Skip to main content

நகர்ப் பகுதிக்குள் சிறுத்தை வந்தது எப்படி? - திருப்பத்தூர் மக்களுக்கு அவசர எச்சரிக்கை!

Published on 14/06/2024 | Edited on 14/06/2024
How did the leopard come into the city?- Urgent warning to the people of Tirupattur

திருப்பத்தூரில் தனியார் பள்ளி ஒன்றில் சிறுத்தை புகுந்த சம்பவம் பரபரப்பை ஏற்படுத்தி இருக்கிறது. இந்தச் சிறுத்தையின் தாக்குதலில் முதியவர் ஒருவர் காயங்களுடன் மீட்கப்பட்டுள்ளார். இதனைத் தொடர்ந்து சிறுத்தையைப் பிடிக்கும் பணியில் வனத்துறையினர் தீவிரமாக ஈடுபட்டு வருகின்றனர்.

திருப்பத்தூர் மாவட்ட ஆட்சியர் அலுவலகத்திற்கு அருகிலேயே தனியார் பள்ளி ஒன்று உள்ளது. ரயில் நிலையத்தை ஒட்டி அமைந்துள்ள அந்தப் பள்ளியில் சிறுத்தை பள்ளிக்குள் புகுந்துள்ளது. எப்படி சிறுத்தை பள்ளிக்குள் புகுந்தது என்பது தொடர்பாக இதுவரை தெரியவில்லை என வனத்துறை சார்பில் தெரிவிக்கப்பட்டுள்ளது. ஆனால் சிறுத்தையை நேரில் பார்த்து உறுதிசெய்த வனத்துறையினர் வழக்கத்தை விட பெரிய சிறுத்தையாக இருப்பதாக மட்டும் தெரிவித்துள்ளனர்.

இதனால் கூண்டு வைத்து சிறுத்தையைப் பிடிக்கும் பணி நடைபெற்று வருகிறது. பள்ளி மாணவர்கள் அனைவரும் பள்ளி அறையிலேயே வைத்து பாதுகாப்பாக வைக்கப்பட்டுள்ளனர் எனத் தெரிவிக்கப்பட்டுள்ளது. சம்பவ இடத்திற்கு வந்த மாவட்ட ஆட்சியர் சிறுத்தையைப் பிடிக்கும் பணியைத் தீவிரப்படுத்த உத்தரவிட்டுள்ளார். இந்தச் சம்பவத்தில் சிறுத்தைத் தாக்குதலில் தலையில் பலத்த காயமடைந்த  முதியவர் ஒருவர் ரத்தக் காயங்களுடன் மீட்கப்பட்டு மருத்துவமனையில் அனுமதிக்கப்பட்டுள்ளார்.

இந்தச் சம்பவத்தின் தற்போதைய தகவலாக பள்ளி வளாகத்தில் இருந்த சிறுத்தை தற்பொழுது கார் செட் ஒன்றில் தஞ்சம் அடைந்துள்ளது. வனப்பகுதிகளைச் சுற்றிலும் இல்லாத நகர் பகுதியில் சிறுத்தை எவ்வாறு வந்தது என்பது பொதுமக்கள் மற்றும் வனத்துறையினர் இடையே பெரும் குழப்பத்தை ஏற்படுத்தி. இருக்கிறது. இதனால் அந்தப் பகுதியில் உள்ள மக்கள் வெளியே நடமாட வேண்டாம் என அவசர எச்சரிக்கை விடுவிக்கப்பட்டுள்ளது. சிறுத்தை அளவில் மிக பெரிதாக இருப்பதால் வலை வீசி பிடிப்பது கடினம் என வனத்துறையினர் தெரிவித்துள்ளனர். வேறு எந்த வழியில் சிறுத்தையைப் பிடிக்கலாம் என்பது தொடர்பாக மாவட்ட ஆட்சியர் மற்றும் வனத்துறை அதிகாரிகள் ஆலோசனை நடத்தி வருகின்றனர். திருப்பத்தூரில் சிறுத்தை புகுவது இதுவே முதன்முறை என அந்த பகுதி மக்கள் அச்சமடைந்துள்ளனர்.

சார்ந்த செய்திகள்

 

Next Story

நடு நெற்றியில் சுத்தியல் அடி; வனப்பகுதியில் நிகழ்ந்த அதிர்ச்சி சம்பவம்

Published on 09/07/2024 | Edited on 09/07/2024
Hammer blow in middle forehead; A shocking incident in the forest

                                          கொலை செய்யப்பட்ட குமார்       

ஈரோடு மாவட்டம் சத்தியமங்கலம் பகுதியில் தாயுடைய ஆண் நண்பரை மகன் சுத்தியால் அடித்து கொன்ற சம்பவம் பரபரப்பை ஏற்படுத்தி உள்ளது.

ஈரோடு மாவட்டம் சத்தியமங்கலம் வனப்பகுதிக்கு உட்பட்டது தலைமலை பகுதி. வனப்பகுதியை ஒட்டியுள்ள இந்த பகுதியில் வசித்து வருபவர் முத்துமணி. இவர் தன்னை விட மூன்று வயது சிறியவராக உள்ள குமார் என்பவருடன் முறையற்ற தொடர்பில் இருந்ததாக கூறப்படுகிறது. இதனை முத்துமணியின் மகன் கடுமையாக எதிர்த்து வந்துள்ளார். இந்நிலையில் இரண்டு வாரங்களுக்கு மேலாக காணாமல் போன குமாரை போலீசார் தேடி வந்தனர்.

