Skip to main content

 கணபதியை காவலில் எடுத்து விசாரிக்க அனுமதி கோரும் மனு மீதான விசாரணை ஒத்திவைப்பு 

Published on 12/02/2018 | Edited on 12/02/2018
ganapathi

கோவை பாரதியார் பல்கலைகழக துணைவேந்தர் கணபதியை காவலில் எடுத்து விசாரிக்க அனுமதி கோரும் மனு மீதான விசாரணை  பிற்பகலுக்கு ஊழல் வழக்குகள் சிறப்பு நீதிமன்ற நீதிபதி ஜான்மினோ  ஒத்திவைத்தார்.

 

கோவை பாரதியார் பல்கலைகழக துணைவேந்தர் கணபதி மற்றும் பேராசிரியர் தர்மராஜ் ஆகியோர் கடந்த மூன்றாம் தேதி கைது செய்யப்பட்டனர். உதவி பேராசிரியர் பணி நியமனத்திற்காக சுரேஷ் என்பவரிடம் 30 லட்சம்  லஞ்சம் வாங்கும் போது இருவரும் கைது செய்யப்பட்டனர். இந்நிலையில் இந்த வழக்கில் கைதான துணைவேந்தர் கணபதியை 5 நாட்கள் காவலில் எடுத்து விசாரிக்க  அனுமதி கேட்டு கோவை ஊழல் வழக்குகள் சிறப்பு நீதிமன்றத்தில் லஞ்ச ஒழிப்பு போலீசார் 8 -ம் தேதி மனு தாக்கல்  செய்து இருந்தனர். 9 ம் தேதி   விசாரணைக்கு வந்த  கஸ்டடி மனு இன்றைய தினத்திற்கு ஒத்திவைக்கப்பட்டது.

 

இந்நிலையில் இன்று காலை ஊழல் தடுப்பு சட்ட வழக்குகள் நீதிமன்ற நீதிபதி ஜான் மினோ முன்னிலையில் இன்று இந்த மனு விசாரணைக்கு வந்தது.
மனு மீதான  விசாரணைக்காக துணைவேந்தர் கணபதி நீதிமன்றத்தில் இன்று ஆஜர்படுத்தப்பட்டார்.

 

 நீதிமன்றத்தில் ஆஜர்படுத்தப்பட்ட துணைவேந்தர்  கணபதியிடம், போலீஸ் காவலில் எடுத்து  விசாரிக்க அனுமதி கேட்டு இருக்கின்றனர், போலீஸ் காவலுக்கு செல்கின்றீ்களா என நிதிபதி ஜான்மினோ கேள்வி எழுப்பினார். அதற்கு பதில் அளித்த துணை வேந்தர் கணபதி , போலீஸ் விசாரணைக்கு செல்ல விருப்பமில்லை என தெரிவித்தார்.  இதனை தொடர்ந்து போலீஸ்  காவல்கேட்டு தாக்கல் செய்யப்பட்ட மனு மீதான இரு தரப்பு வாதங்கள் நடைபெற்றது. அப்போது லஞ்சமாக வாங்கப்பட்ட காசோலைகளை துணைவேந்தர் எங்கு வைத்துள்ளார் என்பது குறித்து விசாரிக்க வேண்டி இருக்கின்றது எனவும் , எனவே துணைவேந்தர் கணபதியை காவலில் எடுத்து விசாரிக்க அனுமதிக்க வேண்டும் என அரசு தரப்பு வழகறிஞர் சிவக்குமார் தெரிவித்தார். 

 

அரசு தரப்பில் நீதிமன்றத்தில் தாக்கல் செய்யப்பட்டுள்ள அபிடவிட் முறையாக இல்லை எனவும், எதற்காக நீதிமன்ற  காவல் என்பதை தெளிவாக அபிடவிட்டில் தெரிவிக்கப்படவில்லை எனவும்,  ஒரு நிமிடம் கூட போலீஸ் காவல் கொடுக்க முகாந்திரம் இல்லை எனவும் நீதிமன்ற காவல் கொடுக்க கூடாது என துணைவேந்தர் கணபதி தரப்பு வழகறிஞர் ஞானபாரதி தெரிவித்தார். இரு தரப்பு  வாதத்தினை கேட்ட நீதிபதி ஜான்மினோ வழக்கு விசாரணையை பிற்பகல் 3.30 மணிக்கு ஒத்திவைத்தார்.


