Skip to main content

7 முறை நிலைப்பாட்டை மாற்றிய ஓ.பி.எஸ் எப்படி தலைவராக முடியும்? - ஆர்.பி. உதயகுமார் கேள்வி

Published on 20/08/2022 | Edited on 20/08/2022

 

I

 

கடந்த ஜூலை 11-ஆம் தேதி நடைபெற்ற அதிமுக பொதுக்குழு கூட்டத்திற்கு தடை விதிக்க மறுத்த உத்தரவை எதிர்த்து ஓபிஎஸ் தரப்பில் தாக்கல் செய்த வழக்கை விசாரித்த உச்சநீதிமன்றம் வழக்கை மீண்டும் சென்னை உயர்நீதிமன்றத்திற்கு அனுப்பியது. அதனைத் தொடர்ந்து உயர் நீதிமன்றத்தில் இவ்வழக்கின் விசாரணை நடைபெற்று வந்த நிலையில், தீர்ப்பை உயர்நீதிமன்ற தனி நீதிபதி ஜெயச்சந்திரன் சில தினங்களுக்கு முன் வழங்கினார். அதில் அதிமுகவில் ஜூன் 23ஆம் தேதிக்கு முன் இருந்த நிலையே நீடிக்கும். எடப்பாடி பழனிசாமி தற்காலிக பொதுச் செயலாளராக தேர்வு செய்தது செல்லாது. அதிமுகவின் ஒருங்கிணைப்பாளர், இணை ஒருங்கிணைப்பாளர் ஆகியோர் இணைந்துதான் அதிமுக பொதுக்குழு, செயற்குழு கூட்டத்தை நடத்த வேண்டும். தனிக் கூட்டம் நடத்தக் கூடாது. பொதுக்குழுவை கூட்ட ஆணையாளர் நியமிக்க வேண்டும் என்றால் நீதிமன்றத்தை நாடலாம். அதுபோல அந்த கூட்டத்தில் ஓ.பி.எஸ் அவசியம் கலந்து கொள்ள வேண்டும் என்று குறிப்பிடப்பட்டுள்ளது.

 


இந்த தீர்ப்பை எதிர்த்து எடப்பாடி தரப்பு சென்னை உயர்நீதிமன்றத்தில் மேல் முறையீடு செய்துள்ளது. இந்த மனு மீதான விசாரணை நாளை மறுநாள் நடைபெறும் என்று எதிர்பார்க்கப்படுகிறது. இந்நிலையில் முன்னாள் அமைச்சர் ஆர்.பி. உதயகுமார் பன்னீர் செல்வம் தொடர்பாக கடுமையான கருத்துக்களைப் பதிவுசெய்துள்ளார். அதில், "அம்மா மறைவுக்கு பிறகு இதுவரை 7 முறை தன்னுடைய நிலைப்பாட்டை பன்னீர்செல்வம் மாற்றிக்கொண்டுள்ளார். அடிக்கடி தன்னுடைய நிலைப்பாட்டை மாற்றிக்கொள்ளும் அவர் எப்படி தலைவராக முடியும். எடப்பாடி எடுக்கும் எந்த முயற்சிக்கும் இவர் ஒத்துழைப்பு கொடுப்பதில்லை. தொடர்ந்து ஒத்துழையாமை இயக்கம் நடத்தி வருகிறார். இவரை நம்பிச் செல்ல முடியாது என்ற நிலையை தொண்டர்கள் எடுத்துவிட்டார்கள். அவருக்கு தொண்டர்கள் ஆதரவு தெரிவிக்கிறார்கள் என்பது ஆண்டிகள் சேர்ந்து மடம் கட்டுவதைப்போல் அல்லாமல்  அது செங்கோட்டையாக இருக்க எப்போதும் வாய்ப்பில்லை" என்றார். 
 

 

சார்ந்த செய்திகள்

 

Next Story

“மாபெரும் சரித்திரத்தை எடப்பாடி தலைமையில் நடத்தினோம்” - ஆர்.பி. உதயகுமார்

Published on 29/05/2023 | Edited on 29/05/2023

 

admk udayakumar talks about tamilnadu government issue at madurai vadipatti 

 

கள்ளச்சாராயத்தை ஒழிக்கவும், போலி மதுபானங்களால் ஏற்படும் உயிரிழப்புகளைத் தடுக்கவும் தமிழக அரசை வலியுறுத்தி அதிமுக சார்பில் தமிழகம் முழுவதும் உள்ள மாவட்டத் தலைநகரங்களில் இன்று கண்டன ஆர்ப்பாட்டம் நடைபெற்றது.

