Skip to main content

நள்ளிரவில் கணவனை கொன்றுபுதைத்த மனைவி... காதலன் உட்பட 5 பேர் கைது!

Published on 03/01/2021 | Edited on 03/01/2021

 

incident in chithambaram

 

சிதம்பரம் அருகே புதுச்சத்திரம் பகுதியில் வேளங்கிராயன்பேட்டை கிராமத்திலுள்ள தனியார் அனல் மின்நிலையத்திற்கு அருகில், கடந்த இரண்டு நாட்களுக்கு முன்பு, சடலமொன்று மேலோட்டமாக புதைக்கப்பட்டிருந்தது. இந்த சடலத்தின் கைமட்டும் வெளியே தெரிந்ததைப் பார்த்த அப்பகுதி மக்கள் காவல்துறை மற்றும் வருவாய்த் துறையினருக்குத் தகவல் தெரிவித்தனர். இதனைத் தொடர்ந்து புதுச்சத்திரம் ஆய்வாளர் கவிதா மற்றும் போலீசார் இதுகுறித்து விசாரணை நடத்தினர்.

 

பின்னர் சடலத்தைத் தோண்டி எடுத்து, சம்பவ இடத்திலேயே பிரேதப் பரிசோதனை நடைபெற்றது. தொடர்ந்து நடத்திய விசாரணையில் கொலை செய்யப்பட்டவர் சேத்தியாத்தோப்பு பெரியநற்குணம் பகுதியைச் சேர்ந்த சத்யராஜ்(32) எனத் தெரியவந்தது. இவரது மனைவி பெயர் தீபா(25). இவர்களுக்கு 2 ஆண் பிள்ளைகள் உள்ளனர். சத்யராஜ் பால் கம்பெனியில் டிரைவராக வேலை செய்து வந்துள்ளார். இதுகுறித்து, போலீசார் தொடர்ந்து விசாரணை நடத்தியதில் சத்தியராஜ் கொலை செய்து புதைக்கப்பட்டுள்ளார் என்று தெரியவந்தது.

 

இதனைத் தொடர்ந்து அவரது செல்ஃபோன்களை ஆய்வு செய்ததில் சேத்தியாத்தோப்பு வடக்கு சென்னி நத்தம் கிராமத்தைச் சேர்ந்த ஐயப்பன் (29), சேத்தியாத்தோப்பு சக்திவிளாகம் பகுதியைச் சேர்ந்த அராத்து என்கிற வினோத் வயது (23), விருத்தாசலம் பூந்தோட்டம் பகுதியைச் சேர்ந்த சுபாஷ் (18), விருத்தாசலம் பகுதியைச் சேர்ந்த அருண் (20) மற்றும் விருத்தாசலம் பகுதியைச் சேர்ந்த கார்த்தி வயது (18) உள்பட 5 பேர்களையும் கடலூர் மாவட்ட போலீஸ் எஸ்.பி.யின் தனிப்படை சப்-இன்ஸ்பெக்டர் நடராஜன் தலைமையிலான போலீசார் பிடித்து, புதுச்சத்திரம் போலீஸ் நிலையத்தில் ஒப்படைத்தனர்.

 

மேலும் இவர்களிடமிருந்து கொலை சம்பவத்திற்குப் பயன்படுத்திய கார், 2  இரு சக்கர வாகனம் மற்றும் 5 செல்ஃபோன்கள் ஆகியவை பறிமுதல் செய்யப்பட்டது.

 

மேலும் விசாரணையில் கொலை செய்யப்பட்ட சத்தியராஜின் மனைவி தீபாவுக்கும் ஜயப்பனுக்கும் தகாதஉறவு இருந்துள்ளது. இதனை நேரடியாக பார்த்துவிட்ட சத்தியராஜ் இவர்களைக் கண்டித்துள்ளார். இந்தநிலையில் தான் மனைவி, காதலனுடன் இணைந்து சத்யராஜை நள்ளிரவில் கொலைசெய்து காதலனின் கூட்டாளிகளுடன் சேர்ந்து புதைத்தது, விசாரணையில் தெரியவந்தது. பின்னர், கொலை செய்யப்பட்டவரின் மனைவி தீபா உள்ளிட்ட காதலன் மற்றும் கூட்டாளிகளை புதுச்சத்திரம் போலீஸார் கைதுசெய்து சிறையில் அடைத்தனர்.

 

 

சார்ந்த செய்திகள்

Next Story

திருமணத்தை மீறிய உறவு; பெண்ணை பெட்ரோல் ஊற்றி எரித்த நடத்துநர்

Published on 25/04/2024 | Edited on 25/04/2024
Conductor who doused woman with petrol and her in Krishnagiri

கிருஷ்ணகிரியைச் சேர்ந்தவர் திருப்பதி. இவரது மனைவி சிவகாமி(பெயர் மாற்றப்பட்டுள்ளது). இவருக்கும் கிருஷ்ணகிரி பாத்திமா நகரைச் சேர்ந்த அரசு பேருந்து நடத்துனர் மாதவன் என்பவருக்கும் கடந்த ஐந்து ஆண்டுகளாக திருமணத்தை மீறிய உறவு இருந்துள்ளது. இந்த நிலையில் மாதவனுக்கு வேறு சில பெண்களுடன் தொடர்பு  இருப்பதாக கருதிய லட்சுமி மாதவன் உடனான உறவை துண்டித்துள்ளார்.