 

சார்ந்த செய்திகள்

Next Story

பட்டாசு கடையில் தீ விபத்து

Published on 07/10/2023 | Edited on 07/10/2023

 

A fire broke out in a firecracker shop

 

அத்திப்பள்ளியில் உள்ள பட்டாசு கடை ஒன்றில் தீ விபத்து ஏற்பட்ட சம்பவம் பெரும் பரபரப்பை ஏற்படுத்தியுள்ளது.

 

கிருஷ்ணகிரி மாவட்டம் ஓசூர் அருகே உள்ள தமிழக - கர்நாடக எல்லையான அத்திப்பள்ளியில் நவீன் என்பவருக்குச் சொந்தமான தனியார் பட்டாசு கடை ஒன்று செயல்பட்டு வந்தது. இந்த கடையில் இன்று மாலை 3 மணியளவில் விற்பனைக்காக வாங்கி வந்த  பட்டாசுகளை இறக்கிய போது தீ விபத்து ஏற்பட்டுள்ளது.

 

மேலும் அருகில் இருந்த மதுபானக் கடை உள்ளிட்ட 3 கடைகளிலும் தீ பரவியது. இதனால் அப்பகுதி முழுவதும் புகை மண்டலமாகக் காட்சி அளித்து வருகிறது. இது குறித்துத் தகவல் அறிந்து சம்பவ இடத்திற்கு 3 தீயணைப்பு வாகனத்தில் வந்த தீயணைப்புப் படையினர் தீயை அணைக்கும் பணியில் ஈடுபட்டு வருகின்றனர். போலீசாரும் சம்பவ இடத்திற்கு விரைந்து வந்து விசாரணை நடத்தி வருகின்றனர். 

 

 

Next Story

தனியாக வசித்து வந்த முதிய தம்பதி அடித்துக் கொலை; 16 சவரன் நகை திருட்டு

Published on 09/09/2023 | Edited on 09/09/2023

 

 Elderly couple living alone beaten to death; 16 Sawaran jewelery theft

 

ஈரோட்டில் தனியாக தோட்டத்தில் உள்ள வீட்டில் வசித்து வந்த வயதான தம்பதியிடம் 16 சவரன் தங்க நகையை பறித்த மர்ம கும்பல், இருவரையும் கொலை செய்த சம்பவம் பரபரப்பை ஏற்படுத்தி இருக்கிறது.

 

ஈரோடு மாவட்டம் சென்னிமலை அருகே உள்ளது கரியங்காடு கிராமம். இந்த பகுதியை சேர்ந்த முத்துசாமி-சாமியாத்தாள் என்ற வயது முதிர்ந்த தம்பதிகள் தோட்டத்தில் உள்ள ஒரு வீட்டில் வசித்து வந்தனர். இவர்களுக்கு மூன்று மகள்கள் இருந்தனர். மூவருக்கும் திருமணம் ஆகிவிட்டது. இதனால் இவர்கள் தனியாக தோட்டத்தில் உள்ள வீட்டில் வசித்து வந்தனர்.

 

இந்நிலையில் இன்று காலை பேரன் அஜித் தாத்தா பாட்டியை பார்ப்பதற்காக வீட்டிற்கு வந்துள்ளார். அப்போது இருவரும் ரத்த வெள்ளத்தில் இறந்து கிடந்ததைக் கண்டு அதிர்ந்த அஜித் காவல்துறைக்கு தகவல் தெரிவித்தார். சம்பவ இடத்திற்கு வந்த சென்னிமலை காவல்துறையினர் வயதான தம்பதிகள் கொலை செய்யப்பட்டது தொடர்பாக விசாரணை மேற்கொண்டனர். அவர்கள் இரும்பு ராடு உள்ளிட்ட கொடூர ஆயுதங்கள் மூலம் அடித்துக் கொல்லப்பட்டது தெரியவந்தது. சாமியாத்தாள் அணிந்திருந்த தாலி, நகை உள்ளிட்ட 16 பவுன் தங்க நகைகள், ரொக்கமாக இருந்த 60 ஆயிரம் ரூபாய் கொள்ளையடிக்கப்பட்டது தெரிய வந்தது. பணத்திற்காக தம்பதிகள் இருவரையும் மர்ம கும்பல் கொலை செய்திருப்பது அந்த பகுதியில் பரபரப்பை ஏற்படுத்தி இருக்கும் நிலையில், கொலையில் ஈடுபட்ட நபர்கள் யார் என்பது குறித்து போலீசார் தீவிர விசாரணை மேற்கொண்டு வருகின்றனர்.