்ட சிலையும் எதிரில் சிவனிடம் தர்க்கம் செய்த தலைமைப் புலவர் நக்கீரருக்கு ஏழேகால் அடி உயரத்தில் சிலையும் அமைக்கப்பட்டுள்ளது.


கீரமங்கலம் சுற்றுவட்டார கிராமங்களில் நடக்கும் திருமணங்கள் மற்றும் சுப நிகழ்ச்சிகள் இந்த கோயிலில்தான் நடந்து வருகிறது. சிலைகள் அமைக்கப்பட்ட பிறகு பக்தர்களின் கூட்டம் அதிகரிக்கத் தொடங்கியது. கடந்த சில ஆண்டுகளில் பக்தர்களின் வருகை எண்ணிக்கை அதிகரித்துக் கொண்டே செல்கிறது. சுற்றுலா பயணிகளும் அடிக்கடி வந்து செல்லும் தளமாக மாறி உள்ளது.


இந்த நிலையில் சிவராத்திரி நாளில் புதுக்கோட்டை, திருச்சி, தஞ்சை, திருவாரூர் மற்றும் ராமநாதபுரம் மற்றும் பல்வேறு மாவட்டங்களில் இருந்தும் ஆயிரக்கணக்காண பக்தர்கள் இன்று மாலையில் இருந்தே வரத் தொடங்கினார்கள். மேலும் ஆலய தரிசனத்திற்கு வந்த பக்தர்கள் நீண்ட வரிசையில் காத்திருந்து தரிசனம் செய்தனர். இரவில் தங்கி இருந்து வழிபாடுகள் நடத்தி வருகிறார்கள். மேலும் பிரமாண்ட சிவன் அமைந்துள்ள தடாகத்தை சுற்றி பக்தர்கள் கிரிவலம் சென்றனர். தொடர்ந்து இரவில் சிறப்பு வழிபாடுகளைத் தொடர்ந்து அன்னதானம், கலை நிகழ்ச்சிகளும், ஆன்மீக சொற்பொழிவுகளும், கிராமிய நிகழ்ச்சிகளும் நடத்தப்பட்டு வருகிறது. விழா ஏற்பாடுகளை பிரதோஷகுழுவினர், விழாக்குழுவினர் கிராம பொதுமக்கள் செய்திருந்தனர். 

 

 

சார்ந்த செய்திகள்

Next Story

சிவராத்திரி விழா; 17 குழந்தைகளுக்கு நேர்ந்த விபரீதம்

Published on 08/03/2024 | Edited on 08/03/2024
Shivaratri festival; Tragedy befell 17 children

ராஜஸ்தான் மாநிலம் கோட்டா அருகில் உள்ள காளிபஸ்தி என்ற இடத்தில் சிவராத்திரி விழா முன்னேற்பாடுகள் நடைபெற்று வந்தன. இதனையொட்டி சிறுவர்கள் கலசத்தில் தண்ணீர் எடுக்கச் சென்றுள்ளனர். அப்போது சிறுவர்கள் எடுத்துச் சென்ற கொடி கட்டிய இரும்புக் குழாய் உயரழுத்த மின்கம்பி மீது உரசியுள்ளது. இதனால் சிறுவர்கள் மீது மின்சாரம் பாய்ந்துள்ளது. இதில் 17 சிறுவர்கள் படுகாயமடைந்தனர். அவர்களை உடனடியாக மீட்டு சிகிச்சைக்காக மருத்துவமனையில் அனுமதிக்கப்பட்டுள்ளனர். இதனையடுத்து குழந்தைகளை நாடாளுமன்ற மக்களவை சபாநாயகர் ஓம் பிர்லா நேரில் சந்தித்து ஆறுதல் தெரிவித்துள்ளார்.

சிவராத்திரியை முன்னிட்டு நடந்த ஊர்வலத்தின் போது மின்சாரம் தாக்கி 17 சிறுவர்கள் படுகாயமடைந்த சம்பவம் ராஜஸ்தானில் பெரும் அதிர்ச்சியையும் பரபரப்பையும் ஏற்படுத்தியுள்ளது. இது குறித்து ராஜஸ்தான் அமைச்சர் ஹீரலால் நாகர் கூறுகையில், “ இது மிகவும் வருத்தமளிக்கும் சம்பவம். இரண்டு குழந்தைகள் பலத்த காயம் அடைந்துள்ளனர். ஒருவர் 100% தீக்காயம் அடைந்துள்ளார். அனைத்து விதமான சிகிச்சையும் அளிக்க சிறப்புக் குழு அமைக்கப்பட்டுள்ளது. அதிகாரிகள் விசாரணை நடத்தவும் உத்தரவிடப்பட்டுள்ளது” எனத் தெரிவித்துள்ளார்.

