Skip to main content

பட்டப்பகலில் பயங்கரம்; மனைவியை வெட்டிவிட்டு கழுத்தை அறுத்துக் கொண்ட கணவன்

Published on 17/05/2024 | Edited on 17/05/2024
husband who incident his wife throat

திருச்சி மாவட்டம், தொட்டியம் பகுதி, அழகரையைச் சேர்ந்தவர் கோவிந்தராஜ் மகன் பெருமாள்(45). இவர் தென்னை மரம் ஏறும் தொழில் செய்து வருகிறார். இவரது மனைவி திலகம்(40). திலகம் கரூர் அரசு மருத்துவமனையில் சமையல் கூடத்தில்  ஒப்பந்த அடிப்படையில் வேலை பார்த்து வருகிறார். இவர்களுக்கு மூன்று மகள்கள், இரண்டு மகன்கள் என ஐந்து பிள்ளைகள் உள்ளனர்.

இந்நிலையில், இன்று பணி முடிந்து குளித்தலை வந்த திலகம் மாலை சுமார் ஆறு மணியளவில் குளித்தலை சுங்க கேட் பகுதியில் திருச்சி கரூர் மெயின் ரோட்டில் உள்ள  மாணிக்கம் என்பவரது  பழக்கடையில் பழங்கள் வாங்கிக் கொண்டு இருந்துள்ளார். அவரை கண்காணித்த கணவர் பெருமாள் பழக்கடைக்கு சென்று பழங்கள் வாங்கிக் கொண்டிருந்த திலகத்திடம் தகராறு செய்துள்ளார். இதனிடையே பெருமாள் இரண்டு வீச்சு அரிவாள்களை மறைத்து வைத்து இருந்துள்ளார்.

தகராறு முற்ற ஒரு கட்டத்தில் ஆத்திரமடைந்த பெருமாள் மது போதையில்  தான் வைத்திருந்த வீச்சு அரிவாளை எடுத்து சரமாரியாக திலகத்தை வெட்டியுள்ளார். இதில் ரத்த வெள்ளத்தில் திலகம் சரிந்தார். இதையடுத்து பெருமாள் தான் கையில் வைத்திருந்த மற்றொரு அரிவாளை எடுத்து தனக்குத்தானே  கழுத்தை அறுத்துக் கொண்டார்.

தகவலின் பேரில் சம்பவம் நடந்த இடத்திற்கு வந்த குளித்தலை போலீசார் இருவரையும் அரசு மருத்துவமனைக்கு கொண்டு சென்றனர். பின்னர் திருச்சி அரசு மருத்துவமனைக்கு மேல் சிகிச்சைக்காக அனுப்பி வைத்தனர். இருவரும் உயிர் ஆபத்தான நிலையில் சிகிச்சையில் உள்ளதாக மருத்துவ வட்டாரங்கள் கூறுகின்றன. சம்பவம் குறித்து குளித்தலை போலீசார் வழக்கு பதிவு செய்து விசாரித்து வருகின்றனர். திருச்சி கரூர் மெயின் ரோட்டில் பட்டப்பகலில் நடந்த சம்பவம் குளித்தலையில் பரபரப்பை  ஏற்படுத்தி உள்ளது. குளித்தலை போலீசார் வழக்குப்பதிவு செய்து விசாரணை செய்து வருகிறார்கள்

சார்ந்த செய்திகள்

 

Next Story

‘மேலும் ஒரு வழக்கில் எம்.ஆர். விஜயபாஸ்கர் கைது’ - போலீசார் அதிரடி!

Published on 18/07/2024 | Edited on 18/07/2024
In another case MR. Vijayabaskar Arrested Police Action

கரூர் மாவட்டம் வாங்கல் குப்பிச்சிபாளையத்தைச் சேர்ந்த பிரகாஷ் என்பவர் கரூர் காவல் நிலையம் மற்றும் எஸ்.பி. அலுவலகத்தில் புகார் ஒன்றை அளித்திருந்தார். அதில், தோரணக்கல்பட்டி மற்றும் குன்னம்பட்டியில் தனக்குச் சொந்தமான ரூ.100 கோடி மதிப்புள்ள 22 ஏக்கர் நிலத்தை அதிமுக முன்னாள் அமைச்சர் எம்.ஆர். விஜயபாஸ்கர் மற்றும் அவரது ஆதரவாளர்கள் தனது மனைவி மற்றும் மகளை மிரட்டி மோசடியாகப் பத்திரப்பதிவு செய்து உள்ளனர் என்று கூறியிருந்தார்.  மேலும் இது தொடர்பாக மேலக்கரூர் பொறுப்பு சார்பதிவாளரும் கரூர் நகர காவல் நிலையத்தில் புகார் அளித்திருந்தார். அதனைத் தொடர்ந்து இந்த வழக்கு சிபிசிஐடிக்கு மாற்றப்பட்டது.

