Skip to main content

எடப்பாடி ஆட்களுக்கு வீடு தர மறுக்கும் ரஜினி பட நடிகர்

Published on 30/12/2022 | Edited on 30/12/2022

 

enthiran film actor refuses to give houses to Edappadi palanisamy supporters

 

‘எடப்பாடி அதிமுகவினருக்கும் வட மாநிலத்தவர்களுக்கும் வாடகைக்கு வீடு கொடுக்க மாட்டேன்’ என துணை நடிகர் ஒருவர் போட்ட கண்டிஷன் போர்டால் சீவலப்பேரியில் பரபரப்பு ஏற்பட்டுள்ளது.

 

நெல்லை மாவட்டம் பாளையங்கோட்டைக்கு அருகே உள்ள சீவலப்பேரியைச் சேர்ந்தவர் ஐசக் பாண்டியன். துணை நடிகரான இவர் மாரி, எந்திரன் உள்ளிட்ட 50-க்கும் மேற்பட்ட திரைப்படங்களில் சிறு சிறு வேடங்களில் நடித்துள்ளார். ஐசக் பாண்டியனுக்கு சீவலப்பேரி பகுதியில் சொந்தமாக வீடு இருக்கிறது. அந்த வீட்டின் மாடிப் பகுதியை வாடகைக்கு விடத் திட்டமிட்டுள்ளார். இதற்காக ஐசக் பாண்டியன் தனது வீட்டு வாசலில் வைத்திருக்கும் கண்டிஷன் போர்டு ஒன்று தற்போது பேசுபொருளாகியுள்ளது.

 

அந்த போர்டில், ‘குடிகாரர்கள், வடமாநிலத்தவர்கள் மற்றும் எடப்பாடி அணியைச் சேர்ந்தவர்கள் வீடு வாடகைக்குக் கேட்டு அணுக வேண்டாம்" என எழுதப்பட்டிருந்தது. இது குறித்து ஐசக் பாண்டியன் கூறும்போது, “குடிப்பழக்கம்தான் இளைஞர்களைச் சீரழித்துக் கொண்டிருக்கிறது. மேலும், எடப்பாடி தனது ஆட்சிக்காலத்தில்தான் தமிழ்நாட்டு வேலைகளை வடமாநிலத்தவர்களுக்கு வாரிக்கொடுத்தார். வடமாநிலத்தவர்கள் தமிழர்களின் வேலைவாய்ப்புகளைப் பறிக்கின்றனர். அதனால், மேற்கண்டவர்கள் யாருக்கும் வீடு கொடுக்கமாட்டேன்” என ஐசக் பாண்டியன் கடுகடுத்துப் பேசினார்.

 

மேலும், வீடு வாடகைக்குக் கேட்கும்போது நான்கு கால்களில் தவழ்ந்து வருகின்றனர் என்றும், பிறகு என்னையே நீங்கள் யார் என்று கேட்கிறார்கள் என்றும், அந்த அச்சம் காரணமாகவே எடப்பாடி பழனிசாமி ஆதரவாளர்களுக்கு வீடு இல்லை என்று கூறுவதாகவும் அவர் தெரிவித்துள்ளார். அவரது இந்த விளக்கம் பெரும் பரபரப்பை ஏற்படுத்தி உள்ளது. இந்த போர்டு விவகாரம் தற்போது சமூக வலைதளங்களில் வைரலாகி வருகிறது.

 

 

 

சார்ந்த செய்திகள்

 

Next Story

குழப்பத்தில் எடப்பாடி; பதிலடி தந்த மா.சு!

Published on 22/06/2024 | Edited on 22/06/2024

 

 Confused Edappadi - Answer replied Ma.su

கள்ளக்குறிச்சி விஷச்சாராயம் அருந்தி அரசு மருத்துவமனையில் அட்மிட்டானவர்களுக்கு உயரிய அவசர சிகிச்சை அளித்தது திமுக அரசின் மருத்துவத்துறை. அட்மிட்டானவர்களை நேரில் சென்று அவர்களுக்கு ஆறுதல் கூறியதுடன் சிகிச்சை முறைகளையும் கேட்டறிந்த தமிழக அரசின் சுகாதாரத்துறை அமைச்சர் மா.சுப்பிரமணியன், உயிர்காக்கும் மருந்துகள் போதிய அளவில் இருப்பில் உள்ளதா என்பதை ஆய்வு நடத்தினார். மருத்துவர்களுக்குத் தேவையான உத்தரவுகளையும் பிறப்பித்தார். 

இந்த நிலையில் கள்ளக்குறிச்சி விவகாரம் குறித்து பேசிய எடப்பாடி பழனிச்சாமி, "20.06.2024 அன்று Omeprazole மருந்து இல்லை என்று சொல்ல, உடனே, "4.42 கோடி Omeprazole மருந்து கையிருப்பு உள்ளது என்று ஆதாரப்பூர்வமாக பதிலடி தந்தார் அமைச்சர் மா.சு. 

