Skip to main content

முகநூல் நண்பர் திருமணத்துக்கு வந்து உயிரை பறி கொடுத்த ஆண் மற்றும் பெண் நண்பர்கள்

Published on 25/04/2019 | Edited on 25/04/2019

முகநூல் மூலம் இன்றைக்கு அறிமுகம் இல்லாதவா்கள் அறிமுகமாகி இணை பிரியாத நண்பர்களாகி ஒருவருக்கு ஒருவர் அனைத்து நல்லது கெட்டது நிகழ்ச்சிகளிலும் பங்கெடுத்து வருகின்றனர். அந்தவகையில்தான் குமரி மாவட்டம் இணையம்புத்தன் துறை மீனவ கிராமத்தை சேர்ந்த வினோபின்ராஜ்க்கு முகநூல்  மூலம் திருப்பூா் மாவட்டம் ஆத்து கிணத்துபட்டியை சேர்ந்த சங்கீதா (23), ஈரோட்டை சோ்ந்த சாஜித் (30), சேலம் காசிமுனியப்பன் தெருவை சோ்ந்த மோகன் (33), அருப்புக் கோட்டையை சேர்ந்த ஷியாமளா (29), நெல்லையை சோ்ந்த பாலசுப்ரமணியன் (27), ஆகியோர் முகநூல் மூலம்  அறிமுகமாகி. நண்பா்களாக பழகி வந்தனர்.

 

face book


             
இந்தநிலையில் வினோபின்ராஜின் திருமணம் விழா இணையம்புத்தன் துறை கிறிஸ்தவ ஆலயத்தில் நடந்தது. இதில் முகநூல் நண்பர்களான சங்கிதா, மோகன், சாஜித், ஷியாமிளா, பாலசுப்ரமணியன் ஆகியோர் கலந்து கொண்டனர். 

           
பின்னர்  அவர்கள் இணையம்புத்தன் துறை கடற்கரைக்கு சென்று கடலில் கால் நனைத்தபடி கடல் அழகை ரசித்து கொணடு இருந்தனர். அந்த நேரத்தில் திடீரென்று வேகமாக உயர்ந்து எழுந்த அலை சங்கீதாவையும் மோகனையும் கடலுக்குள் இழுத்து சென்றது. அப்போது இருவரையும் மீட்க முயற்சி செய்தும் முடியவில்லை. 

            
உடனே அந்த நண்பர்கள் சத்தம் போடவே அங்கு நின்ற மீனவர்கள் கடலுக்குள் குதித்து சங்கீதாவையும் மோகனையும் மீட்க தேடினார்கள். இதில் மீட்கப்பட்ட சங்கீதாவை உடனடியாக மருத்துவமனைக்கு கொண்டு சென்றனர். ஆனால் அவா் ஏற்கனவே இறந்துவிட்டதாக மருத்துவர் கூறினார். ஆனால் மோகனை, அலை தூரத்துக்கு இழுத்து சென்றதால் அவரை மீட்க முடியவில்லை. இந்த நிலையில் இன்று காலை மீன் பிடிக்க சென்ற மீனவர்கள் அங்கு மிதந்து கிடந்த உடலை கண்டு கடலோர பாதுகாப்பு படையினருக்கு தகவல் கொடுத்தனர். அவர்கள் கடலுக்குள் சென்று அந்த உடலை மீட்டு வந்து பார்த்ததில் அது மோகனின் உடல் என தெரியவந்தது. 

              
இச்சம்பவத்தை கேள்விபட்டு சங்கீதா மற்றும் மோகனின் உறவினர்கள் இணையம்புத்தன் துறைக்கு வந்து கண்ணீா் விட்டு கதறினார்கள். இது அந்த கிராம மக்களை சோகத்தில் ஆழ்த்தி உள்ளது.

 

 

 

சார்ந்த செய்திகள்

Next Story

கன்னியாகுமரியில் அமித்ஷா ரோடு ஷோ!

Published on 13/04/2024 | Edited on 13/04/2024
Amitsha Road Show in Kanyakumari

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது. அதன்படி திமுக, அதிமுக, நாம் தமிழர், பாஜக ஆகிய கட்சிகள் தீவிர பரப்புரையில் ஈடுபட்டு வருகின்றன.

