Skip to main content

கலைஞர் நூற்றாண்டு நிறைவு விழா; நலத்திட்ட உதவிகள் வழங்க முடிவு

Published on 29/05/2024 | Edited on 29/05/2024
DMK decides to provide welfare assistance to  kalaignar centenary

திண்டுக்கல் கிழக்கு மாவட்டம், ஆத்தூர் மேற்கு ஒன்றிய தி.மு.க. சார்பாக முன்னாள் முதல்வரும், முத்தமிழறிஞருமான டாக்டர் கலைஞரின் நூற்றாண்டு விழா மற்றும் ஜீன் 3 ஆம் தேதி நடைபெற உள்ள பிறந்தநாள் விழா கொண்டாடுவது குறித்து ஆத்தூர் மேற்கு ஒன்றிய தி.மு.க.நிர்வாகிகளின் ஆலோசனைக் கூட்டம் செம்பட்டியில் நடைபெற்றது.

இக்கூட்டத்திற்கு ஆத்தூர் மேற்கு ஒன்றிய அவைத்தலைவரும், ஒன்றிய குழு உறுப்பினருமான காணிக்கைசாமி தலைமைதாங்கினார். ஆத்தூர் மேற்கு ஒன்றிய செயலாளர் பாறைப்பட்டி ராமன், திண்டுக்கல் கிழக்கு மாவட்ட தி.மு.க துணைச் செயலாளர் மார்கிரேட் மேரி, மாவட்ட ஊராட்சிக்குழு தலைவர் பாஸ்கரன், மாவட்ட இளைஞரணி துணைஅமைப்பாளர் மணலூர் மணிகண்டன், பொதுக்குழு உறுப்பினர் நெல்லூர் மலைச்சாமி, மேற்கு ஒன்றிய பொருளாளர் தேவரப்பன்பட்டி போஸ் ஆகியோர் முன்னிலை வகித்தனர்.

தி.மு.க. தலைமை செயற்குழு உறுப்பினர் ஆத்தூர் நடராஜன் வரவேற்று பேசினார். கூட்டத்தில் திமுக தலைமை செயற்குழு உறுப்பினர் ஆத்தூர் நடராஜன் பேசும்போது, “மாநில துணைப் பொதுச்செயலாளரும், ஊரக வளர்ச்சித்துறை அமைச்சர் ஐ.பெரியசாமி மற்றும் திண்டுக்கல் கிழக்கு மாவட்ட தி.மு.க.செயலாளரும், பழனி சட்டமன்ற உறுப்பினருமான ஐ.பி.செந்தில்குமார் வழிகாட்டுதலின்படி கடந்த பத்து வருடங்களாக நாம் கலைஞர் பிறந்த நாள் விழாவைச் சிறப்பாக கொண்டாடிவருகிறோம். இவ்வருடம் நூறாண்டு முடிந்து நூற்று ஒன்றாவது ஆண்டு தொடங்க உள்ளது.

DMK decides to provide welfare assistance to  kalaignar centenary

தேர்தல் விதிமுறைகள் இருப்பதால் ஒரு சில கிராமங்களில் கொடிக்கம்பங்கள் ஏற்ற முடியாத சூழ்நிலை உள்ளது. அந்தப் பகுதியில் கலைஞர் திருவுருவ படத்திற்கு மாலை அணிவித்து மரியாதை செலுத்தி இனிப்புகள் வழங்கிய பின் அருகில் உள்ள மருத்துவமனைகள், ஆதரவற்றோர் இல்லங்கள், முதியோர்கள் இல்லங்களுக்கு சென்று நலத்திட்ட உதவிகளை வழங்கிடவேண்டும். இதுதவிர அனைத்து கிளை கழகங்களிலும் ஒலிப்பெருக்கி வைத்து கலைஞரின் புகழ் பரப்பும் பாடல்களை ஒலிபரப்ப செய்ய வேண்டும் என வேண்டுகோள் விடுத்ததோடு திண்டுக்கல் மாவட்டத்திலேயே கலைஞர்  பிறந்த நாளை சிறப்பாக கொண்டாடிய ஒன்றியம் ஆத்தூர் மேற்கு ஒன்றியம் என்ற பெருமையை நாம் பெற வேண்டும்” என்றுகூறினார்.

