Skip to main content

பிக் பாஸ் 3 சீசனில் மீண்டும் ஜூலியா? 

Published on 15/05/2019 | Edited on 15/05/2019

பிரபலமான தனியார் தொலைக்காட்சியில் அடுத்த மாதம் பிக் பாஸ் சீசன் 3 நிகழ்ச்சி தொடங்க இருக்கிறது. இதற்கான போட்டியாளர்களைத் தேர்வு செய்யும் பணி நடந்து வருவதாக செய்திகள் சமீப காலமாக வந்து கொண்டிருக்கிறது. முதல் இரண்டு சீசன்களைப் போலவே, இதையும் கமலே தொகுத்து வழங்குகிறார் என்ற தகவலும் வந்துள்ளது. இதற்கான புரொமோ ஷூட் கடந்த வாரம் நடைபெற்றுள்ளது. ஆனால் வழக்கம் போலவே இவர்கள் தான் போட்டியாளர்கள் என சமூக வலைதளைங்களில் அந்த நிகழ்ச்சியின் ரசிகர்கள் ஆளாளுக்கு ஒரு பட்டியல் வெளியிட்டு வருகின்றனர்.

 

joulie



இதனால் அதிர்ச்சியடைந்த  சம்பந்தப்பட்டவர்கள் மறுப்பு தெரிவித்து வருகின்றனர்.இந்நிலையில், முதல் சீசன் மூலம் பிரபலமான ஜூலி மீண்டும் மூன்றாவது சீசனில் கலந்து கொள்ள இருப்பதாக கடந்த சில நாட்களாக ஒரு தகவல் பரவி  வருகிறது.இந்தச் சூழ்நிலையில் ஜூலி மீண்டும் பிக் பாஸில் கலந்து கொள்கிறாரா என்ற சந்தேகம் மக்களுக்கு ஏற்பட்டுள்ளது.தான் பிக் பாஸ் 3ல் கலந்து கொள்ளவில்லை என உறுதியாக அவர் தெரிவித்துள்ளதாக கூறப்படுகிறது. ஜூலி தற்போது தொலைக்காட்சி நிகழ்ச்சித் தொகுப்பாளராகவும், சில படங்களில் நாயகியாகவும் பணியாற்றி வருகிறார்.
 

சார்ந்த செய்திகள்

Next Story

நிஜ வாழ்க்கையில் நடந்த தனுஷ் படக் கதை - பகிர்ந்த நடிகர்

Published on 28/03/2024 | Edited on 28/03/2024
kishen das got engaged to his best friend like in dhanush Thiruchitrambalam movie

அஜித்தின் நேர்கொண்ட பார்வை படம் மூலம் நடிகராக அறிமுகமானவர் கிஷன் தாஸ். அதில் சிறிய கதாபாத்திரத்தில் அவர் நடித்திருந்த நிலையில், ஹீரோவாக ‘முதல் நீ முடிவும் நீ’ படத்தில் நடித்ததன் மூலம் பிரபலமானார். பின்பு ஆர்.ஜே. பாலாஜி நடிப்பில் வெளியான சிங்கப்பூர் சலூன் படத்தில் முக்கிய கதாபாத்திரத்தில் நடித்திருந்தார். இப்போது தருணம், ஈரப்பதம் காற்று மழை உள்ளிட்ட படங்களை கைவசம் வைத்துள்ளார். 

இந்த நிலையில், கிஷன் தாஸுக்கு நிச்சயதார்த்தம் நடைபெற்றுள்ளது. இதனைத் தனது இன்ஸ்டாகிராம் பக்கத்தில் தெரிவித்த அவர், “அவள் இல்லை என மறுக்கவில்லை. திருச்சிற்றம்பலம் படக் கதை என் நிஜ வாழ்க்கையில் நடந்துள்ளது. என் நெருங்கிய நண்பருடன் நிச்சயதார்த்தம் நடைபெற்றுள்ளது” எனக் குறிப்பிட்டுள்ளார். மேலும் நிச்சயதார்த்த புகைப்படங்களையும் பகிர்ந்துள்ளார். 

அவருக்கு தற்போது மஞ்சிமா மோகன், ஆத்மிகா, கௌரி கிஷன் உள்ளிட்ட பல்வேறு திரைப் பிரபலங்கள் கிஷன் தாஸ் பதிவிற்கு வாழ்த்து தெரிவித்து கமெண்ட் செய்துள்ளனர். மேலும் ரசிகர்களும் வாழ்த்து கூறி வருகின்றனர்.    

Next Story

‘டிஜிட்டல் இந்தியா’ - அதிர்ச்சி அனுபவத்தைப் பகிர்ந்த நடிகை

Published on 27/03/2024 | Edited on 27/03/2024
hina khan beggar incident

பாலிவுட்டில் தொலைக்காட்சி தொடர்களிலும், நிகழ்ச்சிகளிலும் மற்றும் ஆல்பம் வீடியோக்களிலும் நடித்து வருகிறவர் நடிகை ஹினா கான். மேலும் டேமேஜ்டு 2 வெப் சீரிஸிலும் நடித்துள்ளார். இவர் தனது இன்ஸ்டாகிராம் ஸ்டோரியில் யாசகர் ஒருவரின் செயல் குறித்து பதிவிட்டிருந்தார். அது தற்போது சமூக வலைத்தளத்தில் வைரலாகி வருகிறது.

அந்தப் பதிவில், “நான் சிக்னலில் கிரீன் சிக்னலுக்காக காத்துக் கொண்டிருந்தேன். அப்போது ஒரு நபர் என் கார் கதவை தட்டினார். கொஞ்சம் பணம் கொடுத்து உதவ முடியுமா என்று கேட்டார். என்னிடம் பணம் இல்லை என்றேன். வீட்டில் தம்பி, தங்கைகள் இருக்கிறார்கள். தயவு செய்து ஏதாவது உதவுங்கள் என்றார். நான் மீண்டும் என்னிடம் பணம் இல்லை. ஸாரி என்றேன். கூகுள் பே இருக்கு மேடம். அந்த நம்பர் தருகிறேன் என்றார். அது எனக்கு அதிர்ச்சியளித்தது. 

பின்பு அவருக்கு கூகுள் பே மூலம் பணம் அனுப்ப முயற்சிக்கும் போது, ஒரு வாரத்துக்கான ரேஷன் பொருட்கள் வாங்க பணம் அனுப்புங்க மேடம் என்றார். இது என்னை மேலும் அதிர்ச்சியாக்கியது. டிஜிட்டல் இந்தியா தற்போது சிறந்ததாக இருக்கிறது” எனக் குறிப்பிட்டுள்ளார்.