சென்னையில் வீட்டு உபயோக கேஸ் சிலிண்டர் விலை 50 ரூபாய் உயர்ந்து 967 ரூபாய்க்கு விற்பனை செய்யப்படுகிறது. வீட்டு உபயோக கேஸ் சிலிண்டர் விலை சில மாதங்களாக 917 ரூபாய் என நீடித்து வந்த நிலையில் தற்போது இந்த விலை ஏற்றம் அடைந்துள்ளது. பெட்ரோல், டீசல் விலையைத் தொடர்ந்து வீட்டு உபயோக கேஸ் சிலிண்டர் விலை உயர்வால் மக்கள் அதிர்ச்சி அடைந்துள்ளனர். தொடர்ச்சியாக பெட்ரோல், டீசல், சிலிண்டர் விலை ஏற்றத்தால் அத்தியாவசியப் பொருட்களின் விலை அதிகரிக்கும் என்ற அச்சம் மக்களிடையே ஏற்பட்டுள்ளது. அதேபோல் சென்னையில் 137 நாட்களுக்குப் பிறகு பெட்ரோல் மற்றும் டீசல் விலையை எண்ணெய் நிறுவனங்கள் உயர்த்தியுள்ளன. சென்னையில் ஒரு லிட்டர் பெட்ரோல் விலை 76 காசுகள் அதிகரித்து 102.16 ரூபாய்க்கு விற்பனை செய்யப்படுகிறது. அதேபோல் டீசல் விலை 76 காசுகள் உயர்ந்து 92.19 ரூபாய்க்கு விற்பனை செய்யப்படுகிறது.
5 மாநில தேர்தலுக்குப் பிறகு பெட்ரோல், டீசல் விலை உயரும் என எதிர்பார்க்கப்பட்ட நிலையில் பெட்ரோல், டீசல், வீட்டு உபயோக சிலிண்டர் என அனைத்தின் விலையும் அதிகரித்துள்ளது மக்களிடையே அதிர்ச்சியை ஏற்படுத்தியுள்ளது.