Skip to main content

அங்கன்வாடியில் கலெக்டரின் மகள்

Published on 09/01/2019 | Edited on 09/01/2019

ஒருங்கிணைந்த குழந்தைகள் வளர்ச்சித் திட்ட குழந்தைகள் நிலமையமான அங்கன் வாடிகள் மாவட்டத்தில் செயல்பட்டு வருகின்றன. அத்திட்டத்தி்ன கீழ் நெல்லையின் ஆயுதப்படை மைதானம் அருகே அங்கன் வாடிமையம் ஒன்று செயல்பட்டு வருகிறது. இதன் பொறுப்பான பணியாளராக செல்வராணியும், உதவியாளராக ரேவதி என்பவரும் பணியிலிருக்கின்றனர்.

 

பொதுவாக சமூகத்தில் வறுமைக் கோட்டிற்கும் கீழே உள்ளவர்களின் பிள்ளைகள் தான் இது போன்ற அங்கன் வாடிமையத்தில் சேர்ந்து பயின்றுவருவது மரபு.

 

 The daughter of the Collector of Anganwadi

 

வழக்கப்படி தரையிலமர்ந்து தான் குழந்தைகள் பயில்கின்றனர்.

 

இதில் ஆச்சர்யம் மட்டுமல்ல, கேட்பவர்களின் புருவங்கள் உயருமளவுக்கு விஷயம் என்னவெனில் இந்த மையத்தில் பயில்கிற 20 குழந்தைகளோடு குழந்தையாக நெல்லை கலெக்டர் ஷில்பாவின் இளைய மகளான இரண்டரை வயது கீதாஞ்சலியும் கல்வி பயின்று வருவது தான். ஒரு மாவட்ட நிர்வாகத்தின் தலைமை அதிகாரி தன் மகளை இங்கு ஆரம்பகல்விக்காக சேர்த்து தான் கவனிக்கத்தக்கது.

 

இந்த மையத்தில் காலை மதியம், இரண்டு வேளைகளில் வாரநாட்களில் வித விதமான உணவுகள் குழந்தைகளுக்குத் தரப்படுகின்றன, அவர்களின் அறிவியல் திறனை வளர்க்கும் பொருட்டு படத்துடன் கூடிய பாடம் நடத்தப்படுவதால் கீதாஞ்சலி உட்பட அனைத்து குழந்தைகளும் ஆர்வமுடன் பயில்கின்றனர்.

 

கலெக்டரின் முகாம் அலுவலக ஊழியர்கள் தினசரி காலை கீதாஞ்சலியை அங்கே கொண்டு வந்து விட்டு விட்டு, மாலையில் திரும்ப அழைத்துச் செல்கின்றனர்.

 

கலெக்டரின் மகள் உட்பட அனைத்து குழந்தைகளும் குறித்த நேரத்திற்கு வருகிறார்கள். கற்றுத் தரப்படுகிற முன் பருவக் கல்வியை ஆர்வமுடன் படிக்கிறார்கள். என்கிறார் பணியாளர் செல்வராணி.

 

நான் சென்னையிலிருக்கும் போது கூட என் மகளை அங்குள்ள கார்ப்பரேஷன் பள்ளியில் தான் ஆரம்பக்கல்வியில் சேர்த்தேன் அதே முறையில் ஆரம்பகல்விக்காக தான் இங்கே அங்கன் வாடிக்கு அனுப்பியுள்ளேன் என்றார் கலெக்டர் ஷில்பா சாதாரணமாக.

 

 

 

சார்ந்த செய்திகள்

 

Next Story

அரசுப் பள்ளியில் அடிப்படை வசதி இல்லை; வகுப்புகளைப் புறக்கணித்து மாணவர்கள் போராட்டம்!