கூட்டத்தில் ஒன்றிய இளைஞரணி அமைப்பாளர் வீரக்கல்காங்கேயன், பேரூராட்சி மன்றத் தலைவர்கள் அய்யம்பாளையம் ரேகா ஐயப்பன், சித்தையன்கோட்டை போதும்பொண்ணு முரளி, பேரூர் கழகச்செயலாளர்கள் சித்தையன்கோட்டை சக்திவேல், அய்யம்பாளையம் தங்கராஜ், ஊராட்சி மன்றத் தலைவர்கள் சீவல்சரகு ராணி ராஜேந்திரன், அக்கரைப்பட்டி லட்சுமி சக்திவேல், வீரக்கல் ராஜேஸ்வரி தங்கவேல், ஆத்தூர் ஐ.ஜம்ருத்பேகம், போடிக்காமன்வாடி நாகலட்சுமி சசிக்குமார், ஒன்றிய குழு உறுப்பினர்கள் செல்வி காங்கேயன், சித்தரேவு சாதிக், அழகு சரவணக்குமார் உட்பட தி.மு.க நிர்வாகிகள் மற்றும் 87 கிளைக்கழக நிர்வாகிகள் கலந்து கொண்டனர். நிறைவாக ஆத்தூர் மேற்கு ஒன்றிய துணைச் செயலாளர் கருத்தராஜா நன்றி கூறினார்!

சார்ந்த செய்திகள்

 

Next Story

''கள்ளச்சாராய உயிரிழப்பு; ராகுலும், கார்கேவும் எங்கே போனார்கள்?'' - நிர்மலா சீதாராமன் கேள்வி

Published on 23/06/2024 | Edited on 23/06/2024
“Alcohol casualties; Where did Rahul and Kharge go?''-Nirmala Sitharaman asked

கள்ளக்குறிச்சி மாவட்டம் கருணாபுரத்தில் கள்ளச்சாராயம் குடித்து 4 பெண்கள் உட்பட 50க்கும் மேற்பட்டோர் உயிரிழந்த சம்பவம் நாட்டையே உலுக்கிக் கொண்டிருக்கிறது. சிகிச்சையில் இருப்பவர்களில் பலர் சிகிச்சை பலனின்றி உயிரிழந்து வருகின்றனர். இதனால் இறப்புகளின் எண்ணிக்கையும் தொடர்ந்து அதிகரித்து வருகிறது. அதே சமயம் கள்ளச்சாராயம் குடித்து பாதிக்கப்பட்டவர்களுக்கு கள்ளக்குறிச்சி, சேலம் மற்றும் விழுப்புரம் அரசு மருத்துவமனை, புதுச்சேரி ஜிப்மர் மருத்துவமனையில் தொடர்ந்து தீவிர சிகிச்சை அளிக்கப்பட்டு வருகிறது.

கள்ளக்குறிச்சி கள்ளச்சாராய மரணம் தொடர்பாக சிபிஐ விசாரணை வேண்டும் என தமிழக பாஜக வலியுறுத்தி வருகிறது. இந்நிலையில் கள்ளச்சாராய மரணம் தொடர்பான நடவடிக்கைகள் குறித்து மத்திய நிதியமைச்சர் நிர்மலா சீதாராமன் பல்வேறு கருத்துக்களை தெரிவித்துள்ளார். இது குறித்து நிர்மலா சீதாராமன் தெரிவித்துள்ளதாவது, ''கள்ளச்சாராயம் விற்றவர்களுடன் ஆளும் திமுகவிற்கு தொடர்பு இருப்பதால் முறையான விசாரணை நடக்காது. எனவே கள்ளச்சாராயத்தால் 56 பேர் உயிரிழந்த சம்பவம் குறித்து சிபிஐ விசாரணை நடத்த வேண்டும். 1971-ல் கடும் எதிர்ப்புகளுக்கு இடையே தமிழகத்தில் இருந்த பூரண மதுவிலக்கை நீக்கியது திமுக அரசு தான். கள்ளச்சாராய மரணம் தொடர்பாக தமிழக சட்டப்பேரவையில் விவாதத்தையும் தமிழக அரசு அனுமதிக்கவில்லை.

