Skip to main content

தண்ணீர் தேடும் தனுஷ்கோடி...

Published on 13/07/2021 | Edited on 13/07/2021

 

Dhanushkodi looking for water ...

 

உலக அளவில் குடிநீர் தட்டுப்பாடு என்பது நாளுக்கு நாள் அதிகரித்துவரும் நிலையில், கடும் குடிநீர் பஞ்சத்தை சந்தித்துள்ளது தமிழ்நாட்டு மீனவ கிராமம் ஒன்று.

 

ராமநாதபுரம் தனுஷ்கோடி மீனவ கிராமத்தில் போதிய குடிநீர் வசதி இல்லாமல், கிராம மக்கள் ஊத்து என்னும் தண்ணீர் சேகரிக்கும் முறையையே நம்பி வாழ்ந்துவருகின்றனர். சுற்றியிருக்கும் மணல்மேடுகளில் ஈரப்பதம் நிறைந்த இடத்தைத் தேடிப் பிடித்து, ஆழம் தோண்டி, அதில் ஊற்றெடுக்கும் நீரை சேகரித்தால்தான் அன்றைய நாளுக்கான குடிநீர் தேவையைப் பூர்த்தி செய்ய முடியும் என்ற நிலையில் உள்ள அக்கிராம மக்கள், இதைவிட்டால் காசு கொடுத்துத்தான் தண்ணீரைப் பெற முடியும் எனவும் வேதனை தெரிவிக்கின்றனர். 

 

அப்படி ஊற்று ஊறினாலும் தண்ணீர் எடுப்பது என்பது அவ்வளவு சுலபமல்ல. அகப்பையை வைத்து மணல் கலக்காமல் பொறுமையாக நீரை, தேனி தேன் சேகரிப்பது போல, குடத்தில் சேர்க்க வேண்டும். சில நேரங்களில் ஒரு குடம் நீரை சேகரிக்க ஒருமணி நேரம்கூட ஆகலாம் எனக்கூறும் அப்பகுதி பெண்கள், இதைவிட்டால் ஒரு குடம் நீரை 10 ரூபாய் கொடுத்துத்தான் வாங்க வேண்டும் எனவும் தெரிவித்துள்ளனர். சம்பந்தப்பட்ட அதிகாரிகள் இதுகுறித்து நடவடிக்கை எடுத்து தங்களது குடிநீர் பிரச்சனையைப் போக்க வேண்டும் என கோரிக்கையும் வைத்துள்ளனர்.

 

''கண்ணுக்கெட்டியவரை கடல் நீர், ஆனால் குடிக்கத்தான் முடியவில்லை'' என்று மணலுக்குள் தண்ணீர் தேடுகிறது தனுஷ்கோடி...

 

 

சார்ந்த செய்திகள்

 

Next Story

“கிணற்றில் கலக்கப்பட்டது மனிதக் கழிவு அல்ல...” - குடிநீர் வாரியம் விளக்கம்!

Published on 15/05/2024 | Edited on 15/05/2024
What is mixed in the well is not human waste Drinking water board explanation 

குடிநீர் கிணற்றில் கலக்கப்பட்டது மனிதக் கழிவு அல்ல தேன் அடை என தெரியவந்துள்ளது.

விழுப்புரம் மாவட்டம் விக்கிரவாண்டியில் உள்ள கஞ்சனூர் அருகே உள்ள கே.ஆர். பாளையம் திறந்தவெளி கிணற்றில் மனித கழிவு கலக்கப்பட்டதாக கிராம மக்கள் பரபரப்பு குற்றச்சாட்டை தெரிவித்திருந்தனர். இந்த கிணற்றிலிருந்து எடுக்கப்படும் தண்ணீரைத்தான் கே.ஆர். பாளையம் கிராமத்தில் வசிக்கும் 100க்கும் மேற்பட்ட வீடுகளுக்கு மோட்டார் மூலம் விநியோகிப்படுகிறது. இதனால் பொதுமக்கள் அதிர்ச்சி அடைந்தனர். இந்த புகார் குறித்து விக்கிரவாண்டி ஊராட்சி ஒன்றிய அதிகாரிகள் சம்பவ இடத்திற்கு நேரில் சென்று விசாரணை மேற்கொண்டனர்.

மேலும் கிணற்றின் தடுப்பு சுவரின் மீது ஏறி அமர்ந்து மர்ம நபர்கள் கிணற்றில் மனித கழிவை கலந்ததாக குற்றம் சாட்டப்பட்டது. இச்சம்பவம் மக்கள் மத்தியில் பெரும் அதிர்ச்சியையும் பரபரப்பையும் ஏற்படுத்தி இருந்தது. இந்நிலையில் குடிநீர் கிணற்றில் கலக்கப்பட்டது தேன் அடைதான் என தெரியவந்துள்ளது. இந்த தகவலை குடிநீர் வாரியப் பொறியாளர் மோகன் உறுதிப்படுத்தியுள்ளார். இந்த புகார் எழுந்த சமயத்தில் கிணற்றுக்குள் இறங்கி குடிநீர் வாரியப் பொறியாளர் ஆய்வு மேற்கொண்டதில் தேன் அடை என்பது தெரிய வந்தது. இதனால் அப்பகுதி பொதுமக்கள் நிம்மதி பெருமூச்சு விட்டனர். 

Next Story

செல்போனால் சிதறிய கவனம்; தலைக்குப்புற கவிழ்ந்த அரசு பேருந்து

Published on 09/05/2024 | Edited on 09/05/2024
Cell phone distracted attention; A government bus overturned

அண்மையில் ராஜபாளையத்தில் இருந்து ராமேஸ்வரத்திற்கு சென்று கொண்டிருந்த அரசு பேருந்து லாந்தை என்ற இடத்தில் பேருந்து சென்று கொண்டிருந்தபோது திடீரென பேருந்தின் முன்பக்க கண்ணாடி வெடித்துச் சிதறியது. இதில் பேருந்தின் ஓட்டுநர் முகத்தில் பட்டு காயம் ஏற்பட்டு ரத்தம் கொட்டியது. அதேபோல் பேருந்தில் முன்பக்க இருக்கையில் அமர்ந்திருந்த பெண் ஒருவரும் மயக்கம் அடைந்தார். இந்த சம்பவம் பரபரப்பை ஏற்படுத்தி இருந்த நிலையில் அதே ராமநாதபுரத்தில் செல்போன் பேசிக்கொண்டே பேருந்து ஓட்டுநர் பேருந்தை இயக்கியதில் பேருந்து கட்டுப்பாட்டை இழந்து பள்ளத்தில் விழுந்த சம்பவம் பரபரப்பை ஏற்படுத்தி இருக்கிறது.

ராமநாதபுரம் மாவட்டம் திருப்புல்லாணி அருகே சென்று கொண்டிருந்த பேருந்து திடீரென சாலை ஓரத்தில் உள்ள பள்ளத்தில் கவிழ்ந்தது. இதில் சுமார் 20க்கும் மேற்பட்டோர் காயமடைந்தனர். ராமநாதபுரம் பேருந்து நிலையத்திலிருந்து அந்த பேருந்து புறப்பட்டதிலிருந்து ஓட்டுநர் செல்போனில் யாருடனோ வாக்குவாதத்தில் ஈடுபட்டு பேசிக் கொண்டே சென்ற நிலையில், டிராக்டருக்கு வழி விடுவதற்காக பேருந்தை இயக்கிய போது பேருந்து நிலை தடுமாறி பள்ளத்தில் கவிழ்ந்தது தெரியவந்தது.