Published on 20/06/2024 | Edited on 20/06/2024
students boycotted lass and protested for basic facilities in govt schoo

திருவள்ளூர் மாவட்டம், ஊத்துக்கோட்டை அடுத்த பென்னாலூர் பேட்டை அரசு மேல்நிலைப் பள்ளியில் 6 ஆம் வகுப்பு முதல் 12 வகுப்பு வரை 313 மாணவர்கள் பயின்று வருகின்றனர். இப்பள்ளியில் கடந்த ஒரு மாத காலமாக முறையான குடிநீர் வசதியும் கழிப்பிட வசதியும் இல்லாமல் மாணவர்கள் தவித்து வருகின்றனர். இது தொடர்பாக தலைமை ஆசிரியரிடம் கூறினாலும் அவர் மாணவர்களைத் தரைக்குறைவாக பேசுவதாக குற்றம் சாட்டி மாணவர்கள் இன்று காலை வகுப்புகளைப் புறக்கணித்து அடிப்படை வசதிகள் நிவர்த்தி செய்து தர வேண்டும் எனக் கூறி பள்ளி நுழைவுவாயில் முன்பாக அமர்ந்து போராட்டத்தில் ஈடுபட்டனர். 

அப்பள்ளிக்கு 2021-2022 ஆம் ஆண்டு தலைமை ஆசிரியராக பணியில் சேர்ந்த ஜீவா பணியாற்றிய காலகட்டத்தில் 10-ஆம் வகுப்பு, 12-ஆம் வகுப்பு தேர்ச்சி சதவீதம் குறைந்து வருவதாகவும் 2021-2022 பனிரெண்டாம் வகுப்பு தேர்ச்சி விகிதம் 96 சதவீதமாகவும், 2022-2023 ஆண்டு 88 சதவீதமாகவும் 2023-2024 ஆண்டு 80 சதவீதமாகவும் குறைந்துள்ளது. பத்தாம் வகுப்பு தேர்ச்சி விகிதம் 2021-2022 ஆண்டு 96 சதவீதமாகவும் 2022-2023 ஆண்டு 81 சதவீதமாகவும் 2023-2024 ஆண்டு 77 சதவீதமாக அவர் பணியில் சேர்ந்த பின்னர் தேர்ச்சி விகிதம் வெகுவாக குறைந்துள்ளதாகவும் . தலைமையாசிரியர் மாணவர்கள் மற்றும் சக ஆசிரியர்கள் மத்தியில் தரக்குறைவாக நடந்து கொள்வதாகவும், இதனால் இப்பள்ளியில் பணியாற்றிய 12 ஆசிரியர்கள் பணியிடம் மாற்றம் கேட்டு சென்றிருப்பதால் மாற்றாக ஆசிரியர்கள் நிரப்பப்படாததால் 24 ஆசிரியர்கள் இருக்க வேண்டிய இடத்தில் 12 ஆசிரியர்கள் இருப்பதால் மாணவர்கள் கல்வி வெகுவாக பாதிக்கப்பட்டு இருப்பதாகவும் கூறப்படுகிறது. 

குறிப்பாக இப்பள்ளி ஆந்திரா எல்லையொட்டி அமைந்திருப்பதால் தெலுங்கு பேசும் மாணவர்கள் வசதிக்காக ஆறாம் வகுப்பு முதல் பத்தாம் வகுப்பு வரை தெலுங்கு மொழி பாடப்பிரிவு நடத்தப்பட்டு வருகின்றன. ஆந்திரா மாநிலத்தில் உள்ள அழகிரிப்பேட்டை, ஸ்ரீராமபுரம், மலகுண்டா, பங்காளம், கொடியம்பேடு, ஆகிய கிராமங்களில் இருந்து மாணவர்கள் தெலுங்கு தாய் மொழி பாடப்பிரிவு எடுத்து பயின்றவருகின்றனர். 

