Skip to main content

மெரினா கடற்கரைப் போராட்டத்திற்கு அனுமதிக்க வேண்டும்: கி.வீரமணி வேண்டுகோள்

Published on 01/04/2018 | Edited on 01/04/2018


 

Cennai Marina


மாநில உரிமைகளை காக்க மெரினா கடற்கரைப் போராட்டத்திற்கு தமிழக அரசு அனுமதிக்க வேண்டும் என்று திராவிடர் கழகத் தலைவர் கி.வீரமணி வேண்டுகோள் விடுத்துள்ளார். 
 

இதுதொடர்பாக அவர் வெளியிட்டுள்ள அறிக்கையில், 
 

தமிழக அரசின் சிந்தனைக்கு, செயலாக்கத்திற்கு முக்கிய வேண்டுகோள்!
 

சென்னை மெரினா கடற்கரையில் காவிரி மற்றும் மாநில மக்கள் உரிமைகளைக் காக்கத் திரளும் - அறவழியில் அமைதியாக மத்திய அரசுக்கு எதிர்ப்பை காட்டும் போராட்டத்தை ஏன் மாநில அரசே தடுக்க வேண்டும்? வறண்ட காவிரியைப் போல வறண்ட உள்ளம் கொண்ட மத்திய அரசின் போக்கைக் கண்டிப்பதற் காகவே இந்தப் போராட்டம்! அசம்பாவிதங்கள் நடைபெறாமல் பார்க்க வேண்டியது மட்டும்தான் தமிழக அரசின் காவல் துறையினரின் கடமையாக இருக்க வேண்டும்!

 

Veeramani


 

அமைதி வழியில் கடற்கரையில் தமிழக மக்கள் திரண்டு, தமது உணர்விற்கு வடிகால் தேடுவதையும், மத்திய பா.ஜ.க. அரசின் மக்கள் விரோதமான மாநில உரிமைகள் பறிப்பினை எதிர்த்துக் குரல் கொடுப்பதையும் ஏன் தடுக்க வேண்டும்?
 

தமிழக அமைச்சர்கள், ஆளும் கட்சியின் உண்ணாவிரதம் என்பதை விட அது மேன்மையானதாயிற்றே! ஏன் தடுக்கிறீர்கள்?  உணர்வுகளைக் காட்ட அனுமதிப்பதே சரியானது. அரசும், காவல்துறையும் தமது போக்கினை மாற்றி மறுபரிசீலனை செய்து மெரினா கடற்கரைப் போராட்டத்திற்கு அனுமதிக்க வேண்டும். இது ஒரு முக்கிய வேண்டுகோள்! இவ்வாறு கூறியுள்ளார். 
 

சார்ந்த செய்திகள்

 

Next Story

கலைஞரின் பேனா விவகாரம்; பதிலடி கொடுத்த திமுக தொண்டர்

Published on 03/02/2023 | Edited on 03/02/2023

 

issue erecting a monument in the form kalaignar pen

 

"மெரினாவுல தலைவருக்கு பேனா வைக்குறது இருக்கட்டும்.. இப்போ நான் என் வீட்டு வாசலிலேயே பேனா வச்சிக்கிறேன்.." என திமுக தொண்டர் ஒருவர் கலைஞருக்கு பேனா வைத்துள்ள சம்பவம் எதிர்க்கட்சிகளை திக்குமுக்காட வைத்துள்ளது.

 

மறைந்த திமுக தலைவரும், தமிழ்நாடு முன்னாள் முதலமைச்சருமான கலைஞருக்கு நினைவிடம் அமைக்கும் பணிகள் தீவிரமாக நடைபெற்று வருகிறது. அதே நேரம், கலைஞரின் எழுத்தாற்றலை போற்றும் வகையில், மெரினா கடற்கரையை ஒட்டியுள்ள கடல் பகுதியில் பேனா வடிவில் நினைவுச் சின்னம் அமைக்க தமிழ்நாடு அரசு முடிவெடுத்துள்ளது. ஆனால், அரசின் இந்த முடிவுக்கு பல்வேறு தரப்பில் இருந்து ஆதரவுகளும் எதிர்ப்புகளும் எழுந்து வருகிறது.

 

இதையடுத்து, சென்னையில் கடந்த 31 ஆம் தேதியன்று, பேனா நினைவு சின்னம் அமைப்பது தொடர்பாக கருத்துக் கேட்புக் கூட்டம் நடைபெற்றது. அதில் பேசிய நாம் தமிழர் கட்சியின் ஒருங்கிணைப்பாளர் சீமான், மெரினா கடற்பகுதிக்குள் பேனா நினைவு சின்னம் அமைப்பதற்கு எதிர்ப்பு தெரிவித்தார். அதுமட்டுமின்றி, பேனா நினைவு சின்னத்தை மெரினா கடலில் வைத்தால் அதை நான் உடைப்பேன் என ஆவேசமாகப் பேசினார்.

