Skip to main content

அமைச்சர் செல்லூர் ராஜூ மன்னிப்பு கேட்காவிட்டால் அதிமுகவில் இருந்து விலகுவோம் - செட்டியார் சமூகத்தினர் போராட்டம்

Published on 11/05/2018 | Edited on 11/05/2018
raju

 

ஒரு சமூகத்தை சேர்ந்த பெண்களை தரக்குறைவாக பேசிய அமைச்சர் மன்னிப்பு கேட்க கோரி தாசில்தரிடம் புகாரளித்து அ.தி.மு.கவினர் பதவி விலகவும் தயாராகி வருகின்றனர்.

 

சென்னையில் நடந்த காலா திரைபட இசை வெளியீட்டு விழாவில் நடிகர் ரஜினிகாந்த் பேசும்போது, தென்னிந்திய நதிகளை இணைப்பது தான் எனது ஆசை என கூறியுள்ளார்.

 

இது குறித்து,  மதுரையில் செய்தியாளர்கள் கூட்டுறவுத்துறை அமைச்சர் செல்லூர் ராஜூவிடம் கருத்து கேட்டபோது, "தமிழகத்தில் ரஜினிகாந்த் ஆட்சியை பிடிக்க முடியாது. ஆனால், காரைக்குடி ஆச்சியை தான் பிடிக்கலாம்" என கூறி கேலியாக சிரித்தார். இதனால் இந்த சமூகத்தை சேர்ந்த பெண்களை இழிவுபடுத்தும் விதமாக, பேசிய செல்லூர் ராஜூ-வை கண்டிக்கும் விதமாக ஆலங்குடியில் அனைத்து செட்டியார் சமூகத்தினர் ஆலங்குடி சித்திவிநாயகர் ஆலயத்தில் ஒன்று திரண்டு அங்கிருந்து 100-க்கும் மேற்பட்டோர் பைக்கில் ஊர்வலமாக சென்று அமைச்சருக்கு எதிராக கோசமிட்டு ஆலங்குடி தாசில்தாரிடம், கூட்டுறவுத்துறை அமைச்சர் செல்லூர் ராஜூ பகிரங்கமாக மன்னிப்பு கேட்க வேண்டும் என வலியுறுத்தி புகார் மனு அளித்தனர். 

 

 

 

அமைச்சர் மன்னிப்பு கேட்காவிட்டால் தொடர் போராட்டம் நடத்த இருப்பதாகவும் அவர்கள் தெரிவித்தனர். இந்த நிலையில் சில நாட்களில் புதுக்கோட்டை மாவட்டம் முழுவதும் உள்ள செட்டியார் இனத்தினரை திரட்டி புதுக்கோட்டை, ஆலங்குடி பகுதிகளில் பிரமாண்ட ஆர்ப்பாட்டம் நடத்தவும் திட்டமிட்டுள்ளனர். 

 

மேலும் அமைச்சர் செல்லூர் ராஜூ தனது பேச்சுக்கு மன்னிப்பு கேட்கவில்லை என்றால் அ.தி.மு.க வில் உள்ள செட்டியார் சமூகத்தினர் அந்த கட்சியை விட்டு வெளியேற வேண்டும் என்றும் வலியுறுத்தப்பட்டுள்ளது, அதனால் பலர் தங்கள் பொறுப்புகளை துறக்கவும் தயாராகி வருகின்றனர். இந்த தகவல் அறிந்த யார் யார் பதவியை துறக்க தயாராக உள்ளனர் என்பதை உளவுத் துறையினர் பணக்கெடுத்து சென்னைக்கு அனுப்பி உள்ளனர்.  மேலும், தமிழக மக்கள் ஜனநாயக கட்சி சார்பில் அதன் தலைவர் கே.எம்.சரீப் தனது அறிக்கையில், ஒரு சமூகத்தை சேர்ந்த பெண்களை இழிவாக பேசிய கூட்டுறவுத்துறை அமைச்சர் செல்லூர் ராஜூ-வை உடனே பதவி நீக்கம் செய்ய வேண்டும் என தமிழக முதல்வரை வலியுறுத்தியுள்ளார்.
 


 

சார்ந்த செய்திகள்

Next Story

வேங்கைவயல் விவகாரம்; நீதிமன்றம் அதிரடி உத்தரவு!