இந்த நிலையில்,  Fomepizole  மருந்து இல்லை என்று பேசிய எடப்பாடிக்கு மீண்டும் பதிலடி தரும் வகையில் தந்திருக்கிறார்  அமைச்சர் மா.சுப்பிரமணியன். 

இது குறித்து அவர்  பேசியபோது, "  இன்று (22.06.2024) Fomepizole மருந்து கையிருப்பில் இல்லை என்று குழப்புகிறார் மருத்துவ நிபுணர் எடப்பாடி. Fomepizole injection தேவைக்கு அதிகமாகவே கையிருப்பில் உள்ளது.  இந்த சம்பவத்தில் பாதிக்கப்பட்டவர்களுக்கு உலகத்தரமான மருத்துவ நெறிமுறைகள் (Treatment Protocol)  மூக்கு வழி பிராண வாயு செலுத்துதல், நரம்பு வழி Drips, எத்தனால் ஊசி, லியுகோவோரின் ஊசி, சோடா பை கார்பனேட் ஊசி, ஹிமோடையாலிசிஸ், பேன்டோபிரசோல் ஊசி, செயற்கை சுவாசம் (வெண்டிலேட்டர்) பின்பற்றி சிகிச்சை வழங்கப்படுகிறது.

ஒன்றிய அரசின் ஜிப்மர் மருத்துவமனையில் அளிக்கப்படும் அதே சிகிச்சை முறை கள்ளக்குறிச்சி, சேலம், விழுப்புரம் ஆகிய மருத்துவமனையில் அனுமதிக்கப்பட்டவர்களுக்கு வழங்கப்படுகிறது.    மருத்துவ நிபுணர் எடப்பாடி வேறு ஏதாவது  புதிய மருத்துவ சிகிச்சை முறையை கண்டுபிடித்து சொன்னாலும் அது சரியானவையாக இருந்தால்,  அதனால் உயிர்கள் காப்பாற்றப்படும் என்ற நிலை இருப்பின்,  எடப்பாடி சிகிச்சை முறைகள் பின்பற்றப்படும் " என்று செம காட்டமாக  பதிலடி தந்துள்ளார் அமைச்சர் மா.சு. அமைச்சரின் பதிலடி அதிமுகவில் பரபரப்பை ஏற்படுத்தியிருக்கிறது.
 

Next Story

அதிமுக நிர்வாகி ஆலோசனைக் கூட்டம்; திமுக அரசைக் கண்டித்து தீர்மானம்

Published on 22/06/2024 | Edited on 22/06/2024
Resolution condemning DMK government in AIADMK executive meeting

திருச்சி மாநகர் மாவட்ட அதிமுக நிர்வாகிகள் ஆலோசனைக் கூட்டம் மாவட்டச் அலுவலகத்தில் மாவட்ட செயலாளர் ஜெ.சீனிவாசன் தலைமையில் நடந்தது. இக்கூட்டத்திற்கு அமைப்பு செயலாளர் ரத்தினவேல் முன்னிலை வகித்தார். 

கூட்டத்தில் மாநில ஜெயலலிதா பேரவை துணைச் செயலாளர் ஜோதிவாணன், முன்னாள் மாவட்டச் செயலாளர் கே.சி பரமசிவம், மாவட்ட இணை செயலாளர் ஜாக்குலின், மாவட்ட துணை செயலாளர்கள் வனிதா, பத்மநாதன், அணி நிர்வாகிகள் பாலாஜி, ஞானசேகர், கலிலுல் ரகுமான், ஜோசப் ஜெரால்டு, வக்கீல் ராஜேந்திரன்,வெங்கட் பிரபு,ஜான் எட்வர்ட்,சகாபுதீன், பகுதி செயலாளர்கள் அன்பழகன், என்.எஸ். பூபதி, சுரேஷ் குப்தா, ரோஜர், ராஜேந்திரன், ஏர்போர்ட் விஜி , எம்.ஆர்.ஆர்.முஸ்தபா உள்ளிட்ட பல நிர்வாகிகள் கலந்து கொண்டனர். 

கூட்டத்தில் கள்ளக்குறிச்சி மாவட்டத்தில் விஷச்சாராயம் குடித்து 52க்கும் மேற்பட்டோர் பலியான சம்பவத்தைக் கண்டித்தும், சட்டம் ஒழுங்கை பாதுகாக்கத் தவறிய திமுக அரசைக் கண்டித்தும் 24ஆம் தேதி கலெக்டர் அலுவலகம் முன்பு நடக்கும் கண்டன ஆர்ப்பாட்டத்தில் திருச்சி மாநகர் மாவட்ட அதிமுக சார்பில் திரளானோர் பங்கேற்பது எனத் தீர்மானிக்கப்பட்டது.

The website encountered an unexpected error. Please try again later.