 

இதனால், நாம் தமிழர் கட்சியினருக்கும் திமுகவினருக்கும் இடையே கடுமையான வாக்குவாதம் ஏற்பட்டது. இச்சம்பவம் தமிழ்நாட்டில் பெரும் சர்ச்சையை ஏற்படுத்திய நிலையில், திமுக தொண்டர் ஒருவர் செய்த செயல் அனைவரையும் திரும்பி பார்க்க வைத்துள்ளது. சென்னை ஆதம்பாக்கத்தை சேர்ந்த திமுக தொண்டர் பிரபாகரன் என்பவர், தான் புதிதாகக் கட்டியுள்ள வீட்டிற்கு லியோ இல்லம் எனப் பெயர் சூட்டியுள்ளார்.

 

மேலும், அந்த வீட்டில் கலைஞரின் பேனா நினைவுச் சின்னத்தை, 16 அடியில் செதுக்கியுள்ளார். அதில், முழுக்க முழுக்க ஃபைபர் மெட்டீரியலால் தயாரிக்கப்பட்டுள்ள இந்த பேனாவை, "தலைவரே.. உந்தன் விரல்களில் ஒன்றாய் திகழ்ந்த எழுதுகோலாய் மாறிட ஆசை" என்ற வாசகத்தோடு அமைத்துள்ளார்.

 

கலைஞரின் பேனா சின்னம் தொடர்பான சர்ச்சைகள் தமிழ்நாட்டில் பெரும் பரபரப்பை ஏற்படுத்திய நிலையில், தற்போது திமுக தொண்டர் செய்த செயல் மக்கள் மத்தியில் அதிகம் பேசப்பட்டு வருகிறது.

 

- சிவாஜி

 

 

 

Next Story

தேர்தல் முடிவுகள்; பரபரப்பாகும் தமிழகம், வெறிச்சோடிய சென்னை சாலைகள்..! (படங்கள்)

Published on 02/05/2021 | Edited on 02/05/2021

 

 

தமிழக சட்டமன்றத் தேர்தலின் வாக்கு பதிவானது கடந்த ஏப்ரல் 6-ஆம் தேதி நடைபெற்றது. மே 2 ஆம் தேதியான இன்று காலை 8 மணி முதல் வாக்கு எண்ணிக்கை துவங்கி நடைபெற்று வருகிறது. அதன்படி இன்று காலை முதலே பல்வேறு கட்சிகளை சேர்ந்த முகவர்கள், கட்சி வேட்பாளர்கள், காவல்துறையினர் மற்றும் அரசுத் துறையை சேர்ந்த அதிகாரிகள், பணியாளர்கள் என பலரும் அந்தந்த வாக்கு எண்ணும் மையங்களுக்கு வந்தனர்.

 

மேலும் வாக்கு எண்ணும் மையங்களுக்கு உள் நுழையும் ஒவ்வொருவருக்கும் முகக்கவசம், சானிடைசர் உள்ளிட்டவற்றை வழங்கியதோடு உடல் வெப்பமும் சரிபார்க்கப்பட்டு உள்ளே அனுமதிக்கப்பட்டனர். இந்த நிலையில் 6 மணி நிலவரப்படி தொடர்ந்து திமுக-156, அதிமுக-78 என்ற எண்ணிக்கையில் முடிவுகள் வெளியாகி வருகிறது. தொடர்ந்து மேலும் சில தொகுதிகளில் வெற்றி என்பது அதிகாரப்பூர்வமாக வெளியிடப்பட்டுள்ளது.

 

அதே போல் சில தொகுதிகளில் தற்போது வரை குறைந்த வாக்கு வித்தியாசத்தில் கடுமையான போட்டிகள் நிலவுவது போன்றே வாக்கு எண்ணிக்கையானது நடைபெற்று வருகிறது. இருந்த போதிலும் தற்போதைய நிலை வரையில் திமுக முன்னணியில் உள்ளது என்பதால் தமிழகமெங்கிலும் பரப்பரப்பாக உள்ளது. பத்தாண்டுகளுக்கு பிறகு திமுக ஆட்சியில் அமர உள்ள நிலையில் திமுக தொண்டர்கள் அதிக உற்சாகத்தில் உள்ளனர். கரோனா தொற்றை கருத்தில் கொண்டு ஆங்காங்கே கொண்டாட்டங்களை தடுப்பதற்காக போலீஸ் பாதுகாப்பு அதிகமாக போடப்பட்டுள்ளது.