Skip to main content

சேலம் சிறையில் சமையலரை கஞ்சா கடத்தி வரச் சொன்ன கைதிகள் யார் யார்? பரபரப்பு தகவல்கள்!

Published on 07/06/2023 | Edited on 07/06/2023

 

Interrogation of the prison guard; Two prisoners are locked in a separate cell

 

சேலம் மத்திய சிறையில் சமையலரை கஞ்சா கடத்தி வரச் சொன்ன கைதிகள் இருவர் பிடிபட்டனர். 

 

சேலம் மத்திய சிறையில் 800க்கும் மேற்பட்ட விசாரணை மற்றும் தண்டனை கைதிகள் அடைக்கப்பட்டுள்ளனர். சிறை வளாகத்தில்  புகையிலைப் பொருள்கள், கஞ்சா உள்ளிட்ட போதைப் பொருள்கள், அலைப்பேசி உள்ளிட்டவை தடை செய்யப்பட்டுள்ளன. ஆனாலும், நீதிமன்ற விசாரணைக்குச் சென்று திரும்பும்போதோ அல்லது உறவினர்கள், காவலர்கள் மூலமாகவோ கைதிகளிடம் தடை  செய்யப்பட்ட பொருள்கள் புழக்கத்திற்கு வந்து விடுகின்றன. இதையடுத்து, அவ்வப்போது நடத்தப்படும் திடீர் சோதனைகள் மூலம் கைதிகளிடம் இருந்து தடை செய்யப்பட்ட பொருள்கள் பறிமுதல் செய்யப்படுகிறது.     

 

கடந்த ஒரு மாதத்தில் மட்டும் சேலம் மத்திய சிறையில் கைதிகளிடம் இருந்து 7 அலைப்பேசிகள், கஞ்சா ஆகியவற்றை சிறைக் காவலர்கள் பறிமுதல் செய்துள்ளனர். இவற்றில் மூன்று அலைப்பேசிகள், கைதிகள் தங்கள் ஆசனவாயில் வைத்து பதுக்கி எடுத்து வந்திருந்தது தெரிய வந்தது. இந்நிலையில் இரு நாள்களுக்கு முன்பு சிறை சமையலர் தனபால், தனது உள்ளாடைக்குள் மறைத்து வைத்து 140 கிராம் கஞ்சா கொண்டு வந்ததை சிறைக் காவலர்கள் பறிமுதல் செய்தனர். இதுகுறித்து சிறை நிர்வாகம் அளித்த புகாரின் பேரில் அஸ்தம்பட்டி காவல்நிலைய காவல்துறையினர் வழக்குப்பதிவு செய்து சமையலர் தனபாலை கைது செய்தனர்.

 

நீதிமன்றத்தில் ஆஜர்படுத்தியபோது அவர் உடனடியாக பிணையில் விடுவிக்கப்பட்டார். அதேநேரம், அவரை  சிறைத்துறை நிர்வாகம் பணியிடை நீக்கம் செய்து உத்தரவிட்டது. அவரிடம் விசாரித்தபோது, தண்டனை கைதி ஒருவரும், விசாரணை கைதி ஒருவரும் கஞ்சா கடத்தி வருமாறு கூறியதாகத் தெரிவித்துள்ளார்.  தனபால் அளித்த விவரங்களின் அடிப்படையில் இந்த இரு கைதிகளும் தனி அறையில் அடைக்கப்பட்டுள்ளனர். மோட்டார் சைக்கிளில் வந்த ஒருவர் சமையலர் தனபாலிடம் கஞ்சா கொடுத்துவிட்டுச் செல்லும் சிசிடிவி காட்சிகளையும் காவல்துறையினர் கைப்பற்றியுள்ளனர். இதுகுறித்தும் தொடர்ந்து விசாரணை நடத்தி வருகின்றனர். 

 

இதற்கிடையே, சேலம் மாநகர வடக்கு சரக துணை ஆணையர் கவுதம் கோயல் தலைமையில், உதவி ஆணையர்கள் நிலவழகன், சரவணகுமரன், ஆய்வாளர்கள், எஸ்ஐக்கள் உள்பட 160 காவலர்கள் மத்திய சிறையில் மாலை 5.15 மணியளவில் திடீர் சோதனை நடத்தினர். கைதிகள் அடைக்கப்பட்டுள்ள அனைத்து அறைகளிலும் சோதனை நடந்தது. இந்த சோதனையில் ஒரே ஒரு கஞ்சா பீடி தவிர பெரிய அளவில் தடை செய்யப்பட்ட பொருட்கள் சிக்கவில்லை எனக் கூறப்படுகிறது. உதவி ஆணையர் லட்சுமி பிரியா தலைமையில் 36 பெண் காவலர்கள் சேலம் பெண்கள் கிளைச் சிறையிலும் சோதனை நடத்தினர். இந்த  சிறையில் இருந்து சர்ச்சைக்குரிய பொருள்கள் எதுவும் சிக்கவில்லை எனத் தெரிகிறது.

