Skip to main content

காதல் ஜோடியை கொன்ற தொழிலாளிக்கு தூக்கு தண்டனை - தேனி நீதிமன்றத்தின் முதல் தீர்ப்பு..!

Published on 08/03/2018 | Edited on 08/03/2018
kathal


காதல் ஜோடியை கொன்று பெண் பிணத்தை பாலியல் பலாத்காரம் செய்த வழக்கில் தொழிலாளிக்கு தூக்கு தண்டனை விதித்திருக்கிறது தேனி மாவட்ட நீதிமன்றம். தேனி அருகே உள்ள கோட்டூரை சேர்ந்த தங்கநதி மகன் எழில்முதல்வன். இவர் கல்லூரியில் படித்து வந்தபோது முத்துதேவன்பட்டியைச் சேர்ந்த கணேசன் மகன் கஸ்தூரியை காதலித்து வந்தார். காதலர்களான  இருவரும் கடந்த 2011ம் வருடம் சுருளிமலைப் பகுதியில் உடலில் வெட்டுக்காயங்களுடன் இறந்து கிடந்தனர்.

இதை ராயப்பன்பட்டி போலீசார் வழக்குப் பதிவு செய்து விசாரணை செய்து வந்தனர். இதில் கருநாக்கமுத்தன்பட்டியைச் சேர்ந்த கட்டவெள்ளை என்ற திவாகர் தென்னை மரம் ஏறும் தொழிலாளி எப்பொழுதும் அரிவாளை வைத்திருப்பான் இந்த நிலையில் தான் சுருளிக்கு வந்த இருவரையும் அரிவாளால் வெட்டி கொலை செய்துவிட்டு கஸ்தூரி அணிந்திருந்த நகையை கொள்ளையடித்து சென்றதாக தெரிய வந்தது. இந்த பிரேத பரிசோதனையில் கஸ்தூரி இறந்தது திவாகர் கஸ்தூரியை பாலியல் பலாத்காரம் செய்திருக்கிறார் என்பதும் தெரிய வந்ததின் பேரில் திவாகர் கைது செய்யப்பட்டார்.

இந்த வழக்கு விசாரணையில் திருப்தி இல்லை என்பதால் சிபிசிஐடிக்கு மாற்ற வேண்டும் என பாதிக்கப்பட்ட இருதரப்பு பெற்றோர்களும் முதல்வருக்கு அப்போது மனு அனுப்பினர். அதன் அடிப்படையில் 2011 ஆகஸ்ட் மாதம் இந்த வழக்கு சிபிசிஐடிக்கு மாற்றப்பட்டது. அதன் அடிப்படையில் டிஎஸ்பி முத்துசந்திரலிங்கம் தலைமையிலான தனிப்படை போலீசார் இந்த வழக்கை விசாரித்தனர். இதில் 67 சாட்சிகள் தயார் செய்யப்பட்டு உத்தமபாளையம் நீதிமன்றத்தில் குற்றப்பத்திரிக்கை தாக்கல் செய்யபட்டது.
 

isuee


அதன் அடிப்படையில் இந்த வழக்கைத் தொடர்ந்து எட்டு ஆண்டுகளாக தேனி மாவட்ட அமர்வு நீதிமன்றத்தில் நடந்து வந்தது. அதனுடைய தீர்ப்பில் இரட்டை கொலை செய்த குற்றவாளி திவாகருக்கு தூக்கு தண்டனை விதித்து நீதியரசர் செந்தில்குமரேசன் தீர்ப்பளித்தார். அவர் மேலும் கூறியிருப்பதாவது... திவாகர், எழில்முதல்வனை கொலை செய்தவற்கு ஆயுள் தண்டனையும், ரூ.2000 அபராதமும், கஸ்தூரியை கொலை செய்தததற்கு தூக்கு தண்டனை, பலாத்காரம் செய்ததற்கு ஆயுள் தண்டனையும், ரூ.2000அபராதமும் நகையை கொள்ளை அடித்ததற்காக ஏழாண்டு சிறைத்தண்டனையும், ரூ.1000அபராதமும் விதித்து உத்தரவிட்டார்.

அதோடு இருதரப்பு பெற்றோருக்கும் தமிழக அரசு நிவாரண தொகை வழங்க வேண்டும் என நீதிபதி கூறியுள்ளார். தேனி மாவட்டத்தில் நீதிமன்றம் துவங்கப்பட்டு 12 ஆண்டுகளுக்கு பிறகு முதல் முறையாக இவ்வழக்கில் தூக்கு தண்டனை வழங்கப்பட்டது மாவட்டத்தில் பெரும் பரபரப்பை ஏற்படுத்தியுள்ளது.

