Skip to main content

மத்திய அரசின் "முத்ரா கடன்" திட்டத்தை இணையதளம் மூலம் விண்ணப்பிப்பது எப்படி?

Published on 20/03/2019 | Edited on 20/03/2019

மத்திய அரசு படித்த இளைஞர்கள் மற்றும் ஏற்கெனவே நிறுவனத்தை தொடங்கி நடத்தி வருபவர்கள் தங்கள் நிறுவனத்தை விரிவாக்கம் செய்யவும் , தொழிலை தொடங்க மானியத்துடன் கடன் வழங்கும் திட்டமே "முத்ரா கடன்" வழங்கும் திட்டம். இந்த கடன் வழங்கும் திட்டத்தை தேசிய வங்கிகளிடம் விண்ணப்பித்து பெறலாம். "முத்ரா கடன்" திட்டத்தில் மூன்று வகை உள்ளது.

1.  SHISHU - குறைந்தது 50,000 வரை கடன் பெறலாம்.
2  .KISHOR - 50,000 முதல் 5,00,000 வரை கடன் பெறலாம்.
3. TARUN - 5,00,000 முதல் 10,00,000 வரை கடன் பெறலாம்.
 

mudhra loan

இந்த மூன்று திட்டத்தில் தங்களுக்கு எவ்வளவு கடன் வேண்டுமோ? அந்த திட்டத்தை தேர்வு செய்து வங்கிகளில் விண்ணப்பிக்கலாம். "முத்ரா கடன்" விண்ணப்பத்தை இணையதளம் மூலம் எளிமையாக விண்ணப்பிக்கலாம். இதற்கான இணையதள முகவரி : https://www.mudramitra.in/ ஆகும். 
 

இந்த இணையதளத்தில் முத்ரா கடன் பெறுவதற்கு தேவையான ஆவணங்கள் என்ன? என்பது இடம் பெற்றிருக்கும். அதன் பின் விண்ணப்பிக்க வேண்டும். முத்ரா கடன் திட்டத்தில் விண்ணப்பித்து சில நாட்கள் கழித்து சமந்தப்பட்ட வங்கியில் இருந்து தொலைபேசி மூலம் விண்ணப்பித்த நபர் வங்கிக்கு நேரில் வருமாறு வங்கி அலுவலர் தகவல் தெரிவிப்பார். பின்பு வங்கிக்கு சென்று வங்கியின் மேலாளரை சந்திக்க வேண்டும். பல ஆலோசனைகளுக்கு பிறகு விண்ணப்பித்தவர்களுக்கு வங்கிகள் முத்ரா கடன் உதவியை வழங்கும். மேலும் விவரங்களுக்கு இணையதள முகவரி : https://www.mudramitra.in/. அறியலாம். இதற்கான கட்டணமில்லா உதவி எண் : 1800-425-1646 என்ற தொலைபேசி எண்ணை தொடர்பு கொண்டு சந்தேகங்களை கேட்லாம்.
 

பி.சந்தோஷ் , சேலம் .

சார்ந்த செய்திகள்

Next Story

'100 நாள் வேலை ஊதியம்' - மத்திய அரசு வெளியிட்ட திடீர் அரசாணை

Published on 28/03/2024 | Edited on 28/03/2024
'100 days of work wages'- Sudden decree issued by the central government

100 நாள் வேலை ஊதியத்தை உயர்த்தி மத்திய அரசு அரசாணை வெளியிட்டுள்ளது.

தமிழகம் மற்றும் புதுச்சேரியில் 100 நாள் வேலைவாய்ப்பு திட்டத்தின் ஊதியத்தை 319 ரூபாயாக உயர்த்தி ஒன்றிய அரசு அரசாணை பிறப்பித்துள்ளது.

தற்பொழுது தேர்தல் நடத்தை விதிகள் அமலில் இருப்பதால் தேர்தல் ஆணையத்தின் அனுமதியைப் பெற்று இந்த அரசாணை வெளியிடப்பட்டுள்ளதாக ஒன்றிய அரசு சார்பில் தெரிவிக்கப்பட்டுள்ளது. மாநிலம் வாரியாக 100 நாள் வேலைத் திட்டத்திற்கான ஊதியத்தை ஏற்கனவே அதிகரித்து மத்திய அரசு அறிவித்து வெளியிட்டிருந்த நிலையில் இதற்கான அரசாணை தற்போது வெளியிட்டுள்ளது.