மேலும் கோட்டா போலீஸ் எஸ்.பி. அம்ரிதா துஹான் கூறுகையில், “இது மிகவும் சோகமான சம்பவம். காளிபஸ்தியைச் சேர்ந்த மக்கள் தங்கள் கலசத்துடன் இங்கு கூடியிருந்தனர். ஒரு குழந்தை சுமார் 20 முதல் 22 அடி வரை உயரமுள்ள குழாயை வைத்திருந்தது. இந்த குழாய் உயர் அழுத்த கம்பியை உரசியுள்ளது. அந்த குழந்தையை காப்பாற்ற முயன்ற அங்கு இருந்த குழந்தைகள் அனைவரும் மின்சாரம் தாக்கி படுகாயம் அடைந்தனர். அவர்களுக்கு சிறப்பு முன்னுரிமை அடிப்படையில் முறையான சிகிச்சை அளிக்கப்படுகிறது.  ஒருவர் 100% தீக்காயங்களுடன் ஆபத்தான நிலையில் மருத்துவமனையில் சிகிச்சையில் உள்ளார். விசாரணை தொடங்கப்பட்டுள்ளது. இந்த சம்பவத்தில் யாரேனும் அலட்சியமாக இருந்திருந்தால் உரிய நடவடிக்கை எடுக்கப்படும். மேலும் இது குறித்து தகவல் தெரிவிக்கப்படும்” எனத் தெரிவித்தார். 

Next Story

 81 அடி உயரத்தில் உயர்ந்து நிற்கும் சிவன்! களைகட்டும் மகா சிவராத்திரி!

Published on 08/03/2024 | Edited on 08/03/2024
Shivratri celebrations at the 81 feet high Shiva temple in Keeramangalam

தமிழ்நாட்டில் உயரமாக முழு உருவத்தில் எழுந்து நின்று தோற்றமளிக்கும் சிவன் சிலை புதுக்கோட்டை மாவட்டம்  கீரமங்கலத்தில் உள்ளது. 81 அடி உயரத்தில் சிவனும் ஏழேகால் அடி உயரத்தில் தலைமைப் புலவர் நக்கீரரும் சிலையாக நிற்கும் கீரமங்கலம் நோக்கி மகாசிவராத்திரியை முன்னிட்டு தமிழகம் முழுவதும் இருந்து ஏராளமான பக்தர்களின் வருகை தொடங்கியுள்ளது.

கீரமங்கலத்தின் மையப் பகுதியில் பேருந்து நிலையம் அருகே 1000 ஆண்டுகள் பழமையான ஒப்பிலாமணி அம்பிகை உடனுறை மெய்நின்றநாதர் ஆலயம் உள்ளது. 800 ஆண்டுகளுக்கு பிறகு கோயில் முன்பு உள்ள தடாகத்தில் 81 அடி உயரத்தில் பிரமாண்ட முழுஉருவ சிவன் சிலையும், சிவனிடம் உண்மைக்காக தர்க்கம் செய்த இடமாக கருதப்பட்டதால் தலைமைப் புலவர் நக்கீரருக்கு ஏழேகால் அடியில் கல்சிலையும் அமைத்து பழமையான கோயிலை பழமை மாறாமல் புதுப்பித்து 800 ஆண்டுகளுக்கு பிறகு கடந்த 2016ல் சிலைகள் திறப்பு மற்றும் குடமுழுக்கு நடத்தப்பட்டது. அதை லட்சக்கணக்கில் பக்தர்கள் தரிசனம் செய்தனர் .

Shivratri celebrations at the 81 feet high Shiva temple in Keeramangalam

குடமுழுக்கு செய்யப்பட்ட பிறகு உயரமான சிவனைப் பார்க்க தமிழகம் முழுவதும் ஒவ்வொரு நாளும் வரும் சிவ பக்தர்களின் வருகை அதிகரிக்கத் தொடங்கியுள்ளது. அதே போல மகாசிவராத்திரி நாளில் மகா சிவனைக் காண தமிழ்நாடு முழுவதிலும் இருந்து பல ஆயிரக்கணக்கான பக்தர்கள் வந்து சிவன் சிலை அமைந்துள்ள தடாகத்தில் கிரிவலம் சென்று, இரவு தங்கி இருந்து அதிகாலை செல்கின்றனர். இந்த வருடமும் அதிக பக்தர்கள் கூட்டம் வரலாம் என்பதால் சிறப்பு ஏற்பாடுகளும் செய்யப்பட்டுள்ளது.