students boycotted lass and protested for basic facilities in govt schoo

கடந்த ஆண்டு ஒரே ஒரு மாணவர் தெலுங்கு பாடப்பிரிவு பயின்ற நிலையில் இந்தக் கல்வி ஆண்டில் தெலுங்கு மாணவர்கள் யாரும் சேரவில்லை. பள்ளியில் கல்வித்தரம் வெகுவாக குறைந்து வருவதால் பெற்றோர்கள் மாணவர்களை வேறொரு பள்ளியில் சேர்த்து வருவதால் அப்பள்ளியின் மாணவர்கள் சேர்க்கை கடந்த மூன்று ஆண்டுகளுக்கு முன்பு மாணவர் 450 ஆக இருந்தது. அது இந்தக் கல்வி ஆண்டில் 300 ஆக வெகுவாக குறைந்துள்ளது. தகவல் அறிந்து சம்பவ இடத்திற்கு வந்த மாவட்ட கல்வி அலுவலர் ரவிச்சந்திரனிடம் இது குறித்து வாக்குவாதத்தில் ஈடுபட்டனர். பின்னர் காவல்துறையினர் மாணவர்களிடம் பேச்சுவார்த்தையில் ஈடுபட்டனர். அப்போது மேற்கொண்ட பிரச்சினைகள் குறித்து விரைவில் நடவடிக்கை எடுக்கப்படும் என உறுதி அளித்ததின் பெயரில் மாணவர்கள் போராட்டத்தைக் கைவிட்டு கலந்து சென்றனர் இந்தப் போராட்டத்தால் பெரும் பரபரப்பு ஏற்பட்டது.

Next Story

மூட்டை மூட்டையாக வீசப்பட்ட மருத்துவ கழிவுகள்;  தனியார் மருத்துவமனை நிர்வாகம் அடாவடி

Published on 20/06/2024 | Edited on 20/06/2024
private hospital dumping medical waste near a government school in Karur

கரூர் மாநகராட்சிக்குட்பட்ட செல்லாண்டிபாளையம் பகுதியில் அரசு உயர்நிலைப் பள்ளி அமைந்துள்ளது. இதில் நூற்றுக்கணக்கான மாணவ, மாணவிகள் கல்வி பயின்று வருகின்றனர். அரசு பள்ளிக்குச் செல்லும் சாலையின் இரண்டு புறங்களிலும் குப்பைகள் கொட்டப்பட்டு மலை போல் குவிந்துள்ளது. மேலும், ஒரு பகுதியில் கொட்டப்பட்ட குப்பைகளுக்கு அடிக்கடி தீ வைக்கும் நிகழ்வும் ஏற்படுகிறது. 

இந்த நிலையில் கரூர் மாநகரில் அமைந்துள்ள தனியார் மருத்துவமனையில் நோயாளிகளுக்கு பயன்படுத்தப்பட்ட ஆன்டிபயாட்டிக் மருந்துகளின் நூற்றுக்கணக்கான கண்ணாடி பாட்டில்கள் சாக்கு மூட்டையில் நிரப்பி அந்தக் குப்பை மேட்டில் தூக்கி வீசப்பட்டுள்ளது. மேலும், அந்தத் தனியார் மருத்துவமனையில் நோயாளிகளின் விபரங்கள் அடங்கிய ஸ்கேன் சென்டர் சீட்டுகளும் சிதறிக் கிடந்தன.

இது குறித்து அப்பகுதியைச் சேர்ந்த இளைஞர்கள் மருத்துவமனையைத் தொடர்பு கொண்டு புகார் தெரிவித்த போது, மருத்துவமனை நிர்வாகம் நேரில் வந்து பேசுங்கள் என்று அலட்சியமாகப் பதில் அளித்ததாகக் குற்றம் சாட்டினர். மாநகராட்சி நிர்வாகம் அப்பகுதியில் குப்பைகள் கொட்டக்கூடாது என அறிவிப்பு பலகை வைத்திருந்தும், அதை மதிக்காமல் தனியார் மருத்துவமனை நிர்வாகம் மருத்துவமனை கழிவுகளை வீசி சென்றதால், அவ்வழியாக செல்லக்கூடிய அரசுப் பள்ளி மாணவர்களுக்கும், குடியிருப்பு பகுதி பொது மக்களுக்கும் நோய் தொற்று பரவும் அபாயம் உள்ளதால் மாநகராட்சி அதிகாரிகள் உரிய நடவடிக்கை எடுக்க வேண்டும் என்று கோரிக்கை விடுத்துள்ளனர்.