அண்மையில் மகளிர் தினத்தின் போது சமையல் சிலிண்டர் விலை குறைப்பு நடவடிக்கையில் ஒன்றிய அரசு  ஈடுபட்ட நிலையில், தேர்தல் நேரத்தில் பாஜக அரசு வாக்குகளைப் பெற இதுபோன்ற சலுகைகளை அறிவிப்பதாக எதிர்க்கட்சிகள் குற்றம்சாட்டி வந்தன. இந்நிலையில் தற்போது தேர்தல் தேதி அறிவிக்கப்பட்ட பின்னர் 100 நாள் வேலையின் ஊதியத்தை உயர்த்தி மத்திய அரசு வழங்கியுள்ளதையும் எதிர்க்கட்சிகள் விமர்சித்து வருகின்றன.

Next Story

மத்திய அமைச்சர் மீது ஆர்.எஸ்.பாரதி புகார்

Published on 20/03/2024 | Edited on 20/03/2024
RS Bharati complains against Union Minister Shoba

கர்நாடகா மாநிலம் பெங்களூரில் உள்ள ஒயிட்ஃபீல்ட் 80 அடி சாலை என்ற இடத்தில் ராமேஸ்வரம் கஃபே என்ற பிரபல உணவகம் ஒன்று செயல்பட்டு வருகிறது. கடந்த 1 ஆம் தேதி (01.03.2024) பிற்பகல் 01.05 மணியளவில் திடீரென யாரும் எதிர்பாராத வேளையில் அடுத்தடுத்து இரண்டு முறை மர்மப் பொருள் வெடித்தது. இந்த வெடி விபத்தில் மொத்தம் 10க்கும்  மேற்பட்டோர் படுகாயமடைந்தனர். இந்த வெடி விபத்தின் முதற்கட்ட விசாரணையில், இது சிலிண்டர் வெடிப்பு இல்லை என்பது உறுதி செய்யப்பட்டது. அதே சமயம் வெடி விபத்து நிகழ்ந்த இடத்தில், தடயவியல் நிபுணர்கள் குழு தடயங்களைச் சேகரித்து ஆய்வு நடத்தினர். பின்னர் அது திட்டமிடப்பட்ட குண்டு வெடிப்பு என்பது உறுதி செய்யப்பட்டது.இந்த வழக்கு தேசிய புலனாய்வு முகமைக்கு (N.I.A.) மாற்றப்பட்டு விசாரணை நடைபெற்று வருகிறது

இத்தகைய சூழலில் மத்திய இணை அமைச்சர் ஷோபா கரந்தலஜே செய்தியாளர்களைச் சந்தித்தார். அப்போது அவர் பேசுகையில், “பெங்களூரு ராமேஸ்வரம் கஃபேவில் நடந்த வெடிகுண்டு சம்பவம் தமிழகத்தில் இருந்து வந்தவர்களால் தான் நடைபெற்றது” எனத் தெரிவித்திருந்தார். இது தொடர்பான வீடியோக்கள் வெளியாகி மக்கள் மத்தியில் அதிர்ச்சியை ஏற்படுத்தி வருகிறது. மேலும், மத்திய அமைச்சர் ஷோபா கரந்தலஜேயின் இந்த கருத்து அரசியல் வட்டாரத்தில் பெரும் சர்ச்சையை ஏற்படுத்தியுள்ளது. மத்திய அமைச்சரின் பேச்சுக்கு பல்வேறு தரப்பினரும் தங்களது கண்டனங்களைத் தெரிவித்து வருகின்றனர்.

RS Bharati complains against Union Minister Shoba

தமிழக முதல்வர் மு.க. ஸ்டாலின், அ.தி.மு..க பொதுச் செயலாளர் எடப்பாடி பழனிசாமி ஆகியோர் மத்திய இணை அமைச்சரின் பேச்சுக்கு கண்டனம் தெரிவித்துள்ளனர். நாடாளுமன்றத் தேர்தலுக்கான தேதி அறிவிக்கப்பட்டிருக்கும் நிலையில், தேர்தல் நடத்தை விதிமுறைகள் அமலுக்குள் உள்ளது.  சர்ச்சைக்குரிய மற்றும் பிளவுபடுத்தும் கருத்துக்களை அரசியல் தலைவர்கள் பேசக்கூடாது என ஏற்கெனவே தேர்தல் ஆணையம் அறிவித்திருந்தது. இந்நிலையில், மத்திய இணை அமைச்சரின் பேச்சு கடும் கண்டனங்களைப் பெற்றுள்ள நிலையில், இரு மாநிலங்களுக்கு இடையே கலவரத்தை தூண்டும் வகையில் பேசியதாகவும், தமிழ்நாட்டு மக்களை இழிவுபடுத்தியதாகவும்  திமுக அமைப்புச் செயலாளர் ஆர்.எஸ்.பாரதி மத்திய இணை அமைச்சர் ஷோபா கரந்தலஜே மீது தேர்தல் ஆணையத்தில் புகார் மனு கொடுத்துள்ளார்.