Skip to main content

பாலாற்றில் மணல் பள்ளம்-தண்ணீரில் மூழ்கி சிறுவன் உயிரிழப்பு! 

Published on 26/10/2019 | Edited on 26/10/2019

வேலூர் மாவட்டம் ஆம்பூர் அடுத்த வடகரை பாலாற்று பகுதியில் வடகரை பகுதியை சேர்ந்த கலைவாணியும், அவரது 6 ஆம் வகுப்பு படிக்கும் மகன் மோகன்ராஜ் இருவரும் தங்களுக்கு சொந்தமான இரண்டு மாடுகள் மற்றும் 3 ஆடுகளை ஆற்றில் தண்ணீர் குடிக்க வைத்தவர்கள், அவைகளில் தண்ணீரில் குளிப்பாட்டியுள்ளனர். திடீரென மாணவன் மோகன்ராஜ் கால் தவறி தண்ணீருக்குள் விழுந்து நீரில் மூழ்கியுள்ளான். இதைப்பார்த்து அதிர்ச்சியான அவரது தாய் கலைவாணி கூச்சலிட்டு கதறி அழுது கத்தியுள்ளார்.

 

incident in vellore district ambur

 

இதனை கேட்டு அருகில் இருந்த பொதுமக்கள் ஓடிவந்து ஆற்று நீரில் மூழ்கிய மாணவன் மோகன்ராஜ்ஜை மீட்கும் பணியில் ஈடுபட்டனர். 30 நிமிடத்துக்கு மேலான தேடலில் நீருக்குள் மூழ்கியிருந்த மோகன்ராஜ்ஜை மீட்டு உடனடியாக மேல் சான்றோர் குப்பம் பகுதியிலுள்ள ஆரம்ப சுகாதார நிலையத்திற்கு கொண்டு சென்று காண்பித்தனர்.

அங்கு பரிசோதனை செய்த மருத்துவர்கள் மாணவன் மோகன்ராஜ் உயிரிழந்ததாக தெரிவித்தனர். இதுப்பற்றிய தகவல் அறிந்த உமராபாத் போலீசார், மருத்துவமனைக்கு வந்து உடலை கைப்பற்றி ஆம்பூர் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இதுதொடர்பாக போலீசார் மேலும் விசாரணை மேற்கொண்டு வருகின்றனர்

வடகரை பகுதியில் பாலாற்றில் தொடர்ச்சியாக மணல் கொள்ளை நடைபெற்று வருகிறது. சுமார் 10 அடியில் இருந்து 30 அடி ஆழம் வரை மணல் அள்ளியதில் பள்ளங்கள் ஏற்பட்டுள்ளது. தற்போது மழை பெய்து வருவதால் இந்த பகுதி பாலாற்றில் தண்ணீர் தேங்கியுள்ளது. ஆற்றில் விழுந்தவ சிறுவனை பள்ளங்கள் உள்ளுக்குள் இழுத்துக்கொண்டு இருக்கும் என்கிறார்கள் விவரம் அறிந்தவர்கள். 

 

 

சார்ந்த செய்திகள்

Next Story

திமுக பிரமுகர் அலுவலகத்தில் வருமான வரித்துறை திடீர் சோதனை

Published on 20/03/2024 | Edited on 20/03/2024
 Income Tax officials conducted a surprise raid at the office of a DMK official

வேலூர் மாவட்டம் காட்பாடி அடுத்த காங்கேயநல்லூர் பகுதியைச் சேர்ந்தவர் நா.அசோகன். வேலூர் மாநகர மாவட்ட திமுக பொருளாளராகவும், இந்து சமய அறநிலையத்துறை அறங்காவலர் குழு தலைவராகவும் உள்ளார். இவர் அரசு ஒப்பந்ததாரராகவும், தோட்டப்பாளையம் பகுதியில் பிரிண்டிங் பிரஸ் வைத்தும் நடத்தி வருகிறார்.

