Skip to main content

சத்து மாத்திரைக்கு பதிலாக பூச்சி மாத்திரை; ஆரம்ப சுகாதார நிலையத்தில் கர்ப்பிணிக்கு நேர்ந்த அவலம்

Published on 06/04/2023 | Edited on 06/04/2023

 

 Insect pill instead of nutrient pill; Misfortunes to pregnant women in primary health conditions

 

ஆரம்ப சுகாதார நிலையத்தில் சத்து மாத்திரைக்குப் பதிலாகப் பூச்சி மாத்திரையை 7 மாத கர்ப்பிணி பெண்ணிற்கு கொடுத்த சம்பவம் பரபரப்பை ஏற்படுத்தி இருக்கிறது.

 

வேலூர் மாவட்டம் மேல் விஷாரம் பகுதியில் உள்ள ஆரம்ப சுகாதார நிலையத்தில் மகப்பேறு பிரிவு செயல்பட்டு வருகிறது. அங்கு வந்த ஜெயப்பிரியா என்ற 7 மாத கர்ப்பிணி பெண்ணுக்கு பிரேமா குமாரி என்ற செவிலியர் சத்து மாத்திரைகளை வழங்கி வந்துள்ளார். கொடுக்கப்பட்ட மாத்திரைகள் தீர்ந்துவிட்ட நிலையில் புதிய மாத்திரை வாங்க மீண்டும் ஆரம்ப சுகாதார நிலையத்திற்கு ஜெயப்பிரியா வந்துள்ளார். அப்பொழுது அவர் கொண்டு வந்த பழைய மாத்திரை அட்டைகளைப் பார்த்த மற்றொரு செவிலியர் இது சத்து மாத்திரை இல்லை பூச்சி மாத்திரை எனத் தெரிவித்துள்ளார்.

 

இதனால் அதிர்ச்சியடைந்த ஜெயப்பிரியாவும் அவரது உறவினர்களும் சேர்ந்து மருத்துவமனையை முற்றுகையிட்டு வாக்குவாதத்தில் ஈடுபட்டனர். மகப்பேறு நிலையத்தின் வாசற்படியிலேயே அமர்ந்து கர்ப்பிணி பெண் ஜெயப்பிரியா போராட்டத்தில் ஈடுபட்டார். மாத்திரை அட்டையின் நிறம் ஒரே மாதிரியாக இருந்ததால் தவறுதலாக வழங்கப்பட்டிருக்கலாம் என மருத்துவமனை தரப்பில் தெரிவிக்கப்பட்டுள்ளது. தவறுதலாக மாத்திரையை கொடுத்த செவிலியர் பிரேமா குமாரி பணி நீக்கம் செய்யப்பட்டதாக மாவட்ட மருத்துவ இணை இயக்குநர் தெரிவித்துள்ளார். கர்ப்பிணி பெண்ணுக்கு சத்து மாத்திரைக்கு பதிலாக பூச்சி மாத்திரை கொடுத்த சம்பவம் வேலூரில் பரபரப்பை ஏற்படுத்தி இருக்கிறது.

 

 

சார்ந்த செய்திகள்

 

Next Story

கிரிக்கெட் விளையாடச் சென்ற அண்ணன் தம்பி; பிறந்தநாளிலேயே நேர்ந்த சோகம்

Published on 14/07/2024 | Edited on 14/07/2024
 Birthday tragedy; Brother and sister drowned while playing cricket

வேலூர் மாவட்டம் காட்பாடி திருவலம் அடுத்த ராமநாதபுரம் பகுதியைச் சேர்ந்தவர்கள் வெங்கடேசன் செம்பருத்தி தம்பதியர். இவர்களின் பிள்ளைகள் ராஜா வயது 10 இளையவன் ஸ்ரீசாந்த் வயது ஏழு. இருவரும் அருகில் உள்ள அரசு நடுநிலைப் பள்ளியில் ஐந்தாம் வகுப்பு மற்றும் மூன்றாம் வகுப்பு பயின்று வருகின்றனர்.

இன்று விடுமுறை என்பதால் எப்போதும் போல் அவர்களும் அருகில் உள்ள ஏறந்தாங்கல் ஏரிக்கு கிரிக்கெட் விளையாடச் சென்றனர். இளையவனான ஸ்ரீசாந்துக்கு இன்று பிறந்தநாள் என்பதால் வீட்டில் அனைவரும் கேக் வெட்டி பிறந்தநாள் கொண்டாடிவிட்டு அண்ணனுடன் கைகோர்த்து கிரிக்கெட் விளையாடச் சென்றான்.

கிரிக்கெட் விளையாடி கொண்டிருந்த போது ஏரியில் கிரிக்கெட் பால் விழுந்தது. கிரிக்கெட் பாலினை தேடுவதற்காக சென்ற அண்ணன் தம்பிகள் இருவரும் நேற்று பெய்த மழையால் அங்கு மணல் திருட்டால் அதிக ஆழம் தோண்டப்பட்டிருந்த பள்ளத்தில் தேங்கியிருந்த நீரில் மூழ்கி பலியாகினர்.

