Skip to main content

மழைநீர் வடிகால் வாரியம் செய்த தவறால்...அல்லல்படும் ராமாபுரம் குறிஞ்சி நகர் மக்கள்!

Published on 30/06/2019 | Edited on 01/07/2019

சென்னையில் உள்ள ராமாபுரம் குறிஞ்சி நகர் பகுதியில் சென்னை பெருநகர மாநகராட்சி, மழைநீர் வடிகால் திட்டத்தைத் தொடங்கியது. இந்த பணிகள் துவங்கப்பட்ட காலத்திலிருந்து பணியானது, விரைவாகவும், தொடர்ச்சியாகவும் நடைபெறவில்லை. மேலும் அப்பகுதியில் அமைக்கப்பட்ட கான்கீரீட் மழைநீர் வடிகால் கான்கிரீட் மூன்று அடிக்கு மேல் உயர்த்திக் கட்டப்பட்டதால், மழை பெய்யும் காலங்களில் மழைநீர் வீட்டிற்குள் செல்லாமலும், வீட்டில் உள்ள நீர் வெளியில் செல்லாமலும் உள்ளது. அதன் காரணமாக வீட்டிற்குள் புகுந்த நீரை வெளியேற்றுவதில் சிரமம் ஏற்பட்டுள்ளதாக அப்பகுதி மக்கள் மற்றும் நல்லக்கண்ணு ஐயா அவர்களின் உதவியாளர் அய்யாசாமி கூறுகின்றன. அதே போல் அப்பகுதியில் உயரமான சாக்கடை கான்கிரீட் அமைக்கப்பட்டுள்ளது.

 

 

 Failure to do rainwater drainage board

 

இது குறித்து அப்பகுதி மக்கள் கூறுகையில் "இந்த திட்டப்பணிகள் நடைபெறும் போது, அதிகாரிகள் மேற்பார்வையிடாதலும், சரியான திட்டமிடுதலும் இல்லாததால், இந்த நிலை ஏற்பட்டுள்ளது என்று தெரிவித்தன. இந்த பிரச்சனை குறித்து சென்னை பெருநகர மாநகராட்சிக்கு ஏழு முறை புகார் கடிதம் அனுப்பியதாகவும், ஆனால் எந்த முன்னேற்றமும் இல்லை என அய்யாசாமி மற்றும் பொதுமக்கள் குற்றஞ்சாட்டியுள்ளனர். அதனைத் தொடர்ந்து  இந்த பிரச்சனை குறித்து கம்யூனிஸ்ட் கட்சியின் மூத்த தலைவர் நல்லக்கண்ணு ஐயா அவர்களின் உதவியாளர் அய்யாசாமி அளித்த பேட்டியில் கிண்டியில் உள்ள உதவி பதிவாளர் தமிழ்நாடு உள்ளாட்சிகள் அமைப்பு மன்றத்திலும் வழக்கு தொடுக்கப்பட்டவுடன், 20/12/2018 அன்று பிற்பகல் 03.00 மணியளவில் நேரடியாக ஆஜரானேன்.

 

 

 Failure to do rainwater drainage board

 

ஆனால் எதிர் மனுதாரர், அதாவது சென்னை மாநகராட்சி அதிகாரிகள் ஆஜராகவில்லை, அவர்கள் சார்பில் வழங்கப்பட்ட கடிதத்தினை பெற்றுக்கொண்டேன். அதன் பிறகு சென்னை மாநகராட்சி அதிகாரிகள் சம்மந்தப்பட்ட பகுதிகளை நேரில் ஆய்வு செய்தனர். அதிகாரிகள் ஆய்வு செய்து பல மாதங்கள் ஆகியும், இது வரை எந்த வித நடவடிக்கையும் இல்லை என கூறினார். மேலும் அப்பகுதி மக்கள் கூறுகையில் மழைக்காலம் வந்துவிட்டால், மழைநீர் வீட்டில் இருந்து வெளியேறுவதில் சிக்கல் ஏற்பட்டுள்ளதால், மழைநீர் வடிகால் மீது போட்டப்பட்ட கான்கிரீட்டை மாநகராட்சி அதிகாரிகள் அகற்ற வேண்டும் என அப்பகுதி மக்கள் கோரிக்கை விடுத்துள்ளனர்.