இந்நிலையில் மார்ச் 19 ஆம் தேதி இரவு சுமார் 7 மணி அளவில் வேலூரை சேர்ந்த கூடுதல் கமிஷனர் பூரணசந்திரன் தலைமையிலான நான்கு பேர் கொண்ட வருமான வரித்துறை அதிகாரிகள் திமுக நிர்வாகி அசோகனுக்கு சொந்தமான தோட்டப்பாளையம் டி.பி.கிருஷ்ணசாமி நகர் பகுதியில் உள்ள பிரிண்டிங் பிரஸ் அலுவலகத்தில் காவல்துறை பாதுகாப்புடன் திடீர் சோதனை மேற்கொண்டனர். இந்த சோதனையின் போது அலுவலக ஊழியர்கள் மற்றும் அசோகனின் மகன் அரவிந்தன் இருந்துள்ளனர். பணம் ஏதேனும் இருக்கிறதா என சோதனை மேற்கொள்ளப்பட்டதாகவும் பணம் எதுவும் இல்லாத நிலையில் வங்கி தொடர்பான ஆவணங்களை கணினி மூலம் வருமான வரித்துறையினர் ஆய்வு செய்தனர். இந்த சோதனையின் போது அலுவலகத்தின் ஷட்டர் மூடப்பட்டிருந்தது.  

சுமார் இரண்டரை மணி நேரத்திற்கு பிறகு இரவு சுமார் 9:43 மணிக்கு சோதனை முடிந்து அதிகாரிகள் புறப்பட்டுச் சென்றனர். இதில் பிரிண்டிங் பிரஸ்சின் வங்கி தொடர்பான ஆவணங்களை சமர்ப்பிக்கும்படி சம்மன் வழங்கியதாக கூறப்படுகிறது.

இது தொடர்பாக திமுக நிர்வாகி அசோகனின் மகன் அரவிந்தன் கூறுகையில், 'முதலில் பணம் ஏதேனும் இருக்கிறதா என்று சோதனையிட்டார்கள் பணம் எதுவும் கிடைக்காத நிலையில் வங்கி ஆவணங்களை மட்டும் சரிபார்த்து சென்றார்கள்' என கூறினார்.

Next Story

தந்தை உயிரிழந்த போதும் 12 ஆம் வகுப்பு தேர்வு எழுதிய மாணவி!

Published on 16/03/2024 | Edited on 16/03/2024
 student who wrote her 12th class exam despite  passed away of her father

கடலூர் சூரப்ப நாயக்கன் சாவடி பகுதியைச் சேர்ந்த ரத்தினவடிவேல். இவர் ஓய்வு பெற்ற அளவையர். இவர் வெள்ளிக்கிழமை(15.3.2024) காலை உடல்நிலை சரியில்லாத காரணத்தால் உயிரிழந்தார்.  இவரது மகள் ராஜேஸ்வரி வயது 16 இவர் கடலூரில் உள்ள தனியார் மேல்நிலைப் பள்ளியில் பன்னிரண்டாம் வகுப்பு படித்து வருகிறார்.  இவருக்கு வெள்ளிக்கிழமை இயற்பியல் தேர்வு இருந்துள்ளது.

தந்தை உயிரிழந்ததை பார்த்து கதறி அழுத்துள்ளார். ஒரு கட்டத்தில் அவர் தன்னை திடப்படுத்திக் கொண்டு  இயற்பியல் தேர்வு எழுத செல்வதாக கூறி தேர்வு எழுதும் பள்ளிக்கு சென்றுள்ளார். இவரை பார்த்து அங்கிருந்த சக மாணவ மாணவிகள் மற்றும் ஆசிரியர்கள் மாணவிக்கு ஆறுதல் கூறி ஊக்கமளித்தனர்.

இதனை தொடர்ந்து அவர் பள்ளியில் இயற்பியல் தேர்வு எழுதினார். பின்னர் தேர்வு முடிந்த பிறகு அவரது தந்தையின் இறுதி ஊர்வலத்தில் கலந்து கொண்டார். இந்நிகழ்வு கடலூரில் நெகிழ்ச்சியை ஏற்படுத்தியது.