முன்னாள் அமைச்சர் பழனியப்பன் தி.மு.க.வில் இணைந்தார்!

சென்னை அண்ணா அறிவாலயத்தில் தி.மு.க. தலைவரும், தமிழக முதலமைச்சருமான மு.க.ஸ்டாலின் முன்னிலையில் அ.ம.மு.க.வின் துணைப் பொதுச்செயலாளரும், முன்னாள் அமைச்சருமான பழனியப்பன் தி.மு.க.வில் இணைந்தார். அதேபோல், குடியாத்தம் தொகுதியின் முன்னாள் சட்டமன்ற உறுப்பினரும், அ.ம.மு.க.வின் நிர்வாகியுமான ஜெயந்தி பத்மநாபன் அக்கட்சியில் இருந்து விலகி தி.மு.க.வில் இணைந்தார்.

இந்த நிகழ்வின் போது, தி.மு.க.வின் பொதுச்செயலாளரும், அமைச்சருமான துரைமுருகன், கட்சியின் அமைப்புச் செயலாளர் ஆர்.எஸ்.பாரதி மற்றும் அமைச்சர்கள் செந்தில் பாலாஜி, எ.வ.வேலு உள்ளிட்டோர் உடனிருந்தனர்.