Skip to main content

வகுப்பறை இடிப்பு; பொதுமக்கள் சாலை மறியல் 

Published on 09/02/2023 | Edited on 09/02/2023

 

cuddalore virudhachalam nearest panchayat elementary school issue

 

கடலூர் மாவட்டம் விருத்தாசலம் அடுத்த வண்ணாங்குடிகாடு கிராமத்தில், ஊராட்சி ஒன்றிய தொடக்கப்பள்ளி அமைந்துள்ளது. இப்பள்ளியில் சுமார் நூற்றுக்கு மேற்பட்ட மாணவ, மாணவிகள் பயின்று வரும் நிலையில், இப்பள்ளி வளாகத்தில் இருந்த பழைய வகுப்பறை கட்டடங்களை இடித்து விட்டு, புதிய பள்ளிக் கட்டடம் கட்டப் போவதாகக் கூறி ஊராட்சி நிர்வாகம் சார்பில் பழைய பள்ளிக் கட்டடத்தை இடித்துள்ளனர். இதனால் கடந்த ஒரு வருடத்திற்கு மேலாக தொடக்கப்பள்ளியில் பயிலக்கூடிய மாணவ மாணவிகள் போதிய வகுப்பறை கட்டட வசதி இல்லாததால் சுமார் 500 மீட்டர் தொலைவில் உள்ள நடுநிலைப் பள்ளிக்குச் சென்று பயிலக் கூடிய அவல நிலை இருந்து வருகிறது.

 

இந்நிலையில் வண்ணாங்குடிகாடு கிராமத்தின் ஊராட்சி நிர்வாகம் மற்றும் ஊராட்சி மன்றத் தலைவர் மலர்கொடி, தன்னிச்சையாக செயல்பட்டு புதிய பள்ளிக்கூடம் கட்டுவதாகக் கூறப்பட்ட பள்ளி வளாகத்தில் ஊராட்சி மன்ற அலுவலகம் கட்டுவதற்காக பணிகளை மேற்கொண்டு வருகிறார். இதற்கு எதிர்ப்பு தெரிவித்த அக்கிராம மக்கள், மாணவர்களின் நலனுக்காக பள்ளி கட்டடங்கள் கட்டக் கோரி ஊராட்சி நிர்வாகம் மற்றும் மாவட்ட நிர்வாகத்திடம் பலமுறை புகார் அளித்துள்ளனர். ஆனால் ஊராட்சி நிர்வாகம் பள்ளி வளாகத்தில் ஊராட்சி மன்ற அலுவலகம் கட்டுவதில் தீவிரமாக இருந்துள்ளது. அதையடுத்து ஊராட்சி நிர்வாகம் மற்றும் மாவட்ட நிர்வாகத்தை கண்டித்து,  வண்ணாங்குடிகாடு கிராமத்தைச் சேர்ந்த 200க்கும் மேற்பட்ட மக்கள், கையில் பதாகைகளை ஏந்தி விருத்தாசலம் - ஜெயங்கொண்டம் செல்லும் சாலையில் அமர்ந்து மறியல் போராட்டத்தில் ஈடுபட்டனர்.

 

மறியல் போராட்டத்தின் போது ஏற்கனவே தங்களது கிராமத்தில் ஊராட்சி மன்ற அலுவலகம் உள்ள நிலையில் எதற்காக புதிதாக ஊராட்சி மன்ற அலுவலகம் கட்ட வேண்டும் என்றும்,  போதிய வகுப்பறை கட்டட வசதி இல்லாமல் மாணவர்கள் அவதி அடைந்து வரும் நிலையில், புதிய பள்ளி கட்டடம் கட்டுவதற்கு நிதி ஒதுக்கப்பட்டும், அலட்சியமாக செயல்படும் ஊராட்சி நிர்வாகம், மாவட்ட நிர்வாகம் மற்றும் பள்ளிக் கல்வித்துறையை கண்டித்தும் முழக்கங்களை எழுப்பி மறியலில் ஈடுபட்டனர். போராட்டத்தில் ஈடுபட்ட பொதுமக்கள் சாலையில் படுத்துக் கொண்டும், மரத்தை வெட்டி சாலை நடுவே குறுக்கே போட்டுக் கொண்டும் மறியல் போராட்டத்தில் ஈடுபட்டதால் பரபரப்பு ஏற்பட்டது. தகவல் அறிந்து, சம்பவ இடத்திற்கு வந்த கருவேப்பிலங்குறிச்சி காவல்துறையினர், உரிய நடவடிக்கை எடுப்பதாகக் கூறியும், சம்பந்தப்பட்ட வட்டார வளர்ச்சி அலுவலர், ஊராட்சி மன்றத் தலைவர் வரும் வரை போராட்டத்தை கைவிட மாட்டோம் எனக் காவல்துறையிடம் வாக்குவாதத்தில் ஈடுபட்டனர்.