 

இந்நிலையில் மதுரை மாவட்டம் வாடிப்பட்டியில் நடைபெற்ற கண்டன ஆர்ப்பாட்டக் கூட்டத்தில் முன்னாள் அமைச்சர் ஆர்.பி. உதயகுமார் கலந்துகொண்டு பேசுகையில், "அமைச்சர் பி.டி.ஆர். தியாகராஜன், ‘30000 கோடி ரூபாயை திமுக குடும்பத்தில் எப்படி கையாள்வது என தெரியாமல் தத்தளித்துக் கொண்டிருக்கிறார்கள்’ எனச் சொன்னார். அதனைத்தான் புகாராக எடுத்துக் கொண்டு, எடப்பாடி பழனிசாமி தலைமையில் 50 ஆயிரம் அதிமுகவினர் ஆளுநரிடம் புகார் கொடுக்கச் சென்றோம். ஆனால் இந்த திமுக அரசின் காவல்துறை, ஐம்பது கார்கள் மற்றும் பேருந்துகளை கொண்டு வந்து நிறுத்தியது. ஆனால், தலைநகர் சென்னையில், 50 ஆயிரம் பேர் வர இருந்த பேரணியில், ஐந்து லட்சம் பேர் கூடி ஒரு மாபெரும் சரித்திரத்தை எடப்பாடி தலைமையில் நடத்தினோம். இந்தியா முழுக்க இது தலைப்பு செய்தி ஆனது.

 

திமுக அரசு வீட்டுக்குப் போகிற நாளும், எடப்பாடி பழனிசாமி முதல்வராக பொறுப்பேற்கும் நாளும்தான் எங்களுக்கு பொன்னான நாள் என்று மக்கள் கைகளில் பதாகைகளை ஏந்திக் கொண்டு இருக்கிறார்கள். அமைச்சர் செந்தில் பாலாஜி செல்லாத கட்சியே இல்லை. முதலில் மதிமுகவில் இருந்தார். திமுகவில் இருந்தார். அதிமுகவில் இருந்தார். டிடிவி தினகரன் கட்சிக்கு சென்றார். மறுபடியும் திமுகவிற்கு சென்றார். தமிழகத்தில் கள்ளச்சாராயம் ஆறு போல் ஓடுகிறது . இதனால் 25 அப்பாவி உயிர் பறிபோயிருக்கிறது. செந்தில் பாலாஜியை அமைச்சர் பதவியில் இருந்து நீக்கிவிட்டு ஜப்பானில் இருந்து நீங்கள் வருவதற்கு தயாரா" எனப் பேசினார். 

 

 

Next Story

சபரிமலையில் தரிசனம் செய்த முன்னாள் அமைச்சர்; வைரலாகும் புகைப்படம்

Published on 21/12/2022 | Edited on 21/12/2022

 

ுப

 

கேரளாவின் புகழ்பெற்ற கோயில்களில் ஒன்றான ஐயப்பன் கோயிலில் தற்போது தரிசனத்துக்காக நடை திறக்கப்பட்டுள்ளது. தென் இந்தியாவில் உள்ள பல மாநிலங்களிலிருந்து தினமும் லட்சக்கணக்கான பக்தர்கள் வழிபாட்டுக்காகப் பம்பையில் குவிந்து வருகின்றனர். சில தினங்களுக்கு முன்பு சபரிமலையில் வழிபாட்டுக்காக அதிகப்படியான கூட்டம் கூடியதால் வண்டிப்பெரியாரில் இருந்து பம்பை வரை வாகனங்கள் நகர முடியாத அளவுக்கு வாகன நெரிசல் ஏற்பட்டது. இதனைக் கருத்தில் கொண்டு வயதான முதியவர்கள் மற்றும் சிறுவர்களுக்கு மட்டும் தனி வரிசை அமைக்கப்பட்டுக் கூட்ட நெரிசல் ஒழுங்குபடுத்தப்பட்டுள்ளது.

 

தினசரி தரிசனத்துக்கும் கட்டுப்பாடுகள் விதிக்கப்பட்டு உள்ளது. நாள் ஒன்றுக்கு 90 ஆயிரம் பேர் வரை மட்டுமே தரிசனம் செய்ய முன்பதிவு அனுமதிச்சீட்டு வழங்கப்படுவதாகக் கூறப்படுகிறது. இந்நிலையில் தமிழகத்திலிருந்து முக்கிய பிரபலங்கள், அமைச்சர்கள் எனத் தொடர்ந்து சபரிமலைக்குச் சென்று தரிசனம் செய்து வருகிறார்கள். சில தினங்களுக்கு முன்பு அமைச்சர் சேகர்பாபு தரிசனம் செய்த நிலையில், இன்று முன்னாள் அமைச்சர் உதயகுமார் தரிசனத்திற்காக அங்கு வந்துள்ளார். அவருடன் அங்குப் பாதுகாப்புப் பணியிலிருந்த காவலர்கள் புகைப்படம் எடுத்துக்கொண்டுள்ளார்கள். இந்தப் புகைப்படம் தற்போது வைரலாகி வருகிறது.