அவர்கள் நீரில் விழுந்ததைக் கண்ட சில பேர் கூச்சலிடவே அங்கு போர்வெல் ரிப்பேர் பார்த்துக் கொண்டிருந்த அதே ஊரைச் சேர்ந்த முரளி என்பவர் வேகமாக ஓடி சென்று அந்தப் பள்ளத்தில் குதித்து பிள்ளைகளைத் தேடத் தொடங்கினார் பிள்ளைகள் ஏதும் சிக்காததனால் மூச்சு வாங்க மேலே ஏறியவர் 108 ஆம்புலன்சுக்கு போன் செய்தார். உடனடியாக விரைந்து வந்த அக்கம் பக்கத்தில் உள்ளவர்கள் அவர்களும் சேர்ந்து பங்கிற்கு குழந்தையை தேடவே முதல் குழந்தை ராஜா உயிரற்ற நிலையில் சடலமாக கைக்கு கிடைத்துள்ளான்.

மற்ற இடங்களிலும் தேடியதில் தம்பி ஸ்ரீ சாந்தும் சடலமாக  கண்டெடுக்கப்பட்டான். பிறந்தநாளில் நேர்ந்த இந்தச் சோகம் ஊர் மக்களை மற்றும் சுற்றி இருந்தவர்களையும் சோகத்தில் ஆழ்த்தியுள்ளது. பெற்ற தாய் செம்பருத்தி கிட்டத்தட்ட மனநிலை பாதிக்கப்பட்ட நிலைக்கு சென்று ஒவ்வொரு வீடாகச் சென்று ஸ்ரீசாந்த் வாடா எங்கிருக்கிறாய் ஸ்ரீசாந்த் வெளிய வாடா என்று அழைக்க துவங்கியது பார்க்கவே நமக்கும் ஊர் மக்களுடன் சேர்ந்து கண்ணீரை வரவழைத்தது.

Next Story

அரசு மருத்துவமனைக்கு குளிரூட்டும் இயந்திரம் வழங்கிய எம்.சி.கே.எஸ் அறக்கட்டளை

Published on 11/07/2024 | Edited on 11/07/2024
A trust provided air conditioning machine to a government hospital

எம்.சி.கே.எஸ் அறக்கட்டளை அரசு மருத்துவமனைக்கு குளிரூட்டும் இயந்திரம் வழங்கியுள்ளது.

சென்னையை அடுத்த தாம்பரம் மாநகராட்சி ஜமீன் பல்லாவரத்தில் உள்ள நகர்புற அரசு ஆரம்ப சுகாதார நிலையத்திற்கு  எம்.சி.கே.எஸ் டிரஸ்ட் ஃபண்ட் என்கிற பிராணிங் கீலிங் அமைப்பை சேர்ந்தவர்கள் மற்றும் பிரிட்டி லிட்டில் ஆர்ட்ஸ் அறக்கட்டளையின் சார்பில் சிகிச்சைக்காக வரும் கர்ப்பிணி பெண்கள் சோர்வு அடையாமல் இருக்க ஒரு லட்சத்து 32 ஆயிரம் மதிப்புள்ள மூன்று குளிர்சாதன பெட்டிகள் ஆரம்ப சுகாதார நிலையத்தில் பொருத்தப்பட்டது.

சுகாதார நிலையத்தில் பொருத்தப்பட்ட குளிர்சாதன பெட்டிகளை பிரிட்டி லிட்டில் ஆர்ட்ஸ் மற்றும் எம்.சி.கே.எஸ் டிரஸ்ட் ஃபண்ட் என்கிற பிராணிங் கீலிங் அமைப்பை சார்ந்த நிர்வாகிகள் இயக்கி வைத்தனர்.

பின்னர் இது குறித்து மருத்துவ மகேந்திரன் கூறுகையில், ஆரம்ப சுகாதார நிலையத்திற்கு ஒரு நாளைக்கு 200 க்கும் மேற்பட்ட நோயாளிகள், கர்ப்பிணி பெண்கள் வருகின்றனர். இவர்கள் சோர்வுடன் வருவதை கண்ட எம்.சி.கே.எஸ் டிரஸ்ட் ஃபண்ட் மற்றும் பிரிட்டி லிட்டில் ஆர்ட்ஸ் அறக்கட்டளை நிர்வாகிகள் குளிர்சாதன பெட்டிகளை வழங்கி உள்ளனர். மேலும் தேவையான உதவி செய்வதாக தெரிவித்த அவர்களுக்கு தனது நன்றியை தெரிவித்தார்.

ஒருங்கிணைப்பாளர் லியோ ஆகாஷ் ராஜ் பேசுகையில், 'ஆரம்ப சுகாதார நிலையத்தில் அதிகப்படியான கர்ப்பிணி பெண்கள் சிகிச்சைக்காக வருவதும், அவர்கள் புழுக்கத்தால் சோர்வு அடைவதையும் எங்கள் அறக்கட்டளை நிர்வாகிகள் அறிந்து எம்.சி.கே.எஸ் டிரஸ்ட் ஃபண்ட் என்கிற பிராணிங் கீலிங் அமைப்பைச் சேர்ந்தவர்கள்  உதவியுடன் குளிர்சாதன பெட்டிகளை வழங்கியதாக தெரிவித்தார்.

இதில் பிரிட்டி லிட்டில் ஆர்ட்ஸ் மற்றும் எம்.சி.கே.எஸ் டிரஸ்ட் ஃபண்ட் என்கிற பிராணிங் கீலிங் அமைப்பை சேர்ந்த நிர்வாகிகள், மருத்துவமனை ஊழியர்கள் ஏராளமானோர் கலந்து கொண்டனர்.