Skip to main content

வியாபாரிடம் நகைக்கொள்ளை... விசாரணைக்கு கைது செய்துபட்டவர் மரணம்... அதிகாரிகள் பணியிடை நீக்கம்

Published on 17/12/2019 | Edited on 17/12/2019

மும்பை தங்க நகை வியாபாரி நிதியின்ஜெயின் மற்றும் ஜீவன்சிங் ஆகியோர் 6 கிலோ தங்கத்துடன் திருச்சிக்கு வந்து இங்கு உள்ள முக்கிய நகைக்கடைகளுக்கு நகைகளை விற்பனை செய்துவிட்டு மீதம் உள்ள 935 கிராம் நகையும் திரும்பி உள்ளார்கள். திருச்சியிலிருந்து திருவண்ணாமலைக்கு அரசு பேருந்தில் சென்று கொண்டிருந்தபோது, நகை காணாமல் போயிருக்கிறது. இதுகுறித்து திருவண்ணாமலை போலீசிடம் புகார் வாங்க மறுத்தால் திருச்சி ஐஜி அமல்ராஜிடம் புகார் கொடுத்தனர். இதை விசாரிக்க எஸ்.பி ஜீயாவுதீன்க்கு உத்தரவிட்டார்.

இந்த வழக்கு சம்மந்தமாக விசாரணையில் கொள்ளையர்கள் நம்பர் 1 டோல்கேட்டில் பேருந்தில் ஏறி சமயபுரம் சுங்க சாவடியில் இறங்கியது சிசிடிவி விடியோவில் தெரிந்தது. இவர்கள் மீது வழக்கு பதிவு செய்து கொள்ளைர்களை தேட ஆரம்பித்தனர்.

 

thiruchy


இதன் அடிப்படையில் இ.பி.ரோட்டை சேர்ந்த முருகன் (வயது 50), அவரது மகன் வீரபாண்டி (33), உறவினர் சுப்ரமணி, பாலா ஆகிய 4 பேரை பிடித்து விசாரணை நடத்த போலீஸ் நிலையத்திற்கு அழைத்து சென்ற போது முருகன் தப்பியோடிய நிலையில் அவர் மூச்சுத் திணறி இறந்ததாக போலீஸ் தரப்பில் சொல்கிறார்கள்.

இறந்த விசாரணை கைதி முருகனின் உடல் பிரேத பரிசோதனைக்காக திருச்சி அரசு மருத்துவமனை பிரேத பரிசோதனை கூடத்திற்கு கொண்டுவரப்பட்டது. இந்த நிலையில் முருகன் இறந்தது குறித்து தகவல் அறிந்ததும் அவரது உறவினர்கள் திருச்சி அரசு மருத்துவமனை வளாகத்தில் காலை குவிந்தனர். முருகனை போலீஸ் விசாரணைக்காக அழைத்து சென்று அடித்து கொலை செய்துவிட்டதாக குற்றம் சாட்டினர்.

அரசு மருத்துவமனையில் அசம்பாவிதங்கள் எதுவும் நடைபெறாமல் இருக்க முன்னெச்சரிக்கையாக ஏராளமான போலீசார் குவிக்கப்பட்டனர். இறந்த முருகனின் உறவினர்களிடம் நேற்று பகலில் போலீசார் பேச்சுவார்த்தை நடத்தி சமாதானப்படுத்த முயன்றனர். ஆனால் அவர்கள் சம்மதிக்கவில்லை.

இந்த நிலையில் திருச்சி சரக டி.ஐ.ஜி. பாலகிருஷ்ணன், மாவட்ட போலீஸ் சூப்பிரண்டு ஜியாவுல் ஹக் மற்றும் போலீசார் மாலையில் அரசு மருத்துவமனைக்கு விரைந்து வந்தனர். சம்பந்தப்பட்டவர்களிடம் போலீசார் மீண்டும் பேச்சுவார்த்தை நடத்தினர். முருகனை விசாரணைக்காக அழைத்து சென்று அடித்து கொன்ற போலீசார் மீது சட்டப்படி நடவடிக்கை எடுக்க வேண்டும் என கூறி அவரது உறவினர்கள் போராட்டத்தில் ஈடுபட்டனர். மேலும் முருகனின் உடலை வாங்கவில்லை.

