வட்டிக்கு வாங்கி குடிக்கும் குடிமகன்கள் -திருச்சி கூத்து !

காலை 11 மணி வரை 70 பேருக்கு மட்டுமே மதுபானம் வாங்க டோக்கன் கொடுக்கப்பட்டது. மதுபான கடைகளில் கிருமி நாசினிகளை மதுபானம் வாங்க வருபவர்கள் பயன்படுத்திய பிறகே மதுபாட்டில்களை வாங்க அனுமதித்தனர். அதேபோல் முகக்கவசம் அணிந்து வந்தவர்களுக்கு மட்டுமே மதுபானம் வழங்கப்பட்டது.

கடைக்கு முன்னதாக 5 பேர் மட்டுமே தனிமனித இடத்தில் நிற்கும் அளவிற்கு விரிவான ஏற்பாடுகளை டாஸ்மாக் நிர்வாகம் மற்றும் மாவட்ட நிர்வாகம் செய்திருந்தது. இதனிடையே புத்தூர் நால் ரோடு பகுதியில் மதுபானம் வாங்க வந்த, அப்பகுதியை சேர்ந்த குடிமகன்கள் பல பேர், மது அருந்துவதற்கு ஒரு வாரத்திற்கு 50 ரூபாய் வட்டி தருவதாக கூறி 500 ரூபாய் கடனாக பெற்று மது குடிக்கிறார்கள்.

அரசாங்கத்தின் கஜானாவை நிரப்புவதற்கு தமிழக பொதுஜனம் வட்டிக்கு கடன் வாங்கி குடிக்கிறது.