தாதா சாகேப் பால்கே விருதுகள் அறிவிப்பு!

தமிழ் உள்பட தென்னிந்திய சினிமாவுக்கான 2020-ஆம் ஆண்டு தாதா சாகேப் பால்கே விருதுகள் அறிவிக்கப்பட்டுள்ளது.

தாதாசாகேப் பால்கே சர்வதேச திரைப்பட விழா குழு அறிவித்துள்ளதன்படி, தமிழ் மொழிக்கான விருது பட்டியலில் ‘அசுரன்’ படத்தில் நடித்த தனுஷுக்கு சிறந்த நடிகருக்கான விருதும், ‘ராட்சசி’ படத்தில் நடித்த ஜோதிகாவுக்கு சிறந்த நடிகைக்கான விருதும், ‘ஒத்த செருப்பு சைஸ் 7’ படத்தை இயக்கிய பார்த்திபனுக்கு சிறந்த இயக்குனருக்கான தாதா சாகேப் பால்கே விருதும் அறிவிக்கப்பட்டுள்ளது.

மேலும், பன்முகத்தன்மை வாய்ந்த நடிகருக்கான தாதா சாகேப் பால்கே விருது நடிகர் அஜித்துக்கு அறிவிக்கப்பட்டுள்ளது. சிறந்த இசையமைப்பாளருக்கான விருது அனிருத்துக்கும், சிறந்த படத்திற்கான விருதுக்கு 'TO LET' படமும் தேர்வு செய்யப்பட்டுள்ளது. அதேபோல் நடிகர்கள் மோகன்லால், நாகார்ஜுனா உள்ளிட்டோருக்கும் விருதுகள் அறிவிக்கப்பட்டுள்ளன.