 

ui

 

இதற்கிடையில் முருகனின் மகன் வீரபாண்டி திருச்சி அரசு மருத்துவமனையில் நிருபர்களிடம் கூறுகையில், ‘திருட்டு வழக்கு தொடர்பாக எங்கள் 4 பேரையும் தனிப்படை போலீசார் விசாரணைக்காக சமயபுரம் அழைத்து சென்றனர். அங்கு ஒரு விடுதியில் தங்க வைத்து எங்களிடம் விசாரணை நடத்தினர். அப்போது இரும்பு குழாய்களால் அடித்தனர். மேலும் மிளகாய் பொடி தூவி சித்ரவதை செய்தனர். வலியால் அலறி துடித்தோம். இதில் எனது தந்தை அங்கேயே இறந்து விட்டார். அவரை தனியார் மருத்துவமனைக்கு அழைத்து சென்றனர். அதன்பிறகு என்ன நடந்தது என்று தெரியாது’ என்றார். மேலும் தனது உடலில் ஏற்பட்டிருந்த காயங்களை அவர் காண்பித்தார். இறந்த முருகனின் மகன் வீரபாண்டி புகாரால் பரபரப்பு ஏற்பட்டுள்ளது.

இதற்கிடையில் சம்பந்தப்பட்ட போலீசார் மீது சட்டப்படி நடவடிக்கை எடுக்கப்படும் என்று டி.ஐ.ஜி. பாலகிருஷ்ணன் மற்றும் போலீஸ் அதிகாரிகள் உறுதி அளித்தனர். இதையடுத்து முருகனின் உடலை அளவில் அவரது உறவினர்கள் வாங்கி சென்றனர். இதற்கு இடையில் பணியின் போது கவனக்குறைவாக இருந்தாக தனிப்படை எஸ்.ஐ. செந்தில், தலைமைகாவலர் விஜயகுமார். முதல்நிலை காவலர் நல்லேந்திரன் பணியிடை நீக்கம் செய்து உத்தரவிட்டார்.

திருச்சியில் நகைக்கொள்ளை வழக்கும் விசாரணையில் குற்றவாளி இறந்தது பெரிய பரபரப்பை ஏற்படுத்தியுள்ளது. இந்த சம்பவத்தால் திருச்சி அரசு மருத்துவமனை வளாகம் நேற்று இரவு பரபரப்பாக காணப்பட்டது.

 

 

சார்ந்த செய்திகள்

 

Next Story

கொடூரக் கொலை; விரலை வைத்து குற்றவாளியைத் தூக்கிய போலீஸ் - அதிரவைக்கும் வாக்குமூலம்

Published on 20/07/2024 | Edited on 20/07/2024
Accused in Cuddalore family case arrested in Chennai
சங்கர் ஆனந்த் -  சாகுல் அமீது

கடலூர் மாவட்டம் காராமணிக்குப்பம் பகுதியைச் சேர்ந்தவர் சுகந்தகுமார்(43) இவர் தனது தாய் கமலேஸ்வரி(60) மற்றும் 10 வயது மகனுடன் காராமணிக்குப்பம் பகுதியில் வசித்து வருகிறார். சுகந்தகுமாருக்கு இரு திருமணமாகி இரண்டு மனைவிகளையும் பிரிந்து தாய் மற்றும் 2வது மனைவிக்குப் பிறந்த 10 வயது மகனுடன் வாழ்ந்து வருகிறார். இந்த நிலையில் கடந்த 15 ஆம் தேதி சுகந்தகுமார், கமலேஸ்வரி, 10 வயது மகன் மூவரும் வெட்டிக்கொன்று எரிக்கப்பட்டு சடலமாகக் கிடந்துள்ளனர். பின்பு வீட்டில் இருந்து துர்நாற்றமும், புகையும் வெளி வந்ததால் அருகே இருந்தவர்கள் போலிசாருக்கு தகவல் கொடுத்துள்ளனர். 