 

 Failure to do rainwater drainage board

 

 

இந்த பிரச்சனைக்கு நிரந்தர தீர்வு காண வலியுறுத்தி இந்திய கம்யூனிஸ்ட் கட்சியின் மூத்த தலைவர் நல்லக்கண்ணு தலைமையில் போராட்டம் நடைபெறவிருந்தது.உடல்நிலை கருதி நல்லக்கண்ணு அவர்கள் போராட்டத்தில் பங்கேற்கவில்லை. அதன் காரணமாக இன்று நடைபெறவிருந்த போராட்டம் ஒத்திவைக்கப்பட்டது.

 

 

 

சார்ந்த செய்திகள்

Next Story

'முந்தியது எந்த மாவட்டம்?'- தலைமை தேர்தல் அதிகாரி வெளியிட்ட தகவல்

Published on 19/04/2024 | Edited on 19/04/2024
'Which district was the first?'- the information released by the Chief Electoral Officer

உலகின் மிகப்பெரிய ஜனநாயகத் திருவிழாவான இந்திய நாட்டின் 18-ஆவது நாடாளுமன்ற தேர்தல் நாடு முழுவதும் களைகட்டி வருகிறது. அதன்படி முதற்கட்டமாக இன்று தொடங்கி ஜூன் 1 ஆம் தேதி வரை 7 கட்டமாக வாக்குப்பதிவு நடைபெற உள்ளது. முதற்கட்டமாக 21 மாநிலங்கள் மற்றும் யூனியன் பிரதேசங்களில் உள்ள 102 இடங்களுக்கு இன்று வாக்குப்பதிவு நடைபெற்றது.

தமிழகத்தில் உள்ள 39 நாடாளுமன்ற தொகுதிக்கும், புதுச்சேரியில் உள்ள ஒரு நாடாளுமன்ற தொகுதிக்கும் இன்று வாக்குப்பதிவு நடைபெற்றது. பதற்றமான வாக்குச்சாவடிகளில்  பல அடுக்கு பாதுகாப்பு ஏற்பாடுகள் செய்யப்பட்டது. சரியாக காலை 7 மணிக்கு தொடங்கிய வாக்குப்பதிவு மாலை 6 மணி வரை நடைபெற்று தற்போது முடிந்துள்ளது. மாலை 6:00 மணிக்குள் வாக்குச்சாவடிகளுக்கு வாக்களிக்க வந்தவர்களுக்கு டோக்கன் வழங்கி வாக்களிக்க ஏற்பாடு செய்யப்பட்டுள்ளது. மேலும் அரசியல் கட்சியினர் முன்னிலையில் வாக்கு இயந்திரங்கள் சீல் வைக்கும் பணி நடைபெற்று வருகிறது.

