Skip to main content

'இருட்டுக்கடை அல்வா' உரிமையாளர் தற்கொலை!

Published on 25/06/2020 | Edited on 25/06/2020

 

iruttu kadai halwa owner incident in nellai district

 

நூற்றாண்டுகளைக் கடந்து வெற்றிகரமாக இயங்கி வரும் நெல்லை இருட்டுக்கடை அல்வா கடையின் உரிமையாளர் தனியார் மருத்துவமனையில் சிகிச்சைக்காக அனுமதிக்கப்பட்ட நிலையில் இன்று (25/06/2020) தற்கொலை செய்து கொண்டார். கரோனா தொற்றின் தனிமையினாலே அவர் தற்கொலை செய்து கொண்டிருக்கலாம் என்ற கோணத்தில் விசாரித்து வருகின்றது மாவட்ட நிர்வாகம்.

 

திருநெல்வேலி அருள்மிகு நெல்லையப்பர் காந்திமதி திருக்கோவில் கீழ ரத வீதியில் நூற்றாண்டுக்ளைக் கடந்து இயங்கி வருகின்றது உலகம் முழுவதும் புகழ்பெற்ற இருட்டுக்கடை அல்வா. இனிப்பில் அல்வாவிற்கென்றே தனிப்பட்ட அடையாளமாய் மாறிய இருட்டுக்கடை அல்வாவின் உரிமையாளர் ஹரி சிங்கிற்கு கடந்த சில நாட்களுக்கு முன்பு சிறுநீரகத் தொற்று நோய் ஏற்பட்டுள்ளது. 

 

iruttu kadai halwa owner incident in nellai district

 

கடந்த மூன்று நாட்களுக்கு முன்னதாக தனியார் மருத்துவமனைக்குச் சிகிச்சைக்காகச் சென்றிருந்த அவருக்கு, மருத்துவர் அறிவுரையின் பேரில் கோவிட்- 19 வைரஸ் தொற்று உள்ளதா..? என பரிசோதனை மேற்கொள்ளப்பட்டது. சோதனையின் முடிவில் அவருக்கும் அவரது மருமகன் கோபால் சிங் என்பவருக்கும் கரோனா வைரஸ் கோவிட் 19 தொற்று இருப்பது உறுதி செய்யப்பட்டது. இதனால் இருவரும் பெருமாள்புரத்தில் இருக்கும் தனியார் மருத்துவமனையின் தனியறையில் தீவிர சிகிச்சைக்காக அனுமதிக்கப்பட்டு சிகிச்சையை மேற்கொண்டு வந்தனர்.

 

இந்நிலையில், இன்று (25/06/2020) தனியறையில் சிகிச்சை மேற்கொண்டு வரும் ஹரி சிங்கிற்கு சிகிச்சையளிப்பதற்காகச் செவிலியர்கள் தனியறைக்குச் சென்றிருந்த பொழுது அவர் அந்த அறையில் தூக்கிட்டுத் தற்கொலை செய்து கொண்டது தெரியவந்துள்ளது. கரோனா வைரஸ் பாதித்த ஒருவர் தற்கொலை செய்துகொண்டதால் முறைப்படி காவல்துறைக்கும், மாநகராட்சி நிர்வாகத்திற்கும் தகவல் தெரிவிக்கப்பட்ட நிலையில், இறந்தவர் கடந்த இரண்டு நாட்களுக்கு முன்பு வரை கடையில் விற்பனையைக் கவனித்து வந்ததால் அதுகுறித்தும் காவல்துறையினரும், சுகாதாரத்துறையினரும் விசாரணையை மேற்கொண்டு வருகின்றனர். 

 

iruttu kadai halwa owner incident in nellai district

 

இதனிடையே தற்கொலை செய்து கொண்ட ஹரி சிங்கின் வீடு இருக்கும் திருநெல்வேலி டவுன் அம்மன் சன்னதி தெரு, அல்வாக்கடை உள்ளிட்ட இடங்களில் கிருமிநாசினிகளைத் தெளித்து, தடுப்புகளை ஏற்படுத்தி அப்பகுதியினை பாதுகாப்பு வளையத்திற்குள் கொண்டு வரப்பட்டது. பிரசித்திப் பெற்ற அல்வா கடை உரிமையாளர் தற்கொலை செய்து கொண்ட சம்பவம் திருநெல்வேலி மக்களிடம் பெரும் அதிர்வலைகளை ஏற்படுத்தியிருக்கிறது.

 

 

சார்ந்த செய்திகள்

Next Story

பட்டப்பகலில் வீடு புகுந்து படுகொலை; 6 மணி நேரத்தில் பிடிபட்ட குற்றவாளி

Published on 29/03/2024 | Edited on 29/03/2024
Cruelty to a woman in broad daylight; Criminal caught in 6 hours

திருவள்ளூர் மாவட்டம் பொன்னேரியில் வீட்டில் தனியாக இருந்த பெண் ஒருவர் சரமாரியாக வெட்டிக் கொலை செய்யப்பட்ட சம்பவம் பரபரப்பை ஏற்படுத்திய நிலையில், இந்த வழக்கில் 6 மணி நேரத்தில் குற்றவாளியை போலீசார் கைது செய்துள்ளனர்.