தகவலின் பேரில் சம்பவ இடத்திற்கு வந்த போலீசார் வீட்டிற்குள் சென்று மூவர் உடலையும் கைப்பற்றி பிரேதப்பரிசோதனை செய்ய மருத்துவமனைக்கு அனுப்பி வைத்தனர். மேலும் சுற்றியிருந்தவர்களிடம் போலீசார் விசாரணை நடத்தியதில், சுகந்தகுமாரின் எதிர்வீட்டில் வசிக்கும் சங்கர் ஆனந்த் மீது போலீசாருக்கு சந்தேகம் ஏற்பட்டுள்ளது. அவரை போலீசார் நோட்டமிட்டதில் சங்கர் ஆனந்த் திடீரென தலைமறைவாகியுள்ளார். மேலும் சங்கர் ஆனந்தின் கையில் ஒரு விரலில் வெட்டுப்பட்டுக் கட்டுப்போட்டிருந்ததும் போலீசாருக்கு கூடுதல் சந்தேகத்தையும் கொடுக்க, தலைமறைவாக இருந்த ஆனந்தை செல்போன் சிக்னல் மூலம் தேடினர். அதில் சென்னை மறைமலைநகர் பகுதியில் பதுங்கி இருந்த சங்கர் ஆனந்த் மற்றும் அவரது நண்பர் சாகுல் அமீது இருவரையும் போலீசார் கைது செய்தனர். 

போலீசார் நடத்திய விசாரணையில் சங்கர் ஆனந்த், எனது அம்மாவிற்கும் சுகந்தகுமாருக்கும் திருமணத்தை மீறிய உறவு இருந்ததாக ஊரில் பலரும் பேசினர். அதனால் மனமுடைந்த எனது தாய் ரயில் முன் பாய்ந்து தற்கொலை செய்துகொண்டார். இதற்காக சுகந்தகுமாரை பழிவாங்க வேண்டும் என்று நினைத்தேன். ஆனால் அவர் பெங்களூரில் பாதி நாளும் வீட்டில் பாதி நாளும் வேலை பார்த்து வந்தார்.

இந்த நிலையில் அவரது மகனை அழைத்துக் கேட்டபோது அவன் என்னை மரியாதை இல்லாமல் திட்டினான். அதனால் அவனை நான் அடித்ததை அவனது பாட்டி கமலேஸ்வரியிடம் கூறி அவர், என்னைக் கடுமையாகத் திட்டினார். காரி துப்பி அசிங்கப்படுத்தினார். இதனைத் தொடர்ந்து சுகந்த குமாரைத் தீர்த்துக்கட்ட முடிவு செய்ய  நானும் எனது கூட்டாளிகளும் சேர்ந்து 13 ஆம் தேதி இரவு சுகந்தகுமார் வீட்டின் கதவைத் தட்டினோம். அப்போது கதவைத் திறந்த சுகந்தகுமாரை வெட்டி கொலை செய்தேன் பதிலுக்கு அவர் என் கை விரலை  வெட்டிவிட்டார். பின்பு எங்களைத் தாக்க வந்த கமலேஸ்வரியையும் கொலைசெய்தேன். 10 வயது சிறுவனை வெளியேவிட்டால் மாட்டிக்கொள்வோம் என்று கூறி அவனையும் கழுத்தை அறுத்து கொலை செய்தேன்.

