Skip to main content

''ஒரு கர்ப்பிணி பெண்ணை கைய பிடிச்சு இழுப்பது மிகப்பெரிய தப்பு'' - போலீசாருக்கே டோஸ் விட்ட சாமானியன்

Published on 19/11/2022 | Edited on 19/11/2022

 

 "Holding a pregnant woman is a big mistake" - Samanian who dosed the police

 

சேலம் மாநகரில் சிஎஸ்ஐ கிறிஸ்ட் சர்ச் எதிர்புறம் உள்ள சிக்னலில் போக்குவரத்து காவலர்கள் வாகன சோதனையில் ஈடுபட்டிருந்தனர். அப்பொழுது இரு சக்கர வாகனத்தில் ஒருவர் தனது கர்ப்பிணி மனைவியுடன் சென்று கொண்டிருந்தார். அந்த வாகனத்தை நிறுத்த முயன்ற போக்குவரத்து காவலர், அவரின் கையைப் பிடித்து நிறுத்தியதாகக் கூறப்படுகிறது. அப்பொழுது அந்த நபர் தனது மனைவி கர்ப்பமாக இருப்பதைத் தெரிவித்துள்ளார்.

 

இதனைத் தொடர்ந்து அங்கு வாகன தணிக்கையில் சிக்கி நின்று கொண்டிருந்த சாமானியன் ஒருவர், ''கர்ப்பிணி பொண்ணு கீழ விழுந்தா என்ன சார் பண்ண முடியும். கர்ப்பிணி பொண்ண கைய பிடிச்சு இழுக்குறீங்க இது நியாமா? இது மிகப்பெரிய தப்பு. கர்ப்பிணி பொண்ணு வண்டில உக்காந்துட்டு வருது, அவரது ஹஸ்பண்ட் ஓட்டிட்டு வராரு, பாக்காம கைய புடிச்சு இழுத்துட்டு வரீங்க... அந்த கர்ப்பிணி பொண்ணு கீழ விழுந்தா என்ன ஆகுறது. நான் இப்போ பைன் கட்டிட்டேன். அந்த புள்ளைகிட்ட சாரி கேளுங்க...ஒரு பொண்ண பப்ளிக்ல அசிங்கப்படுத்தலாமா? ஈவிடீஸிங் கேஸ் இல்ல இதெல்லாம். கையபுடிச்சு இழுக்கக்கூடாது. மீறி போனால் கூட வண்டி நம்பர் இருக்கு. ஆன்லைன் கேஸ் எதுக்கு இருக்குது. நம்பர வச்சு ஆன்லைன் கேஸ் போடு'' என்று சரமாரியாகப் பேசினார். இந்த வீடியோ காட்சிகள் தற்பொழுது வைரலாகி வருகிறது.

 

கடந்த 2018 ஆம் ஆண்டு திருச்சி திருவெறும்பூரில் ஹெல்மெட் அணியாமல் இருசக்கர வாகனத்தில் சென்ற தம்பதியினரை காமராஜ் என்ற காவலர் துரத்திச் சென்று எட்டி உதைத்ததால் நிலைதடுமாறி அவர்கள் இருவரும் கீழே விழுந்ததில் கர்ப்பிணிப் பெண் உஷா மீது எதிரே வந்த வேன் மோதி பரிதாபமாக உயிரிழந்த சம்பவம் தமிழகத்தில் பெரும் அதிர்வலைகளை ஏற்படுத்தி இருந்தது குறிப்பிடத்தக்கது.

 

 

சார்ந்த செய்திகள்

 

Next Story

10 மணி வரை மழை; நான்கு மாவட்டங்களுக்கு அலர்ட்

Published on 15/06/2024 | Edited on 15/06/2024
Rain till 10 p.m.; Alert for four districts

தமிழகத்தில் இரவு 10 மணி வரை 4 மாவட்டங்களில் மிதமான மழைக்கு வாய்ப்பு இருக்கும் என வானிலை ஆய்வு மையம் அறிவித்துள்ளது.

