டெல்லி ஜே.என்.யு பல்கலைக்கழகத்தின் உள்ளே புகுந்து அடையாளம் தெரியாத நபர்கள் திடீரென்று தாக்குதல் நடத்தியதால் 5- ஆம் தேதி இரவு பல்கலைக்கழக வளாகத்தில் பரபரப்பு ஏற்பட்டது. இந்த சம்பவத்தை கண்டித்து பல்வேறு மாநில கல்லூரி மற்றும் பல்கலைக்கழக மாணவர்கள் போராட்டம் நடத்தினர். மேலும் அரசியல் கட்சித் தலைவர்களும் மாணவர்கள், ஆசிரியர்கள் மீதான தாக்குதலுக்கு கண்டனத்தைத் தெரிவித்தனர்.
இந்நிலையில் டெல்லி ஜே.என்.யு பல்கலைக்கழகத்தில் உள்ள மாணவர் விடுதியில் மாணவர் சங்கத் தலைவர் ஐஷி கோஸை திமுக இளைஞர் அணி செயலாளர் உதயநிதி ஸ்டாலின் சந்தித்தார். ஏற்கனவே டெல்லி ஜே.என்.யு மாணவர்களை திமுக மக்களவை உறுப்பினர் கனிமொழி சந்தித்திருந்தார் என்பது குறிப்பிடத்தக்கது.