பின்பு மறுநாள் பக்கத்து வீட்டு வழியாகத் தப்பித்துச் சென்றோம். ஆனால் துர்நாற்றம் வந்தால் மாட்டிக்கொள்வோம் என்று 14 ஆம் தேதி   நண்பர் சாகுல் அமீதிடம் பெட்ரோல் வாங்கி வரச்சொல்லி மீண்டும் வந்து மூன்று பேரின் உடலிலும் ஊற்றி எரித்துவிட்டேன். பின்னர் வீட்டிலிருந்த நகை, பணம் ஆகியவற்றை கொள்ளையடித்துச் சென்றுவிட்டோம். இதனிடையே சுகந்தகுமார் வெட்டியதில் எனது கட்டை விரல் பாதி துண்டாகித் தொங்கிக்கொண்டிருந்தது. அதனை வெட்டி புதரில் வீசிவிட்டு சென்னைக்கு வந்து தலைமறைவாகிவிட்டேன்” என்று வாக்குமூலம் அளித்துள்ளார் இதனைத் தொடர்ந்து கொலைவழக்குப் பதிவு செய்த போலீசார் இருவரிடமும் விசாரணை நடத்தி வருகின்றனர். 

Next Story

ஆம்ஸ்ட்ராங் கொலை வழக்கு; பாஜக நிர்வாகி அஞ்சலை கைது

Published on 19/07/2024 | Edited on 19/07/2024
nn

தமிழக பகுஜன் சமாஜ் கட்சியின் மாநில தலைவர் ஆம்ஸ்ட்ராங் கடந்த 5 ஆம் தேதி (05.07.2024) இரவு பெரம்பூரில் உள்ள அவரது வீட்டின் அருகே 6 பேர் கொண்ட மர்ம கும்பலால் வெட்டி படுகொலை செய்யப்பட்டார். இது தொடர்பாக சரணடைந்த ஆற்காடு சுரேஷின் தம்பி பொன்னை பாலு, ராமு, திருவேங்கடம், திருமலை, செல்வராஜ், மணிவண்ணன், சந்தோஷ், அருள், கோகுல், விஜேஷ், சிவசக்தி ஆகிய 11 நபர்களும் போலீசார் கஸ்டடியில் எடுக்கப்பட்டு விசாரணை நடைபெற்றது. இத்தகைய சூழலில் இந்த வழக்கில் தொடர்புடைய முக்கிய குற்றவாளியான பிரபல ரவுடி திருவேங்கடம் 14.07.2024 அன்று அதிகாலை என்கவுன்டர் செய்யப்பட்டது பரபரப்பை ஏற்படுத்தியது.

மீதமுள்ள 10 பேர் பூவிருந்தவல்லி தனி கிளைச் சிறையில் அடைக்கப்பட்டுள்ளனர். தொடர்ச்சியாக இந்த கொலை சம்பவம் தொடர்பாக அரசியல் கட்சியில் தொடர்புடையவர்கள் கைது செய்யப்பட்டு வருகின்றனர்.  இதில் வழக்கறிஞர் ஹரிஹரன் என்பவரும், தாதாவின் மனைவி மலர்க்கொடி என்பவரும் கைது செய்யப்பட்டதாக தகவல்கள் வெளியாகி இருந்தது. இந்த கொலை தொடர்பாக பாஜகவினுடைய வட சென்னை மேற்கு மாவட்ட துணைத் தலைவர் பதவியிலிருந்த அஞ்சலை என்பவரை போலீசார் தேடிவந்தனர். 

nn

தொடர்ந்து பாஜகவின் வட சென்னை மேற்கு மாவட்ட துணைத் தலைவர் பதவியில் இருந்து அஞ்சலை நீக்கப்படுவதாக கட்சியின் மாநில துணைத் தலைவர் கரு நாகராஜன் பாரதிய ஜனதா கட்சி சார்பில் அறிக்கை ஒன்றை வெளியிட்டிருந்தார். இந்நிலையில் ஆம்ஸ்ட்ராங் வழக்கு தொடர்பாக தேடப்பட்டு வந்த முன்னாள் பாஜக நிர்வாகி அஞ்சலை கைது செய்யப்பட்டுள்ளதாக தகவல்கள் வெளியாகியுள்ளது. அதேநேரம் ஐஸ் ஹவுஸ் பகுதியைச் சேர்ந்த எல்லப்பன் என்ற ரவுடியையும் பிடித்து போலீசார் விசாரணை மேற்கொண்டு வருவதாகவும் தகவல்கள் வெளியாகி உள்ளது.