Hammer blow in middle forehead; A shocking incident in the forest

                                   கைது செய்யப்பட்ட நாகமல்லு , மாதேஸ்வரன், முத்துமணி       

தொடர்ந்து தொட்டபுரம் வனப்பகுதியில் இருந்து அழுகிய நிலையில் குமாரின் உடல் மீட்கப்பட்டது. இதுகுறித்து முத்துமணியிடம் போலீசார் விசாரணை மேற்கொண்டனர். அப்போது தோட்டத்தில் தன்னிடம் குமார் தனியாக பேசிக் கொண்டிருந்த போது அங்கு வந்து தன்னுடைய மகன் நாகமல்லு கையில் வைத்திருந்த சுத்தியலால் குமாரை நெற்றியில் தாக்கியதால் சம்பவ இடத்திலேயே குமார் உயிரிழந்ததாகவும் குமாரின் உடலை மகன் நாகமல்லுவும் அவருடைய நண்பரான மாதேஸ்வரனும் சேர்ந்து வனப்பகுதியில் தூக்கி எறிந்ததாக தெரிவித்துள்ளார். இதனைத் தொடர்ந்து நாகமல்லு, மாதேஸ்வரன், முத்துமணி ஆகிய மூன்று பேரையும் போலீசார் கைது செய்துள்ளனர். நெற்றியில் சுத்தியால் அடித்துக் கொல்லப்பட்டு வனப்பகுதியில் வீசப்பட்ட இந்த சம்பவம் அங்கு அதிர்ச்சியைக் கொடுத்துள்ளது.

Next Story

மாஞ்சோலை விவகாரம்; புலிகள் பாதுகாப்பு ஆணையம் தமிழக வனத்துறைக்குக் கடிதம்!

Published on 05/07/2024 | Edited on 05/07/2024
Manjolai Affair Tiger Conservation Commission letter to Tamil Nadu Forest Dept

திருநெல்வேலி மாவட்டம் மேற்குத் தொடர்ச்சி மலையில் உள்ள சுமார் 75,000 ஏக்கர் பரப்பளவு காடுகளில் 8,000 ஏக்கர் நிலப்பரப்பு தனியார் தேயிலைத் தோட்ட நிறுவனத்திற்காக 99 ஆண்டுகளுக்கு குத்தகைக்கு விடப்பட்டது. இந்தக் குத்தகை 2028 ஆம் ஆண்டில் முடிவடைகிறது. மாஞ்சோலை, மணிமுத்தாறு, ஊத்து உள்ளிட்ட பல்வேறு இடங்களில் தொழிலாளர்கள் தங்கி அங்குள்ள தேயிலைத் தோட்டங்களில் பணியாற்றி வந்தனர். குத்தகை முடிவதற்கு முன்பாகவே தனியார் நிறுவனம் ஒன்று தங்களுடைய பணியை நிறுத்திக் கொள்வதாக தகவல் வெளியாகி இருந்தது.

இதனையடுத்து, அங்கு பணியாற்றும் ஊழியர்கள் தங்களுடைய நலனுக்காக விருப்ப ஓய்வு பெற்றுக் கொள்ளலாம் என இதற்கான அறிவிப்பை தனியார் நிறுவனம் நோட்டீஸ் வாயிலாக வெளியிட்டது. மேலும், அங்கு பணியாற்றி வரும் தொழிலாளர்களை வெளியேற்றும் நடவடிக்கையிலும் அந்தத் தனியார் தேயிலைத் தோட்ட நிறுவனம் ஈடுபட்டு வருகிறது. அதுமட்டுமல்லாமல் மாஞ்சோலை தேயிலைத் தோட்டத்தில் இருந்து ஆகஸ்ட் 7ஆம் தேதிக்கு முன்னதாக தொழிலாளர்கள் வெளியேற வேண்டும் எனவும் நோட்டீஸ் அனுப்பியிருந்தது. 

அதே சமயம் மாஞ்சோலை மக்களை அங்கிருந்து வற்புறுத்தி வெளியேற்றுவதாக தேசிய புலிகள் பாதுகாப்பு ஆணையத்திற்கு புதிய தமிழகம் கட்சியின் தலைவர் கிருஷ்ணசாமி கடிதம் எழுதியிருந்தார். இந்நிலையில் மாஞ்சோலை விவகாரத்தில் தமிழக வனத்துறையிடம் தேசிய புலிகள் பாதுகாப்பு ஆணையம் அறிக்கை கேட்டுள்ளது. இது தொடர்பாக தமிழக வனப்பாதுகாவலருக்கு தேசிய புலிகள் பாதுகாப்பு ஆணையம் கடிதம் எழுதியுள்ளது.

அந்தக் கடிதத்தில், “திருநெல்வேலி மாவட்டம் அம்பாசமுத்திரம் தாலுகாவில் உள்ள மாஞ்சோலை, காக்காச்சி, நாலமூக்கு, ஊத்து மற்றும் குதிரைவெட்டி கிராமங்களில் உள்ள பாரம்பரிய பழங்குடி மக்களை வலுக்கட்டாயமாக வெளியேற்றுவது தொடர்பாக கிருஷ்ணசாமியின் கடிதம் வரப்பட்டுள்ளது. எனவே, இது குறித்த உண்மை நிலை மற்றும் அது தொடர்பாக எடுக்கப்பட்ட நடவடிக்கை அறிக்கையை விரைவில் அளிக்குமாறு கேட்டுக்கொள்ளப்படுகிறது” எனத் தெரிவிக்கப்பட்டுள்ளது.