Skip to main content

பெண் தோழிக்காக மனைவியைக் கொடூரமாகக் கொன்ற கணவன்

Published on 25/10/2023 | Edited on 25/10/2023

 

husband incident his wife for his girlfriend

 

பெரம்பலூர் அருகே உள்ள எளம்பலூர் கிராமத்தைச் சேர்ந்தவர்கள் ராஜ்குமார்(33) - பிரவீனா(24) தம்பதியினர். ராஜ்குமார் அப்பகுதியில் உள்ள தனியார் டயர் தொழிற்சாலையில் ஷிப்ட் முறையில் வேலை பார்த்து வருகிறார். இந்த நிலையில், கடந்த  22 ஆம் தேதி ராஜ்குமார் தனது மனைவி பிரவீனாவை அவரது சித்தப்பா மகள் கீர்த்தனா வீட்டில் விட்டுவிட்டு, வேலைக்குச் சென்று மாலை திரும்பி வரும்போது அழைத்து வருவதாகக் கூறி பிரவீனாவை தனது இரு சக்கர வாகனத்தில் அழைத்துச் சென்றுள்ளார். 

 

அப்போது எளம்பலூர்  தேசிய நெடுஞ்சாலை நோக்கி இருவரும் சென்றுகொண்டிருந்த போது திடீரென வழி மறித்த கும்பல் ஒன்று பிரவீனாவை சரமாரியாக அரிவாளால் வெட்டிப் படுகொலை செய்தது. அதேசமயம் ராஜ்குமாருக்கு கையில் வெட்டுக் காயம் ஏற்பட்டு பெரம்பலூர் அரசு மருத்துவமனையில் சிகிச்சை பெற்று வருகிறார். இது குறித்து வழக்குப்பதிவு செய்து போலீசார் நடத்திய விசாரணையில், பிரவீனாவிற்கும் ராஜ்குமாருக்கும் குடும்ப பிரச்சனை காரணமாக அடிக்கடி  தகராறு நடந்தது தெரியவந்தது. 

 

இதனைத் தொடர்ந்து போலீசார் விசாரணையை கணவர் ராஜ்குமார் பக்கம் திருப்பினர். அவரிடம் நடத்தப்பட்ட விசாரணையில், மனைவி பிரவீனாவை கூலிப்படை வைத்துக் கொன்றதை ஒப்புக்கொண்டுள்ளார். மேலும், ராஜ்குமாருக்கு பெரம்பலூர் அருகே உள்ள கிராமத்தில் இருக்கும் ஒரு பெண்ணுடன் திருமணத்தை மீறிய உறவு இருந்ததாகக் கூறப்படுகிறது. இது பிரவீனாவிற்குத் தெரியவர அடிக்கடி ராஜ்குமாரிடம் இது குறித்து கேட்டதாகக் கூறப்படுகிறது. இதனைத் தொடர்ந்து அடிக்கடி ராஜ்குமாருக்கும் பிரவீனாவுக்கும் பிரச்சனை வந்ததால், ராஜ்குமார் திருமணத்தை மீறிய உறவில் இருந்த பெண் அவரை விட்டுவிட்டு வேறு ஒருவருடன் தொடர்பில் இருந்ததாகக் கூறப்படுகிறது. இதனால் அந்தப் பெண் தன்னை விட்டுப் பிரிந்து சென்றதற்கு மனைவி பிரவீனாதான் காரணம் என்று முடிவு செய்த ராஜ்குமார், அவரைப் பழிவாங்கத் திட்டமிட்டு, கூலிப்படையிடம் பணம் கொடுத்து கொலை செய்துள்ளார். 

 

இதனைத் தொடர்ந்து காவல்துறைக்கு சந்தேகம் வராமல் இருக்க தனது கையை வெட்டிக் கொண்டு ராஜ்குமார் நாடகமாடியுள்ளார். மேலும் பிரவீனாவை வழிமறித்து கொலை செய்த கூலிப்படை 5 பேரையும் போலீசார் மடக்கிப் பிடித்து கைது செய்து விசாரணை நடத்தி வருகின்றனர். 

 

 

சார்ந்த செய்திகள்

Next Story

கொலை வழக்கிலிருந்து திமுக முன்னாள் எம்.எல்.ஏ விடுதலை

Published on 26/02/2024 | Edited on 26/02/2024
Ex-DMK MLA acquitted in case

கொலை வழக்கிலிருந்து திமுக முன்னாள் எம்எல்ஏ ரங்கநாதன் விடுதலை செய்யப்பட்டுள்ளார்.

சென்னை கொளத்தூர், காந்திநகர் பகுதியைச் சேர்ந்தவர் மாற்றுத்திறனாளி புவனேஸ்வரன். மெக்கானிக் தொழில் செய்து வந்த புவனேஸ்வரன் கடந்த 2012 ஆம் ஆண்டு ஜூலை மாதம் மர்ம கும்பல் ஒன்றால் வெட்டிப் படுகொலை செய்யப்பட்டார். போலீசார் வழக்குப்பதிவு செய்து விசாரணை மேற்கொண்டதில் நிலத்தகராறு தொடர்பாக இந்த கொலை சம்பவம் நடந்தது தெரியவந்தது.