 

இந்நிலையில், ஒரு மணி நேரத்திற்கு மேலாக சாலை மறியல் நடைபெற்றதால்,  விருத்தாசலம் - ஜெயங்கொண்டம் சாலையில் சுமார் ஒரு கிலோமீட்டர் தூரம் சாலையின் இருபுறமும் வாகனங்கள் அணிவகுத்து நின்றன. இதனால் கடும் போக்குவரத்து பாதிப்பு ஏற்பட்டது. பின்னர் சம்பவ இடத்திற்கு வந்த வட்டார வளர்ச்சி  அலுவலர், ஊராட்சி மன்ற அலுவலகம் கட்டும் பணியை நிறுத்துவதாகக் கூறிய பின்பு சாலை மறியலைக் கைவிட்டனர். 

 

 

சார்ந்த செய்திகள்

 

Next Story

கடலூர் மத்தியச் சிறையில் இரு கைதிகளுக்கு இடையே மோதல்

Published on 11/07/2024 | Edited on 11/07/2024
Clash between two inmates in Cuddalore Central Jail

கடலூர் மத்திய சிறையில் இரு கைதிகளுக்கு இடையே மோதல் ஏற்பட்டுள்ளது பெரும் பரபரப்பு ஏற்பட்டுள்ளது.

கடலூர் கேப்பர் மலையில் மத்திய சிறைச்சாலை உள்ளது. இங்கு 1500க்கும் மேற்பட்ட விசாரணை மற்றும் தண்டனை கைதிகள் அடைக்கப்பட்டுள்ளனர். இங்கு சென்னை திருவல்லிக்கேணியைச் சேர்ந்த அழகுமுத்து என்பவரும், நெய்வேலி அருகே உள்ள வடக்குத்து பகுதியைச் சேர்ந்த கோபி என்பவரும் கடந்த ஒரு வருடமாக விசாரணைக் கைதிகளாக  அடைக்கப்பட்டுள்ளனர்.

இந்நிலையில் இன்று (ஜூலை. 11) இருவருக்கும் இடையே வாக்குவாதம் ஏற்பட்டு, ஒருவரை ஒருவர் தாக்கிக் கொண்டதாகக் கூறப்படுகிறது. இதைப் பார்த்த சிறை காவலர்கள் அங்கு சென்று இருவரையும் விலக்கி விட்டனர். அதன் பின்னர் இருவரையும்  தனித்தனி அறையில் காவலர்கள் அடைத்தனர். காயம் அடைந்த கைதி கோபிக்கு உங்கள் சிறை மருத்துவமனையில் சிகிச்சை அளிக்கப்படுகிறது. இது குறித்து கடலூர் முதுநகர் போலீசார் விசாரணை நடத்தி வருகின்றனர். இந்தச் சம்பவம் கடலூர் மத்திய சிறையில் பரபரப்பை ஏற்படுத்தியது.

Next Story

மார்க்சிஸ்ட் கட்சியின் மாநில செயலாளரின் சகோதரர் மறைவு; அரசியல் கட்சி தலைவர்கள் அஞ்சலி!

Published on 10/07/2024 | Edited on 10/07/2024
State Secretary of the Marxist Party Bro Tribute to political party leaders

மார்க்சிஸ்ட் கம்யூனிஸ்ட் கட்சியின் தமிழகத்தின் மாநில செயலாளர் கே. பாலகிருஷ்ணனின் தம்பி கே. ராதாகிருஷ்ணன் (வயது 66). இவர் சிதம்பரம் அருகே அண்ணாமலை நகர் பேரூராட்சிக்கு உட்பட்ட திடல்வெளி பகுதியில் வசித்து வந்தார். இவர் உடல் நலக்குறைவால் தஞ்சாவூர் அரசு மருத்துவக் கல்லூரி மருத்துவமனையில் சிகிச்சை பெற்று வந்தவர் நேற்று (09.07.2024) மாலை சிகிச்சை பலனின்றி உயிரிழந்தார். இவரது உடல் அவரது வீட்டில் அஞ்சலிக்காக வைக்கப்பட்டது. இதனை அறிந்த தமிழக முதல்வர் மு.க ஸ்டாலின், முதல்வரின் தனிச் செயலாளர் தினேஷ், திராவிடர் கழக தலைவர் கி. வீரமணி, இந்திய கம்யூனிஸ்ட் கட்சியின் மாநில செயலாளர் முத்தரசன் ஆகியோர் தொலைப்பேசியில் தொடர்பு கொண்டு கே. பாலகிருஷ்ணனுக்கு ஆறுதல் கூறினார்கள்.