தமிழ்நாட்டில் 7 நாட்களுக்கு ஒரு இடங்களில் இடி மின்னலுடன் கூடிய மழைக்கு வாய்ப்பு இருக்கும் எனச் சென்னை வானிலை மையம் ஏற்கனவே அறிவித்திருந்தது. வட தமிழக மாவட்டங்களில் குறிப்பாக உள் மாவட்டங்களில், மேற்குத் தொடர்ச்சி மலையை ஒட்டிய மாவட்டங்களில் மழை பெய்து வருகிறது. இந்நிலையில் இன்று சென்னை வானிலை ஆய்வு மையம் வெளியிட்ட அறிவிப்பின்படி தமிழகத்தில் இரவு 10 மணி வரை சேலம், திண்டுக்கல், நாமக்கல், திருச்சி ஆகிய நான்கு மாவட்டங்களில் மிதமான மழைக்கு வாய்ப்பு இருக்கும் என அறிவிக்கப்பட்டுள்ளது.

Next Story

இருசக்கர வாகனங்கள் மீது பேருந்து மோதி விபத்து; ஓட்டுநர் கைது!

Published on 13/06/2024 | Edited on 13/06/2024
salem dt sukkampatti village bus lorry two wheer incident

சேலம் மாவட்டம் வலசையூர் அருகே சுக்கம்பட்டி கிராமத்தில், அரசு மேல்நிலைப்பள்ளி எதிரில் நேற்று (12.06.2024) காலை சுமார் 10.40 மணியளவில் அரூரில் இருந்து சேலம் நோக்கி சென்ற லாரி ஒன்றின் பின்னால் இரண்டு இருசக்கர வாகனங்கள் சென்று கொண்டிருந்தன. அப்போது ஆச்சாங்குட்டப்பட்டியிலிருந்து சேலம் நோக்கி வந்துகொண்டிருந்த தனியார் பேருந்து எதிர்பாராதவிதமாக இருசக்கர வாகனங்கள் மீது மோதி விபத்தில் சிக்கியது. இதில் இருசக்கர வாகனங்களில் பயணம் செய்த கிருஷ்ணகிரி மாவட்டத்தில் நில அளவையராக பணிபுரிந்து வந்த முருகன் (வயது 30) மற்றும் அவரது மனைவி நந்தினி (வயது 25) மற்றும் பூவனூரைச் சேர்ந்த வேதவள்ளி லட்சுமணன் ஆகிய மூவர் சம்பவ இடத்திலேயே உயிரிழந்தனர்.

மேலும், இவ்விபத்தில், முருகன் மற்றும் நந்தினி தம்பதியரின் ஒரு வயதுக் குழந்தை கவின் பலத்த காயமடைந்து சிகிச்சைக்காக சேலம் அரசு மருத்துவமனைக்குக் கொண்டுசெல்லும் வழியில் உயிரிழந்தது. இந்த விபத்தில் கர்ப்பிணிப் பெண் ஒருவர்,  இரண்டு குழந்தைகள் உட்பட 5 பேர் உயிரிழந்தது அப்பகுதியில் பெரும் சோகத்தையும், அதிர்ச்சியையும் ஏற்படுத்தியுள்ளது. 

salem dt sukkampatti village bus lorry two wheer incident

வேகத்தடை இருப்பதால் மெதுவாகச் சென்ற லாரியின் பின்னால் வந்த இருசக்கர வாகனங்கள் மீது அதிவேகமாக வந்த பேருந்து மோதியது தெரியவந்தது. இந்நிலையில் இந்த சாலை விபத்தில் 5 பேர் உயிரிழந்த சம்பவத்தில் தனியார் பேருந்து ஓட்டுநர் கைது செய்யப்பட்டுள்ளார். தலைமறைவாக இருந்த பேருந்தின் ஓட்டுநர் ரமேஷை வீராணம் காவல்துறையினர் கைது செய்துள்ளனர்.