இந்த வழக்கில் சையது இப்ராஹிம், செல்வம், முரளி உள்ளிட்டோருக்கு எதிராக விசாரணை நீதிமன்றத்தில் குற்றப்பத்திரிகை தாக்கல் செய்யப்பட்டது. அதைத்தொடர்ந்து இந்த வழக்கில் வில்லிவாக்கம் தொகுதி முன்னாள் எம்எல்ஏ ரங்கநாதன் தூண்டுதலின் பேரில் தன்னுடைய மகன் கொலை செய்யப்பட்டதாகவும், தாக்கல் செய்யப்பட்ட குற்றப்பத்திரிக்கையில் அவருடைய பெயர் இல்லை எனவே இதை ரத்துசெய்து, இந்த வழக்கை சிபிஐ விசாரிக்க வேண்டும் என புவனேஸ்வரனின் தந்தை சென்னை உயர்நீதிமன்றத்தில் மனுத்தாக்கல் செய்திருந்தார்.

இதனை விசாரித்த சென்னை உயர்நீதிமன்றம், குற்றப்பத்திரிக்கையில் முரண்பாடுகள் இருப்பதால் அதனை ரத்து செய்து சிபிஐ விசாரணை நடத்த 2014 ஆம் ஆண்டு உத்தரவிட்டது. அதன் பிறகு முறையாக விசாரணை செய்யப்பட்டு திமுக முன்னாள் எம்எல்ஏ ரங்கநாதன், சையது இப்ராஹிம், செல்வம், சதீஷ், முரளி, குமார், தணிகாசலம் உள்ளிட்ட 12 பேர் மீது சிறப்பு நீதிமன்றத்தில் குற்றப்பத்திரிகை தாக்கல் செய்யப்பட்டது.

சென்னை மாவட்ட ஆட்சியர் அலுவலகத்தில் உள்ள எம்எல்ஏ, எம்பிக்கள் மீதான வழக்குகளை விசாரிக்கும் சிறப்பு நீதிமன்றம் மன்றத்தில் விசாரணை நடைபெற்றது. இந்நிலையில் இந்த வழக்கில் நீதிபதி தீர்ப்பளித்துள்ளார். அதில் முன்னாள் எம்எல்ஏ உட்பட அனைவரும் விடுதலை செய்யப்படுவதாக தெரிவிக்கப்பட்டுள்ளது. அரசு தரப்பில் சாட்சிகள் முழுமையாக நிரூபிக்கப்படவில்லை எனக் கூறி நீதிபதி கே.ரவி தன்னுடைய தீர்ப்பில் குறிப்பிட்டுள்ளார்.

Next Story

மருத்துவரை 18 முறை அரிவாளால் வெட்டிய சம்பவம்; விசாரணையில் வெளிவந்த திடுக்கிடும் தகவல்

Published on 26/02/2024 | Edited on 26/02/2024
A doctor was slashed 18 times with a sickle in maharashtra

மகாராஷ்டிரா மாநிலம், நாசிக் மாவட்டத்தைச் சேர்ந்தவர் கைலாஷ் ரதி (48). இவர், பஞ்ச்வதி பகுதியில் உள்ள ஒரு தனியார் மருத்துவமனையில் மருத்துவராக பணியாற்றி வந்தார். இந்நிலையில், கைலாஷ் ரதி, கடந்த 23ஆம் தேதி அன்று இரவு நேர பணியில் ஈடுபட்டுக் கொண்டிருக்கும் போது செல்போனில் பேசிக் கொண்டிருந்தார். 

அப்போது, அந்த மருத்துவமனைக்குள் அத்துமீறி ஒரு மர்ம நபர் உள்ளே நுழைந்து, மறைந்திருந்து கைலாஷ் ரதியைக் கடுமையாகத் தாக்கியுள்ளார். மேலும், அவர் தான் மறைத்து வைத்திருந்த அரிவாளால் கைலாஷ் ரதியை சரமாரியாக வெட்டியுள்ளார். இதில் படுகாயமடைந்த கைலாஷ், ரத்த வெள்ளத்தில் கீழே விழுந்தார். இவரது அலறல் சத்தம் கேட்ட அங்கிருந்தவர்கள், அங்கு விரைந்து வந்தனர். ஆனால், அவர்கள் வருவதை உணர்ந்த அந்த நபர், அங்கிருந்து தப்பி ஓடியுள்ளார். இந்த தாக்குதலில் படுகாயமடைந்த கைலாஷ் மருத்துவமனையில் தீவிர சிகிச்சை பெற்று வருகிறார். 

இந்த சம்பவம் குறித்து தகவல் அறிந்து விரைந்து வந்த போலீசார், மருத்துவமனையில் வைக்கப்பட்டிருந்த சிசிடிவி கேமரா காட்சிகளை ஆய்வு செய்தனர். அதில், தாக்குதல் நடத்திய அந்த நபர் அந்த மருத்துவமனையில் பணியாற்றி வந்த முன்னாள் ஊழியரின் கணவர் என்பது தெரியவந்தது. இதனையடுத்து, இந்த சம்பவம் தொடர்பாக போலீசார் வழக்குப்பதிவு செய்து விசாரணை நடத்தி வந்தனர்.

அந்த விசாரணையில், மருத்துவமனையில் பணிபுரிந்து வந்த பெண் முன்னாள் ஊழியர் 12 லட்ச ரூபாய்க்கு மேல் முறைகேடு செய்ததால் சமீபத்தில் வேலையில் இருந்து நீக்கப்பட்டுள்ளார். மனைவியை வேலையை விட்டு நீக்கியதால் ஆத்திரமடைந்த கணவர், மருத்துவமனைக்குள் அத்துமீறி நுழைந்து மருத்துவரை அரிவாளால் 18 முறை சரமாரியாக வெட்டியுள்ளார் என்பது தெரியவந்தது. இந்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது.