Skip to main content

பக்ரீத் பண்டிகையை முன்னிட்டு படுஜோராக நடைபெற்ற ஆட்டுச் சந்தை வியாபாரம்!

Published on 06/06/2024 | Edited on 06/06/2024
Goat market trade was good on the occasion of Bakrid festival
கோப்புப்படம்

வேலூர் மாவட்டம் கே.வி.குப்பம் சந்தை மேடு பகுதியில் வாரம் தோறும் திங்கட்கிழமை ஆட்டுச் சந்தை நடைபெறுவது வழக்கம். ஆயிரக்கணக்கான மக்கள், வியாபாரிகள் சந்தைக்கு வருவார்கள். அன்றைய தினம் மட்டும் பல லட்சங்கள் வியாபாரம் நடக்கும்.

அதேபோல் இன்று நடைபெற்ற ஆட்டு சந்தையில் வெள்ளாடுகள், செம்மறி ஆடுகள், நெல்லுார் கிடா ஆடுகள் எனப் பல்வேறு ரகத்தில் சுமார் 700-க்கும் மேற்பட்ட ஆடுகள் விற்பனைக்கு வந்தது. இதில் காலை முதல் மாலை வரை நடைபெற்ற ஆட்டு சந்தையில் 500-க்கும் மேற்பட்ட ஆடுகள் விற்பனையானது.  சிறிய ரக ஆடுகள் ரூ.10 ஆயிரம் முதல் 15 ஆயிரம் ரூபாய் வரையிலும்,  பெரிய ரக ஆடுகள் ரூ.30 ஆயிரம் முதல் ரூ.35 ஆயிரம் வரையிலும் விலை போனது.

உள்ளூர் மற்றும் வெளியூரைச் சேர்ந்த வியாபாரிகள் ஆடுகளை ஆர்வமுடன் வாங்கி சென்றனர். இன்னும் 10 தினங்களில் பக்ரீத் பண்டிகை வருவதால் ஆடுகளை வாங்க வியாபாரிகள் குவிந்தனர். இதனால் இந்த வாரம் கே.வி.குப்பம் ஆட்டுச் சந்தையில் வியாபாரம் படுஜோராக நடைபெற்றதாக வியாபாரிகள் தெரிவித்தனர்.

சார்ந்த செய்திகள்

 

Next Story

தம்பியின் உடலை மீட்டுத் தாருங்கள்; ஆட்சியர் காலில் விழுந்து கதறிய அக்கா

Published on 11/07/2024 | Edited on 11/07/2024
sister asked collector to return body of her brother who passed away in Malaysia

வேலூர் மாவட்டம் காட்பாடி அடுத்த சேவூர் பகுதியைச் சேர்ந்தவர் அனுன் தேவராஜ் (39). இவர் எலக்ட்ரீசியன் வேலை தேடி மலேசியா சென்ற நிலையில் அங்கு இன்று காலை திடீரென உயிரிழந்துள்ளார். அவரது உடலை மீட்டுத்தரக்கோரி இன்று காட்பாடி அடுத்த சேவூர் பகுதியில் நடைபெற்ற ஊரகப் பகுதிகளில் மக்களுடன் முதல்வர் நிகழ்ச்சியில் மனு அளிக்க வந்த உயிரிழந்த அணு தேவராஜன் சகோதரி விக்டோரியா மாவட்ட ஆட்சியர் சுப்புலட்சுமி காலில் விழுந்து கதறி விழுந்த காட்சி அனைவரையும் சோகத்தில் ஆழ்த்தியது.

“எப்படியாவது எனது தம்பியின் உடலை மீட்டுத் தாருங்கள்..” எனக் கோரிக்கை வைத்து மயக்கம் அடைந்து கீழே விழுந்ததால் அவரை மருத்துவர்கள் பரிசோதித்துப் பிறகு அங்கிருந்து ஆம்புலன்ஸ் மூலமாக மருத்துவமனைக்கு சிகிச்சையாக அழைத்துச் சென்றனர். இங்கிருந்து தூதரகத்திற்கு தகவல் கொடுக்கப்பட்டுள்ளது. விரைவில் நடவடிக்கை எடுக்கப்படும் என மாவட்ட ஆட்சியர் பதிலளித்துள்ளார்.

Next Story

ஆடுகளைக் கடித்துக் கொன்ற விலங்கு; வனத்துறை அதிகாரிகள் நேரில் விசாரணை!

Published on 10/07/2024 | Edited on 10/07/2024
 animal that entered the agricultural land and killed 8 goats

திருப்பத்தூர் மாவட்டம் வாணியம்பாடி அடுத்த பழைய வாணியம்பாடி பகுதியைச் சேர்ந்தவர் ராஜேஷ். இவர் அதே பகுதியில் உள்ள அவருக்குச்  சொந்தமான  நிலத்தில் ஒருங்கிணைந்த பண்ணை நடத்தி வரும் நிலையில்,  இவரது பண்ணையில் புகுந்த மர்ம விலங்கு நிலத்தில், பட்டியில்  அடைத்து வைக்கப்பட்டிருந்த ஆடுகளை கடித்து குதறியதில் 8 ஆடுகள் குடல் சரிந்து பரிதாபமாக உயிரிழந்துள்ளது.

இதையடுத்து, இன்று காலை நிலத்திற்குச் சென்ற   ராஜேஷ் ஆடுகள் இறந்து கிடப்பது பார்த்து அதிர்ச்சியடைந்து வாணியம்பாடி வனத்துறை அதிகாரிகளுக்கு தகவல் அளித்துள்ளார். தகவலின் பேரில் சம்பவ இடத்திற்கு விரைந்த வனத்துறையினர் கால் தடத்தை  வைத்து விசாரணை மேற்கொண்டு வருகின்றனர். மேலும் கடந்த மாதம் திருப்பத்தூர் நகர பகுதியி்ல் புகுந்த சிறுத்தையை வனத்துறையினர் மயக்க ஊசி செலுத்தி பிடித்து, வாணியம்பாடி அருகே உள்ள தமிழக - ஆந்திர எல்லைப்பகுதியான மாதகடப்பா பகுதியில் சிறுத்தையை வனத்துறையினர் விட்டிருந்த நிலையில்,  கடந்த  சில நாட்களுக்கு முன்பு சின்னபள்ளிகுப்பம் பகுதியில் சிறுத்தையை கண்டதாக அப்பகுதி மக்கள் தெரிவித்தனர். 

இந்த  நிலையில், இன்று வாணியம்பாடியில் உள்ள நிலத்தில் புகுந்து  ஆடுகளை மர்ம விலங்கு கடித்துக் கொன்றுள்ளது. ஏற்கனவே கடந்த ஐந்து ஆண்டுகளுக்கு முன்பு அதே பகுதியில் சிறுத்தை இரண்டு நாட்களாக ஆடு, மாடுகள் மற்றும் நான்கு பேரை கடித்து நிலையில் தற்போது மீண்டும் அதேபோன்று ஒரு சம்பவம் நடந்துள்ளதால் அப்பகுதி மக்கள் அச்சத்தில் உள்ளனர்.