இதனைத் தொடர்ந்து மாதவன் சிவகாமிக்கு தொடர்ந்து தொல்லை கொடுத்து வந்துள்ளார். இந்த நிலையில் நேற்று இரவு வீட்டிற்கு வெளியே சென்று லட்சுமியைப் பின் தொடர்ந்து வந்த மாதவன் சிவகாமியிடம் வாக்குவாதத்தில் ஈடுபட்டுள்ளார். மேலும் தன்னுடன் பேசுமாறு வற்புறுத்தியுள்ளார். ஆனால்   இதற்குச் சிவகாமி மறுப்பு தெரிவிக்க, ஆத்திரமடைந்த மாதவன் சிவகாமி மீது பெட்ரோலை ஊற்றி உயிரோடு எரித்துள்ளார். பின்னர் வீட்டின் அருகே உள்ள முட்புதிரில் தீயில் கருகி நிலையில் உயிருக்கு போராடி கொண்டிருந்த சிவகாமியைப் பார்த்த அக்கம் பக்கத்தினர் உடனடியாக அவரை மீட்டு கிருஷ்ணகிரி அரசு மருத்துவக் கல்லூரி மருத்துவமனையில் அனுமதித்தனர்.

இந்த நிலையில் இது குறித்து வழக்கு பதிவு செய்த போலீசார் சிவகாமிடம் விசாரணை செய்ததில் மேற்கண்ட விவரங்கள் தெரியவந்துள்ளது. இதை அடுத்து மாதவன் மீது வழக்கு பதிவு செய்த போலீசார் அவரை கைது செய்து விசாரணை நடத்தி வருகின்றனர்

Next Story

தீ விபத்து; பலி எண்ணிக்கை 6 ஆக உயர்வு!

Published on 25/04/2024 | Edited on 25/04/2024
incident for hotel near Patna Railway Station Bihar

பீகார் மாநிலம் பாட்னா ரயில் நிலையம் அருகே உள்ள ஹோட்டலில் பயங்கர தீ விபத்து ஏற்பட்டது. இந்த சம்பவம் குறித்து தகவல் அறிந்து சம்பவ இடத்திற்கு வந்த தீயணைப்பு படை வீரர்கள் தீயை அணைக்கும் பணியிலும், மீட்புப் பணியிலும் ஈடுபட்டனர். இந்த தீ விபத்தில் சிக்கிய 12 பேர் மீட்கப்பட்டு சிகிச்சைக்காக முதற்கட்டமாக அனுப்பி வைக்கப்பட்டனர். இச்சம்பவம் பாட்னாவில் பெரும் சோகத்தை ஏற்படுத்தி இருந்தது. இந்த தீ விபத்தில் சிக்கி 3 பேர் உயிரிழந்ததாகவும், 7 பேர் பலத்த காயமடைந்துள்ளனர் என பாட்னா போலீஸ் எஸ்.எஸ்.பி. ராஜீவ் மிஸ்ரா தெரிவித்திருந்தார்.

இது குறித்து பாட்னா தீயணைப்புத் துறை போலீஸ் டிஜி, ஷோபா ஓஹட்கர் கூறுகையில், “தீயணைப்புத் அணைக்கும் மேற்கொண்டோம். இதுபோன்ற நெரிசலான பகுதிகளில் விபத்துகளை தடுக்க தொடர்ந்து சிறப்பு கவனம் செலுத்தி வருகிறோம். இதுபோன்ற சம்பவங்களைத் தடுக்க நாங்கள் தொடர்ந்து பொதுமக்களுக்கு விழிப்புணர்வை ஏற்படுத்தி வருகிறோம். சிலிண்டர் வெடித்ததால் இந்த தீ விபத்து நடந்தது. இருப்பினும் தற்போது தீ முற்றிலும் அணைக்கப்பட்டது” எனத் தெரிவித்திருந்தார்.

இந்நிலையில் பாட்னா சட்டம் மற்றும் ஒழுங்கு போலீஸ் டிஎஸ்பி கிருஷ்ணா முராரி கூறுகையில், “இந்த தீ விபத்தில் 5 முதல் 6 பேர் வரை இறந்துள்ளதாக தகவல் வெளியாகியுள்ளது. சுமார் 30க்கும் மேற்பட்டோர் மீட்கப்பட்டுள்ளனர். அதில் பலத்த காயம் அடைந்த 7 பேர் மருத்துவமனைக்கு அனுப்பி வைக்கப்பட்டுள்ளனர்” எனத் தெரிவித்தார்.