அந்த வகையில் தேர்தல் பிரச்சாரத்திற்காக இரண்டு நாள் பயணமாக மத்திய உள்துறை அமைச்சர் அமித்ஷா தமிழகம் வந்துள்ளார். இந்த பயணத்தின் போது பாஜக வேட்பாளர்களை ஆதரித்து பிரச்சாரம் செய்கிறார். அதன்படி இன்று (13.04.2024) கன்னியாகுமரியில் பாஜக வேட்பாளர் பொன். ராதாகிருஷ்ணனையும், விளவங்கோடு சட்டமன்ற தொகுதிக்கான வேட்பாளர் நந்தினியையும் ஆதரித்து ரோடு ஷோ நடத்தினார். தக்கலை பேருந்து நிலையத்தின் சந்திப்பு பேருந்து நிலையத்தில் இருந்து காவல் நிலையம் வழியாக சென்று மேச்சகிரை பகுதியில் நிறைவடைந்தது. இந்த ரோடு ஷோவின் போது அமித்ஷா கையில் தாமரை சின்னத்தை கையில் ஏந்தியவாறு வாகன பேரணியில் ஈடுபட்டார்.

இது குறித்து அமித்ஷா தனது எக்ஸ் வலைத்தளத்தில் வெளியிட்டுள்ள பதிவில், “கன்னியாகுமரி சாலைப் பேரணியில் பா.ஜ.கவுக்கு கிடைத்த அமோக ஆதரவு, பிரதமர் .நரேந்திர மோடி மீது தமிழக மக்கள் வைத்துள்ள அசைக்க முடியாத நம்பிக்கையை பிரதிபலிக்கிறது. தமிழ் மொழியையும் கலாச்சாரத்தையும் உலக அரங்கில் உயர்த்தியவர் பிரதமர் மோடி மட்டுமே. கன்னியாகுமரி (தமிழ்நாடு) மக்களின் அன்பிற்கும் ஆதரவிற்கும் நன்றி” எனக் குறிப்பிட்டுள்ளார். 

Next Story

'நல்லா சாப்பிடுங்க' -உணவை ஊட்டி விட்டு வாக்கு சேகரித்த வேட்பாளர்

Published on 09/04/2024 | Edited on 09/04/2024
  the candidate who gathered votes by feeding them food

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாக தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

ஏற்கனவே கோடைக்கால வெயில் சுட்டெரித்து வரும் நிலையில் தேர்தல் பரப்புரைகள் இன்னும் அனலைக் கூட்டியுள்ளது. பல இடங்களில் வெயிலையும் பொருட்படுத்தாமல் தீவிர பிரச்சாரத்தில் அரசியல் கட்சியினர் ஈடுபட்டு வருகின்றனர். அதேநேரம் நூதனமான முறையில் வாக்கு சேகரிக்கும் நிகழ்வுகளும் ஆங்காங்கே நிகழ்ந்து வருகிறது. டீக்கடையில் டீ ஆற்றுவது, பரோட்டா சுடுவது, துணித் துவைப்பது போன்ற நூதன முறைகளில் வேட்பாளர்கள் வாக்காளர்களை கவர்ந்து வாக்கு சேகரிப்பில் ஈடுபட்டு வருகின்றனர். ஆனால் இதற்கெல்லாம் ஒரு படி மேலே சென்ற வேட்பாளர் ஒருவர் உணவகத்தில் சாப்பிட்டுக் கொண்டிருந்தவர்களுக்கு உணவை ஊட்டி விட்டு வாக்கு சேகரித்த நிகழ்வு நடந்துள்ளது.

இந்த நாடாளுமன்ற தேர்தலில் கன்னியாகுமரியின் விளவங்கோடு தொகுதியில் இடைத்தேர்தல் அறிவிக்கப்பட்டுள்ளது. இந்நிலையில் அங்கு போட்டியிடும் அதிமுக கூட்டணி வேட்பாளரான ராணி, உணவகம் ஒன்றில் உணவு சாப்பிட்டுக் கொண்டிருந்தார். அப்போது அருகில் அமர்ந்து சாப்பிட்டுக் கொண்டிருந்தவர்களுக்கு உணவு பரிமாறியதோடு உணவை ஊட்டி விட்டும் பிரச்சாரத்தில் ஈடுபட்டார். வேட்பாளரின் இந்த நடவடிக்கை, அந்தப் பகுதி வாக்களர்களை வெகுவாக கவர்ந்துள்ளது.