திருவள்ளூர் மாவட்டம் பொன்னேரி பகுதியைச் சேர்ந்தவர் குமார். ஓய்வு பெற்ற மின்வாரிய ஊழியரான இவர் நேற்று வெளியே சென்றுவிட்டு வீடு திரும்பியுள்ளார். அப்போது வீட்டின் ஹாலில் அவருடைய மனைவி சரஸ்வதி வெட்டுக் காயங்களுடன் ரத்த வெள்ளத்தில் கிடந்தார். இதனைக் கண்டு அதிர்ச்சியடைந்த குமார் கூச்சலிட்டுள்ளார். அக்கம் பக்கத்தில் இருந்தவர்கள் ஓடி வந்து பார்த்து போலீசாருக்கு தகவல் கொடுத்தனர்.

தகவலறிந்து உடனடியாக சம்பவம் நடந்த இடத்திற்கு வந்த போலீசார், ரத்த வெள்ளத்தில் உயிரிழந்து கிடந்த சரஸ்வதியின் உடலைப் பிரேதப் பரிசோதனைக்காக அனுப்பி வைத்தனர். மர்ம நபர்கள் சரஸ்வதியை வெட்டிப் படுகொலை செய்துவிட்டு அவர் கழுத்தில் இருந்த தங்க நகையைப் பறித்துச் சென்றது விசாரணையில் தெரியவந்தது. இருப்பினும் இந்த கொலை, நகைக்காக நடந்ததா அல்லது வேறு ஏதேனும் முன் விரோதப் பிரச்சனை காரணமாக நிகழ்ந்ததா என்பது தொடர்பாக விசாரணை நடத்தி வருகின்றனர். பட்டப்பகலில் பெண் படுகொலை செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தியது.

Cruelty to a woman in broad daylight; Criminal caught in 6 hours

இந்த சம்பவத்தில் போலீசார் விசாரணை மேற்கொண்டு வந்த நிலையில், உயிரிழந்த பெண்ணின் சகோதரி மகனே கொலையில் ஈடுபட்டது தெரியவந்தது. பணம் கேட்டுத் தராததால் ஆத்திரத்தில் இருந்த சரஸ்வதியின் சகோதரி மகன் அசோக் குமார், வீட்டில் சரஸ்வதி தனியாக இருந்த பொழுது கத்தியால் குத்திக் கொலை செய்தது தெரியவந்தது.

Next Story

நீரோடையில் மிதந்த சடலம்; போலீசார் விசாரணையில் அதிர்ச்சி

Published on 27/03/2024 | Edited on 27/03/2024
A body lying in a stream; Police investigation shocked

தந்தையைக் கொலை செய்தவரைப் பழிக்குப் பழி கொலை செய்து நீரோடையில் வீசிய சம்பவம் நெல்லையில் பரபரப்பை ஏற்படுத்தி இருக்கிறது.

நெல்லை மாவட்டம் தெற்கு ஏறாந்தை கிராமத்தில் வசித்து வருபவர் தேவபாலன். லாரி ஓட்டி வந்த தேவபாலன் திடீரென காணாமல் போன நிலையில், உறவினர்கள் அவரைத் தேடி வந்தனர். இறுதியில் ஊருக்கு ஒதுக்குப்புறமாக உள்ள நீரோடை ஒன்றில் சடலம் ஒன்று மிதப்பதாகத் தகவல் பரவியது. இந்த தகவலையடுத்து சம்பவ இடத்திற்கு வந்த திசையன்விளை போலீசார் ஆய்வு செய்ததில், வெட்டுக் காயங்களுடன் ஒருவர் கொலை செய்யப்பட்டு நீரோடையில் வீசப்பட்டது தெரிய வந்தது.

உடலைக் கைப்பற்றி விசாரணை நடத்தியதில், அது காணாமல் போன தேவபாலன் என்பது தெரியவந்தது. இது குறித்து வழக்குப்பதிவு செய்த காவல்துறையினர் சம்பவம் தொடர்பாக விசாரணை நடத்தி வந்தனர். இந்த நிலையில், தேவபாலன் கொலை வழக்கு தொடர்பாக சாத்தூர் நீதிமன்றத்தில் உத்திரகுமார், சுரேஷ்குமார், சேர்மதுரை உள்ளிட்ட மூன்று பேர் சரணடைந்தனர். மூவரும் சகோதரர்கள். அவர்களிடம் நடத்தப்பட்ட விசாரணையில், பழிக்குப் பழியாக லாரி டிரைவரை கொலை செய்தது தெரியவந்தது.

2017 ஆம் ஆண்டு துரைபாண்டியன் என்பவர் கொலை செய்யப்பட்ட சம்பவத்தில் தேவபாலனுக்கு தொடர்பு இருந்ததாகத் தெரிகிறது. ஆனால் நீதிமன்றத்தில் குற்றம் நிரூபணம் ஆகாததால் அவர் விடுவிக்கப்பட்டிருந்தார். இந்நிலையில், துரைபாண்டியனின் மகன்களான சுரேஷ்குமார், உத்திர குமார், சேர்மதுரை ஆகிய மூன்று பேரும் பல வருடங்கள் கழித்து தேவபாலனை வெட்டிக் கொலை செய்தது விசாரணையில் தெரிய வந்தது.