“Alcohol casualties; Where did Rahul and Kharge go?''-Nirmala Sitharaman asked

பாஜக சார்பில் இந்த விவகாரத்தில் சிபிஐ விசாரணை வேண்டும் என நான் வலியுறுத்துகிறேன். இந்த விவகாரத்தை சிபிஐ விசாரணை செய்தால் தான் உண்மையை வெளியே வரும். மாநில அரசுக்கு இதில் உள்ள தொடர்பு காரணமாக போலீஸ் விசாரணையில் விவரங்கள் முழுமையாக வெளியே வராது. தமிழ்நாட்டில் தொடர்ச்சியாக கள்ளச்சாராய விற்பனை அதிகரித்து வருகிறது. அரசு அமைப்பான டாஸ்மாக் வருடா வருடம் அதிக அளவில் மதுபானங்களை விற்பனை செய்து வருகிறது. தமிழகத்தில் எல்லா இடங்களிலும் மது ஆறாக ஓடுகிறது. கள்ளக்குறிச்சி விவகாரத்தில் குடியிருப்புகள் உள்ள பகுதியிலேயே சாராயம் விற்றது மிகவும் வருந்ததக்கதாக உள்ளது. விஷச் சாராயத்தால் 56 பேர் உயிரிழந்த இந்த சம்பவம் குறித்து காங்கிரஸ் கட்சி கருத்து கூறாதது ஏன்? ராகுல் காந்தி, மல்லிகார்ஜுன கார்கே இதுவரை கருத்து கூறாதது ஏன்? சட்டப்பூர்வமாக மதுபானம் விற்கப்படும் தமிழகத்தில் எப்படி கள்ளச்சாராய மரணம் நேரிட்டது. இதுகுறித்து கருத்து கூறாமல் ராகுல் காந்தி எங்கே போனார்?'' எனக் கேள்வி எழுப்பியுள்ளார் நிர்மலா சீதாராமன்.

Next Story

பாஜக சிபிஐ விசாரணை கேட்பதின் நோக்கம் என்ன?-ஆர்.எஸ்.பாரதி பேட்டி

Published on 23/06/2024 | Edited on 23/06/2024
What is the mystery of BJP asking for CBI investigation?-RS Bharati interview

கள்ளக்குறிச்சி மாவட்டம் கருணாபுரத்தில் கள்ளச்சாராயம் குடித்து 4 பெண்கள் உட்பட 50க்கும் மேற்பட்டோர் உயிரிழந்த சம்பவம் நாட்டையே உலுக்கிக் கொண்டிருக்கிறது. சிகிச்சையில் இருப்பவர்களில் பலர் சிகிச்சை பலனின்றி உயிரிழந்து வருகின்றனர். இதனால் இறப்புகளின் எண்ணிக்கையும் தொடர்ந்து அதிகரித்து வருகிறது. அதே சமயம் கள்ளச்சாராயம் குடித்து பாதிக்கப்பட்டவர்களுக்கு கள்ளக்குறிச்சி, சேலம் மற்றும் விழுப்புரம் அரசு மருத்துவமனை, புதுச்சேரி ஜிப்மர் மருத்துவமனையில் தொடர்ந்து தீவிர சிகிச்சை அளிக்கப்பட்டு வருகிறது.

கள்ளக்குறிச்சி கள்ளச்சாராய மரணம் தொடர்பாக சிபிஐ விசாரணை வேண்டும் என பாஜக வலியுறுத்தி வருகிறது. இந்தநிலையில் சிபிஐ விசாரணை வேண்டும் எனக் கூறுவது குற்றவாளிகளை பிடிப்பதை தாமதப்படுத்தும் செயல் என திமுகவின் அமைப்பு செயலாளர் ஆர்.எஸ்.பாரதி தெரிவித்துள்ளார். புதுக்கோட்டையில் செய்தியாளர்களைச் சந்தித்த திமுக அமைப்புச் செயலாளர் ஆர்.எஸ்.பாரதி பேசுகையில், ''பாஜக இந்த விவகாரத்தில் சிபிஐ விசாரணை வேண்டும் என கேட்பதற்கே காரணம் நோக்கம் புரிகிறது. அவர்களுடைய ஆட்கள் யாராவது இதில் சம்பந்தப்பட்டிருந்தால் அவர்களை காப்பாற்றுவதற்காக இதைக் கேட்கிறார்களோ என்ற சந்தேகம் வருகிறது. மத்திய அரசு நினைத்தால் தேவைப்படுவோர் மீது இ.டி ரெய்டு விடுகிறார்கள். கட்சி மாறியவுடன் வாபஸ் பெறுகிறார்கள். சிபிஐ கேஸ் போடுகிறார்கள் கட்சி மாறியவுடன் வாபஸ் பெறுகிறார்கள். சிபிசிஐடி விசாரணையிலேயே உண்மை தெரிந்துவிடும். நேர்மையான விசாரணைக்காக ஓய்வு பெற்ற நீதிபதி தலைமையில் கமிஷன் அமைக்கப்பட்டுள்ளது'' என்றார்.