தமிழகத்தில் இறுதி நிலவரப்படி 72.09 சதவீத வாக்குகள் பதிவாகியுள்ளது. சென்னையில் செய்தியாளர்களை சந்தித்த மாநில தேர்தல் ஆணையர் சத்யபிரதா சாஹு பேசுகையில், ''தமிழகத்தில் ஏழு மணி நிலவரப்படி 72.09 சதவீத வாக்குகள் பதிவாகியுள்ளது. வாக்குப் பெட்டிகளுக்கு சீல் வைத்து வாக்கு எண்ணும் மையத்திற்கு எடுத்துச் செல்லும் பணி தொடர்ந்து நடைபெற்று வருகிறது. தமிழகத்தில் அதிகபட்சமாக கள்ளக்குறிச்சியில் 75.67 சதவீத வாக்குகள் பதிவாகியுள்ளது. மத்திய சென்னையில் 67.37 சதவீதம், தென்சென்னையில் 67.82 சதவீதம், வட சென்னையில் 69.26 சதவீதம், தர்மபுரி மக்களவைத் தொகுதியில் 75.44 சதவீதம் வாக்குகள் பதிவாகியுள்ளது. சில வாக்குச்சாவடிகளில் டோக்கன்கள் கொடுக்கப்பட்டு வாக்குப்பதிவு நடைபெற்று வருகிறது. மாலை 3 மணிக்கு மேல் ஏராளமான மக்கள் அதிக அளவில் தங்கள் வாக்குகளை செலுத்தியுள்ளனர். தமிழகத்தில் மக்களவைத் தேர்தல் சட்ட ஒழுங்கு பிரச்சினை இன்றி அமைதியான முறையில் நடந்துள்ளது'' என்றார்.

திருவள்ளூர்-71.87 சதவீதம், வடசென்னை-69.26 சதவீதம், தென் சென்னை-67.82 சதவீதம், ஸ்ரீபெரும்புதூர்-69.79 சதவீதம், காஞ்சிபுரம்-72.99 சதவீதம், அரக்கோணம்-73.92 சதவீதம், வேலூர்-73.04 சதவீதம், கிருஷ்ணகிரி-72.96 சதவீதம், தர்மபுரி-75.44 சதவீதம், திருவண்ணாமலை-73. 35 சதவீதம், ஆரணி-73.77 சதவீதம், விழுப்புரம்-73.49 சதவீதம், சேலம்-73.55 சதவீதம், நாமக்கல்74.29 சதவீதம், ஈரோடு-71.42 சதவீதம், திருப்பூர் -72.02 சதவீதம், நீலகிரி-71.07 சதவீதம், கோவை-71.17 சதவீதம் வாக்குகள் பதிவாகியள்ளது.

Next Story

தமிழகம், புதுவையில் முடிந்தது வாக்குப்பதிவு

Published on 19/04/2024 | Edited on 19/04/2024
Polling has ended in Puduvai, Tamil Nadu

உலகின் மிகப்பெரிய ஜனநாயகத் திருவிழாவான இந்திய நாட்டின் 18-ஆவது நாடாளுமன்ற தேர்தல் நாடு முழுவதும் களைகட்டி வருகிறது. அதன்படி முதற்கட்டமாக இன்று தொடங்கி ஜூன் 1 ஆம் தேதி வரை 7 கட்டமாக வாக்குப்பதிவு நடைபெற உள்ளது. முதற்கட்டமாக 21 மாநிலங்கள் மற்றும் யூனியன் பிரதேசங்களில் உள்ள 102 இடங்களுக்கு இன்று வாக்குப்பதிவு நடைபெற்றது.

தமிழகத்தில் உள்ள 39 நாடாளுமன்ற தொகுதிக்கும், புதுச்சேரியில் உள்ள ஒரு நாடாளுமன்ற தொகுதிக்கும் இன்று வாக்குப்பதிவு நடைபெற்றது. பதற்றமான வாக்குச்சாவடிகளில்  பல அடுக்கு பாதுகாப்பு ஏற்பாடுகள் செய்யப்பட்டது. சரியாக காலை 7 மணிக்கு தொடங்கிய வாக்குப்பதிவு மாலை 6 மணி வரை நடைபெற்று தற்போது முடிந்துள்ளது. மாலை 6:00 மணிக்குள் வாக்கு சாவடிகளுக்கு வாக்களிக்க வந்தவர்களுக்கு டோக்கன் வழங்கி வாக்களிக்க ஏற்பாடு செய்யப்பட்டுள்ளது. அரசியல் கட்சியினர் முன்னிலையில் வாக்கு இயந்திரங்கள் சீல் வைக்கும் பணி நடைபெற்று வருகிறது.