Published on 25/03/2024 | Edited on 25/03/2024
The vengaivayal Affair Court action order

புதுக்கோட்டை மாவட்டம் அன்னவாசல் ஒன்றியம் வேங்கைவயல் கிராமத்தில் உள்ள குடிநீர் மேல்நிலை நீர்த்தேக்கத் தொட்டி தண்ணீரில் மனிதக் கழிவு கலந்த சம்பவம் நாடு முழுவதும் அதிர்வலைகளை ஏற்படுத்தியது. குடிநீரில் மனிதக் கழிவு கலந்த சமூக விரோதிகள் மீது நடவடிக்கை எடுக்கக் கோரி பல்வேறு அரசியல் கட்சிகள், அமைப்புகள், மனித உரிமை ஆணையம் எனப் பல தரப்பிலிருந்து அழுத்தம் கொடுக்கப்பட்டது. இதனையடுத்து சம்பவம் நடைபெற்ற 20 நாளில் இந்த வழக்கு சி.பி.சி.ஐ.டி. போலீசாருக்கு மாற்றப்பட்டு சி.பி.சி.ஐ.டி. அதிகாரிகள் விசாரணை செய்து வருகின்றனர்.

அதன்படி கடந்த ஆண்டு ஜனவரி 14 ஆம் தேதி முதல் சி.பி.சி.ஐ.டி. அதிகாரிகள் இந்த வழக்கை விசாரணை செய்து வருகின்றனர். மேலும் இந்த விவகாரம் தொடர்பாக குற்றவாளிகளைக் கண்டறிய உண்மை கண்டறியும் சோதனையும், வேங்கைவயல், இறையூர் உள்ளிட்ட கிராமங்களைச் சேர்ந்த 5 சிறுவர்கள் உட்பட 31 பேரிடமும் டி.என்.ஏ. பரிசோதனைகளையும் சி.பி.சி.ஐ.டி. போலீசார் மேற்கொண்டனர். ஒரு காவலர் உட்பட 2 பேரிடம் குரல் மாதிரி பரிசோதனையும் மேற்கொள்ளப்பட்டது.

இந்நிலையில் வேங்கைவயல் விவகாரத்தில் மேலும் 3 பேருக்கு குரல் மாதிரி பரிசோதனை மேற்கொள்ள புதுகோட்டை வன்கொடுமை தடுப்பு நீதிமன்றத்தில் சிபிசிஐடி சார்பில் கோரிக்கை வைக்கப்பட்டது. இதனை ஏற்றுக்கொண்ட புதுக்கோட்டை வன்கொடுமை தடுப்பு நீதிமன்றம் 3 பேருக்கு குரல் மாதிரி பரிசோதனை மேற்கொள்ள அனுமதி வழங்கியுள்ளது. 

Next Story

ஜாபர் சாதிக்கிற்கு நீதிமன்றக் காவல் விதிப்பு!

Published on 19/03/2024 | Edited on 19/03/2024
Jaber Sadiq sentenced to court custody

டெல்லியில் போதைப் பொருள் தடுப்பு காவல்துறை மற்றும் டெல்லி சிறப்பு காவல்துறை சார்பில் நடைபெற்ற சோதனையில் கடந்த பிப்ரவரி மாதம் 24 ஆம் தேதி 50 கிலோ ரசாயன வகை போதைப் பொருள் பறிமுதல் செய்யப்பட்டது. இந்த சம்பவத்தில் ஈடுபட்ட 3 பேரை போலீசார் கைது செய்திருந்தனர். அவர்களிடம் மேற்கொண்ட விசாரணையில், கடந்த 3 ஆண்டுகளில் 3 ஆயிரத்து 500 கிலோ போதைப் பொருட்கள் கடத்தப்பட்டுள்ளதாகவும் இதன் மொத்த மதிப்பு ரூ. 2 ஆயிரம் கோடி எனவும் தெரிய வந்தது. தொடர்ந்து அவர்களிடம் நடத்தப்பட்ட விசாரணையில், இந்த போதைப் பொருள் கடத்தலில் ஈடுபட்டது திரைப்படத் தயாரிப்பாளர் ஜாஃபர் சாதிக் தான் என்பது தெரியவந்தது. மேலும் கடத்தல் கும்பலுக்கு தலைவனாக ஜாஃபர் சாதிக் செயல்பட்டதும் உறுதியானது.