மேலும் தமிழக வேளாண் மற்றும் உழவர் நலத்துறை அமைச்சர் எம் ஆர் கே பன்னீர்செல்வம், மார்க்சிஸ்ட் கம்யூனிஸ்ட் கட்சியின் அரசியல் தலைமை குழு உறுப்பினர் ஜி. ராமகிருஷ்ணன், மத்திய குழு உறுப்பினர் உ. வாசுகி, மாநில செயற்குழு உறுப்பினர்கள் எம். குணசேகரன் கே சாமுவேல்ராஜ், விக்கிரவாண்டி தொகுதி முன்னாள் சிபிஎம் சட்டமன்ற உறுப்பினர் ஆர். ராமமூர்த்தி, சிபிஎம் கீழ் வேளூர் சட்டமன்ற உறுப்பினர் நாகை மாலி, கடலூர் மாவட்ட செயலாளர் கோ.மாதவன், தஞ்சை மாவட்ட செயலாளர் சின்னை பாண்டியன், விழுப்புரம் சுப்பிரமணியன், நாகப்பட்டினம் மாரிமுத்து, மயிலாடுதுறை சீனிவாசன், திருவாரூர் சுந்தரமூர்த்தி, கள்ளக்குறிச்சி ஜெய்சங்கர், மாதர் சங்க மாநிலத் தலைவர் வாலண்டினா, மாநில குழு உறுப்பினர் சுகந்தி. தீண்டாமை ஒழிப்பு முன்னணி மாநில தலைவர் செல்லக்கண்ணு, கடலூர் மாவட்ட செயற்குழு உறுப்பினர்கள் ஆறுமுகம் உதயகுமார் மருதவாணன் ராமச்சந்திரன் திருவரசு சுப்புராயன் ராஜேஷ் கண்ணன், தேன்மொழி ரவிச்சந்திரன் ஆகியோர் தங்களது ஆறுதல்களைத் தெரிவித்தனர். 

State Secretary of the Marxist Party Bro Tribute to political party leaders

அதே போன்று திமுக முன்னாள் எம்எல்ஏ சரவணன், கடலூர் கிழக்கு மாவட்டக் கழக பொருளாளர் கதிரவன், கடலூர் முன்னாள் சட்டமன்ற உறுப்பினர் இள.புகழேந்தி, அண்ணாமலை நகர் பேரூராட்சி தலைவர் பழனி, உள்ளிட்ட கட்சியினர். அதிமுக முன்னாள் அமைச்சர் எம் சி சம்பத், சிதம்பரம் சட்டமன்ற உறுப்பினர் கே ஏ பாண்டியன் குமராட்சி ஒன்றிய செயலாளர் சுந்தரமூர்த்தி மற்றும் கட்சியினர்.  காங்கிரஸ் கட்சியின் முன்னாள் மாநில தலைவர் கே எஸ் அழகிரி, விருதாச்சலம் சட்டமன்ற உறுப்பினர் ராதாகிருஷ்ணன், தெற்கு மாவட்ட தலைவர் செந்தில்நாதன், மாநில செயலாளர் சித்தார்தன், விடுதலை சிறுத்தைகள் கட்சியின் விழுப்புரம் தொகுதி எம்பி ரவிக்குமார், காட்டுமன்னார்கோவில் தொகுதி சட்டமன்ற உறுப்பினர் சிந்தனை செல்வன், மாவட்ட செயலாளர் அரங்க. தமிழ் ஒளி, மேற்கு மாவட்ட செயலாளர் மணவாளன், முன்னாள் மாவட்ட செயலாளர் பால.அறவாழி, செல்லப்பன் ஆகியோர் தங்களது ஆறுதல்களைத் தெரிவித்தனர்.

மேலும் தேமுதிக மாநில துணை பொதுச் செயலாளர் உமாநாத், மாவட்ட அவை தலைவர் பாலு, துணை செயலாளர் பானுச்சந்தர், பாட்டாளி மக்கள் கட்சியின் வன்னியர் சங்க மாநில தலைவர் பு.த அருள்மொழி, விவசாய அணி மாநில துணை செயலாளர் சஞ்சீவி, உழவர் பேரியக்க மாநில தலைவர் ஆலயமணி, இந்திய கம்யூனிஸ்ட் கட்சியின் மாநில நிர்வாகக்குழு உறுப்பினர் மணிவாசகம் வட்ட செயலாளர் தமிம்முன் அன்சாரி, மாவட்ட துணை செயலாளர் சேகர், மூவேந்தர் முன்னேற்ற கழக தலைவர் ஸ்ரீதர் வாண்டையார் உள்ளிட்ட கட்சியினர், மனிதநேய ஜனநாயக கட்சியின் தலைவரும் முன்னாள் நாகை சட்டமன்ற உறுப்பினருமான தமிம்முன் அன்சாரி, மாநில துணை செயலாளர்கள் நெய்வேலி இப்ராகிம், அமித் ஜாபர், இந்திய ஜனநாயக வாலிபர் சங்க மாநில செயலாளர் ஏ வி சிங்காரவேல். உள்ளிட்ட அனைத்து கட்சி தலைவர்கள், நிர்வாகிகள், பொதுமக்கள், உறவினர்கள், நண்பர்கள் என அனைத்து தரப்பினரும் கலந்து கொண்டு அவரது உடலுக்கு மலர் வைத்து அஞ்சலி செலுத்தினார்கள். இதனைத் தொடர்ந்து மாலையில் அதே பகுதியில் உள்ள இடுகாட்டில் அவரது உடல் அடக்கம் செய்யப்பட்டது.