சார்ந்த செய்திகள்

Next Story

ஒரு கிலோ கஞ்சா கடத்தியதற்கு தூக்கு; சிங்கப்பூரில் தமிழருக்கு தண்டனை நிறைவேற்றம்

Published on 26/04/2023 | Edited on 26/04/2023

 

 Hang for smuggling one kilogram of ganja; Execution of sentence for Tamil person in Singapore

 

உலகின் மிகக் கடுமையான போதைப்பொருள் எதிர்ப்பு சட்டங்கள் சிங்கப்பூரில் கடைபிடிக்கப்படுகின்றன. சிங்கப்பூர் சட்டம் போதைப்பொருள் கடத்தலுக்கு மரண தண்டனையை கட்டாயமாக்குகிறது.

 

இந்நிலையில் சிங்கப்பூரில் கஞ்சா கடத்தல் வழக்கில் சிறையிலிருந்த தமிழர் ஒருவருக்கு மரண தண்டனை அறிவிக்கப்பட்டு தூக்கிலிடப்பட்டுள்ளார். கடந்த 2013ம் ஆண்டு மலேசியாவிலிருந்து சிங்கப்பூருக்கு ஒரு கிலோ கஞ்சாவை விநியோகம் செய்வதற்கு போக்குவரத்துக்கான சதியில் ஈடுபட்டதாக தமிழரான தங்கராஜ் சுப்பையா என்பவர் மீது குற்றம் சாட்டப்பட்டு கைது செய்யப்பட்டார்.

 

இதற்காக தங்கராஜ் சுப்பையாவிற்கு மரண தண்டனை விதிக்கப்பட்ட நிலையில், கடந்த 9 ஆண்டுகளாக சிறையிலிருந்த அவர் இன்று தூக்கிலிடப்பட்டு தண்டனையானது நிறைவேற்றப்பட்டுள்ளது. இதற்கு முன்னதாகவே தூக்கு தண்டனையை ரத்து செய்ய வேண்டும் என கடந்த சில நாட்களுக்கு முன் தங்கராசுவின் குடும்பத்தினர்கள் மற்றும் சமூக ஆர்வலர்கள் சிங்கப்பூர் ஜனாதிபதிக்கு கடைசி நிமிட கருணை மனு கடிதங்களை வழங்கினர். ஆனால் அது ஏற்றுக்கொள்ளப்படாத சூழலில் அவர் தூக்கிலிடப்பட்டுள்ளார்.  

 

 

 

Next Story

7 மாத குழந்தைக்கு பாலியல் தொந்தரவு.. ராஜஸ்தான் புதிய சட்டத்தால் தூக்கு!

Published on 21/07/2018 | Edited on 21/07/2018

ராஜஸ்தான் மாநிலத்தில் 7 மாத குழந்தைக்கு பாலியல் வன்கொடுமை செய்த 19 வயது இளைஞருக்கு, அம்மாநிலத்தின் புதிய சட்டத்தின் மூலம் தூக்குத்தண்டனை விதித்து தீர்ப்பளிக்கப்பட்டது. 
 

Rape

 

 

 

பெண்களைப் பேணும் நாடு என்ற நிலை, இந்தியாவில் கொஞ்சம் கொஞ்சமாக மாறிக் கொண்டிருக்கிறது. பெண்கள், குழந்தைகள் மீதான பாலியல் குற்றங்கள் அதிகரிப்பதே அதற்கு உதாரணம். இதனைத் தடுக்க மத்திய அரசு போக்ஸோ சட்டத்தில் கடுமையான தண்டனைகள் விதிக்கும்படியான சில மாற்றங்களை ஏற்படுத்தியது. இருந்தாலும் அந்தக் குற்றங்கள் குறைந்தபாடில்லை. 
 

இந்நிலையில், மகாராஷ்டிரா மாநிலத்தில் பாலியல் வன்கொடுமைகளுக்கு எதிராக கடுமையான சட்டம் கொண்டுவரப்பட்டது. அதற்கடுத்தபடியாக ராஜஸ்தான் மாநிலத்திலும் சட்டத்திருத்தம் கொண்டுவந்தது அரசு. 12 வயதுக்கு உட்பட்ட குழந்தைகளை பாலியல் ரீதியில் சித்தரவதை செய்பவர்களுக்கு தூக்கு தண்டனை விதிக்கப்படும் என அறிவிக்கப்பட்டுள்ள நிலையில், அதன்மூலம் 19 வயது இளைஞருக்கு தூக்கு தண்டனை விதிக்கப்பட்டுள்ளது. 
 

கடந்தாண்டு டிசம்பர் மாதம் 7 மாத குழந்தையைக் கடத்திக் கொண்டுபோய் பாலியல் வன்புணர்வு செய்ததாக, 19 வயது இளைஞர் மீது குற்றம்சாட்டப்பட்டது. விசாரணை மற்றும் மருத்துவ அறிக்கைகள் குற்றத்தை உறுதிசெய்துள்ள நிலையில், தற்போது அந்த இளைஞருக்கு தூக்குதண்டனை விதித்து நீதிபதி தீர்ப்பளித்துள்ளார்.