 

 

சார்ந்த செய்திகள்

 

Next Story

தடை செய்யப்பட்ட லாட்டரி விற்பனை; இருவர் கைது

Published on 21/06/2024 | Edited on 21/06/2024
Prohibited lottery sales; Two arrested

தமிழ்நாடு அரசால் தடை செய்யப்பட்ட லாட்டரி சீட்டுகள் விற்பனையைத் தடுக்க போலீசார் தீவிர நடவடிக்கை மேற்கொண்டு வருகின்றனர். அதனடிப்படையில், ஈரோடு தாலுகா போலீசார் தங்களது காவல் எல்லைக்கு உட்பட்ட சென்னிமலை, ரோடு, கே.கே. நகர் பகுதியில் கண்காணிப்பில் ஈடுபட்டிருந்தனர்.

அப்போது, அங்குள்ள துணி சலவை செய்யும் கடையின் அருகில் சந்தேகத்திற்கிடமாக நடமாடிய இருவரைப் பிடித்து விசாரித்தனர். அதில், அவர்கள் இருவரும் காசி பாளையத்தை சேர்ந்த சண்முகசுந்தரம் (38), பூவரசன் (27) என்பது தெரியவந்தது.மேலும், விசாரணையில், அவர்கள் இருவரும் தமிழ்நாடு அரசால் தடை செய்யப்பட்ட வெளி மாநில லாட்டரி சீட்டுகளை விற்பனை செய்து வந்ததும் தெரியவந்தது. இதையடுத்து, போலீசார் அவர்கள் மீது வழக்குப்பதிவு செய்து கைது செய்தனர். மேலும், அவர்களிடமிருந்து லாட்டரி சீட்டுகளின் எண்கள் எழுதப்பட்ட வெள்ளை தாள்கள் 10, 2 செல்போன் ஆகியவற்றையும் பறிமுதல் செய்தனர்.

Next Story

கல்லூரி மாணவிக்கு பாலியல் தொல்லை கொடுத்த இளம் பெண்; அடுத்தடுத்து நடந்த பகீர் சம்பவம்

Published on 21/06/2024 | Edited on 21/06/2024
young woman misbehaves with a college student

சென்னையில் உள்ள பிரபல தனியார் கல்லூரியில் 20 வயதான மாணவி ஒருவர் பொறியியல் இறுதியாண்டு படித்து வருகிறார். இவர் திருமங்கலத்தில் உள்ள ஒரு வாடகை வீட்டில் தங்கிப் படிப்பைத் தொடர்ந்து வருகிறார். இந்த நிலையில் அந்த பெண்ணின் வீட்டில் இருந்த 26 வயதான இளம்பெண்ணுடன் மாணவிக்குப் பழக்கம் ஏற்பட்டுள்ளது. இதன் காரணமாக இருவரும் இரவு நேரத்தில் மது அருந்தியுள்ளனர். 

அப்போது, மாணவிக்கு இளம்பெண் பாலியல் ரீதியாகத் தொல்லை கொடுத்ததாகவும், தன்னுடன் ஓரினச்சேர்க்கையில் ஈடுபட வற்புறுத்தியதாகவும் கூறப்படுகிறது. ஆனால் மாணவி அதற்கு மறுப்பு தெரிவித்து, பின்னர் அவருடன் பேசுவதையே தவிர்த்து வந்துள்ளார். இதனால் ஆத்திரடமைந்த அந்தப் பெண் மாணவி குளிக்கும் போது அவரை ஆபாசமாகப் படம் பிடித்து ஓரினச்சேர்க்கைக்கு மீண்டும் அழைத்துள்ளார். ஒரு கட்டத்தில் இளம்பெண் எல்லையை மீறிப்போக, அதிர்ச்சியில் மாணவி வீட்டை காலி செய்ய முடிவெடுத்துள்ளார். மேலும் ஆத்திரமடைந்த அந்த இளம்பெண் மாணவியிடம் வீட்டை காலி செய்தால் உனது ஆபாச வீடியோவை சமூக வலைத்தளத்தில் வெளியிட்டுவிடுவேன் என்றும் என்னுடன் பேசுவதைத் தவிர்த்தால் மிகப்பெரிய விளைவுகளைச் சந்திக்க நேரிடும் என்றும் மாணவிக்கு மிரட்டல் விடுத்துள்ளார். 

இதனைத் தொடர்ந்து மாணவி திருமங்கலம் அனைத்து மகளிர் காவல்நிலையத்தில் நடந்த சம்பவம் குறித்து புகார் அளித்துள்ளார். அதன்பேரில்  விசாரணை மேற்கொண்ட போலீசார் மாணவி கூறியதில் உண்மை இருப்பதைக் கண்டறிந்தனர். பின்னர் இளம்பெண் மீது ஆபாசமாகப் பேசுதல், கொலைமிரட்டல் விடுத்தல் உள்ளிட்ட 5 பிரிவுகளின் கீழ் வழக்குப்பதிவு செய்து அவரை கைது செய்து அம்பத்தூர் நீதிமன்றத்தில் ஆஜர்படுத்தினர். அப்போது அந்தப் பெண் தனக்கு என்ன நடக்கிறது என்று தெரியவில்லை. ஏன் நான் அப்படிச் செய்தேன் என்று புரியவில்லை என்று கூறி என்னை மனநல மருத்துவமனையில் அனுமதிக்க வேண்டும் என்று கண்ணீர் வடித்துள்ளார். இதனையேற்றுகொண்ட நீதிபதியின் உத்தரவின் பேரில் அயனாவரம் மனநல மருத்துவமனையில் சிகிச்சைக்காக அனுமதிக்கப்பட்டுள்ளார்.