இந்த வழக்கு விசாரணை தொடர்பாக ஜாபர் சாதிக் தேடப்பட்டு வந்த நிலையில், போதைப்பொருள் தடுப்பு பிரிவினரால் ஜெய்ப்பூரில் கடந்த 9 ஆம் தேதி (09.03.2024) கைது செய்யப்பட்டு மத்திய போதைப் பொருள் தடுப்பு போலீசாரின் காவலில் இருந்து வந்தார். அதனைத் தொடர்ந்து, ஜாபர் சாதிக் மீது சர்வதேச அளவில் போதைப் பொருள் கடத்தி சட்ட விரோதப் பணப்பரிவர்த்தனை செய்ததாக அமலாக்கத்துறை வழக்குப்பதிவு செய்திருந்தது. இதற்கிடையே இந்த வழக்கு தொடர்பான ஆவணங்கள், பணப் பரிவர்த்தனைகள், வங்கிக் கணக்கு விவரங்களை மத்திய போதைப் பொருள் தடுப்பு அதிகாரிகளிடம் இருந்து டெல்லி என்.ஐ.ஏ. அதிகாரிகள் கேட்டுள்ளதாகவும் கூறப்பட்டது. போதைப் பொருள் கடத்தல் மூலம் சம்பாதித்த பணம் தீவிரவாத அமைப்புகளுக்குச் சென்றுள்ளதா என்று விசாரிக்க முடிவு செய்துள்ளதாகத் தகவல் வெளியாகி இருந்தது.

இதனையடுத்து சென்னை பெருங்குடி அருகே ஜாபர் சாதிக் தங்கியிருந்த வாடகை வீட்டில் மத்திய போதைப் பொருள் தடுப்பு அதிகாரிகள் தீவிர சோதனை நடத்தினர். வீட்டின் உரிமையாளரிடமும் விசாரணை மேற்கொண்டனர். இந்த சோதனையில் ஒரு பை மற்றும் முக்கிய ஆவணங்கள் அடங்கிய ஒரு பெட்டி கிடைத்தன. மேலும் ஜாபர் சாதிக் இல்லத்திற்கு வந்து சென்றவர்களின் விவரங்கள் சேகரிக்கப்பட்டுள்ளதாகவும் மத்திய போதைப் பொருள் தடுப்பு அதிகாரிகள் தெரிவித்திருந்தனர். விசாரணைக்கு அழைக்கும் போது வாடகை வீட்டின் உரிமையாளர் நேரில் ஆஜராகவும் உத்தரவிடப்பட்டிருந்தது.

Jaber Sadiq sentenced to court custody

இந்நிலையில் போதைப்பொருள் கடத்தல் வழக்கில் கைதான ஜாஃபர் சாதிக்கை என்.சி.பி. அதிகாரிகள் 7 நாட்கள் காவலில் வைத்து விசாரித்து வந்தனர். அதன் பின்னர் 3 நாட்கள் கூடுதலாக அனுமதி பெற்று காவலில் விசாரித்தனர். அதே சமயம் இரண்டாவது நாளான நேற்று (18.03.2024) ஜாஃபர் சாதிக்கை மத்திய போதைப் பொருள் தடுப்புப் பிரிவு அதிகாரிகள் சென்னை அழைத்து வந்து தீவிர விசாரணை மேற்கொண்டனர். இந்த விசாரணையின் போது ஜாஃபர் சாதிக் உடன் தொடர்பில் இருந்தவர்கள் யார் மற்றும் பணப் பரிவர்த்தனைகள் குறித்து விசாரணை மேற்கொண்டனர். அதன் பின்னர் மீண்டும் ஜாஃபர் சாதிக் டெல்லிக்கு அழைத்துச் செல்லப்பட்டார். இந்நிலையில், ஜாஃபர் சாதிக்கை டெல்லி பாட்டியாலா நீதிமன்றத்தில் என்.சி.பி. அதிகாரிகள் ஆஜர்படுத்தினர். அப்போது ஜாஃபர் சாதிக்கை 14 நாட்கள் நீதிமன்றக் காவலில் வைக்க டெல்லி பாட்டியாலா நீதிமன்றம் உத்தரவிட்டுள்ளது.