அதே சமயம் இந்த வழக்கில் தனது பெயர் சேர்க்கப்படலாம் என்று கருதி முன்னாள் அமைச்சர் எம்.ஆர். விஜயபாஸ்கர் முன்ஜாமீன் கேட்டு கரூர் மாவட்ட முதன்மை அமர்வு நீதிமன்றத்தில் மனுத்தாக்கல் செய்திருந்தார். இதனையடுத்து நில அபகரிப்பு வழக்கில் எம்.ஆர். விஜயபாஸ்கரின் முன் ஜாமீன் மனுக்களை நீதிபதி தள்ளுபடி செய்து உத்தரவிட்டிருந்தார். அதனைத் தொடர்ந்து முன்ஜாமீன் கோரி எம்.ஆர். விஜயபாஸ்கர் சென்னை உயர்நீதிமன்றத்தின் மதுரைக் கிளையில் மனுத்தாக்கல் செய்திருந்தார். இத்தகைய சூழலில் தலைமறைவாக கேரளாவில் பதுங்கி இருந்த எம்.ஆர். விஜயபாஸ்கர் தனிப்படை போலீசாரால் கைது செய்யப்பட்டார்.

இதனையடுத்து எம்.ஆர். விஜயபாஸ்கருக்கு வரும் 31ஆம் தேதி வரை என 15 நாட்கள் நீதிமன்ற காவல் விதிக்கப்பட்டு திருச்சி மத்தியச் சிறையில் அடைக்கப்பட்டுள்ளார். இதற்கிடையே பிரகாஷ் வாங்கல் காவல் நிலையத்தில் ஏற்கனவே  எம்.ஆர். விஜயபாஸ்கர் உள்ளிட்ட 13 பேர்  மீது அளித்த புகாரின் பேரில் கொலை முயற்சி, ஆள் கடத்தல் உள்ளிட்ட 7 சட்டப்பிரிவின் கீழ் வழக்குப் பதிவு செய்யப்பட்டிருந்தது. இந்நிலையில் இந்தப் புகாரின் பேரில் எம்.ஆர். விஜயபாஸ்கர் மீண்டும் கைது செய்யப்பட்டுள்ளார். இதையடுத்து எம்.ஆர். விஜயபாஸ்கரிடம் இத்தகவலை தெரிவிப்பதற்காக நீதிமன்றத்தில் வாங்கல் காவல் துறையினர் பெற உள்ளனர். 

Next Story

சொத்து தகராறு; அண்ணனின் வீட்டைச் சூறையாடிய தாய், தம்பி!

Published on 18/07/2024 | Edited on 18/07/2024
Mother and brother robbed brother  house due to property dispute

திருப்பத்தூர் மாவட்டம் வாணியம்பாடி அருகே உள்ளது புருஷோத்தம குப்பம். இந்தப் பகுதியைச் சேர்ந்தவர் வழக்கறிஞர் சம்பத். இவர் அதே பகுதியில் தாய் வனிதா பெயரில் இடம் ஒன்றைப் பணம் கொடுத்து வாங்கி வீடு கட்டி வாழ்ந்து வருகிறார். இந்த நிலையில் சம்பத்தின் தம்பி நேரு, புதிதாகக் கட்டிய வீட்டில் தனக்கும் பங்கு வேண்டும் என்று அடிக்கடி தகராறு செய்து வந்துள்ளார். அதனால் சம்பத்  ரூ.10 லட்சம் மதிப்புள்ள லாரி ஒன்றை வாங்கி தனது தம்பி நேருவுக்குக் கொடுத்துள்ளார். இருப்பினும் லாரி வாங்கிக் கொடுத்தது போதாது, வீட்டிலும் பங்கு வேண்டும் என்று சம்பத்திடம் மீண்டும் தகராறு செய்திருக்கிறார்.

இதனிடையே இந்தச் சம்பவம் குறித்து ஏற்கெனவே காவல்நிலையத்தில் புகார் அளிக்கப்பட்ட நிலையில் இருவரையும் அழைத்து சமாதானம் செய்து அனுப்பி வைத்தனர். இந்த நிலையில் வழக்கறிஞர் சம்பத்தின் வீட்டைத் தாய் வனிதா மற்றும் சகோதரர் நேரு இருவரும் சேர்ந்து உடைத்து உள்ளே இருந்த பொருட்களைச் சேதப்படுத்தியுள்ளனர். இதனைத் தொடர்ந்து நடந்த சம்பவம் குறித்து வாணியம்பாடி கிராமிய காவல்நிலையத்தில் புகார் அளித்துள்ளார்.

புகாரின் பேரில் வழக்குப் பதிவு செய்த போலீசார் சம்பத்தின் வீட்டில் இருந்த சிசிடிவி காட்சிகளை வைத்து விசாரணையைத் தீவிரப்படுத்தியுள்ளனர். சொத்து தகராறில், தம்பி மற்றும் தாய் ஒன்று சேர்ந்து அண்ணன் வீட்டை அடித்து உடைத்த சம்பவத்தில் சிசிடிவி காட்சிகளை வைத்து விசாரணை மேற்கொண்டு வருகின்றனர்.